રેવાખાણ્ડ (સંશોધિત પાઠ) · અધ્યાય 79

॥ ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં પઞ્ચમ આવન્ત્યખણ્ડે રેવાખણ્ડે નારદેશ્વરતીર્થમાહાત્મ્યવર્ણનં નામાષ્ટસપ્તતિતમો ઽધ્યાયઃ ॥
ર્ક્વ્ અધ્યાય 79
શ્રીમાર્કણ્ડેય ઉવાચ:
તતો ગચ્છેત્તુ રાજેન્દ્ર તીર્થદ્વયમનુત્તમમ્ ।
દધિસ્કન્દં મધુસ્કન્દં સર્વપાપક્ષયંકરમ્

દધિસ્કન્દે નરઃ સ્નાત્વા યસ્તુ દદ્યાદ્ દ્વિજે દધિ ।
ઉપતિષ્ઠેત્તતસ્તસ્ય સપ્તજન્મનિ ભારત

ન વ્યાધિર્ન જરા તસ્ય ન શોકો નૈવ મત્સરઃ ।
દશચન્દ્રશતં યાવજ્જાયતે વિમલે કુલે

મધુસ્કન્દે ઽપિ મધુના મિશ્રિતાન્યસ્તિલાન્દદેત્ ।
નાસૌ વૈવસ્વતં દેવં પશ્યેદ્ વૈ જન્મસપ્તતિમ્

મધુના સહ સમ્મિશ્રં પિણ્ડં યસ્તુ પ્રદાપયેત્ ।
તસ્ય પૌત્રપ્રપૌત્રેભ્યો દારિદ્ર્યં નૈવ જાયતે

દધિભિઃ સહ સંમિશ્રં પિણ્ડં યસ્તુ પ્રદાપયેત્ ।
તસ્મિંસ્તીર્થે નરઃ સ્નાત્વા વિધિવદ્દક્ષિણામુખઃ

પિતા પિતામહશ્ચૈવ તથૈવ પ્રપિતામહઃ ।
દ્વાદશાબ્દાનિ તુષ્યન્તિ નાત્ર કાર્યા વિચારણા