રેવાખાણ્ડ (સંશોધિત પાઠ) · અધ્યાય 76

॥ ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં પઞ્ચમ આવન્ત્યખણ્ડે રેવાખણ્ડે શઙ્ખચૂડતીર્થમાહાત્મ્યવર્ણનં નામ પઞ્ચસપ્તતિતમો ઽધ્યાયઃ ॥
ર્ક્વ્ અધ્યાય 76
શ્રીમાર્કણ્ડેય ઉવાચ:
તતો ગચ્છેત્તુ રાજેન્દ્ર પારેશ્વરમ્ અનુત્તમમ્ ।
પરાશરો મહાત્મા વૈ નર્મદાયાસ્તટે શુભે

તપશ્ચચાર વિપુલં પુત્રાર્થં પાણ્ડુનન્દન ।
હિમવદ્દુહિતા તેન ગૌરી નારાયણી નૃપ

તોષિતા પરયા ભક્ત્યા નર્મદોત્તરકે તટે ।
તસ્ય તુષ્ટા મહાદેવી શઙ્કરાર્ધાઙ્ગધારિણી

ભોભો ઋષિવર શ્રેષ્ઠ તુષ્ટાહં તવ ભક્તિતઃ ।
વરં યાચય મે વિપ્ર પરાશર મહામતે

પરાશર ઉવાચ:
પરિતુષ્ટાસિ મે દેવિ યદિ દેયો વરો મમ ।
દેહિ પુત્રં ભગવતિ સત્યશૌચગુણાન્વિતમ્

વેદાભ્યસનશીલં હિ સર્વશાસ્ત્રવિશારદમ્ ।
તીર્થે ચાત્ર ભવેદ્ દેવિ સન્નિધાનવરેણ તુ

લોકોપકારહેતોશ્ચ સ્થીયતાં ગિરિનન્દિનિ ।
પરાશરાભિધાનેન નર્મદાદક્ષિણે તટે

શ્રીદેવ્યુવાચ:
એવં ભવતુ તે વિપ્ર તત્રૈવાન્તરધીયત ।
પરાશરો મહાત્મા વૈ સ્થાપયામાસ પાર્વતીમ્

શઙ્કરં સ્થાપયામાસ સુરાસુરનમસ્કૃતમ્ ।
અચ્છેદ્યમ્ અપ્રતર્ક્યં ચ દેવાનાં તુ દુરાસદમ્

પરાશરો મહાત્મા વૈ કૃતાર્થો હ્યભવન્ નૃપ

તત્ર તીર્થે તુ યો ભક્ત્યા શુચિઃ પ્રયતમાનસઃ ।
સ્ત્ર્યથવા પુરુષો વાપિ કામક્રોધવિવર્જિતઃ

માઘે ચૈત્રે ઽથ વૈશાખે શ્રાવણે નૃપનન્દન ।
માસિ માર્ગશિરે ચૈવ શુક્લપક્ષે તુ સર્વદા

તત્ર ગત્વા શુભે સ્થાને નર્મદાદક્ષિણે તટે

ઉપોષ્ય પરયા ભક્ત્યા વ્રતમ્ એતત્ સમાચરેત્ ।
રાત્રૌ જાગરણં કૃત્વા દીપદાનં સ્વશક્તિતઃ

ગીતં નૃત્યં તથા વાદ્યં કામક્રોધવિવર્જિતઃ ।
પ્રભાતે વિમલે પ્રાપ્તે દ્વિજાઃ પૂજ્યાઃ સ્વશક્તિતઃ

સમ્પૂજ્ય બ્રાહ્મણાન્ પાર્થ ધનદાનહિરણ્યતઃ ।
વસ્ત્રેણ છત્રદાનેન શય્યાતામ્બૂલભોજનૈઃ

પ્રીણયેન્નર્મદાતીરે બ્રાહ્મણાઞ્છંસિતવ્રતાન્ ।
શ્રાદ્ધં કાર્યં નૃપશ્રેષ્ઠ આમૈઃ પક્વૈર્જલેન ચ

સ્ત્રીણાં ચૈવ તુ શૂદ્રાણામ્ આમશ્રાદ્ધં પ્રશસ્યતે ।
આમં ચતુર્ગુણં દેયં બ્રાહ્મણાનાં યુધિષ્ઠિર

વેદોક્તેન વિધાનેન દ્વિજાઃ પૂજ્યાઃ પ્રયત્નતઃ ।
હસ્તમાત્રૈઃ કુશૈશ્ચૈવ તિલૈશ્ચૈવાક્ષતૈર્નૃપ

વિપ્રા ઉદઙ્મુખાઃ કાર્યાઃ સ્વયં વૈ દક્ષિણામુખઃ ।
દર્ભેષુ નિક્ષિપેદન્નમિત્યુચ્ચાર્ય દ્વિજાગ્રતઃ

પ્રેતા યાન્તુ પરે લોકે તીર્થસ્યાસ્ય પ્રભાવતઃ ।
પાપં મે પ્રશમં યાતુ એતુ વૃદ્ધિં શુભં સદા

વૃદ્ધિં યાતુ સદા વંશો જ્ઞાતિવર્ગો દ્વિજોત્તમ ।
એવમુચ્ચાર્ય વિપ્રાય દાનં દેયં સ્વશક્તિતઃ

ગોભૂતિસહિરણ્યાદિ ચાન્નં વસ્ત્રં સ્વશક્તિતઃ ।
દાતવ્યં પાણ્ડવશ્રેષ્ઠ પારેશ્વરવરાશ્રમે

યે શૃણ્વન્તિ પરં ભક્ત્યા મુચ્યન્તે સર્વપાતકૈઃ