રેવાખાણ્ડ (સંશોધિત પાઠ) · અધ્યાય 204

॥ ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં પઞ્ચમ આવન્ત્યખણ્ડે રેવાખણ્ડે કોટિતીર્થમાહાત્મ્યવર્ણનં નામ ત્ર્યુત્તરદ્વિશતતમો ઽધ્યાયઃ ॥
ર્ક્વ્ અધ્યાય 204
શ્રીમાર્કણ્ડેય ઉવાચ:
ભૃગુતીર્થં તતો ગચ્છેત્ તીર્થરાજમનુત્તમમ્ ।
પૈતામહં મહાપુણ્યં સર્વપાતકનાશનમ્

બ્રહ્મણા તત્ર તીર્થે તુ પુરા વર્ષશતત્રયમ્ ।
આરાધનં કૃતં શમ્ભોઃ કસ્મિંશ્ચિત્ કારણાન્તરે

યુધિષ્ઠિર ઉવાચ:
કિમર્થં મુનિશાર્દૂલ બ્રહ્મા લોકપિતામહઃ ।
આરાધયદ્ દેવદેવં મહાભક્ત્યા મહેશ્વરમ્

આરાધ્યઃ સર્વભૂતાનાં જગદ્ભર્તા જગદ્ગુરુઃ ।
શ્રોતવ્યં શ્રોતુમ્ ઇચ્છામિ મહદાશ્ચર્યમુત્તમમ્

ધર્મપુત્રવચઃ શ્રુત્વા માર્કણ્ડેયો મુનીશ્વરઃ ।
કથયામાસ તદ્વૃત્તમિતિહાસં પુરાતનમ્

માર્કણ્ડેય ઉવાચ:
સ્વપુત્રિકામભિગન્તુમિચ્છન્પૂર્વં પિતામહઃ ।
શપ્તસ્તુ દેવદેવેન કોપાવિષ્ટેન સત્તમ

વેદાસ્તવ વિનશ્યન્તિ જ્ઞાનં ચ કમલાસન ।
અપૂજ્યઃ સર્વલોકાનાં ભવિષ્યસિ ન સંશયઃ

એવં દત્તે તતઃ શાપે બ્રહ્મા ખેદાવૃતસ્તદા ।
રેવાયા ઉત્તરે કૂલે સ્નાત્વા વર્ષશતત્રયમ્ ।
તોષયામાસ દેવેશં તુષ્ટઃ પ્રોવાચ શઙ્કરઃ

પૂજ્યસ્ત્વં ભવિતા લોકે પ્રાપ્તે પર્વણિ પર્વણિ ।
અહમત્ર ચ વત્સ્યામિ દેવૈશ્ચ પિતૃભિઃ સહ

શ્રીમાર્કણ્ડેય ઉવાચ:
તદાપ્રભૃતિ તત્તીર્થં ખ્યાતિં પ્રાપ્તં પિતામહાત્ ।
સર્વપાપહરં પુણ્યં સર્વતીર્થેષ્વનુત્તમમ્

તત્ર ભાદ્રપદે માસિ કૃષ્ણપક્ષે વિશેષતઃ ।
અમાવાસ્યાં તુ યઃ સ્નાત્વા તર્પયેત્પિતૃદેવતાઃ

પિણ્ડદાનેન ચૈકેન તિલતોયેન વા નૃપ ।
તૃપ્યન્તિ દ્વાદશાબ્દાનિ પિતરો નાત્ર સંશયઃ

કન્યાગતે તુ યસ્તત્ર નિત્યં શ્રાદ્ધપ્રદો ભવેત્ ।
અવાપ્ય તૃપ્તિં તત્પૂર્વે વલ્ગન્તિ ચ હસન્તિ ચ

સર્વેષુ પિતૃતીર્થેષુ શ્રાદ્ધં કૃત્વાસ્તિ યત્ફલમ્ ।
તત્ફલં સમવાપ્નોતિ દર્શે તત્ર ન સંશયઃ

પૈતામહે નરઃ સ્નાત્વા પૂજયન્પાર્વતીપતિમ્ ।
મુચ્યતે નાત્ર સન્દેહઃ પાતકૈશ્ચોપપાતકૈઃ

તત્ર તીર્થે મૃતાનાં તુ નરાણાં ભાવિતાત્મનામ્ ।
અનિવર્તિકા ગતી રાજન્રુદ્રલોકાદસંશયમ્