રેવાખાણ્ડ (સંશોધિત પાઠ) · અધ્યાય 30

॥ ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં પઞ્ચમ આવન્ત્યખણ્ડે રેવાખણ્ડે નર્મદામાહાત્મ્યે કાવેરીસઙ્ગમમાહાત્મ્યવર્ણનં નામૈકોનત્રિંશો ઽધ્યાયઃ ॥
ર્ક્વ્ અધ્યાય 30
શ્રીમાર્કણ્ડેય ઉવાચ:
નર્મદોત્તરકૂલે તુ દારુતીર્થમનુત્તમમ્ ।
યત્ર સિદ્ધો મહાભાગ તપસ્તપ્ત્વા દ્વિજોત્તમઃ

યુધિષ્ઠિર ઉવાચ:
કો ઽસૌ દ્વિજવરશ્રેષ્ઠઃ સિદ્ધસ્તત્ર મહામુને ।
દારુકેતિ સુતઃ કસ્ય એતન્મે વક્તુમ્ અર્હસિ

શ્રીમાર્કણ્ડેય ઉવાચ:
ભાર્ગવે વિપુલે વંશે ધીમતો દેવશાર્મણઃ ।
દારુર્નામ મહાભાગો વેદવેદાઙ્ગપારગઃ

બ્રહ્મચારી ગૃહસ્થશ્ચ વાનપ્રસ્થો વિધિક્રમાત્ ।
યતિધર્મવિધાનેન ચચાર વિપુલતપઃ

ધ્યાયન્વૈ સ મહાદેવં નિરાહારો યુધિષ્ઠિર ।
ઉવાસ તીર્થે તસ્મિન્ વૈ યાવત્પ્રાણપરિક્ષયમ્

તસ્ય નામ્ના તુ તત્તીર્થં ત્રિષુ લોકેષુ વિશ્રુતમ્ ।
તત્ર સ્નાત્વા વિધાનેન અર્ચયેત્પિતૃદેવતાઃ

સત્યવાદી જિતક્રોધઃ સર્વભૂતહિતે રતઃ ।
સર્વાન્કામાન્ અવાપ્નોતિ રાજન્નત્રૈવ સવર્થા

યઃ કુર્યાદ્ ઉપવાસં ચ સત્યશૌચપરાયણઃ સૌત્રામણિફલં ચાસ્ય સમ્ભવત્યવિચારિતમ્

ઋગ્વેદજાપી ઋગ્વેદી સામ વા સામપારગઃ ।
યજુર્વેદી યજુર્જપ્ત્વા લભતે ફલમ્ ઉત્તમમ્

પ્રાણાંસ્ ત્યજતિ યો મર્ત્યસ્ તસ્મિંસ્તીર્થે વિધાનતઃ ।
અનિવર્તિકા ગતિસ્તસ્ય ઇત્યેવં શઙ્કરો ઽબ્રવીત્