ઋગ્વેદ · અધ્યાય 1.005

આ ત્વ્ એતા નિ ષીદતેન્દ્રમ્ અભિ પ્ર ગાયત ।
સખાયઃ સ્તોમવાહસઃ ॥

પુરૂતમમ્ પુરૂણામ્ ઈશાનં વાર્યાણામ્ ।
ઇન્દ્રં સોમે સચા સુતે ॥

સ ઘા નો યોગ આ ભુવત્ સ રાયે સ પુરંધ્યામ્ ।
ગમદ્ વાજેભિર્ આ સ નઃ ॥

યસ્ય સંસ્થે ન વૃણ્વતે હરી સમત્સુ શત્રવઃ ।
તસ્મા ઇન્દ્રાય ગાયત ॥

સુતપાવ્ને સુતા ઇમે શુચયો યન્તિ વીતયે ।
સોમાસો દધ્યાશિરઃ ॥

ત્વં સુતસ્ય પીતયે સદ્યો વૃદ્ધો અજાયથાઃ ।
ઇન્દ્ર જ્યૈષ્ઠ્યાય સુક્રતો ॥

આ ત્વા વિશન્ત્વ્ આશવઃ સોમાસ ઇન્દ્ર ગિર્વણઃ ।
શં તે સન્તુ પ્રચેતસે ॥

ત્વાં સ્તોમા અવીવૃધન્ ત્વામ્ ઉક્થા શતક્રતો ।
ત્વાં વર્ધન્તુ નો ગિરઃ ॥

અક્ષિતોતિઃ સનેદ્ ઇમં વાજમ્ ઇન્દ્રઃ સહસ્રિણમ્ ।
યસ્મિન્ વિશ્વાનિ પૌંસ્યા ॥

મા નો મર્તા અભિ દ્રુહન્ તનૂનામ્ ઇન્દ્ર ગિર્વણઃ ।
ઈશાનો યવયા વધમ્ ॥