રેવાખાણ્ડ (સંશોધિત પાઠ) · અધ્યાય 119

॥ ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં પઞ્ચમ આવન્ત્યખણ્ડે રેવાખણ્ડે ઇન્દ્રતીર્થમાહાત્મ્યવર્ણનં નામાષ્ટાદશોત્તરશતતમો ઽધ્યાયઃ ॥
ર્ક્વ્ અધ્યાય 119
શ્રીમાર્કણ્ડેય ઉવાચ:
તતો ગચ્છેત્તુ રાજેન્દ્ર કહ્લોડીતીર્થમ્ ઉત્તમમ્ ।
રેવાયાશ્ચોત્તરે કૂલે સર્વપાપવિનાશનમ્

હિતાર્થં સર્વભૂતાનામ્ ઋષિભિઃ સ્થાપિતં પુરા ।
તપસા તુ સમુદ્ધૃત્ય નર્મદાયાં મહામ્ભસિ

સ્નાત્વા તુ કપિલાતીર્થે કપિલાં યઃ પ્રયચ્છતિ ।
શ્રુત્વા ચાખ્યાનકં દિવ્યં બ્રાહ્મણાઞ્છૃણુ યત્ફલમ્

સર્વેષામેવ દાનાનાં કપિલાદાનમુત્તમમ્ ।
બ્રાહ્મણાન્વેષિતં પૂર્વમૃષિદેવસમાગમે

સદ્યઃ પ્રસૂતાં કપિલાં શોભનાં યઃ પ્રયચ્છતિ ।
સોપવાસો જિતક્રોધસ્તસ્ય પુણ્યફલં શૃણુ

સસમુદ્રગુહા તેન સશૈલવનકાનના ।
દત્તા ચૈવ મહાબાહો પૃથિવી નાત્ર સંશયઃ

વાચિકં માનસં પાપં કર્મણા યત્પુરા કૃતમ્ ।
નશ્યતે કપિલાં દત્ત્વા સપ્તજન્માર્જિતં નૃપ

ભૂમિદાનં ધનં ધાન્યં હસ્ત્યશ્વકનકાદિકમ્ ।
કપિલાદાનસ્યૈકસ્ય કલાં નાર્હન્તિ ષોડશીમ્

તત્ર તીર્થે નરઃ સ્નાત્વા કપિલાં યઃ પ્રયચ્છતિ ।
મૃતો વિષ્ણુપુરં યાતિ ગીયમાનો ઽપ્સરોગણૈઃ

યાવન્તિ તસ્યા રોમાણિ સવત્સાયાસ્તુ ભારત ।
તાવદ્વર્ષસહસ્રાણિ સ સ્વર્ગે ક્રીડતે ચિરમ્

તતો ઽવકીર્ણકાલેન ત્વિહ માનુષ્યતાં ગતઃ ।
ધનધાન્યસમોપેતો જાયતે વિપુલે કુલે

વેદવિદ્યા વ્રતસ્નાતઃ સર્વશાસ્ત્રવિશારદઃ ।
વ્યાધિશોકવિનિર્મુક્તો જીવેચ્ચ શરદાં શતમ્

એતત્તે સર્વમાખ્યાતં કલ્હોડીતીર્થમ્ ઉત્તમમ્ ।
યત્કૃત્વા સર્વપાપેભ્યો મુચ્યતે નાત્ર સંશયઃ