રેવાખાણ્ડ (સંશોધિત પાઠ) · અધ્યાય 77

॥ ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં પઞ્ચમ આવન્ત્યખણ્ડે રેવાખણ્ડે પારેશ્વરતીર્થમાહાત્મ્યવર્ણનં નામ ષટ્સપ્તતિતમો ઽધ્યાયઃ ॥
ર્ક્વ્ અધ્યાય 77
શ્રીમાર્કણ્ડેય ઉવાચ:
ભીમેશ્વરં તતો ગચ્છેત્ સર્વપાપક્ષયંકરમ્ ।
સેવિતં ઋષિસઙ્ઘૈશ્ચ ભીમવ્રતધરૈઃ શુભૈઃ

તત્ર તીર્થે તુ યઃ સ્નાત્વા સોપવાસો જિતેન્દ્રિયઃ ।
જપેદ્ એકાક્ષરં મન્ત્રમૂર્ધ્વબાહુર્દિવાકરે

તસ્ય જન્માર્જિતં પાપં તત્ક્ષણાદેવ નશ્યતિ ।
સપ્તજન્માર્જિતં પાપં ગાયત્ર્યા નશ્યતે ધ્રુવમ્

દશભિર્ જન્મભિર્ જાતં શતેન તુ પુરા કૃતમ્ ।
સહસ્રેણ ત્રિજન્મોત્થં ગાયત્રી હન્તિ કિલ્બિષમ્

વૈદિકં લૌકિકં વાપિ જાપ્યં જપ્તં નરેશ્વર ।
તત્ક્ષણાદ્ દહતે સર્વં તૃણં તુ જ્વલનો યથા

ન દેવબલમાશ્રિત્ય કદાચિત્ પાપમ્ આચરેત્ ।
અજ્ઞાનાન્ નશ્યતે ક્ષિપ્રં નોત્તરં તુ કદાચન

તત્ર તીર્થે તુ યો દાનં શક્તિમ્ આશ્રિત્ય ચાચરેત્ ।
તદક્ષય્યફલં સર્વં જાયતે પાણ્ડુનન્દન