રેવાખાણ્ડ (સંશોધિત પાઠ) · અધ્યાય 187

॥ ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં પઞ્ચમ આવન્ત્યખણ્ડે રેવાખણ્ડે કનખલેશ્વરતીર્થમાહાત્મ્યવર્ણનં નામ ષડશીત્યુત્તરશતતમો ઽધ્યાયઃ ॥
ર્ક્વ્ અધ્યાય 187
શ્રીમાર્કણ્ડેય ઉવાચ:
જાલેશ્વરં તતો ગચ્છેલ્લિઙ્ગમાદ્યં સ્વયમ્ભુવઃ ।
કાલાગ્નિરુદ્રં વિખ્યાતં ભૃગુકચ્છે વ્યવસ્થિતમ્

સર્વપાપપ્રશમનં સર્વોપદ્રવનાશનમ્ ।
ક્ષેત્રપાપવિનાશાય કૃપયા ચ સમુત્થિતમ્

પુરા કલ્પે ઽસુરગણૈરાક્રાન્તે ભુવનત્રયે ।
વેદોક્તકર્મનાશે ચ ધર્મે ચ વિલયં ગતે

દેવર્ષિમુનિસિદ્ધેષુ વિશ્વાસપરમેષુ ચ ।
કાલાગ્નિરુદ્રાદ્ ઉત્પન્નો ધૂમઃ કાલોદ્ભવોદ્ભવઃ

ધૂમાત્સમુત્થિતં લિઙ્ગં ભિત્ત્વા પાતાલસપ્તકમ્ ।
અવટં દક્ષિણે કૃત્વા લિઙ્ગં તત્રૈવ તિષ્ઠતિ

તત્ર તીર્થે નૃપશ્રેષ્ઠ કુણ્ડં જ્વાલાસમુદ્ભવમ્ ।
યત્ર સા પતિતા જ્વાલા શિવસ્ય દહતઃ પુરમ્

તત્રાવટં સમુદ્ભૂતં ધૂમાવર્તસ્ તતો ઽભવત્ ।
તસ્મિન્કુણ્ડે તુ યઃ સ્નાનં કૃત્વા વૈ નર્મદાજલે

કુર્યાચ્છ્રાદ્ધં પિતૃભ્યો વૈ પૂજયેચ્ચ ત્રિલોચનમ્ ।
કાલાગ્નિરુદ્રનામાનિ સ ગચ્છેત્ પરમાં ગતિમ્

યત્કિંચિત્કામિકં કર્મ હ્યાભિચારિકમેવ વા ।
રિપુસંક્ષયકૃદ્વાપિ સાંતાનિકમથાપિ વા ।
અત્ર તીર્થે કૃતં સર્વમ્ અચિરાત્ સિધ્યતે નૃપ