રેવાખાણ્ડ (સંશોધિત પાઠ) · અધ્યાય 61

॥ ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં પઞ્ચમ આવન્ત્યખણ્ડે રેવાખણ્ડે આદિત્યેશ્વરતીર્થમાહાત્મ્યવર્ણનં નામ ષષ્ટિતમો ઽધ્યાયઃ ॥
ર્ક્વ્ અધ્યાય 61
શ્રીમાર્કણ્ડેય ઉવાચ:
તતો ગચ્છેત્ પરં પુણ્યં નર્મદાદક્ષિણે તટે ।
શક્રતીર્થં સુવિખ્યાતમ્ અશેષાઘવિનાશનમ્

પુરા શક્રેણ તત્રૈવ તપો વૈ દુરતિક્રમમ્ ।
પ્રારબ્ધં પરયા ભક્ત્યા દેવં પ્રતિ મહેશ્વરમ્

તતઃ સંતોષિતો દેવ ઉમાપતિર્ નરાધિપ ।
દેવેન્દ્રત્વં વરં રાજ્યં દાનવાનાં વધં દદૌ

લબ્ધં શક્રેણ નૃપતે નર્મદાતીર્થભાવતઃ ।
તતઃ પુણ્યતમં તીર્થં સંજાતં વસુધાતલે

કાર્ત્તિકસ્ય તુ માસસ્ય કૃષ્ણપક્ષે ત્રયોદશીમ્ ।
ઉપોષ્ય વૈ નરો ભક્ત્યા સર્વપાપૈઃ પ્રમુચ્યતે

દુઃસ્વપ્નસમ્ભવૈઃ પાપૈર્દુર્નિમિત્તસમુદ્ભવૈઃ ।
ગ્રહશાકિનિસમ્ભૂતૈર્ મુચ્યતે પાણ્ડુનન્દન

શક્રેશ્વરં નૃપશ્રેષ્ઠ યે પ્રપશ્યન્તિ ભક્તિતઃ ।
તેષાં જન્મકૃતં પાપં નશ્યતે નાત્ર સંશયઃ

અગમ્યાગમને ચૈવ અવાહ્યે ચૈવ વાહિતે ।
સ્વામિમિત્રવિઘાતે યન્નશ્યતે નાત્ર સંશયઃ

ગોપ્રદાનં પ્રકર્તવ્યં શુભં બ્રાહ્મણપુંગવે ।
ધુર્યં વા દાપયેત્ તસ્મિન્ સર્વાઙ્ગરુચિરં નૃપ

દાતવ્યં પરયા ભક્ત્યા સ્વર્ગે વાસમભીપ્સતા ।
એતત્ તે સર્વમ્ આખ્યાતં શક્રેશ્વરફલં નૃપ