રેવાખાણ્ડ (સંશોધિત પાઠ) · અધ્યાય 27

॥ ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં પઞ્ચમ આવન્ત્યખણ્ડે રેવાખણ્ડે નર્મદામાહાત્મ્યે મધૂકતૃતીયાવ્રતવિધાનમાહાત્મ્યવર્ણનં નામ ષડ્વિંશો ઽધ્યાયઃ ॥
ર્ક્વ્ અધ્યાય 27
શ્રીમાર્કણ્ડેય ઉવાચ:
નારદસ્ય વચઃ શ્રુત્વા રાજ્ઞી વચનમ્ અબ્રવીત્ ।
પ્રસાદં કુરુ વિપ્રેન્દ્ર ગૃહ્ણ દાનં યથેપ્સિતમ્

સુવર્ણમણિરત્નાનિ વસ્ત્રાણિ વિવિધાનિ ચ ।
તત્તે દારયામિ વિપ્રેન્દ્ર યચ્ચાન્યદ્ અપિ દુર્લભમ્

રાજ્ઞ્યાસ્તુ વચનં શ્રુત્વા નારદો વાક્યમ્ અબ્રવીત્ ।
અન્યેષાં દીયતાં ભદ્રે યે દ્વિજાઃ ક્ષીણવૃત્તયઃ

વયં તુ સર્વસમ્પન્ના ભક્તિગ્રાહ્યાઃ સદૈવ હિ ।
ઇત્યુક્તા સા તદા રાજ્ઞી વેદવેદાઙ્ગપારગાન્

આહૂય બ્રાહ્મણાન્ નિઃસ્વાન્દાતું સમુપચક્રમે ।
યત્ કિંચિન્નારદેનોક્તં દાનસૌભાગ્યવર્ધનમ્

તેન દાનેન મે નિત્યં પ્રીયેતાં હરિશઙ્કરૌ ।
તતો રાજ્ઞી ચ સા પ્રાહ નારદં મુનિપુંગવમ્

રાજ્ઞ્યુવાચ:
દાનં દત્તં ત્વયોક્તં યદ્ભર્તૃકર્મપરં હિ તત્ ।
આજન્મજન્મ મે ભર્તા ભવેદ્બાણો દ્વિજોત્તમ

નાન્યો હિ દૈવતં તાત મુક્ત્વા બાણં દ્વિજોત્તમ ।
તેન સત્યેન મે ભર્તા જીવેચ્ચ શરદાં શતમ્

નાન્યો ધર્મો ભવેત્ સ્ત્રીણાં દૈવતં હિ પતિર્યથા ।
તથાપિ તવ વાક્યેન દાનં દત્તં યથાવિધિ

સ્વકં કર્મ કરિષ્યામો ભર્તારં પ્રતિ માનદ ।
બ્રહ્મર્ષે ગચ્છ ચેદાનીં ત્વમાશીર્વાદઃ પ્રદીયતામ્

તથેતિ તામનુજ્ઞાપ્ય નારદો નૃપસત્તમ ।
સર્વાસાં માનસં હૃત્વા અન્યતઃ કૃતમાનસઃ

જગામાદર્શનં વિપ્રઃ પૂજ્યમાનસ્તુ ખેચરૈઃ ।
તતો ગતમનસ્કાસ્તા ભર્તારં પ્રતિ ભારત

વિવર્ણા નિષ્પ્રભા જાતા નારદેન વિમોહિતાઃ