રત્નમાલાવદાન · ભાગ 401420

સંપઠેદ્ ધારણીં ચાપિ શ્રદ્ધયા ભક્તિમાનસઃ ॥ ર્મ્_38.295{94} ॥
તથ ચૈકમ્ અહોરાત્રમ્ અવિછિન્નં પંથેન્ મુદા ।
યાવત્ ત્રિપંચસપ્તાહોરાત્રાણિ ચ પઠેત્ તથા ॥ ર્મ્_38.296{95} ॥
આચાર્યશ્ ચ તથા રાત્રૌ સ્ત્રિઃ કૃત્વા દિવસસ્ય ચ ।
સ લોકપાલભૂતેભ્યો બલિં દદ્યાદ્ યથાવિધિ ॥ ર્મ્_38.297{96} ॥
તતો દાનપતિઃ શાસ્ત્રે સર્વોપકરણાદિકં ।
દાને સદક્ષિણં દદ્યાદ્ અન્યેભ્યો ઽપિ તથાદરાત્ ॥ ર્મ્_38.298{97} ॥
તતશ્ ચ સાંજલિર્ નત્વા પ્રાર્થયિત્વા ક્ષમામ્ અપિ ।
સંબોધિસાધનીં દ્રવ્યસંપત્તિં પ્રાર્થયેન્ મુદા ॥ ર્મ્_38.299{98} ॥
તતઃ સર્વં સમાપ્યૈવૈઃ કૃત્વાપિ તદ્ વિસર્જનં ।
યથાર્હભોજનૈઃ સર્વાઞ્ છાસ્ત્રાદીન્ સમતોષયેત્ ॥ ર્મ્_38.300{99} ॥
તન્ મણ્ડલે રજઃ સર્વં સમાદાય સપુષ્પકં ।
કોષ્ઠકોષ્ઠાલયાગારે નિક્ષિપ્ય સ્થાપયેત્ સદા ॥ ર્મ્_38.301{100} ॥
તદ્ રજો યત્ર નિક્ષિપ્તં તત્ર સંપત્ પ્રવર્દ્ધિતઃ ।
સર્વદ્રવ્યાભિસંપૂર્ણા ભવેન્ ન ક્ષિણુયાત્ ક્વચિત્ ॥ ર્મ્_38.302{1} ॥
નિર્માલ્યમ્ અપરં સર્વં સનૈવેદ્યધ્વજાદિકં ।
નદ્યાં નાગાન્ સમભ્યર્ય સંપ્રક્ષિપ્ય પ્રવાહયેત્ ॥ ર્મ્_38.303{2} ॥
તતસ્ તદ્ ધારણીવિદ્યા ભવેત્ પઠિતસિદ્ધિતા ।
યત્રાપિ પઠ્યતે તત્ર સંપત્ પ્રવર્દ્ધિતા ભવેત્ ॥ ર્મ્_38.304{3} ॥
એવં સત્યં સમાખ્યાતં સર્વૈર્ અપિ મુનીશ્વરં ।
શ્રીદેવ્યાઃ સાધનં કલ્યં મત્વૈવં ચર તદ્ વ્રતં ॥ ર્મ્_38.305{4} ॥
ય એવં શ્રીમહાદેવ્યાઃ શ્રદ્ધયા શરણં ગતઃ ।
યથાવિધિ સમાધાય ચરતે વ્રતમ્ આદરાત્ ॥ ર્મ્_38.306{5} ॥
તસ્ય મારગણાઃ સર્વે સત્વોપદ્રવકારકાઃ ।
વિહેઠનાં સદા ક્વાપિ કર્ત્તુ મૈવાભિશક્નુયુઃ ॥ ર્મ્_38.307{6} ॥
સર્વશક્રાદયો દેવાઃ સર્વદૈત્યાધિપા અપિ ।
ગ્રહાસ્ તારાશ્ ચ સિદ્ધાશ્ ચ સાધ્યા વિદ્યાધરા અપિ ॥ ર્મ્_38.308{7} ॥
લોકપાલાશ્ ચ સર્વે ઽપિ ગંધર્વાઃ કિંનરા અપિ ।
યક્ષાશ્ ચ રાક્ષસાઃ સર્વે નાગાશ્ ચ ગરુડા અપિ ॥ ર્મ્_38.309{8} ॥
માતૃકા ભૈરવાઃ સર્વે સકુમારવિનાયકાઃ ।
મહાકાલાશ્ ચ ડાકિન્યઃ શાકિન્યો ઽપિ તથાપરાઃ ॥ ર્મ્_38.310{9} ॥
યોગિન્યો ઽપિ તથા સર્વે વીરા યમાન્તકાદયઃ ।
રક્ષન્તિ સર્વદા નિત્યં શ્રીદેવ્યાઃ શરણાશ્રિતં ॥ ર્મ્_38.311{10} ॥
ધારણીપાઠકં યો ઽપિ સાધકં વ્રતચારિણં ।
તથા ભૂતગણાઃ સર્વે પિશાચાશ્ ચ દુરાશયાઃ ॥ ર્મ્_38.312{11} ॥
સર્વે જ્વરાદયો રોગા અપસ્મારાદયો ઽપિ ચ ॥ ર્મ્_38.313{12} ॥
ઉન્માદા પિટકાશ્ ચાપિ સર્વે કુષ્ઠાશ્ ચ કછવઃ ।
શ્રીદેવીવ્રતિનો દેહે ન સ્પૃશંતિ કદાચન ॥ ર્મ્_38.314{13} ॥
ઈતયશ્ ચ તથા સર્વા મહોપદ્રવકારકાઃ ।
તસ્ય દેશે ગૃહે દેહે ન વિશન્તિ કદા ચન ॥ ર્મ્_38.315{14} ॥

વસુંધર્યા વ્રતે યત્ર ધારણી ચ પ્રવર્ત્તતે ।
તત્ર મારગણા દુષ્ટા ઉપસર્ગા વિશન્તિ ન ॥ ર્મ્_38.316{15} ॥
નૃપાગ્ન્યુદકા ચૌરાદિ દુષ્ટાઃ શઠાશ્ ચ વંચકાઃ ।
શ્રીદેવીવ્રતિનઃ કિંચિદ્ અપકર્તું ન શક્નુયુઃ ॥ ર્મ્_38.317{16} ॥
યશ્ ચ શ્રીવસુધારાયા ભક્તિમાઞ્ છરણં ગતઃ ।
સર્વદા સ્મરણં કૃત્વા ભજતે સંચરદ્ વ્રતં ॥ ર્મ્_38.318{17} ॥
યશ્ ચ તસ્યા મહાદેવ્યા ધારણીં મુદિતઃ સ્મરન્ ।
પઠતે સર્વદાપ્ય્ એવં પરેભ્યો ઽપિ સમાદિશેત્ ॥ ર્મ્_38.319{18} ॥
યશ્ ચૈતદ્ ધારણીં સમ્યગ્ ઽલિખેલ્ લિખાયયેદ્ અપિ ।
લિખિતાં સમાદાય સંસ્થાપ્ય ભજતે ગૃહે ॥ ર્મ્_38.320{19} ॥
યશ્ ચાપિ હૃદયં દેવ્યા લિખિત્વા ભૂર્જપત્રકે ।
મૂર્દ્ધ્નિ કણ્ઠે ભુજે વાહૌ દધાતિ નિત્યમ્ આદરાત્ ॥ ર્મ્_38.321{20} ॥
તેષામ્ અપિ ચ સર્વેષાં મારવિઘ્નોપસર્ગિકાઃ ।
સર્વે ઽપિ સર્વદા ક્વાપિ હ્ય્ અપકર્ત્તું ન શક્નુયુઃ ॥ ર્મ્_38.322{21} ॥
સર્વે ઽપિ બોધિસત્વાસ્ તે ત્રૈધાતુકનિવાસિનઃ ।
એતદ્વિદ્યાનુભાવેન દાનપારમિતાશ્રિતાઃ ॥ ર્મ્_38.323{22} ॥
સર્વોપકરણૈઃ સર્વાન્ સત્વાન્ સંતર્પ્પયન્ત્ય્ અપિ ।
તથા દાનં સદા કૃત્વા બોધિમાર્ગે ચરન્તિ યે ॥ ર્મ્_38.324{23} ॥
તે સર્વે ક્રમેણૈવં પૂર્ય પારમિતા દશઃ ।
સર્વાન્ મારગાણાં જિત્વા પ્રાપ્નુયુ બોધિસંપદં ॥ ર્મ્_38.325{24} ॥
સર્વભૂપાશ્ ચ રાજાનશ્ ચક્રવર્ત્ત્યાદયો નૃપાઃ ।
પાલયન્તિ પ્રજા લોકાન્ ધર્મૈર્ લક્ષ્મીવ્રતોદ્ભવૈઃ ॥ ર્મ્_38.326{25} ॥
એવમ્ અન્યે ઽપિ લોકાશ્ ચ યે યે સંપત્સમૃદ્ધિતાઃ ।
મહાધના મહાભોગાઃ સર્વદ્રવ્યસમન્વિતાઃ ॥ ર્મ્_38.327{26} ॥
દત્વા દાનં સુખં ભુક્ત્વા યાવજ્જીવં શુભે સદા ।
પ્રચરન્ત્ય્ અપિ સર્વે તે જ્ઞેયા લક્ષ્મીપ્રસાદતઃ ॥ ર્મ્_38.328{27} ॥
યે શ્રીદેવ્યા વ્રતં ધૃત્વા સર્વાર્થિભ્યો યથેપ્સિતં ।
દદાતિ તે મહાસત્વાઃ શ્રીમન્તઃ સદ્ગુણાન્વિતાઃ ॥ ર્મ્_38.329{28} ॥
યશઃસંપત્સમાપન્નાઃ સર્વવિદ્યાકલાસ્પદાઃ ।
ધર્માત્માનો મહેશાખ્યઃ સુધિયઃ સત્યવાદિનઃ ॥ ર્મ્_38.330{29} ॥
સુશીલાઃ સુભગા ભદ્રાઃ ક્ષાન્તિસૌરભ્યવાસિનઃ ।
સૌમ્યેન્દ્રિયા વિશુદ્ધાંગાઃ કરુણાર્દ્રશુભાશયાઃ ॥ ર્મ્_38.331{30} ॥
બલવીર્યમહોત્સાહા નિઃક્લેશાઃ સુસમાહિતાઃ ।
જિતેન્દ્રિયા મહાધીરાઃ પ્રજ્ઞાવન્તો વિચક્ષણાઃ ॥ ર્મ્_38.332{31} ॥
ઉપાયવિધિવિજ્ઞાશ્ ચ સર્વસત્વહિતાર્થિનઃ ।
સુપ્રણિધિસમાધાના બલિનો બ્રહ્મચારિણઃ ॥ ર્મ્_38.333{32} ॥
જ્ઞાનવિજ્ઞાનવિદ્વાન્સઃ સર્વસત્વશુભંકરાઃ ।
બોધિસત્વા જગન્નાથા બુદ્ધાત્મજા ભવંત્ય્ અપિ ॥ ર્મ્_38.334{33} ॥
યતિભિર્ ના અતીતાસ્ તે વર્ત્તમાના અનાગતાઃ ।
તે ઽપિ સર્વે મહાદેવ્યા વ્રતપુણ્યાનુભાવતઃ ॥ ર્મ્_38.335{34} ॥

ક્રમાત્ પારમિતાઃ સર્વાઃ પરિપૂર્ય સમાહિતાઃ ।
બોધિલબ્ધા ભવંત્ય્ એવં લપ્સ્યંતિ નાન્યથા ખલુ ॥ ર્મ્_38.336{35} ॥
એવં મત્વા મહાવિદ્યં શ્રીદેવીં ધારણીં પરાં ।
સમાધાય પઠન્ નિત્યં વ્રતં ચર સમાદરાત્ ॥ ર્મ્_38.337{36} ॥
એષા મહૈશ્વરી દેવી બોધિલક્ષ્મીર્ જિનેશ્વશ્રી ।
જનની સર્વબુદ્ધાનાં ધાત્રી માતાનુપાલિની ॥ ર્મ્_38.338{37} ॥
અધૃષ્યા સર્વદુષ્ટાનાં સર્વવિઘ્નવિનાશિની ।
મહાવિદ્યેશ્વરી ભદ્રા સર્વારિષ્ઠનિસૂદની ॥ ર્મ્_38.339{38} ॥
યસ્યાઃ શરણમાત્રેણ વ્રતં ચરંતિ માનવાઃ ।
દારિદ્ર્યદુઃખશોકાગ્નૌ ન પતંતિ કદાપિ તે ॥ ર્મ્_38.340{39} ॥
અચિન્તિતાનિ રત્નાદિ ધનદ્રવ્યગુણાનિ ચ ।
યશોધર્માર્થકામાદિ સુખાનિ સમવાપ્નુયુઃ ॥ ર્મ્_38.341{40} ॥
એતત્પુણ્યમ્ અસંખ્યેયમ્ અપ્રમેયં મહત્તરં ।
સર્વૈર્ અપિ મુનીન્દ્રૈર્ હિ સંખ્યાતું નાપિ શક્યતે ॥ ર્મ્_38.342{41} ॥
સર્વે વ્રતજપુણ્યાનાનિ સંખ્યાતુમ્ અભિશક્યતે ।
તદ્ એતદ્વ્રતપુણ્યાનાં સંખ્યાતું કેન શક્યતે ॥ ર્મ્_38.343{42} ॥
યદ્ એતદ્વ્રતસાદૃશ્યં કુત્રાપિ નો હિ વિદ્યતે ।
તદ્ અધિકં કુતો લોકે સર્વત્રાપિ ન દૃશ્યતે ॥ ર્મ્_38.344{43} ॥
ઈદૃક્ પુણ્યમહારત્નં ત્રૈલોક્યેષ્વ્ અપિ દુર્લ્લભં ।
ત્રિરત્નભજનાદ્ એવ લભ્યતે ભુવિ માનવં ॥ ર્મ્_38.345{44} ॥
તદ્ એવં ત્વં પરિજ્ઞાય ત્રિરત્નશરણં ગતઃ ।
શ્રીદેવીં વિધિનાવાહ્ય વ્રતં ચર સમાહિતઃ ॥ ર્મ્_38.346{45} ॥
એતત્પુણ્યાનુભાવેન સર્વદા સદ્ગતીં ગતઃ ।
શ્રીસંપત્તિસમાપન્નઃ પ્રદાતા સુખભૃદ્ ભવેત્ ॥ ર્મ્_38.347{46} ॥
ત્રિવિધાં બોધિમ્ આસાદ્ય સંબુદ્ધપદમ્ આપ્નુયુઃ ॥ ર્મ્_38.348{47!} ॥
ઇતિ હેતોર્ મહાદેવ્યાઃ સ્વયં ત્વં શરણં ગતઃ ।
વ્રતં ચરંસ્ તથા લોકે પ્રચારય સમંતતઃ ॥ ર્મ્_38.349{48} ॥
ઇતિ તયા મહાદેવ્યાઃ સમાદિષ્ટં નિશમ્ય સઃ ।
સેનઃ કૃતાંજલિર્ નત્વા તાં દેવીમ્ એવમ્ અબ્રવીત્ ॥ ર્મ્_38.350{49} ॥
એવં દેવિ કરિષ્યામિ ભવત્યાજ્ઞાં શિરો વહન્ ।
તત્ પ્રસીદ મહાદેવ્યા ધારણીં સંપ્રદેહિ મે ॥ ર્મ્_38.351{50} ॥
ઇતિ સંપ્રાર્થિતં તેન શ્રુત્વા સા સંપ્રસાદિતા ।
દેવી તં સેનમ્ આલોક્ય સમામંત્ર્યૈવમ્ આદિશત્ ॥ ર્મ્_38.352{51} ॥
સાધુ સેન ગૃહાણ ત્વં દેવ્યાયા ધારણીં વરાં ।
સ્વયં પઠં પરેભ્યો ઽપિ દેશયસ્વ યથાવિધિ ॥ ર્મ્_38.353{52} ॥
ઇત્ય્ આદિશ્યાપ્સરોરૂપા સા શ્રીદેવી વસુંધરા ।
તસ્મૈ સેનાસુ તાં દેવ્યા ધારણીં સંપઠન્ દદૌ ॥ ર્મ્_38.354{53} ॥
સ સેનસ્ તાં મહાદેવીં પ્રણત્વા સાંજલિર્ મુદા ।
શ્રીદેવ્યા ધારણીં વિદ્યાં પ્રણત્વા શ્રદ્ધયાદદે ॥ ર્મ્_38.355{54} ॥
તતઃ સા ચાપ્સરો દેવી તસ્મૈ સેનાય સાદરં ।

સ પંચામૃતગોધૂમૈ પિષ્ટકં પાલને દદૌ ॥ ર્મ્_38.356{55} ॥
તદ્ દત્તં પિષ્ટતં તં સ સેનો દૃષ્ટ્વા પ્રમોદિતઃ ।
પ્રણત્વાદાય તં ભૂપં સ્મૃત્વા ન બુભુજે સ્વયં ॥ ર્મ્_38.357{56} ॥
તદા દિવ્યપ્સરોરૂપં ત્યક્ત્વા સાક્ષાત્ ત્રિમૂર્ત્તિધૃક્ ।
ચંદ્રમણ્ડલમધ્યસ્થભદ્રઘટોપરિસ્થિતા ॥ ર્મ્_38.358{57} ॥
દર્શયામ્ આસ રૂપં સ્વં પ્રભામણ્ડલવર્ત્તિતં ।
અન્યા દેવ્યો ઽપિ રૂપં સ્વં ધૃત્વા દેવીં વસુંધરાં ॥ ર્મ્_38.359{58} ॥
પરિવૃત્ય પુરો ધાય પતાકાધ્વજચામરૈઃ ।
વીજયંત્યઃ સર્વદિક્ષુ તસ્થુ સંપ્રોક્તરૂપવત્ ॥ ર્મ્_38.360{59} ॥
તતઃ સ સેન ઉત્થાય તાં દેવીં સગણાં મુદા ।
મુહુર્મુહુર્ વદ્ધગલ અષ્ટાઙ્ગૈઃ પ્રણતિં વ્યધાત્ ॥ ર્મ્_38.361{60} ॥
તતઃ સ સેન આધાય સપંચામૃતપિષ્ટકં ।
તં જલં ચ સમાધાય સહસા નૃપાંતિકે યયૌ ॥ ર્મ્_38.362{61} ॥
તત્ર સ સેન આલોક્ય નૃપં દુરાદ્ ઉપાગતં ।
તદ્ અમૃતાદિકં સર્વમ્ ઉપસ્થાપ્યાપ્ય્ અધૌકયત્ ॥ ર્મ્_38.363{62} ॥
તતઃ સ સેન આલોક્ય તં નૃપં સાંજલિર્ મુદા ।
પ્રણત્વા સુપ્રસન્નાસ્યઃ પુરતઃ સમુપાશ્રયત્ ॥ ર્મ્_38.364{63} ॥
તમ્ અમૃતાદિકં સર્વં દૃષ્ટ્વા સ વિસ્મિતો નૃપઃ ।
કિં વિલંવં કૃતશ્ ચૈતદ્ ઇત્ય્ એવં તમ્ અપૃછત ॥ ર્મ્_38.365{67!} ॥
ઇતિ પૃષ્ટે નરેન્દ્રેણ સ સેનઃ સમુપાશ્રિતઃ ।
તં નરેન્દ્રં સમાલોક્ય વિનયન્ન્ એવમ્ અબ્રવીત્ ॥ ર્મ્_38.366{68} ॥
ક્ષમસ્વ ભો મહારાજ યદ્ અર્થે મે વિલંવિતં ।
તત્ સર્વં સમુપાખ્યાય ભવન્તં બોધયાન્ય્ અપિ ॥ ર્મ્_38.367{69} ॥
ઇદં તાવન્ મહારાજ સુરનદ્યમૃતં પિવા ।
ઇદં પંચામૃતં ચાપિ ભુક્ષ્વેદં ચ સુપિષ્ટકં ॥ ર્મ્_38.368{70} ॥
ઇત્ય્ ઉક્ત્વા સ સમાદાય કમણ્ડલું સમર્પ્પયત્ ।
ભોગ્યં પંચામૃતં ચાપિ પિષ્ટકં ચાગ્રતઃ પ્રભોઃ ॥ ર્મ્_38.369{71} ॥
તદ્ અમૃતાદિકં સર્વં દૃષ્ટ્વા સ મુદિતો નૃપઃ ।
કમણ્ડલું સમાદાય પપૌ તત્ સુરસામૃતં ॥ ર્મ્_38.370{72} ॥
તતઃ સ નૃપતિસ્ તુષ્ટો નિસ્તૃષ્ણાહ્લાદિતાશયઃ ।
તં ચ પંચામૃતં ભોગ્યં બુભુજે પિષ્ટકાન્ય્ અપિ ॥ ર્મ્_38.371{73} ॥
તતઃ સ નૃપતિસ્ તુષ્ટો મહાનંદપ્રમોદિતઃ ।
તં સેનં સુમતિં ધીરં સમાલોક્યૈવમ્ અબ્રવીત્ ॥ ર્મ્_38.372{73!} ॥
ત્વમ્ અપીદં સુધાકલ્પમ્ અમૃતં પિવ સન્મતે ।
ભુક્ષ્વ પચામૃતં ભોગ્યં પિષ્ટકં ચેદમ્ ઉત્તમં ॥ ર્મ્_38.373{74} ॥
ઇતિ રાજ્ઞા સમાદિષ્ટે સ સેનઃ પ્રતિમંડિતઃ ।
તદ્ અમૃતાદિકં સર્વમ્ આદાય બુભુજે સ્વયં ॥ ર્મ્_38.374{75} ॥
તતસ્ તચ્ છેષમ્ આદાય સ સેનઃ પરિતોષિતઃ ।
અશ્વાય સમુપસ્થાપ્ય સર્વં દદૌ વિનોદયન્ ॥ ર્મ્_38.375{76} ॥
સો ઽપિ ચાશ્વઃ સમાલોક્ય તત્ સર્વમ્ અમૃતાદિકં ।

આશ્વાદ્ય પરિભુંજાનો મહાનંદં સમાયયૌ ॥ ર્મ્_38.376{77} ॥
તતઃ સ નૃપતિ રાજા પરિશુદ્ધાશયો મુદા ।
તં સેનં તમ્ ઉપામંત્ર્ય પુનર્ એવમ્ અપૃછત ॥ ર્મ્_38.377{78} ॥
અહો સેન ત્વમ્ આનીતં યદ્ એતદ્ અમૃતાદિકં ।
કુતઃ કથં સમાસાદ્ય તત્ સત્યં વક્તુમ્ અર્હસિ ॥ ર્મ્_38.378{79} ॥
ઇત્ય્ એવં પ્રાર્થિતે રાજ્ઞા સ સેનઃ સાંજલિર્ મુદા ।
સ્વામિનં તં નૃપં નત્વા સમાલોક્યૈવમ્ અબ્રવીત્ ॥ ર્મ્_38.379{80} ॥
શૃણુ રાજન્ સમાધાય યદ્ એતદ્ અમૃતાદિકં ।
મયાસાદ્ય સમાનીતં તત્ સંનિવેદયાનિ તે ॥ ર્મ્_38.380{81} ॥
યદ્ અત્ર ત્વં તૃષાર્ત્તો ઽસિ તદર્થે ઽહં સસંભ્રમઃ ।
જલમ્ અન્વેષિતું તત્ર વને પશ્યન્ ભ્રમામ્ય્ અહં ॥ ર્મ્_38.381{82} ॥
કુત્રાપિ દૃશ્યતે નાત્ર પાનીયં નિર્જને વને ।
તતો દૂરતરં ગત્વા જલમ્ અન્વેષિતું ભ્રમે ॥ ર્મ્_38.382{83} ॥
તત્રાપિ દૃશ્યતે નૈવ જલં ક્વાપિ સમંતતઃ ।
તતો ઽતિદૂરતો નદ્યાઃ શબ્દં શૃણ્વન્ન્ અનુવ્રજે ॥ ર્મ્_38.383{84} ॥
તચ્છબ્દાનુસરન્ ગત્વા પશ્યામિ સુરનિમ્નગાં ।
તત્ર દેવીગણાશ્ ચાપિ પશ્યામિ વ્રતચારિકાઃ ॥ ર્મ્_38.384{85} ॥
તત્ર તાસાં સમાલોક્ય સમાક્રંદંતિ સાદરં ।
તતો ઽહં તત્પ્રભાવેન તાં નદીં લંઘયન્ વ્રજે ॥ ર્મ્_38.385{86} ॥
તત્ર માં સમુપાહૂય સર્વા તા અપ્સરોગણાઃ ।
કુતઃ કથમ્ ઇહાયાસિ ત્વં વદેતિ બભાષિરે ॥ ર્મ્_38.386{87} ॥
તતો ઽહં સમુપાસૃત્ય તાઃ સર્વા અપ્સરોગણાઃ ।
સાંજલિઃ સાદરં નત્વા પુર એવં નિવેદય ॥ ર્મ્_38.387{88} ॥
સૂર્યોદયો મહારાજો મહીપાલો નરાધિપઃ ।
તસ્યોદ્યાને વરાહૌ દ્વૌ પ્રકુર્વાત ઉપદ્રવં ॥ ર્મ્_38.388{89} ॥
તન્ નિશમ્ય સ ભૂપાલઃ સમંત્રિસૈન્યપૌરિકઃ ।
સહ ભોગ્યં સમારુહ્ય વરાહૌ હંતું ઉદ્યયૌ ॥ ર્મ્_38.389{90} ॥
તત્રોદ્યાને ચતુર્દિક્ષુ પરિવૃત્ય સમંતતઃ ।
હાહાકારં પ્રકુર્વન્તસ્ તિષ્ઠન્તિ તે નૃપાદયઃ ॥ ર્મ્_38.390{91} ॥
તતસ્ તૌ દ્વૌ મહાઘોરૌ વરાહૌ સહ સાગતઃ ।
ઉદ્યાનાન્ નિર્ગતૌ વેગાન્ નૃપાન્તિકાત્ પરાગતૌ ॥ ર્મ્_38.391{92} ॥
તત્ર સ નૃપતિઃ કોપાત્ તૌ વરાહાવ્ અનુદ્રુતઃ ।
અશ્વમ્ આરુહ્ય વેગેન પ્રવિષ્ટો ભ્રમતે વને ॥ ર્મ્_38.392{93} ॥
તત્ર સ નૃપતિર્ અશ્વાદ્ વેગાત્ પ્રધાવતો ઽપતત્ ।
શ્રમતાપપિપાસાર્ત્તો તરુતલે નિષીદતિ ॥ ર્મ્_38.393{94} ॥
તસ્ય રાજ્ઞસ્ તૃષાર્ત્તસ્ય જલમ્ અન્વેષિતું ભ્રમન્ ।
કુત્રાપિ નિર્જને ઽરણ્યે જલં પશ્યામ્ય્ અહં ન હિ ॥ ર્મ્_38.394{95} ॥
તતો દૂરતરં ગત્વા જલમ્ અન્વિષ્ય સર્વતઃ ।
ભ્રમન્ દૂરાન્ નદીશબ્દં શ્રુત્વાહં સમુપાસરે ॥ ર્મ્_38.395{96} ॥
એતદ્ અર્થમ્ અહં દેવ્યો દૂરતઃ સહસાગતઃ ।

તદ્ ભવન્ત્યઃ પ્રસીદંતુ દૃશ્યંતે ભાગ્યતો મયા ॥ ર્મ્_38.396{97} ॥
ભવન્ત્યો ઽપિ કિમ્ અર્થે ઽત્ર વિહરન્તિ સમાશ્રિતાઃ ।
ઇતિ પૃષ્ટે મયા તાશ્ ચ દેવ્યઃ સર્વાઃ પ્રસાદિતાઃ ॥ ર્મ્_38.397{93} ॥
આદરાન્ માં સમામંત્ર્ય પુર એવં બભાષિરે ।
માનવ ત્વં ન જાનીષે યદ્ ઇહેવ મમાશ્રિતા ।
તદ્ અર્થં સમુપાખ્યાયસ્ તત્ સંશૃણુ સમાહિતઃ ॥ ર્મ્_38.398{99} ॥
યા શ્રીભગવતી દેવી માહેશ્વરી વસુંધરા ।
તસ્યા વ્રતં વયં સર્વા ચરિતુમ્ ઇહ સંસ્થિતાઃ ॥ ર્મ્_38.399{100} ॥
તદ્ અત્ર નો વ્રતં પશ્યં ક્ષણં તિષ્ઠ સમાહિતઃ ।
એતદ્દૃષ્ટે ઽપિ તે પુણ્યં સંપ્રજાયેન્ મહત્તરં ॥ ર્મ્_38.400{1} ॥
ઇતિ તાભિઃ સમાદિષ્ટં શ્રુત્વાહં સંપ્રમોદિતઃ ।
તથેતિ પ્રતિવિજ્ઞપ્ય તદ્ વ્રતં દ્રષ્ટુમ્ આશ્રમે ॥ ર્મ્_38.401{2} ॥
તતસ્ તા અપ્સરોદેવ્યઃ સર્વાસ્ તત્ર યથાક્રમં ।
સ્વસ્વાસને સમાશ્રિત્ય પ્રારભન્તિ યથાક્રમાત્ ॥ ર્મ્_38.402{3} ॥
તત્ર તા મંડલે દેવીં સગણાં શ્રીવસુંધરાણ્ ।
યથાવિધિં સમાવાહ્ય પૂજયંતિ સમાદરાત્ ॥ ર્મ્_38.403{4} ॥
જપસ્તોત્રાદિકં કૃત્વા સર્વાઃ સાંજલયશ્ ચ તાઃ ।
નત્વા પ્રદક્ષિણીકૃત્ય પ્રાર્થયંતિ સુસંપદં ॥ ર્મ્_38.404{5} ॥
તતસ્ તા અપ્સરોદેવ્યઃ સર્વાઃ સમાપ્તિતે વ્રતે ।
સ પંચામૃતૈઃ પૂપૈઃ કુર્વંતિ વ્રતપાલનાં ॥ ર્મ્_38.405{6} ॥
મહ્યમ્ અપિ તથા દત્તં તાભિઃ સર્વાભિર્ આદરાત્ ।
ઇદં પંચાંઋતં ભોજ્યં ગોધૂમપિષ્ટકં વરં ॥ ર્મ્_38.406{7} ॥
સ્મૃત્વા ભવંતમ્ આદાય તાભિર્ દત્તં સમાદરાત્ ।
તથા પાત્રે પ્રતિષ્ઠાપ્ય ગોપયામિ તવાર્થતઃ ॥ ર્મ્_38.407{8} ॥
તતો ઽહં સાંજલિર્ નત્વા તા દેવીઃ સકલા અપિ ।
તથા ચરિતુમ્ આલોચ્ય પ્રાર્થયામિ વિધિં વ્રતે ॥ ર્મ્_38.408{9} ॥
મયા સંપ્રાર્થિતં શ્રુત્વા યા તદ્ દેવી ગણાધિપા ।
સા તદ્ વ્રતવિધિં સમ્યક્ સમાદિશતિ મે ક્રમાત્ ॥ ર્મ્_38.409{10} ॥
તત્ સર્વં સમુપાદિષ્ટં શ્રુત્વાહં સંપ્રમોદિતઃ ।
તથા તદ્ વ્રતમ્ આરાધ્ય પ્રેછામિ ચરિતું સદા ॥ ર્મ્_38.410{11} ॥
પ્રત્યક્ષદર્શનં લબ્ધ્વા અષ્ટાંગૈઃ પ્રણતો ઽસ્મ્ય્ અહં ॥ ર્મ્_38.411{12} ॥
તતસ્ તાઃ સકલા દેવીઃ પ્રાર્થયિત્વા સમાદારાત્ ।
ઇદં દિવ્યામૃતં ભોજ્યં પ્રાદાય સહસા ચરે ॥ ર્મ્_38.412{13} ॥
ઇતિ હેતો મહારાજ વિલમ્વો જાયતે તથા ।
તત્ ક્ષમસ્વ પ્રભો માત્ર રૌક્ષ્યં કૃથાઃ પ્રસીદ મે ॥ ર્મ્_38.413{14} ॥
ઇતિ તેનોદિતં શ્રુત્વા સ રાજા વિસ્મયાન્વિતઃ ।
તદ્ દર્શનોત્સુકો દૃષ્ટ્વા તં સેનમ્ એતદ્ અબ્રવીત્ ॥ ર્મ્_38.414{15} ॥
અહો આશ્ચર્ય્યમ્ અત્ર યદ્ વસુધારા વ્રતં શ્રુતં ।
પ્રત્યક્ષદર્શનમ્ અપિ લબ્ધં સેનેહ નિર્જને ॥ ર્મ્_38.415{16} ॥
મયા ન શ્રૂયતે ક્વાપિ દૃશ્યતે ન કદા ચન ।

તદ્ દ્રષ્ટું સેન મે ચિત્તં સમભિલષતિ ધ્રુવં ॥ ર્મ્_38.416{17} ॥
તસ્માત્ ત્વં તત્ર માં નીત્વા તા દેવી દર્શય દ્રુતં ।
ઇતિ રાજ્ઞોદિતં શ્રુત્વા સ સેનઃ સચિવઃ સુધીઃ ।
તથેતિ પ્રતિવિજ્ઞપ્ય તત્ર રાજ્ઞા સહ ચરન્ ॥ ર્મ્_38.417{18} ॥
સહસા તૌ પ્રગછંતૌ તદ્દેવીદર્શનોત્સુકૌ ।
દૈવયોગાત્ ક્ષણાત્ પ્રાપ્તૌ તત્ર સ્થાને સમૈક્ષતાં ॥ ર્મ્_38.418{19} ॥
તદા તત્ર ન તા દેવ્યઃ સ્થિતાઃ સર્વા દિવં ગતાઃ ।
વ્રતનિર્માલ્યપુષ્પાદિ તત્રાદ્રાષ્ટાં ન તાઃ ક્વચિત્ ॥ ર્મ્_38.419{20} ॥
તત્ર સ નૃપતિસ્ તાસાં દેવીનાં દર્શનં ક્વચિત્ ।
અલભ્યમાને ઉદ્વિગ્નપરિખિન્નાશયો ઽભવત્ ॥ ર્મ્_38.420{21} ॥
તત્ર સ નૃપતિર્ નત્વા વ્રતસ્થાને કૃતાંજલિઃ ।
સર્વત્રાપિ સમાલોક્ય ખં પશ્યન્ન્ એવમ્ અબ્રવીત્ ॥ ર્મ્_38.421{22} ॥
હા મયા લભ્યતે નાત્ર દેવીનાં દર્શનં ક્વચિત્ ।
કિં મયા પ્રકૃતં પાપં મંદભાગ્યો ઽસ્મ્ય્ અહં યતઃ ॥ ર્મ્_38.422{23} ॥
વ્રતં ચરિતુમ્ ઇછામિ તત્ કથં જ્ઞાસ્યતે વિધિં ।
અહો મે દૈવયોગેન શ્રુતમ્ એવ ન દર્શનં ॥ ર્મ્_38.423{24} ॥
તદ્ અત્ર કિં કરિષ્યામિ કો ઽત્ર મે વિધિમ્ આદિશેત્ ।
યદિછામિ ન તત્ સિદ્ધં વૃથૈવેત્યે પરિશ્રમં ॥ ર્મ્_38.424{25} ॥
ઇતિ પ્રોક્ત્વા વિષણ્ણાત્મા નૃપતિઃ સ વિમોહિતઃ ।
નિરાશયા વિભિન્નાસ્યો નિર્જલે મીનજાતિવત્ ॥ ર્મ્_38.425{26} ॥
હા હેતિ નિન્દિતાત્માનં હા મે ભાગ્યમ્ અપીહ ધિક્ ॥ ર્મ્_38.426{27!} ॥
ઇત્ય્ એવં વિલપન્ન્ અશ્રુપૂર્ણાસ્યો ગદ્ગદઃ સ્વરઃ ।
હૃદિ લલાટે વાહુભ્યાં તાડયન્ મૂર્છિતો મુહુઃ ॥ ર્મ્_38.427{28} ॥
સ્મૃતિમાંશ્ ચ સ્વયમ્ અપિ તસ્થૌ તત્ર વિનિઃસ્વસન્ ॥ ર્મ્_38.428{28!} ॥
ઇત્ય્ એવં તં સ્થિતં દૃષ્ટ્વા સા શ્રીદેવી વસુંધરા ।
આકાશાન્ મહદાઘોષં તત્રૈવં નિરચારયત્ ॥ ર્મ્_38.429{29} ॥
રાજન્ માત્ર વિષીદ ત્વં સેત્સ્યતે તે ઽભિલાષિતં ।
સર્વં સેનો વિજાનાતિ તત્ સેનં પૃછ તદ્ વિધિં ॥ ર્મ્_38.430{30} ॥
ઇત્ય્ આકાશાત્ સમુચ્ચારં ઘોષં શ્રુત્વા સ ભૂપતિઃ ।
સાંજલિઃ પ્રણતો ઽષ્ટૌષીદ્ ઊર્દ્ધ્વાસ્યઃ શ્રીવસુંધરાં ॥ ર્મ્_38.431{31} ॥
યા સુસ્મૃતા સુરુચિરં સુષ્ઠુતરં પ્રવૃદ્ધં દારિદ્ર્યદુઃખદુરિતં શમતે નરાણાં ।
તાં કલ્પવૃક્ષસદૃશીં વસુધારસંજ્ઞાં ભક્ત્યા નમામિ શિરસા જગતો હિતાય ॥ ર્મ્_38.432{31!} ॥
પ્રણમામિ સદા વસુધાં જનનીં કરુણાર્દ્રહૃદં પરિવીક્ષ્ય જનં ।
બહુધેતિ ભયાન્વિતદુઃખતરં પ્રણમામિ સદા વસુધાં જનનીં ॥ ર્મ્_38.433{2!} ॥
પાપાચારસ્ય દુર્બુદ્ધેર્ દુર્ભગસ્ય સદા મમ ।
ક્ષંતવ્યો ભૂયશશ્ ચાગઃ શ્રીવસુધે નમો ઽસ્તુ તે ॥ ર્મ્_38.434{3!} ॥
નમસ્ તે ભો મહાદેવિ પ્રસીદ મે કૃપાં કુરુ ।
ભવંત્ય્ અત્ર યથાદિષ્ટં કરિષ્યામિ તથા ખલુ ॥ ર્મ્_38.435{32} ॥
ઇત્ય્ ઉક્ત્વા સ નૃપો ભૂયસ્ તત્ર નત્વા કૃતાંજલિઃ ।
તં સેનં પુરતઃ કૃત્વા તતો ઽચરત્ પ્રમોદિતઃ ॥ ર્મ્_38.436{33} ॥

તતઃ સ નૃપતિર્ ગછન્ સહસા મુદિતાશયઃ ।
તત્રાશોકતલાસીનમ્ અશ્વં પશ્યન્ન્ ઉપાચરન્ ॥ ર્મ્_38.437{34} ॥
તત્ર પ્રાતઃ સ ભૂયસ્ તમ્ અશ્વં દૃષ્ટ્વા પ્રમોદિતઃ ।
રાજા તં સેનમ્ આનત્વા દૃષ્ટ્વા એવમ્ અભાષત ॥ ર્મ્_38.438{35} ॥
સેન તમ્ અશ્વમ્ આરુહ્ય ગછ ત્વં પુરમ્ આશ્રમે ।
મમ તવાનુગછામિ સહસા ગછતુ ધ્રુવં ॥ ર્મ્_38.439{36} ॥
ઇતિ રાજ્ઞોદિતં શ્રુત્વા સ સેનઃ સાંજલિર્ નમન્ ।
નૃપતિં તં મહીપાલં સમાલોક્યૈવમ્ અબ્રવીત્ ॥ ર્મ્_38.440{37} ॥
નૈવમ્ અત્ર મહારાજ યન્ મે સ્વામિ ભવાન્ પ્રભુઃ ।
તદ્ ભવદ્વાહનં હીનં કથમ્ આરોહયેય વૈ ॥ ર્મ્_38.441{38} ॥
ઇતિ તેનોદિતં શ્રુત્વા સૂર્યોદય આત્મવિત્ ।
રાજા તં સેનમ્ આનત્વા પુનર્ એવમ્ અભાષત ॥ ર્મ્_38.442{39} ॥
મા ત્વયૈવં પ્રવક્તવ્યં યદ્ અદ્યારભ્ય ભવાન્ ગુરુઃ ।
યથાકાશસમાદિષ્ટં તત્ તથા કર્ત્તુમ્ અર્હસિ ॥ ર્મ્_38.443{40} ॥
ઇતિ મે વચનં શ્રુત્વા મમાનુકંપયા ઽધુના ।
શાસ્તર્ અગ્રે ઽશ્વમ્ આરુહ્ય પ્રવ્રજતામયાન્વિતઃ ॥ ર્મ્_38.444{41} ॥
ઇતિ રાજ્ઞોદિતં શ્રુત્વા તથેતિ સ પ્રબોધિતઃ ।
સ્વયમ્ અગ્રે ઽશ્વમ્ આરુહ્ય પૃષ્ઠે પ્રારોહયેન્ નૃપં ॥ ર્મ્_38.445{42} ॥
તતઃ સ ઽશ્વસ્ તદારૂઢો વાયુર્ ઇવ સમુચ્ચરન્ ।
મહાવેગાત્ પુરોપાંતં તત્ક્ષણાત્ સમુપાયયૌ ॥ ર્મ્_38.446{43} ॥
તત્ર તં નૃપમ્ આયાતં સમંત્રિજનપૌરિકાઃ ।
સર્વે તે સમુપાલોક્ય પ્રત્યુજ્જગ્મુઃ પ્રમોદિતાઃ ॥ ર્મ્_38.447{44} ॥
તત્રાશ્વપૃષ્ઠમ્ આરૂઢં નૃપં સેનં પુરઃ સ્થિતં ।
દૃષ્ટ્વા તે મંત્રિણઃ સર્વે પૌરાશ્ ચ વિસ્મયં યયુઃ ॥ ર્મ્_38.448{45} ॥
તતસ્ તે મંત્રિણો ઽમાત્યા પૌરાઃ સર્વે પ્રમોદિતાઃ ।
પ્રણત્વા તં નૃપં રાજકુલે ઽનયન્ મહોત્સવં ॥ ર્મ્_38.449{46} ॥
તત્રાશ્વપૃષ્ઠતો રાજા સો ઽવરુહ્ય સ્વયં તતઃ ।
સેનં પુરઃ સ્થિતં પશ્ચાદ્ અવારોહયદ્ આદરાત્ ॥ ર્મ્_38.450{47} ॥
તતો રાજકુલે ગત્વા નૃપઃ પૃષ્ઠતશ્ ચરન્ ।
પાદપ્રક્ષાલનસ્થાને તં સેનમ્ એવમ્ અબ્રવીત્ ॥ ર્મ્_38.451{48} ॥
હે સેને સુમતેર્ અત્ર પાદપ્રક્ષાલયાગ્રતઃ ।
ત્વત્તઃ પશ્ચાદ્ અહં પાદૌ પ્રક્ષાલયામિ સાંપ્રતં ॥ ર્મ્_38.452{49} ॥
ઇતિ રાજ્ઞોદિતં શ્રુત્વા સ સેનઃ સાંજલિર્ નમન્ ।
નૃપતિં તં મહીપાલં સમાલોક્યૈવમ્ અબ્રવીત્ ॥ ર્મ્_38.453{50} ॥
વિભ્રમો ઽસિ કથં રાજન્ ભવાન્ સ્વામિ નરાધિપઃ ।
તત્ પ્રથમં ત્વમ્ એવાત્ર પાદૌ પ્રક્ષાલય પ્રભો ॥ ર્મ્_38.454{51} ॥
ઇતિ તેનોદિતં શ્રુત્વા નૃપતિઃ સ કૃતાંજલિઃ ।
નમંસ્ તં સેનમ્ આલોક્ય તત્રૈવં સંન્યવેદયત્ ॥ ર્મ્_38.455{52} ॥
ભો સેન યદ્ ભવાં છાસ્તા મમ સન્માર્ગદેશકઃ ।
તદ્ અત્ર પ્રથમં પાદૌ પ્રક્ષાલયિતુમ્ અર્હતિ ॥ ર્મ્_38.456{53} ॥

ઇતિ સંપ્રાર્થિતે રાજ્ઞા સ સેનઃ પરિબોધિતઃ ।
રાજ્ઞ આજ્ઞા હ્ય્ અલંઘ્યેતિ પાદૌ પ્રક્ષાલયેત્ પુરઃ ॥ ર્મ્_38.457{54} ॥
તતઃ સ નૃપતિઃ પાદૌ પ્રક્ષાલ્યાનુસરન્ મુદા ।
તં સેનં પુરતઃ કૃત્વા પ્રાસાદે સમુપાચરત્ ॥ ર્મ્_38.458{55} ॥
તત્રાસને પુરોધાય તં સેનં ગુરુમ્ આદરાત્ ।
નૃપતિઃ સ સભામધ્યે તસ્થૌ લોકાન્ વિલોકયન્ ॥ ર્મ્_38.459{56} ॥
તતઃ સ નૃપતિર્ દૃષ્ટ્વા સર્વાલ્ લોકાન્ સભાશ્રિતાન્ ।
સર્વવૃત્તાન્તમ્ આખ્યાય વ્યનોદયદ્ વ્રતોત્સવે ॥ ર્મ્_38.460{57} ॥
તન્ નૃપાદેશિતં શ્રુત્વા સર્વે લોકાઃ પ્રમોદિતાઃ ।
શ્રીદેવ્યાસ્ તદ્ વ્રતં ધર્ત્તું સમૈછન્ત ધનાર્થિનઃ ॥ ર્મ્_38.461{58} ॥
તતસ્ સર્વે ઽપિ તે લોકા નત્વા તં સેનમ્ આદરાત્ ।
નૃપતિં ચ સમાલોક્ય સ્વસ્વાલયં યયુર્ મુદા ॥ ર્મ્_38.462{59} ॥
તતઃ સ નૃપતિસ્ તેન સેનેન ગુરુણા સહ ।
સાનંદં પ્રેરયામ્ આસ દિનાનિ કતિચિન્ મુદા ॥ ર્મ્_38.463{60} ॥
તતઃ સ ભૂપતી રાજા તદ્વ્રતસમયાગતે ।
સામાત્યાન્ મંત્રિણાન્ સર્વાન્ સમામંત્ર્યૈવમ્ આદિશત્ ॥ ર્મ્_38.464{16} ॥
ભો મંત્રિણો જનાઃ સર્વે વ્રતસમયમ્ આગતં ।
તસ્માત્ સર્વે મયા સાર્દ્ધં વ્રતં ચરિતુમ્ અર્હથ ॥ ર્મ્_38.465{62} ॥
તદ્ એનં સેનમ્ એવાત્ર પ્રવ્રજ્યાસદ્ગુરું કુરુ ।
ઇતિ મંત્રિભિર્ આખ્યાતં શ્રુત્વા નૃપસ્ તથેતિ સઃ ।
તં સેનં શાસને બૌદ્ધે પ્રાવ્રાજયદ્ યથાવિધિ ॥ ર્મ્_38.466{63} ॥
સાથ પ્રવ્રજિતો નામ્ના શ્રીસેનગુપ્ત ઇત્ય્ અભૂત્ ।
ખિક્ખિરીપાત્રભૃન્ મુણ્ડઃ કાષાયચીવરાવૃતઃ ॥ ર્મ્_38.467{64} ॥
તતસ્ તદ્ વ્રતમ્ ઉત્સૃજ્ય વજ્રધરપદાપ્તયે ।
વજ્રાભિષેકમ્ આસાદ્ય વજ્રાચાર્યો ઽભવત્ સ ચ ॥ ર્મ્_38.468{65} ॥
તતઃ સ નૃપતી રાજા તદ્ વ્રતં કર્ત્તુમ્ આદરાત્ ।
શાસ્તારં તં સમારાધ્ય સંપ્રાર્થયેદ્ યથાવિધિં ॥ ર્મ્_38.469{66} ॥
તતઃ શ્રીસેનગુપ્તઃ સ વજ્રાચાર્યો યથાવિધિઃ ।
શ્રીદેવીં તાં સમારાધ્ય પૂર્વસેવાં સમાદધત્ ॥ ર્મ્_38.470{67} ॥
તતો ભાદ્રપદે માસે દ્વિતીયાયાં સિતે તરે ।
પ્રાતસ્ તીર્થે શુભે સ્નાત્વા શુદ્ધવસ્ત્રાવૃતઃ સુધીઃ ॥ ર્મ્_38.471{68} ॥
પ્રાસાદોપરિ મૃદ્ગવ્યપરિલિપ્તે સુભૂતલે ।
વિધિવન્ મંડલં કૃત્વા પ્રતિષ્ઠાપ્યાધિવાસયેત્ ॥ ર્મ્_38.472{69} ॥
તદ્ રાત્રૌ ચ સમારાધ્ય શ્રીદેવીં વિધિનાર્ચયેત્ ।
દીપધૂપાદિભિશ્ ચાપિ બલિં દત્વાભ્યતોષયત્ ॥ ર્મ્_38.473{70} ॥
તતઃ પ્રાતઃ સ આચાર્ય્યસ્ તીર્થે સ્નાત્વા સુવસ્ત્રભૃત્ ।
મધ્યાહ્ને સ્વાસનાસીન ઉત્તરાદિઙ્મુખસ્થિતઃ ॥ ર્મ્_38.474{71} ॥
તતઃ ચ ગુરુર્ આચાર્યસ્ ત્રિસમાધિસમાહિતઃ ।
શ્રીદેવીં સગણાં સમ્યગ્ આવાહ્ય વિધિનાર્ચયેત્ ॥ ર્મ્_38.475{72} ॥
તતઃ સ્નાનવિશુદ્ધાઙ્ગાન્ પરિશુદ્ધામ્વરાવૃતાન્ ।

વ્રતિનઃ સનૃપાન્ સર્વાન્ પંચગવ્યૈર્ વ્યશોધયત્ ॥ ર્મ્_38.476{73} ॥
તતસ્ તે વ્રતિનઃ સર્વે ગુરું નત્વા યથાક્રમં ।
નૃપતિપ્રમુખા એવં વ્રતં ચરિતુમ્ આશ્રયત્ ॥ ર્મ્_38.477{74} ॥
તતસ્ તે વ્રતિનઃ સર્વે શ્રિદેવીસંમુખસ્થિતાઃ ।
યથાચાર્ય સમાદિષ્ટં તથાચરન્ વ્રતં મુદા ॥ ર્મ્_38.478{75} ॥
તત્ર તાં શ્રીમહાદેવીં સગણાં વિધિના ક્રમાત્ ।
સમાવાહ્ય સમભ્યર્ચ્ય પૂજાઙ્ગૈઃ સમતોષયન્ ॥ ર્મ્_38.479{76} ॥
જપસ્તોત્રાદિકં કૃત્વા કૃત્વા ચ પાપદેશનાં ।
પુણ્યાનુમોદનાં ચાપિ કૃત્વા ચ સ્થિતિયાચનાં ॥ ર્મ્_38.480{77} ॥
કૃતાંજલિપુટાઃ સર્વે તે ચ કૃત્વા પ્રદક્ષિણાં ।
અષ્ટાઙ્ગૈઃ પ્રણતિં કૃત્વા સંપ્રાર્થયન્ સુસંપદં ॥ ર્મ્_38.481{78} ॥
પિષ્ટકં પાયસં ચાપિ પંચામૃત સમન્વિતં ।
ફલમૂલાદિકં ચાપિ સમુપાઢોકયન્ મુદા ॥ ર્મ્_38.482{79} ॥
તતો લોકાધિપેભ્યો ઽપિ સ ભૂતેભ્યો મહાવલિં ।
યથાવિધિ પ્રદત્વા સંપ્રાર્થયચ્ છ્રી સમૃદ્ધિતાં ॥ ર્મ્_38.483{80} ॥
તતઃ શાસ્તા સ આચાર્યઃ પ્રાર્થયિત્વા ક્ષમાં મુદા ।
સર્વેભ્યો વ્રતિલોકેભ્યઃ પ્રત્યેકં સૂત્રમ્ આર્પ્પયેત્ ॥ ર્મ્_38.484{81} ॥
તત્ સૂત્રં વ્રતિનઃ સર્વે આદાય ગુરુણાર્પ્પિતં ।
સ્વસ્વહસ્તે ઽભિવંધિત્વા રક્ષાર્થમ્ આદરાદ્ દધુઃ ॥ ર્મ્_38.485{82} ॥
યા રાજ્ઞો મહિષી ભાર્યા ચૂડદેવીતિ વિશ્રુતા ।
સૈકા તત્ સૂત્રમ્ આદાય ચ વન્ધન્ એવમ્ આદરાત્ ॥ ર્મ્_38.486{83} ॥
તતો વ્રતસમાપ્તે સા સ્વાલયં સમુપાશ્રિતા ।
તદ્ વ્રતસૂત્રમ્ આલોક્ય કરવદ્ધં વ્યચિંતયત્ ॥ ર્મ્_38.487{84} ॥
કિં મમાનેન સૂત્રેણ સર્વરત્નાદિભૂષણૈઃ ।
મણ્ડિતા યા કરે વદ્ધમ્ ઇતિ ત્યક્તું સમૈહત ॥ ર્મ્_38.488{85} ॥
તતઃ સા દુર્મતી રાજ્ઞી રક્ષાસૂત્રમ્ અપિ સ્વયં ।
કરવદ્ધમ્ અપિ છિત્વા ગવાક્ષાત્ સહસાક્ષિપત્ ॥ ર્મ્_38.489{86} ॥
તસ્મિન્ન્ અવસરે તત્ર નિમ્વદેવ્યાઃ સખી વનાત્ ।
સ્વામિન્યૈ ભોજનં રાજ્ઞૈ યાચિતું સમુપાચરત્ ॥ ર્મ્_38.490{87} ॥
તત્ર સા તદ્ વ્રતોત્સાહશબ્દં શ્રુત્વા સ કૌતુકા ।
તચ્ છબ્દનિહિતસ્વાન્તા તસ્થાવ્ એકાન્ત આશ્રિતા ॥ ર્મ્_38.491{88} ॥
ચૂડદેવ્યા યદ્ ઉત્ક્ષિપ્તં સૂત્રં વાતાયનાદ્ બહિઃ ।
નિશ્ચરન્ મૂર્દ્ધનિ તસ્યાઃ સખાઃ સંન્યપતદ્ દ્રુતં ॥ ર્મ્_38.492{89} ॥
સા તત્ સૂત્રં સમાદાય પશ્યન્તી કિમ્ ઇદં ન્વ્ ઇતિ ।
વ્રતસૂત્રમ્ ઇતિ જ્ઞાત્વા પ્રણત્વા મુદિતાગ્રહીત્ ॥ ર્મ્_38.493{90} ॥
તતઃ સ પ્રેષિકા દેવ્યા ભોગ્યમ્ અપ્રાર્થયંત્ય્ અપિ ।
તત્ સૂત્રમ્ એવ ધૃત્વાશુ નિમ્વવનં મુદાચરન્ ॥ ર્મ્_38.494{91} ॥
તત્ર સા સહસા ગત્વા ભર્તૃકાયાઃ પુરોગતાઃ ।
તત્ સૂત્રં સમુપસ્થાપ્ય પ્રણત્વૈવં ન્યવેદયત્ ॥ ર્મ્_38.495{92} ॥
જયો ઽસ્તુ તે મહાદેવિ યદ્ અહં રાજમંદિરે ।

તતઃ શ્રીવસુધારાયા વ્રતં શૃણોમિ ચારિતં ॥ ર્મ્_38.496{93} ॥
ચૂડદેવ્યા સ્વયં છિત્વા વ્રતસૂત્રમ્ ઇદં બહિઃ ।
ક્ષિપ્તં ગવાક્ષરંધ્રાન્ મે મૂર્દ્ધ્નિ સજતિ નિશ્ચરત્ ॥ ર્મ્_38.497{94} ॥
દૃષ્ટ્વા તદ્ અહમ્ આદાય વ્રતસૂત્રમ્ ઇદં ખલુ ।
ઇતિ મત્વાત્ર તે ભોગ્યમ્ અયાચિત્વા વ્રજે દ્રુતં ॥ ર્મ્_38.498{95} ॥
તથાવામ્ અપિ હે દેવિ ધૃત્વેદં વ્રતસૂત્રકં ।
શ્રીવસુધાં મહાદેવીં સ્મૃત્વા વ્રતં ચરાવહે ॥ ર્મ્_38.499{96} ॥
સા શ્રીદેવી વસુંધારા દૃષ્ટ્વા નૌ ભક્તિસાધનં ।
સ્વયમ્ અત્ર સમાશ્રિત્ય સંદદ્યાદ્ અપિ સંપદં ॥ ર્મ્_38.500{97} ॥
યદિ નૌ દૈવયોગેન સંપત્તિર્ નાત્ર વિદ્યતે ।
પુણ્યં તુ ખલુ વિદ્યેત તતઃ સ્યાજ્ જન્મ સાફલં ॥ ર્મ્_38.501{98} ॥
ઇતિ મત્વાત્ર ભો દેવિ સ્નાત્વા શુદ્ધામ્વરાવૃતૌ ।
શ્રીદેવીં મનસા ધ્યાત્વા સ્મૃત્વા વ્રતં ચરાવહે ॥ ર્મ્_38.502{99} ॥
ઇતિ સખ્યા સમાખ્યાતં નિમ્વદેવી નિશમ્ય સા ।
તથેત્ય્ અભ્યનુમોદિત્વા તથા ચરિતુમ્ ઐછત ॥ ર્મ્_38.503{100} ॥
તતસ્ તથેહ એવં તે સ્નાત્વા શુદ્ધામ્વરાવૃતે ।
સન્મૃદ્ગોમય સંલિપ્તે સ્વગૃહે સમુપાશ્રિતે ॥ ર્મ્_38.504{1} ॥
મનસા શ્રીમહાદેવીં વસુન્ધરાં સમાદરાત્ ।
ધ્યાત્વા સ્મૃત્વા સમાધાય સંચરતે વ્રતં મુદા ॥ ર્મ્_38.505{2} ॥
તસ્મિન્ન્ અવસરે તત્ર સા શ્રીદેવી વસુંધરા ।
વૃદ્ધીરૂપધરા રાજકુલદ્વારમ્ ઉપાચરત્ ॥ ર્મ્_38.506{3} ॥
તત્ર સા જ્યાયસી વૃદ્ધા પ્રકીર્ણશુક્લમૂર્દ્ધજા ।
ઉપસૃત્ય સખીમ્ એકાં સમામંત્ર્યૈવમ્ અબ્રવીત્ ॥ ર્મ્_38.507{4} ॥
ભદ્રિકે ત્વમ્ ઇહાગછ ચૂડદેવ્યાઃ પુરો ગતા ।
તવ માતામહી દ્વરે તિષ્ઠતીતિ નિવેદય ॥ ર્મ્_38.508{5} ॥
ઇતિ તયા સમાદિષ્ટં શ્રુત્વા ચેટી તથેતિ સા ।
ચૂડદેવ્યાઃ પુરોગત્વા સમામંત્ર્યૈવમ્ અબ્રવીત્ ॥ ર્મ્_38.509{6} ॥
દેવી માતામહી વૃદ્ધા જ્યાયસી તે ઇહાગતા ।
ભવંત્યો દર્શનં કર્તુમ્ ઇછન્તી દ્વારિ તિષ્ઠતિ ॥ ર્મ્_38.510{7} ॥
તદ્ ભવંતી સમાગછ તસ્યા દર્શનમ્ આદરાત્ ।
દત્વા સંભાષણં કૃત્વા વિનોદયિતુમ્ અર્હતિ ॥ ર્મ્_38.511{8} ॥
ઇતિ તયા સમાખ્યાતં ચૂડદેવી નિશમ્ય સા ।
ન મે માતામહી કા સા ધ્યાત્વેત્ય્ એવં ચ પ્રાવદત્ ॥ ર્મ્_38.512{9} ॥
મમ માતામહી નાસ્તિ કાસાવ્ ઇહ સમાગતા ।
ઇતિ પ્રોક્ત્વા ત્વયા દ્વારાત્ સહસા પ્રેષ્યતાં બલાત્ ॥ ર્મ્_38.513{10} ॥
ઇતિ દેવ્યોદિતં શ્રુત્વા તથેતિ સા સખી ગતા ।
વૃદ્ધાંતિકમ્ ઉપાશ્રિત્ય દૃષ્ટ્વા તામ્ એવમ્ અબ્રવીત્ ॥ ર્મ્_38.514{11} ॥
માતામહી ન મે કા ચિદ્ ઇતિ દેવી વદત્ય્ અપિ ।
અતઃ સા તે મુખં દ્રષ્ટું નૈવેહ સમુપાવ્રજેત્ ॥ ર્મ્_38.515{12} ॥
અતસ્ ત્વમ્ ઇહ મા તિષ્ઠ ગછાતઃ સહસા વહિઃ ।

ન વ્રજેર્ યદિ સા દેવી પ્રૈષયેત્ ત્વાં બલાદ્ અપિ ॥ ર્મ્_38.516{13} ॥
ઇતિ તયોદિતં શ્રુત્વા સા વૃદ્ધા તત ઉત્થિતા ।
ન તિષ્ઠેયમ્ ઇતિ પ્રોક્ત્વા તતઃ શનૈર્ યયૌ વહિઃ ॥ ર્મ્_38.517{14} ॥
તતઃ સા શ્રીમહાદેવી વૃદ્ધી રૂપધરા તથા ।
નિમ્વવને સ્થિતાં રાજ્ઞીં સમુદ્ધર્ત્તુમ્ ઉપાચરત્ ॥ ર્મ્_38.518{15} ॥
તત્ર સા જ્યાયસી વૃદ્ધા શનૈર્ દ્વારમ્ ઉપાશ્રિતા ।
દૃષ્ટ્વા ચેટીં સમાહૂય મૃદુગિરૈવમ્ અબ્રવીત્ ॥ ર્મ્_38.519{16} ॥
દારિકે ત્વમ્ ઇહાગછ કિં ચિન્ મે વચનં શૃણુ ।
રાજ્ઞા વિચારણાર્થે ઽહં શનૈર્ ઇહ સમાવ્રજે ॥ ર્મ્_38.520{17} ॥
એતન્ મે વચનમ્ શ્રુત્વા નિમ્વદેવ્યા પુરોગતા ।
વૃદ્ધેકા તે મુખં દ્રષ્ટુમ્ આગતેતિ નિવેદય ॥ ર્મ્_38.521{18} ॥
ઇતિ તયોદિતં શ્રુત્વા સા ચેટી સાદરં મુદા ।
પશ્યંતિ સાંજલિર્ નત્વા તાં વૃદ્ધામ્ એવમ્ અબ્રવીત્ ॥ ર્મ્_38.522{19} ॥
માતામહિ સમાગછ ભવંત્યા ગદિતં યથા ।
તથા દેવ્યા નિવેદિત્વા સહસાત્રાવ્રજામ્ય્ અહં ॥ ર્મ્_38.523{20} ॥
ઇત્ય્ ઉક્ત્વા સા સખી તસ્યા નિમ્વદેવ્યાઃ પુરો ગતા ।
મુદિતા સુપ્રસન્નાસ્યા સમાલોક્યૈવમ્ અબ્રવીત્ ॥ ર્મ્_38.524{21} ॥
દેવિ તવ વિચારાર્થે વૃદ્ધૈકેહ સમાગતા ।
તદ્ ભવંતી સમામંત્ર્ય સંમાનયિતુમ્ અર્હતિ ॥ ર્મ્_38.525{22} ॥
ઇતિ સખ્યોદિતં શ્રુત્વા નિમ્વદેવી સમુત્થિતા ।
સહસા સમુપાગત્ય તાં વૃદ્ધામ્ એવમ્ અબ્રવીત્ ॥ ર્મ્_38.526{23} ॥
સ્વાગતં ભદ્રિકે જેષ્ઠે માતામહિ સમાવ્રજ ।
શનૈ ધૈર્યં સમાલમ્વ્ય સમાધાય સમાસર ॥ ર્મ્_38.527{24} ॥
ઇત્ય્ ઉક્ત્વા સા સુભદ્રાંશા નિમ્વદેવી સમાદરાત્ ।
તાં વૃદ્ધાં સમુપામંત્ર્ય સ્વાસને સમુપાશ્રયત્ ॥ ર્મ્_38.528{25} ॥
તત્ર સા જ્યાયસી વૃદ્ધા સ્વાસને સમુપાશૃતા ।
તાં રાજ્ઞીં સુદૃશાલોક્ય સુપ્રસન્નૈવમ્ અબ્રવીત્ ॥ ર્મ્_38.529{26} ॥
કિં વે ઽત્ર ચરસે વત્સે તન્ મે વક્તું ત્વમ્ અર્હસિ ।
કસ્મિન્ન્ અર્થે ઽભિલાષં તે તવાપિ મે પુરો વદ ॥ ર્મ્_38.530{27} ॥
ઇતિ તયા સમાખ્યાતં નિમ્વદેવી નિશમ્ય સા ।
તાં વૃદ્ધાં સુપ્રસન્નાસ્યા સમાલોક્યૈવમ્ અબ્રવીત્ ॥ ર્મ્_38.531{28} ॥
કિમ્ અત્રાહં વદિષ્યામિ મન્દભાગ્યાસ્મિ દુઃખિતા ।
દરિદ્રિતા ન મે સંપદ્ વિદ્યતે ઽત્ર ગૃહે ક્વચિત્ ॥ ર્મ્_38.532{29} ॥
વ્રતોપહારસામગ્રિમ્ અપિ કિં ચિન્ ન વિદ્યતે ।
તદ્ ઇદં કદરીપત્રકૃતમ્ અર્ઘાદિ ભાજનં ॥ ર્મ્_38.533{30} ॥
તન્ મયા શ્રદ્ધયા ભક્તિમાત્રેણ શ્રીવસુંધરાં ।
ધ્યાત્વા સ્મૃત્વા સમારાધ્ય સંચરિતમ્ ઇદં વ્રતં ॥ ર્મ્_38.534{31} ॥
વ્રતસાધનસામગ્રીસંપૂર્ણં વિદ્યતે ન મે ।
તદ્ વિધિના વ્રતૈઃ કર્ત્તું શક્યતે ન મયા તથા ॥ ર્મ્_38.535{32} ॥
તન્ મનોભાવનામાત્રપૂજાઙ્ગૈઃ શ્રિવસુંધરાં ।

મહાદેવીં સમારાધ્ય વ્રતમ્ એવં ચરાવહે ॥ ર્મ્_38.536{33} ॥
એતત્ તયા સમાખ્યાતં શ્રુત્વા સા જ્યાયસી મુદા ।
તં રાજ્ઞીં સસખીં ભદ્રાં સમાલોક્યૈવમ્ અદિશત્ ॥ ર્મ્_38.537{34} ॥
સિદ્ધ્યતુ તે વ્રતં પૂર્ણં ચરસ્વેવં સમાહિતા ।
શ્રદ્ધયા ભક્તિભાવેન સ્મૃત્વા દેવીં સદા ભજ ॥ ર્મ્_38.538{35} ॥
તથા સા શ્રીમહાદેવી વસુલક્ષ્મીઃ પ્રસાદિતા ।
પરિતુષ્ટા ગૃહે તે ઽત્ર સદાપિ સગણાશ્નયેત્ ॥ ર્મ્_38.539{36} ॥
તતસ્ તસ્યા મહાદેવ્યાઃ પ્રભાવેન સદા તવ ।
સર્વત્રાપિ ભવેન્ નૂનં મંગલં નિરુપદ્રવં ॥ ર્મ્_38.540{37} ॥
તતસ્ તે સર્વસંપત્તિપરિપૂર્ણં ભવેદ્ ગૃહે ।
તતસ્ ત્વં સ્વેછયા દાનં દત્વાર્થિભ્યઃ શુભે ચર ॥ ર્મ્_38.541{38} ॥
એતત્પુણ્યપરીતા ત્વં સર્વદા સદ્ગતીં ગતાઃ ।
પરિશુદ્ધાશયા ધીરા સુશીલા શુભભાવિની ॥ ર્મ્_38.542{39} ॥
સાક્ષાદ્ અર્હત્પદં પ્રાપ્તા સંબુદ્ધાલયમ્ આપ્નુયાઃ ।
એવં વિજ્ઞાય ભો વત્સે સંબુદ્ધપદલબ્ધયે ।
ત્રિરત્નશરણં કૃત્વા શ્રીદેવીં ભજ સર્વદા ॥ ર્મ્_38.543{40} ॥
ઇત્ય્ ઉક્ત્વા સા મહાદેવી ત્યક્ત્વા વૃદ્ધાકૃતિં તથા ।
ધૃત્વા રૂપં વસુંધર્ય્યા તસ્થૌ સર્વગણૈર્ વૃતા ॥ ર્મ્_38.544{41} ॥
તાં દેવીં શ્રીપ્રભાસ્વંતીં સગણાન્ સમવસ્થિતાન્ ।
આલોક્ય નિમ્વદેવી સા તસ્થૌ ક્ષણં સુવિસ્મિતા ॥ ર્મ્_38.545{42} ॥
તતઃ સ્વપ્નવિબુદ્ધેવ સાક્ષાત્ તાં શ્રીવસું ધરાં ।
દૃષ્ટ્વા સા સહસોત્થાય સાંજલિ ન્યપતત્ પુરઃ ॥ ર્મ્_38.546{43} ॥
તતઃ સા શ્રીમહાદેવી તાં રજ્ઞીં પુરતો નતાં ।
ધૃત્વા હસ્તેન હે વત્સ ઉત્તિષ્ઠેત્ય્ એવમ્ અબ્રવીત્ ॥ ર્મ્_38.547{44} ॥
વત્સે દારિદ્ર્યદુઃખં તે નશ્યતે સાંપ્રતં ખલુ ।
સર્વદાત્ર ગૃહે સંપત્ પરિવૃદ્ધા ભવેદ્ અપિ ॥ ર્મ્_38.548{45} ॥
ઇત્ય્ આદિષ્ટં તયા દેવ્યા નિમ્વદેવી નિશમ્ય સા ।
ઉત્થાય સાંજલિ દેવીં પ્રાદ્રાક્ષીત્ તાં વસુંધરાં ॥ ર્મ્_38.549{46} ॥
ગૃહે ચાપિ મહાસંપત્ પરિપૂર્ણં સમંતતઃ ।
પશ્યન્તી કિમ્ ઇદં સ્વપ્નમ્ ઇત્ય્ ઉક્ત્વા સમલોકયત્ ॥ ર્મ્_38.550{47} ॥
તતઃ સા શ્રિવસુંધારા મહાદેવી ગણૈઃ સહ ।
ભદ્રે ઽનુભૂયતાં સૌખ્યમ્ ઇત્ય્ ઉક્ત્વાનુદધૌ તતઃ ॥ ર્મ્_38.551{48} ॥
તત્ર સા નિમ્વદેવી તાં શ્રીદેવીં સગણાં તથા ।
અંતર્ધાનગતાં દૃષ્ટ્વા ક્ષણં તસ્થૌ વિમૂર્છિતા ॥ ર્મ્_38.552{49} ॥
તતશ્ ચૈતન્યમ્ આષાદ્ય સા રાજ્ઞી પરિબોધિતા ।
તાં દેવીં સગણાં ધાત્વા સ્મૃત્વા તસ્થૌ સમાહિતં ॥ ર્મ્_38.553{50} ॥
તતસ્ તસ્યા નિમ્વદેવ્યા ઉદ્યાનેષુ સમંતતઃ ।
સર્વપુષ્પદ્રુમા જાતાસ્ તથા સર્વફલદ્રુમાઃ ॥ ર્મ્_38.554{51} ॥
અષ્ટાઙ્ગગુણસંપન્ન જલપૂર્ણા મનોરમાઃ ।
પદ્મોત્પલાદિ પુષ્પાઢ્યાઃ પુષ્કરિણ્યઃ સમુદ્ભવાઃ ॥ ર્મ્_38.555{52} ॥

ગૃહં ચાપિ મનોરમ્યં પ્રાસ્પાદં દિવ્યસંનિભં ।
સર્વસંપત્તિ સંપૂર્ણં શ્રીદપુરમ્ ઇવાભવત્ ॥ ર્મ્_38.556{53} ॥
તદ્ ઈદૃગ્ ભવનં દૃષ્ટ્વા તથોદ્યાનં મનોરમં ।
નંદિતા નિમ્વદેવી સા તસ્થૌ દિવ્યસુખાન્વિતા ॥ ર્મ્_38.557{54} ॥
તદા સ નૃપતિશ્ ચૂડદેવ્યા વ્રતં ન ધારિતં ।
વ્રતસૂત્રં વિસૃષ્ટં ચ શ્રુત્વાતિરુષિતાભવત્ ॥ ર્મ્_38.558{55} ॥
તતઃ સો નૃપતી રાજા મંત્રિભિઃ પરિબોધિતઃ ।
મહિષીં તાં પ્રિયાં ભાર્યાં સમેત્યેવમ્ અભાષત ॥ ર્મ્_38.559{56} ॥
અરે રે હેતુના કેન ત્વયા ન ધારિતં વ્રતં ।
વ્રતસૂત્રં કથં છિત્વા વિસૃષ્ટં તદ્ વદસ્વ મે ॥ ર્મ્_38.560{57} ॥
ઇતિ રાજ્ઞોદિતં શ્રુત્વા ચૂડદેવી પ્રગર્વિતા ।
સ્વામિનંસ્ અપિ તં ભૂપમ્ અનાદૃત્ય્યૈવમ્ અબ્રવીત્ ॥ ર્મ્_38.561{58} ॥
મમૈતચ્ છ્રીસમૃદ્ધાસ્તિ ગૃહે રત્નાદિ સંયુતા ।
કિં તેન વ્રતસૂત્રેણ વ્રતેનાપિ પ્રયોજનં ॥ ર્મ્_38.562{59} ॥
ઇતિ તયોદિતં શ્રુત્વા નૃપતિઃ સ પ્રકોપિતઃ ।
પ્રયત્નાદ્ અપિ તાં ભાર્યાં બોધયિતું શશાક ન ॥ ર્મ્_38.563{60} ॥
તતઃ સ નૃપતિ રાજા તદ્વ્રતધારણોત્સુકઃ ।
સખીમ્ એકાં સમાહૂય પુર એવમ્ અભાષત ॥ ર્મ્_38.564{61} ॥
સખી ત્વં મે વચઃ શ્રુત્વા ગછ નિમ્વવને ઽધુના ।
નિમ્વદેવ્યાઃ પુરો ગત્વા વદસ્વૈવં સમાદરાત્ ॥ ર્મ્_38.565{62} ॥
સ્વામી સ નૃપતી રાજા વ્રતં ચરિતુમ્ ઇછતિ ।
વસુલક્ષ્મ્યાસ્ ત્વયા સાર્દ્ધં તદ્ આશુ ગમ્યતામ્ ઇતિ ॥ ર્મ્_38.566{63} ॥
સા તથેતિ પ્રતિશ્રુત્ય દ્રુતં નિમ્વવને ગતા ।
દૃષ્ટ્વોદ્યાનં મનોરમ્યં ક્ષણં તસ્થૌ સવિસ્મયા ॥ ર્મ્_38.567{64} ॥
તતઃ સા કૌતુકાક્રાંતહૃદયા સમુપાવિશત્ ।
તત્ર તદ્ ભવનં રમ્યં દૃષ્ટ્વા તસ્થૌ સકૌતુકા ॥ ર્મ્_38.568{65} ॥
તતઃ સા સુચિરં દૃષ્ટ્વા મુદિતા વિસ્મયાન્વિતા ।
નિમ્વદેવ્યાઃ પુરો ગત્વા પાદૌ નત્વૈવમ્ અબ્રવીત્ ॥ ર્મ્_38.569{66} ॥
દેવિ ત્વદન્તિકે રાજ્ઞા પ્રેષિતાહં સમાગતા ।
તદ્ ભવંતી પ્રભોર્ આજ્ઞાં શ્રોતુમ્ અર્હતિ સાંપ્રતં ॥ ર્મ્_38.570{67} ॥
સ સ્વામી શ્રીવસુંધર્ય્યા વ્રતં ચરતિ સપ્રિયઃ ।
ચૂડદેવ્યા વ્રતં સમ્યક્પરિતં ન પ્રમાદતઃ ॥ ર્મ્_38.571{68} ॥
તત્ત્વયા સહ સ સ્વામી વ્રતં ચરિતુમ્ ઇછતિ ।
તત્ ત્વદાહૂતયે રાજ્ઞા પ્રેષિતાહં તથાત્ર હિ ॥ ર્મ્_38.572{69} ॥
તદ્ ભવંતી પ્રભોર્ આજ્ઞાં શિરો ધૃત્વા સમાદરાત્ ।
તદ્ વ્રતં ચરિતું ભર્ત્ત્રા સહાશ્વ્ આગંતુમ્ અર્હતિ ॥ ર્મ્_38.573{70} ॥
ઇતિ તયા સમાખ્યાતં નિમ્વદેવી નિશમ્ય સા ।
તાં ચેટીં સ્વામિનો દૂતીં સમાલોક્યૈવમ્ અબ્રવીત્ ॥ ર્મ્_38.574{71} ॥
સખ્ય્ અત્ર શ્રીવસુંધારાવ્રતં મયા વિધાર્યતે ।
પશ્ય મે સંપદો જાતાઃ શ્રીદેવીસંપ્રસાદતઃ ॥ ર્મ્_38.575{72} ॥

તદ્ અહં સાંપ્રતં તત્ર નેછામિ ચરિતું વ્રતં ।
તદર્થાગમનેનાપિ પ્રયોજનં ન મે ઽધુના ॥ ર્મ્_38.576{73} ॥
તદ્ અહં નાગમિષ્યામિ તચ્છૈતત્ કથિતં મયા ।
નૃપતેઃ પુરતો ગત્વા વક્તવ્યં નાન્યથા ત્વયા ॥ ર્મ્_38.577{74} ॥
ઇતિ તયા સમાખ્યાતં શ્રુત્વા ચેટી તથેતિ સા ।
તાં રાજ્ઞીં સાંજલી નત્વા પ્રત્યાયયૌ નૃપાલયં ॥ ર્મ્_38.578{75} ॥
તત્ર સા નૃપતેઃ પાદૌ પ્રણમ્ય સાંજલિઃ પુરઃ ।
ઉવાચૈતત્ પ્રવૃત્તાંતં નિમ્વદેવ્યા યથોદિતં ॥ ર્મ્_38.579{76} ॥
તત્ તયા કથિતં શ્રુત્વા સ રાજા વિસ્મયાહતઃ ।
ભૂયસ્ તાં ચેટિકાં દૂતીં સમામંત્ર્યૈવમ્ આદિશત્ ॥ ર્મ્_38.580{77} ॥
ભૂયો ઽપિ તત્ર ગછ ત્વં બોધયિત્વા પ્રયત્નતઃ ।
નિમ્વદેવીં સમાહૂય સહસાનેતુમ્ અર્હતિ ॥ ર્મ્_38.581{78} ॥
ઇત્ય્ આદિષ્ટં નરેન્દ્રેણ શ્રુત્વા સા ચેટિકાપિ ચ ।
નૃપતિં તં મહારાજં પ્રણત્વૈવં ન્યવેદયત્ ॥ ર્મ્_38.582{79} ॥
કિં તત્રાહં ગમિસ્યામિ નિમ્વદેવીહ માવ્રજેત્ ।
યત્ સા તત્ર મહાસૌખ્યં ભુક્ત્વા તિષ્ઠતિ સાંપ્રતં ॥ ર્મ્_38.583{80} ॥
યત્ તસ્યા ભવનં રમ્યં પ્રાસાદં ભવતે ઽધુના ।
સર્વસંપત્તિસંપૂર્ણં શ્રીદસ્યેવ કિમ્ ઉચ્યતે ॥ ર્મ્_38.584{81} ॥
ઉદ્યાને ઽપિ મનોરમ્યાઃ પુષ્કરિણ્યઃ સમુદ્ભવાઃ ।
નાનાવૃક્ષાશ્ ચ સંજાતાઃ ફલપુષ્પસમન્વિતાઃ ॥ ર્મ્_38.585{82} ॥
કિમ્ અત્ર વહિમોક્તેન દિવ્યશ્રી સંપદાન્વિતં ।
યદિ તદ્ ઇછસિ દ્રષ્ટું તત્ર ગત્વાભિલોકય ॥ ર્મ્_38.586{83} ॥
એવં તયોદિતં શ્રુત્વા સ રાજા તૃષિતાન્વિતઃ ।
તથા તદ્ ભવનં દ્રષ્ટું સહસા ગંતુમ્ ઐછત ॥ ર્મ્_38.587{84} ॥
તતઃ સ નૃપતી રાજા સખિમંત્રિજનૈઃ સહ ।
યાનારૂઢો વ્રજન્સ્ તત્ર નિમ્વવને ઉપાસરત્ ॥ ર્મ્_38.588{85} ॥
તત્રોદ્યાનં મનોરમ્યં સર્વવૃક્ષાઃ સમન્વિતં ।
પુષ્કરિણીશ્ ચ દૂરાત્ સ રાજાદ્રાક્ષીન્ મનોહરાઃ ॥ ર્મ્_38.589{86} ॥
ભવનં ચ મનોરમ્યં પ્રાસાદં દિવ્યકલ્પિતં ।
દૃષ્ટ્વા સ મુદિતો રાજા સ શીઘ્રં દ્વારાન્તિકે યયૌ ॥ ર્મ્_38.590{87} ॥
તન્ નૃપં સમુપાયાતં દૃષ્ટ્વા દેવ્યાઃ સખી દ્રુતં ।
પુરતઃ સહસોપેત્ય સમામંત્ર્યૈવમ્ અબ્રવીત્ ॥ ર્મ્_38.591{88} ॥
દેવી પ્રસીદ યદ્ ભર્ત્તા સ્વામીહ સ્વયમ્ આગતઃ ।
તદ્ ભવંતી પ્રસન્નાસ્યા દર્શનં દાતુમ્ અર્હતિ ॥ ર્મ્_38.592{89} ॥
ઇતિ સખ્યોદિતમ્ શ્રુત્વા નિમ્વદેવી પ્રહર્ષિતા ।
સહસોત્થાય પર્યઙ્કં પ્રાજ્ઞપયત્ સુકોમલં ॥ ર્મ્_38.593{90} ॥
તત્ર સ ભૂપતી રાજા પ્રવિશ્ય મંદિરે ચરન્ ।
તાં દેવીં સમુપામંત્ર્ય પ્રયયૌ સહિતે જનૈઃ ॥ ર્મ્_38.594{91} ॥
તત્ર તં પ્રભુમ્ આયાતં નિમ્વદેવી સમીક્ષ્ય સા ।
સહસોત્થાય પશ્યંતી નનામ ચરણે પ્રભોઃ ॥ ર્મ્_38.595{92} ॥

તત્ર સ પ્રભુર્ આલોક્ય તાં ભાર્યાં શ્રીસમાંશિકાં ।
સર્વત્ર કુશલં પ્રશ્નં કૃત્વાસને સમાશ્રયત્ ॥ ર્મ્_38.596{93} ॥
તત્ર તાં શ્રીસમાકારં નિમ્વદેવીં નિરીક્ષ્ય સઃ ।
રાજા પ્રભુઃ સ્વયં ધૃત્વા સહાસને ન્યવેશયત્ ॥ ર્મ્_38.597{94} ॥
તતસ્ તૌ દંપતી તત્ર સહાસને સમાશ્રિતૌ ।
પરસ્પરં સમાશ્રિત્ય નિષેદતુઃ પ્રમોદિતૌ ॥ ર્મ્_38.598{95} ॥
તતઃ સ નૃપતી સ્વામી સકૌતુકપ્રમોદિતઃ ।
તાં ભાર્યાં શ્રીસમાનાંશં દૃષ્ટ્વૈવં પર્યપૃછત ॥ ર્મ્_38.599{96} ॥
કથં તે ભવનં રમ્યં પ્રાસાદં ભવને ઽધુના ।
ઉદ્યાનં ચ મનોરમ્યં જાયતે તદ્ વદસ્વ મે ॥ ર્મ્_38.600{97} ॥
ઇતિ પૃષ્ટે નરેંદ્રેણ નિમ્વદેવી વિનોદિતા ।
તં પ્રભું સાંજલિર્ નત્વા સમાલોક્યૈવમ્ અબ્રવીત્ ॥ ર્મ્_38.601{98} ॥
શૃણુ સ્વામિન્ મહારાજ યદિ શ્રોતું ત્વમ્ ઇછસિ ।
તથાહં કથયિષ્યામિ યન્ મે સંપત્ પ્રજાયતે ॥ ર્મ્_38.602{99} ॥
પ્રત્યહં યત્ ત્વયા દત્તં તદ્ ભોગ્યં યાચિતું સખી ।
અમુષ્મિન્ દિવસે તત્ર મયેયં પ્રેષિતાચરત્ ॥ ર્મ્_38.603{100} ॥
તત્રેયં સહસા ગત્વા પ્રાસાદૈકાંતમ્ આશ્રિતા ।
તદા વાતાયનાત્ ક્ષિપ્તં વ્રતસૂત્રમ્ અધો ઽપતત્ ॥ ર્મ્_38.604{1} ॥
તદ્ દૃષ્ટ્વૈવં સખી ગૃહ્ય કિમ્ ઇદમ્ ઇતિ વીક્ષ્ય સા ।
વિસ્મિતા સહસાગત્વા મમાગ્રે સમદર્શયત્ ॥ ર્મ્_38.605{2} ॥
તદ્ દૃષ્ટ્વાયં મયા પૃષ્ટા ત્યક્ત્વાહારમ્ ઇદં કુતઃ ।
સૂત્રમ્ આદાય પ્રૈષિ ત્વં તત્ કથમ્ ઉચ્યતામ્ ઇતિ ॥ ર્મ્_38.606{3} ॥
તથેયં પરિપૃષ્ટા મે વિસ્તરેણૈવમ્ અબ્રવીત્ ।
સ્વામિનિ યદિ તે શ્રોતું વાંછાસ્તિ શ્રૂયતામ્ ઇતિ ॥ ર્મ્_38.607{4} ॥
પ્રત્યહં સ્વામિનાહારં દત્તં તદ્ યાચિતું તદા ।
તત્ર રાજકુલે દેવ્યા વ્રતોત્સાહં શૃણોમ્ય્ અહં ॥ ર્મ્_38.608{5} ॥
તદ્ વ્રતશબ્દમ્ આકર્ણ્ય તત્રૈકાંતે સમાશ્રિતા ।
તદા વાતાયનાત્ ક્ષિપ્તં સૂત્રં પતતિ મે મમ ॥ ર્મ્_38.609{6} ॥
તદ્ ઇદં સૂત્રમ્ આલોક્યમિતિ વિસ્મયાન્વિતા ।આલોક્ય કિમ્ ઇતિ?
ત્યક્ત્વાહારમ્ ઇદં સૂત્રમ્ આદાય સહસા વ્રજે ॥ ર્મ્_38.610{7} ॥
ઇત્ય્ ઉક્ત્વેયં સખી મે ઽગ્રે ઉપસ્થાયાપ્ય્ અદર્શયત્ ।
વ્રતસૂત્રં તદ્ આલોક્ય નત્વાગૃહ્નાન્ મુદાદરાત્ ॥ ર્મ્_38.611{8} ॥
તતશ્ ચેયં સખિ દૃષ્ટ્વા પ્રેમ્ના હિતાર્થવાંછિની ।
માતેવાનુનયં કૃત્વા મમાગ્રે એવમ્ અબ્રવીત્ ॥ ર્મ્_38.612{9} ॥
ભવંત્ય્ અપિ તથા શ્રદ્ધાભક્તિમાત્રેણ સર્વદા ।
શ્રીદેવીં મનસા ધ્યાત્વા સ્મૃત્વારાધ્ય વ્રતં ચર ॥ ર્મ્_38.613{10} ॥
ઇત્ય્ અસ્યા વચનં શ્રુત્વા તથાહં ભક્તિમાત્રતઃ ।
શ્રીદેવીં મનસા ધ્યાત્વા સ્મૃત્વારાધ્યાચરં વ્રતં ॥ ર્મ્_38.614{11} ॥
તદૈકા જ્યાયસી વૃદ્ધા માતામહી તવાગતા ।
ઇત્ય્ આખ્યાય શનૈર્ અત્ર મમાગ્રે સમુપાગતા ॥ ર્મ્_38.615{12} ॥

મયાપિ સાદરેણાત્ર નત્વાસને નિવેશિતા ।
તતશ્ ચ માં સમાલોક્ય કુશલં સમપૃછત ॥ ર્મ્_38.616{13} ॥
તતશ્ ચાસૌ પરિજ્ઞાય મયાત્ર વ્રતસાધનં ।
કિં વ્રતં સધ્યતે વત્સ ઇતિ માં પર્યપૃછત ॥ ર્મ્_38.617{14} ॥
તતસ્ તાં સાંજલિર્ નત્વા ન્યવેદયન્ સમાદરાત્ ।
માતામહિ નુ મે કિં ચિદ્ અપિ દ્રવ્યં ન વિદ્યતે ॥ ર્મ્_38.618{15} ॥
તદ્ અહં શ્રદ્ધયા ભક્તિભાવમાત્રેણ સાદરં ।
શ્રીદેવીં મનસા ધ્યાત્વા સ્મૃત્વારાધ્ય વ્રતં ચરે ॥ ર્મ્_38.619{16} ॥
ઇતિ મયોદિતં શ્રુત્વા સા વૃદ્ધા પરિમોદિતા ।
તદ્વ્રતવિધિપુણ્યાનિ યથા ક્રમમ્ ઉપાદિશત્ ॥ ર્મ્_38.620{17} ॥
તદ્ ઉપાદિષ્ટમ્ આકર્ણ્ય મુદિતા સંપ્રમોદિતા ।
સાંજલિસ્ તન્પદાબ્જે ઽહં નત્વા તિષ્ઠમ્ અધોમુખઃ ॥ ર્મ્_38.621{18} ॥
તદા સા તજ્જ્યાયસી રૂપં ત્યક્ત્વાત્ર ચ ક્ષણાદ્ અપિ ।
શ્રીદેવીમૂર્ત્તિમ્ આધાય સગણાં સમદર્શયત્ ॥ ર્મ્_38.622{19} ॥
અતો ઽહં સહસોત્થાય દૃષ્ટ્વા તાં શ્રીવસુંધરાં ।
ગણવૃતાં સમાલોક્ય યથાશક્તિ સમર્ચ્યં ॥ ર્મ્_38.623{20} ॥
તતઃ સા શ્રીમહદેવી મદ્ભક્તિપરિતોષિતા ।
સગણા મે વરં દત્વા વ્યવધાનમ્ ઇતો ઽવ્રજત્ ॥ ર્મ્_38.624{21} ॥
તતસ્ તસ્યા મહાલક્ષ્મ્યા કૃપાદૃષ્ટિપ્રસાદતઃ ।
ઇદં મે ભવનં રમ્યં પ્રાસાદં ભવતે ક્ષણાત્ ॥ ર્મ્_38.625{22} ॥
ઉદ્યાનં ચ મનોરમ્યં નાનાપુષ્પફલદ્રુમૈઃ ।
પદ્મોત્પલાદિ પુષ્પાઢ્યાઃ પુષ્કરિણ્યો ચોદ્ભવાઃ ॥ ર્મ્_38.626{23} ॥
સધાતુરત્નજાતાદિ સર્વદ્રવ્યાભિપૂરિતં ।
કોષ્ઠાગારં સમુદ્ભૂતં સવસ્ત્રાલંકારપૂરિતં ॥ ર્મ્_38.627{24} ॥
સર્વવ્રીહિસમાપૂર્ણમ્ ષડ્રરદ્રવ્યપૂરિતં ।
ઘૃતદધિમધુક્ષીરમોદકાદિપ્રપૂરિતં ॥ ર્મ્_38.628{25} ॥
વિવિધપાનભોજ્યાનિ પટ્ટપુષ્પાસનાનિ ચ ।
ફલપુષ્પાદિ ભોગ્યાનિ સંજાયંતે ક્ષણાદ્ ઇહ ॥ ર્મ્_38.629{26} ॥
ઈદૃશી મહતી સંપત્ સમુદ્ભૂતા મમ ક્ષણાત્ ।
તત્ સર્વં શ્રીમહાદેવ્યાઃ પ્રસાદાદ્ અપિ નાન્યથા ॥ ર્મ્_38.630{27} ॥
ઇતિ વિજ્ઞાય રાજેન્દ્ર તસ્યા દેવ્યાઃ સદા મુદા ।
શ્રદ્ધયા શરણં ગત્વા વ્રતં ચરિતુમ્ અર્હતિ ॥ ર્મ્_38.631{28} ॥
એતત્પુણ્યાનુભાવેન સર્વદા સદ્ગતીં વ્રજેઃ ।
યાવદ્ભવં વ્રજેર્ નૈવ દુર્ગતીં ચ કદા ચન ॥ ર્મ્_38.632{29} ॥
સદ્ગતૌ સત્સુખાન્ય્ એવ લબ્ધો સદા શુભે ચરન્ ।
ત્રિરત્નભજનં કૃત્વા બોધિચર્યાં ચરેત્ ક્રમાત્ ॥ ર્મ્_38.633{30} ॥
તતઃ પારમિતાઃ સર્વાઃ પૂરયિત્વા યથાક્રમાત્ ।
સ્વયં ચરં પરાં ચાપિ બોધિમાર્ગે નિયોજયેત્ ॥ ર્મ્_38.634{31} ॥
તતો મારગણાન્ સર્વાં જિત્વા શુદ્ધત્રિમંડલઃ ।
અર્હન્ સંબોધિમ્ આસાદ્ય સંબુદ્ધપદમ્ આપ્નુયાત્ ॥ ર્મ્_38.635{32} ॥

ઇતિ તયા મહાદેવ્યાઃ સમુપાદિષ્ટમ્ અત્ર મે ।
તચ્ છ્રુત્વા સર્વદા સ્વામિ મનો ઽતિરોચતે વ્રતં ॥ ર્મ્_38.636{33} ॥
તદ્ અહં સર્વદા તસ્યાઃ શ્રીદેવ્યાઃ શરણં ગતા ।
શ્રદ્ધયા ભક્તિભાવેન ચરિષ્યામિ વ્રતં પ્રભો ॥ ર્મ્_38.637{34} ॥
તથા ભવાન્ અપિ સ્વમિઞ્ છ્રીદેવ્યાઃ શરણં ગતઃ ।
શ્રદ્ધાભક્તિપ્રસન્નાત્મા વ્રતં ચરિતુમ્ અર્હતિ ॥ ર્મ્_38.638{35} ॥
ઇતિ ભાર્યોદિતં શ્રુત્વા સ રાજાભ્યનુમોદિતઃ ।
તથા સદા મહાદેવ્યા વ્રતં ચરિતુમ્ ઐછત ॥ ર્મ્_38.639{36} ॥
તત્રૈવં સ મહીપાલો નિમ્વદેવ્યા તયા સહ ।
યથાકામં સુખં ભુક્ત્વા તસ્થૌ ક્રીડન્ યથેછયા ॥ ર્મ્_38.640{37} ॥
એવં ક્રીડન્ સ રાજેન્દ્રો નિમ્વદેવ્યા સહારતઃ ।
તત્રાનંદસુખોત્સાહૈર્ ન્યુવાસ રાજ્યનિસ્પૃતઃ ॥ ર્મ્_38.641{38} ॥
તત્રૈવં તં મહીપાલં નિમ્વદેવ્યા સહ સ્થિતં ।
ચૂડદેવી સમાકર્ણ્ય ચુકોપાતિપ્રરોષિતા ॥ ર્મ્_38.642{39} ॥
તતઃ સા ચૂડદેવી તં સ્વામિનં તત્ર સંસ્થિતં ।
સ્વયં ગત્વા સમાક્રમ્ય સંમાનયિતુમ્ ઐછત ॥ ર્મ્_38.643{40} ॥
તતઃ સા ક્રોધિતા ચણ્ડી ચૂડદેવી પ્રધાવિતા ।
વ્રજંતી સહસા તત્ર નિમ્વવન ઉપાસરત્ ॥ ર્મ્_38.644{41} ॥
તત્ર તદ્વ્રતનિર્માલ્યપ્રક્ષિપ્તઃ પુષ્પસંકુલં ।
સ્થાનં સાતિપ્રકોપાંધા લંઘિત્વા સહસાચરત્ ॥ ર્મ્_38.645{42} ॥
તલ્લંઘિતાતિપાપેન સા દેવી તત્ક્ષણાદ્ અપિ ।
કોલમુખી મહાઘોરરૂપાવિછંદિતા ભવત્ ॥ ર્મ્_38.646{43} ॥
તત્ર તાં સહસાયાતાં લોકાન્ દૃષ્ટ્વા ભયોત્થિતાઃ ।
કોલમુખી પ્રવિષ્ટેતિ શબ્દં કૃત્વા વિચેરિરે ॥ ર્મ્_38.647{44} ॥
તદ્ વિરાવં જનાઃ સર્વે શ્રુત્વા તત્ર સમુત્થિતાઃ ।
કોલાહલમહાશબ્દં પ્રકુર્વન્ત ઉપાદ્રુવન્ ॥ ર્મ્_38.648{45} ॥
તત્ કોલાહલં શબ્દં શ્રુત્વા સંત્રસિતાશયા ।
પરાયિત્વા તતો ઽન્યત્ર પ્રદુદ્રાવ વનાંતરે ॥ ર્મ્_38.649{46} ॥
તત્રૈકા વિભ્રમંતી સા દૈવસંપ્રેરિતા વને ।
નિર્જને દુર્ગમે ઽરણ્યે પરિખિન્નાપ્ય્ અધાવત ॥ ર્મ્_38.650{47} ॥
તથા સા દૂરતો ગત્વા પ્રાદ્રાક્ષીત્ સરસી દ્વયં ।
દૃષ્ટ્વા સા તત્ર તૃષ્ણાર્ત્તા જલં પાતુમ્ ઉપાચરત્ ॥ ર્મ્_38.651{48} ॥
તદા તે સરસી યુદ્ધં પરસ્પરં પ્રચક્રતુઃ ।
દૃષ્ટ્વા સા વિસ્મિતા ઽપીત્વા જલં તસ્થૌ સવિસ્મયા ॥ ર્મ્_38.652{49} ॥
તત્ર તે સરસી દૃષ્ટ્વા તાં કોલવદનાં સ્ત્રિયં ।
કુત્ર ગંતુમ્ ઇહૈષિ ત્વમ્ ઇત્ય્ એવં પર્યપૃછતાં ॥ ર્મ્_38.653{50} ॥
તત્ પૃષ્ટં સા સમાકર્ણ્ય સા શંકવિસ્મયાહતા ।
કિમ્ એતદ્ ઇતિ સંચિંત્ય ક્ષણં તસ્થૌ વિમોહિતા ॥ ર્મ્_38.654{51} ॥
તત્ર સા દૈવયોગેન પ્રતિલભ્ય સુચેતનાં ।
કિં મયાત્રાપિ વક્તવ્યમ્ ઇતિ ધ્યાત્વા વ્યચિંતયત્ ॥ ર્મ્_38.655{52} ॥

હા કથમ્ ઇહ પ્રાપ્તાહં ભ્રમામિ નિર્જને વને ।
કિં મયા પ્રકૃતં પાપં યેન ભ્રષ્ટા ચરામ્ય્ અહં ॥ ર્મ્_38.656{53} ॥
હા કિં કુર્યાં ક્વ ગછેયં સહાયૈકાપિ મે ઽસ્તિ ન ।
સર્વથાત્ર વિનષ્ટાસ્મિ કો માં રક્ષેદ્ ઇહા ઽધુના ॥ ર્મ્_38.657{54} ॥
ઇતિ ચિંતાવિષણ્ણા સા તસ્થૌ તત્ર નિરાશિતા ।
તતઃ સા દૈવયોગેન સસ્માર શ્રીવસુંધરાં ॥ ર્મ્_38.658{55} ॥
તદ્ દેવીસ્મૃતિપુણ્યેન સા કર્મભાવિની સુધીઃ ।
યત્ સ્વયં પ્રકૃતં કર્મ તત્ સર્વં પર્ય્યબુધ્યતાં ॥ ર્મ્_38.659{56} ॥
હા મયા દુર્ધિયા તત્ર સમ્યન્ ન ધારિતં વ્રતં ।
એતત્પાપેન નૂનં મે જાતે ઽયમ્ ઈદૃશી વિપત્ ॥ ર્મ્_38.660{57} ॥
તદ્ અત્ર કિં કરિષ્યામિ કોલમુખી યતો ઽસ્મ્ય્ અહં ।
તત્ તત્ર કથં એવં હિ પ્રતિયાયં નૃપાલયં ॥ ર્મ્_38.661{58} ॥
યચ્ ચાહં દુર્મતિર્ દુષ્ટા સ્વકૃતપાપભાગિની ।
તદ્ દૈવપ્રેષિતા હ્ય્ અત્ર ભ્રમામિ નિર્જને વને ॥ ર્મ્_38.662{59} ॥
તદ્ અત્ર કિં ચરેયાહં જીવિતે ઽપિ ન મે રુચિઃ ।
સર્વેષામ્ અપિ જંતૂનાં સર્વત્ર મરણં ધ્રુવં ॥ ર્મ્_38.663{60} ॥
ઇતિ મત્વાહમ્ અત્રાપિ નિરપેક્ષઃ સ્વજીવિતે ।
શ્રીદેવ્યા દર્શનં કર્ત્તું સ્મૃત્વા ગછેય સાંપ્રતં ॥ ર્મ્_38.664{61} ॥
ઇતિ નિશ્ચિત્ય સા રાજ્ઞી ચૂડદેવી સમુદ્યતા ।
શ્રીદેવ્યા દર્શનં કર્તું સ્મૃત્વા ચરિતુમ્ ઐછત ॥ ર્મ્_38.665{62} ॥
તતઃ સા ચૂડદેવી તે સરસી દ્વે સમીક્ષ્ય ચ ।
ઉપેત્ય તજ્ જલં પીત્વા તીરે સ્થિત્વૈવમ્ અબ્રવીત્ ॥ ર્મ્_38.666{63} ॥
સરસી યદ્ અહં મૂઢા દુર્મતી મંદભાગિની ।
તચ્ છ્રીવસુંધરાં દેવીં દ્રષ્ટુમ્ ઇહાવ્રજામિ હિ ॥ ર્મ્_38.667{64} ॥
ઇતિ તયોદિતં શ્રુત્વા પુષ્કરિણ્યાવ્ ઉભે ઽપિ તે ।
તાં રાજ્ઞીં સમુપામંત્ર્ય નૃગિરૈવમ્ અભાષતાં ॥ ર્મ્_38.668{65} ॥
સાધુ સાધુ મહાભાગે વ્રજાસ્તુ મંગલં તવ ।
પુન નૌ વચસા દેવીમ્ એવં પૃછ ત્વમ્ આદરાત્ ॥ ર્મ્_38.669{7} ॥
કેનાવાં હેતુના યુદ્ધં કૃત્વા તિષ્ઠાવહે સદા ॥ ર્મ્_38.670{8} ॥
ઇત્ય્ એતત્ કથિતં તાભ્યાં શ્રુત્વા રાજ્ઞી તથેતિ સા ।
પ્રતિજ્ઞાય તત્રાન્યત્ર સ્વદૈવપ્રેષિતાચરત્ ॥ ર્મ્_38.671{9} ॥
તત્રારણ્યે ભ્રમંતી સા કિં ચિદ્ દૂરં ગતા તતઃ ।
મહાંતં શૂકરં ઘોરં દદર્શ ભીષણાકૃતિં ॥ ર્મ્_38.672{10} ॥
તત્ર સા દૂરતઃ સ્થિત્વા પશ્યંસ્ તં ભીમશૂકરં ।
માત્રા તિષ્ઠ વ્રજાન્યત્ર સહસેતિ તમ્ અબ્રવીત્ ॥ ર્મ્_38.673{11} ॥
ઇતિ તેનોદિતં શ્રુત્વા સ શૂકરઃ સમુત્થિતઃ ।
સહસોપેત્ય તાં રાજ્ઞીં સમાલોક્યૈવમ્ અબ્રવીત્ ॥ ર્મ્_38.674{12} ॥
કા ત્વં કુત ઇહાયાસિ કુત્ર ગંતું પ્રધાવસિ ।
એકાકિની કથં ભ્રાંતો વન એતદ્ વદસ્વ મે ॥ ર્મ્_38.675{13} ॥
ઇતિ તેનોદિતં શ્રુત્વા સા દેવી પ્રતિચિત્રિતા ।

શનૈર્ ઉપેત્ય તં પ્રેતં સંપશ્યન્ન્ એવમ્ અબ્રવીત્ ॥ ર્મ્_38.676{14} ॥
સૂર્યોદયનરેન્દ્રસ્ય ભાર્યાહં મહિષી પ્રિયા ।
શ્રીદેવ્યા દર્શનં કર્તું વાંછંતીહ સમાવ્રજે ॥ ર્મ્_38.677{15} ॥
ઇતિ તદ્ ગદિતં શ્રુત્વા શૂકરઃ સો ઽતિવિસ્મિતઃ ।
તાં દેવીં સમુપાશ્રિત્ય પશ્યન્ન્ એવમ્ અભાષત ॥ ર્મ્_38.678{16} ॥
સાધુ સાધ્વિ મહાભાગે વ્રજાસ્તુ તે સુમંગલં ।
તાં શ્રીભગવતીદેવીં મન્નામ્ના પ્રણમાદરાત્ ॥ ર્મ્_38.679{17} ॥
ભૂયો મે વચસા સાધ્વી તાં દેવીં પરિપૃછતાં ।
કેનાહં શૂકરીભૂતસ્ તિષ્ઠામીતિ ભવંત્ય્ અપિ ॥ ર્મ્_38.680{18} ॥
એતત્ તત્ કથિતં શ્રુત્વા ચૂડદેવી તથેતિ સા ।
પ્રતિજ્ઞાય તતો ઽન્યત્ર વ્રજંતી સહસાચરત્ ॥ ર્મ્_38.681{19} ॥
તત્ર સૂચીમુખપ્રેતમ્ અસ્થિકાયં મહોદરં ।
સ્વકેશરોમસંછન્નમ્ અપશ્યદ્ દૂરતો વને ॥ ર્મ્_38.682{20} ॥
તત્ર સ પ્રેત આલોક્ય તાં દેવીં સમુપાગતાં ।
સહસોપેત્ય સંપશ્યન્ પુરસ્થ એવમ્ અબ્રવીત્ ॥ ર્મ્_38.683{21} ॥
કો ત્વં કુત ઇહાયાસિ કુત્ર ગંતુમ્ ઇહાગતા ।
નિઃસહાયા કથં ભ્રાંતા ચરતે તદ્ વદસ્વ મે ॥ ર્મ્_38.684{22} ॥
ઇતિ તત્ કથિતં શ્રુત્વા સા દેવી વિસ્મયાન્વિતા ।
શનૈર્ ઉપેત્ય તં પ્રેતં પશ્યંત્ય્ એવમ્ અવોચત ॥ ર્મ્_38.685{23} ॥
સૂર્યોદયમહીભર્ત્તુ ભાર્યાહં મહિષી સતી ।
શ્રીદેવ્યા દર્શને ગંતું પથાનેનાવ્રજામિ હિ ॥ ર્મ્_38.686{24} ॥
ઇતિ તદ્ ઉદિતં શ્રુત્વા સ પ્રેતો ઽતિવિચિત્રિતઃ ।
તાં દેવીં સાંજલિર્ નત્વા પુર એવમ્ અવોચત ॥ ર્મ્_38.687{25} ॥
સાધુ સાધ્વિ મહાભાગે ચરાસ્તુ તે સુભદ્રકં ।
તાં શ્રીભગવતીલક્ષ્મીં મન્નામ્ના પ્રણમાદરાત્ ॥ ર્મ્_38.688{26} ॥
ભૂયો ઽપિ વચસા મે તાં શ્રીદેવીં પરિપૃછતુ ।
કેનાહં પાપકેનૈવં તિષ્ઠામિ દુઃખભાગિની ॥ ર્મ્_38.689{27} ॥
એતત્ તત્ કથિતં શ્રુત્વા ચૂડદેવી તથેતિ સા ।
પ્રતિશ્રુત્ય ગતાન્યત્ર પ્રાદ્રાક્ષીદ્ દશપાપિનઃ ॥ ર્મ્_38.690{28} ॥
તે ઽપિ તાં સમુપાયાતાં દૃષ્ટ્વોપેત્યેવમ્ અબ્રુવન્ ।
કા ત્વં કુત ઇહાયાસિ કુત્ર ગંતું ચ તદ્ વદ ॥ ર્મ્_38.691{29} ॥
ઇતિ તૈર્ ગદિતં શ્રુત્વા સા દેવી સમુપાસ્થિતા ।
તાન્ સર્વાન્ પાપિનો દૃષ્ટ્વા પુર એવમ્ અભાષત ॥ ર્મ્_38.692{30} ॥
સૂર્યોદયનરેન્દ્રસ્ય ભાર્યાહં મહિષી પ્રિયા ।
શ્રીદેવ્યા દર્શને ગંતું પથાનેનાવ્રજામ્ય્ અહં ॥ ર્મ્_38.693{31} ॥
ઇતિ તદ્ ગદિતં શ્રુત્વા સર્વે તે દશપાપિનઃ ।
કૃતાંજલિપુટા નત્વા તાં દેવીમ્ એવમ્ અબ્રુવન્ ॥ ર્મ્_38.694{32} ॥
સાધુ દેવી મહાભાગે પ્રવ્રજાસ્તુ જયં તવ ।
અસ્માકં પ્રકૃતં પાપં તાં દેવીં પરિપૃછતુ ॥ ર્મ્_38.695{33} ॥
ઇતિ તદ્ દેશિતં શ્રુત્વા ચૂડદેવી તથેતિ સા ।