રેવાખાણ્ડ (સંશોધિત પાઠ) · અધ્યાય 188

॥ ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં પઞ્ચમ આવન્ત્યખણ્ડે રેવાખણ્ડે કાલાગ્નિરુદ્રતીર્થમાહાત્મ્યવર્ણનં નામ સપ્તાશીત્યુત્તરશતતમો ઽધ્યાયઃ ॥
ર્ક્વ્ અધ્યાય 188
શ્રીમાર્કણ્ડેય ઉવાચ:
તતઃ પરં મહારાજ ચત્વારિંશત્ક્રમાન્તરે ।
શાલગ્રામં તતો ગચ્છેત્ સર્વદૈવતપૂજિતમ્

યત્રાદિદેવો ભગવાન્વાસુદેવસ્ત્રિવિક્રમઃ ।
સ્વયં તિષ્ઠતિ લોકાત્મા સર્વેષાં હિતકામ્યયા

નારદેન તપસ્તપ્ત્વા કૃતા શાલા દ્વિજન્મનામ્ ।
સિદ્ધિક્ષેત્રં ભૃગુક્ષેત્રં જ્ઞાત્વા રેવાતટે સ્વયમ્

શાલગ્રામાભિધો દેવો વિપ્રાણાં ત્વધિવાસિતઃ ।
સાધૂનાં ચોપકારાય વાસુદેવઃ પ્રતિષ્ઠિતઃ

યોગિનામુપકારાય યોગિધ્યેયો જનાર્દનઃ ।
શાલગ્રામેતિ તેનૈવ નર્મદાતટમાશ્રિતઃ

માસિ માર્ગશિરે શુક્લા ભવત્યેકાદશી યદા ।
સ્નાત્વા રેવાજલે પુણ્યે તદ્દિનં સમુપોષયેત્

રાત્રૌ જાગરણં કુર્યાત્ સમ્પૂજ્ય ચ જનાર્દનમ્ ।
પુનઃ પ્રભાતસમયે દ્વાદશ્યાં નર્મદાજલે

સ્નાત્વા સંતર્પ્ય દેવાંશ્ચ પિત્ઃન્માત્ઃસ્ તથૈવ ચ ।
શ્રાદ્ધં કૃત્વા તતઃ પશ્ચાત્ પિતૃભ્યો વિધિપૂર્વકમ્

શક્તિતો બ્રાહ્મણાન્પૂજ્ય સ્વર્ણવસ્ત્રાન્નદાનતઃ ।
ક્ષમાપયિત્વા તાન્વિપ્રાંસ્તથા દેવં ખગધ્વજમ્

એવં કૃતે મહારાજ યત્પુણ્યં ચ ભવેન્ન્ઃણામ્ ।
શૃણુષ્વાવહિતો ભૂત્વા તત્પુણ્યં નૃપસત્તમ

ન શોકદુઃખે પ્રતિપત્સ્યતીહ જીવન્મૃતો યાતિ મુરારિસામ્યમ્ ।
મહાન્તિ પાપાનિ વિસૃજ્ય દુગ્ધં પુનર્ન માતુઃ પિબતે સ્તનોદ્યત્

શાલગ્રામં પશ્યતે યો હિ નિત્યં સ્નાત્વા જલે નાર્મદે ઽઘૌઘહારે ।
સ મુચ્યતે બ્રહ્મહત્યાદિપાપૈર્નારાયણાનુસ્મરણેન તેન

વસન્તિ યે સંન્યસિત્વા ચ તત્ર નિગૃહ્ય દુઃખાનિ વિમુક્તસઙ્ઘાઃ ।
ધ્યાયન્તો વૈ સાંખ્યવૃત્ત્યા તુરીયં પદં મુરારેસ્તે ઽપિ તત્રૈવ યાન્તિ