રેવાખાણ્ડ (સંશોધિત પાઠ) · અધ્યાય 78

॥ ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં પઞ્ચમ આવન્ત્યખણ્ડે રેવાખણ્ડે ભીમેશ્વરતીર્થમાહાત્મ્યવર્ણનં નામ સપ્તસપ્તતિતમો ઽધ્યાયઃ ॥
ર્ક્વ્ અધ્યાય 78
શ્રીમાર્કણ્ડેય ઉવાચ:
તતો ગચ્છેત્તુ રાજેન્દ્ર નરદેશ્વરમુત્તમમ્ ।
તીર્થાનાં પરમં તીર્થં નિર્મિતં નારદેન તુ

યુધિષ્ઠિર ઉવાચ:
નારદેન મુનિશ્રેષ્ઠ કસ્માત્તીર્થં વિનિર્મિતમ્ ।
એતદાખ્યાહિ મે સર્વં પ્રસન્નો યદિ સત્તમ

શ્રીમાર્કણ્ડેય ઉવાચ:
પરમેષ્ઠિસુતઃ પાર્થ નારદો મુનિસત્તમઃ ।
રેવાયાશ્ચોત્તરે કૂલે તપસ્તેન પુરા કૃતમ્

નવનાડીનિરોધેન કાષ્ઠાવત્યાં ગતેન ચ ।
તોષિતઃ પશુભર્તા વૈ નારદેન યુધિષ્ઠિર

ઈશ્વર ઉવાચ:
તુષ્ટો ઽહં તવ વિપ્રેન્દ્ર યોગિનાથ અયોનિજ ।
વરં પ્રાર્થય મે વત્સ યસ્તે મનસિ વર્તતે

નારદ ઉવાચ:
ત્વત્પ્રસાદેન મે શમ્ભો યોગશ્ચૈવ પ્રસિધ્યતુ ।
અચલા તે ભવેદ્ભક્તિઃ સર્વકાલં મમૈવ તુ

સ્વેચ્છાચારી ભવે દેવ વેદવેદાઙ્ગપારગઃ ।
ત્રિકાલજ્ઞો જગન્નાથ ગીતજ્ઞો ઽહં સદા ભવે

દિને દિને યથા યુદ્ધં દેવદાનવમાનુષૈઃ ।
પાતાલે મર્ત્યલોકે વા સ્વર્ગે વાપિ મહેશ્વર

પશ્યેયં ત્વત્પ્રસાદેન ભવન્તં પાર્વતીં તથા ।
તીર્થં લોકેષુ વિખ્યાતં સર્વપાપક્ષયંકરમ્

ઈશ્વર ઉવાચ:
એવં નારદ સર્વં તુ ભવિષ્યતિ ન સંશયઃ ।
ચિન્તિતં મત્પ્રસાદેન સિધ્યતે નાત્ર સંશયઃ

સ્વેચ્છાચારો ભવેર્વત્સ સ્વર્ગે પાતાલગોચરે ।
મર્ત્યે વા ભ્રમ વૈ યોગિન્ન કેનાપિ નિવાર્યસે

સપ્ત સ્વરાસ્ત્રયો ગ્રામા મૂર્ચ્છનાશ્ચૈકવિંશતિઃ ।
તાના એકોનપઞ્ચાશત્પ્રસાદાન્મે તવ ધ્રુવમ્

મમ પ્રિયંકરં દિવ્યં નૃત્યગીતં ભવિષ્યતિ ।
કલિં ચ પશ્યસે નિત્યં દેવદાનવકિન્નરૈઃ

ત્વત્તીર્થં ભૂતલે પુણ્યં મત્પ્રસાદાદ્ ભવિષ્યતિ ।
વેદવેદાઙ્ગતત્ત્વજ્ઞો હ્યશેષજ્ઞાનકોવિદઃ ।
એકસ્ત્વમસિ નિઃસઙ્ગો મત્પ્રસાદેન નારદ

ઇત્યુક્ત્વાન્તર્દધે દેવો નારદસ્તત્ર શૂલિનમ્ ।
સ્થાપયામાસ રાજેન્દ્ર સર્વસત્ત્વોપકારકમ્

પૃથિવ્યામુત્તમં તીર્થં નિર્મિતં નારદેન તુ ।
તત્ર તીર્થે નૃપશ્રેષ્ઠ યો ગચ્છેદ્વિજિતેન્દ્રિયઃ

માસિ ભાદ્રપદે પાર્થ કૃષ્ણપક્ષે ચતુર્દશી ।
ઉપોષ્ય પરયા ભક્ત્યા રાત્રૌ કુર્વીત જાગરમ્

છત્રં તત્ર પ્રદાતવ્યં બ્રાહ્મણે શુભલક્ષણે ।
શસ્ત્રેણ તુ હતા યે વૈ તેષાં શ્રાદ્ધં પ્રદાપયેત્ ।
તે યાન્તિ પરમં લોકં પિણ્ડદાનપ્રભાવતઃ

કપિલા તત્ર દાતવ્યા પિત્ઃન્ ઉદ્દિશ્ય ભારત ।
ઇત્યુચ્ચાર્ય દ્વિજે દેયા યાન્તુ તે પરમાં ગતિમ્

અસ્ય શ્રાદ્ધસ્ય ભાવેન બ્રાહ્મણસ્ય પ્રસાદતઃ ।
નર્મદાતોયભાવેન ન્યાયાર્જિતધનસ્ય ચ ।
તેષાં ચૈવ પ્રભાવેન પ્રેતા યાન્તુ પરાં ગતિમ્

ઇત્યુચ્ચાર્ય દ્વિજે દેયા દક્ષિણા ચ સ્વશક્તિતઃ ।
હવિષ્યાન્નં વિશાલાક્ષ દ્વિજાનાં ચૈવ દાપયેત્

દીપં ભક્ત્યા પ્રદાતવ્યં નૃત્યં ગીતં ચ કારયેત્ ।
અવાપ્તં તેન વૈ સર્વં યઃ કરોતીશ્વરાલયે

સ યાતિ રુદ્રસાંનિધ્યમ્ ઇતિ રુદ્રઃ સ્વયં જગૌ ।
વિદ્યાદાનેન ચૈકેન અક્ષયાં ગતિમ્ આપ્નુયાત્

ધૂર્વહાસ્તત્ર દાતવ્યા ભૂમિઃ સસ્યવતી નૃપ ।
ચિત્રભાનું શુભૈર્મન્ત્રૈઃ પ્રીણયેત્ તત્ર ભક્તિતઃ

આજ્યેન સુપ્રભૂતેન હોમદ્રવ્યેણ ભારત ।
યે યજન્તિ સદા ભક્ત્યા ત્રિકાલં નૃત્યમેવ ચ

તીર્થે નારદનામાખ્યે રેવાયાશ્ચોત્તરે તટે ।
ચિત્રભાનુમુખા દેવાઃ સર્વદેવમય ઋષિઃ

ઋષિણા પ્રીણિતાઃ સર્વે તસ્માત્ પ્રીત્યો હુતાશનઃ ।
પૂજિતે હવ્યવાહે તુ દારિદ્ર્યં નૈવ જાયતે

ધનેન વિપુલા પ્રીતિર્ જાયતે પ્રતિજન્મનિ ।
કુલીનાશ્ચ સુવેષાશ્ચ સર્વકાલં ધનેન તુ

પ્લવો નદીનાં પતિરઙ્ગનાનાં રાજા ચ સદ્વૃત્તરતઃ પ્રજાનામ્ ।
ધનં નરાણામૃતવસ્તરૂણાં ગતં ગતં યૌવનમાનયન્તિ

ધનદત્વં ધનેશેન તસ્મિંસ્તીર્થે હ્યુપાર્જિતમ્ ।
યમેન ચ યમત્વં હિ ઇન્દ્રત્વં ચૈવ વજ્રિણા

અન્યૈરપિ મહીપાલૈઃ પાર્થિવત્વમુપાર્જિતમ્ ।
નારદેશ્વરમાહાત્મ્યાદ્ ધ્રુવો નિશ્ચલતાં ગતઃ

સર્વતીર્થવરં તીર્થં નિર્મિતં નારદેન તુ ।
પૃથિવ્યાં સાગરાન્તાયાં રેવાયાશ્ચોત્તરે તટે ।
તદ્વરં સર્વતીર્થાનાં મહાપાતકનાશનમ્