રેવાખાણ્ડ (સંશોધિત પાઠ) · અધ્યાય 80

॥ ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં પઞ્ચમ આવન્ત્યખણ્ડે રેવાખણ્ડે દધિસ્કન્દમધુસ્કન્દતીર્થમાહાત્મ્યવર્ણનં નામૈકોનાશીતિતમો ઽધ્યાયઃ ॥
ર્ક્વ્ અધ્યાય 80
શ્રીમાર્કણ્ડેય ઉવાચ:
તતો ગચ્છેત્તુ રાજેન્દ્ર નન્દિકેશ્વરમુત્તમમ્ ।
યત્ર સિદ્ધો મહાનન્દી તત્તે સર્વં વદામ્યહમ્

રેવાયાં પુરતઃ કૃત્વા પુરા નન્દી ગણેશ્વરઃ ।
તપસ્તપઞ્જયં કુર્વંસ્તીર્થાત્તીર્થં જગામ હ

દધિસ્કન્દં મધુસ્કન્દં યાવત્ત્યક્ત્વા તુ ગચ્છતિ ।
તાવત્તુષ્ટો મહાદેવો નન્દિનાથમુવાચ હ

ઈશ્વર ઉવાચ:
ભોભોઃ પ્રસન્નો નન્દીશ વરં વૃણુ યથેપ્સિતમ્ ।
તપસા તેન તુષ્ટો ઽહં તીર્થયાત્રાકૃતેન તે

નન્દીશ્વર ઉવાચ:
ન ચાહં કામયે વિત્તં ન ચાહં કુલસન્તતિમ્ ।
મુક્ત્વા ન કામયે કામં તવ પાદામ્બુજાત્પરમ્

કૃમિકીટપતઙ્ગેષુ તિર્યગ્યોનિં ગતસ્ય વા ।
જન્મ જન્માન્તરે ઽપ્યસ્તુ ભક્તિસ્ત્વયિ મમાચલા

તથેત્યુક્ત્વા મહાદેવઃ પરયા કૃપયા નૃપ ।
ગૃહીત્વા તં કરે સિદ્ધં જગામ નિલયં હરઃ

તસ્મિંસ્તીર્થે તુ યઃ સ્નાત્વા ભક્ત્યા ત્ર્યક્ષં પ્રપૂજયેત્ ।
અગ્નિષ્ટોમસ્ય યજ્ઞસ્ય ફલં પ્રાપ્નોતિ માનવઃ

તત્ર તીર્થે તુ યઃ સ્નાત્વા પ્રાણત્યાગં કરોતિ ચેત્ ।
શિવસ્યાનુચરો ભૂત્વા મોદતે કલ્પમક્ષયમ્

તતઃ કાલેન મહતા જાયતે વિમલે કુલે ।
વેદવેદાઙ્ગતત્ત્વજ્ઞો જીવેચ્ચ શરદાં શતમ્

એતત્તે કથિતં તાત તીર્થમાહાત્મ્યમુત્તમમ્ ।
દુર્લભં મર્ત્યસંજ્ઞસ્ય સર્વપાપક્ષયંકરમ્