રત્નમાલાવદાન · ભાગ 421436

તતો ઽન્યત્ર વ્રજંત્ય્ એવં દદર્શ કૃષ્ણપંનગં ॥ ર્મ્_38.696{34} ॥
તત્ર સ કૃષ્ણસર્પસ્ તામ્ આલોક્ય સમુપાગતાં ।
સહસા સમુપાક્રમ્ય વિષાગ્નિનાત્યતાપયત્ ॥ ર્મ્_38.697{35} ॥
તતઃ સા મૂર્છિતા દેવી ચિરાત્ સ્વયં સમુત્થિતા ।
તાં શ્રીવસુંધરાં સ્મૃત્વા તત્ર તસ્થૌ ક્ષણં તથા ॥ ર્મ્_38.698{36} ॥
તતઃ સા સુંદરીરૂપા ત્યક્તકોલમુખાભવત્ ।
કાલસર્પઃ સ તામ્ આહ કા ત્વં કુતઃ સમાગતા ॥ ર્મ્_38.699{37} ॥
ચૂડદેવી તતઃ પ્રાહ સૂર્યોદયપ્રિયાસ્મ્ય્ અહં ।
શ્રીદેવીદર્શનાર્થં તુ આગતા માન્યથ ફણિ ॥ ર્મ્_38.700{38} ॥
તતઃ પાતકમુક્તા સા પ્રચરંતી બુભુક્ષિતા ।
બીજપૂરકમ્ આલોક્ય તદ્ આદાતુમ્ ઉપાચરત્ ॥ ર્મ્_38.701{39} ॥
તત્ર તત્ ફલમ્ આલોક્ય હસ્તાભ્યાં સહસાગ્રહીત્ ।
તસ્ય હિ દૈવયોગેન તત્ફલં ન વ્યમુંચ્યત ॥ ર્મ્_38.702{40} ॥
તત્ર સા તત્ફલે લગ્નહસ્તા તસ્થૌ તથા ક્ષણં ।
તતઃ સા ત્રસિતા દૃષ્ટ્વા ન ગૃહ્નામીતિ ચાવદત્ ॥ ર્મ્_38.703{41} ॥
એતદ્ ઉક્તે ભુજૌ તસ્યાસ્ તત્ ફલં સહસાત્યજત્ ।
તતઃ સા વિસ્મિતાન્ય્ર ભ્રમંતી દૂરતો ઽવ્રજત્ ॥ ર્મ્_38.704{42} ॥
તતઃ સા દૂરતો નદ્યાઃ શબ્દં શ્રુત્વા પ્રધાવિતા ।
સ્વદૈવપ્રેષિતા તત્ર તીરમ્ અવાપતત્ ક્ષણાત્ ॥ ર્મ્_38.705{43} ॥
તત્ર સા તજ્ જલં પાતું સહસા સમુપાચરત્ ।
તત્ર સા તજ્ જલં પીત્વા સ્નાત્વા ચૈવ સમાશ્રયત્ ॥ ર્મ્_38.706{44} ॥
તત્ર સા દૂરતઃ પૂર્ણહેમઘટશિરોવહાઃ ।
સુરાંગણાઃ સુભદ્રાંગા દદર્શ સમુપાગતાઃ ॥ ર્મ્_38.707{45} ॥
તત્ર સા તાઃ સમાલોક્ય સહસોપેત્ય સાંજલિઃ ।
પ્રણત્વા સમુપાસીના સમીક્ષ્યૈવમ્ અપૃછત ॥ ર્મ્_38.708{46} ॥
અહો ભાગ્યં મયા લબ્ધં યદ્ ભવત્યાત્ર દર્શિતા ।
તદ્ દૃષ્ટ્વા કૃપયા સર્વા સ્નાતુમ્ અર્હન્તિ સર્વથા ॥ ર્મ્_38.709{47} ॥
ભવંત્યો ઽમૃતસંપૂર્ણહૈમઘટશિરોવહાઃ ।
કુત્ર ગંતું ચરંત્ય્ અત્ર સત્યમ્ એતદ્ વદંતુ મે ॥ ર્મ્_38.710{48} ॥
ઇતિ તયોદિતં શ્રુત્વા તાસામ્ એકા પ્રધાનિકા ।
સાલોક્ય ચૂડદેવીં તાં સમામંત્ર્યૈવમ્ અબ્રવીત્ ॥ ર્મ્_38.711{49} ॥
ભદ્રે ત્વં ન જાનાસિ યા શ્રીદેવી વસુંધરાઃ ।
તસ્યા ઇમે ઽમૃતા પૂર્ણા નીયંતે સ્નપને ઘટાઃ ॥ ર્મ્_38.712{50} ॥
દેવીસ્નાનોદકૈઃ સર્વૈર્ એષા નદી વહત્ય્ અપિ ।
એતન્ નદ્યમૃતેનાત્ર નેત્રે પ્રક્ષાલ્ય દૃશ્યતાં ॥ ર્મ્_38.713{51} ॥
એવં દેવ્યા તયાદિષ્ટં ચૂડદેવી નિશમ્ય સા ।
તથેત્ય્ અભ્યનુમોદંતી તથા કર્તું સમૈછત ॥ ર્મ્_38.714{52} ॥
તતઃ સા તન્ નદીતીરે સ્થિત્વામૃતેન ચક્ષુષી ।
સંપ્રક્ષાલ્ય તતઃ સસ્ને પપૌ તદ્ અમૃતં મુદા ॥ ર્મ્_38.715{53} ॥
તતો નિર્મુક્તપાપા સા ચૂડદેવી પવિત્રિતા ।

સુદૃષ્ટિર્ અભવત્ તત્ર સમંતાપ્રતિહતેક્ષણઃ ॥ ર્મ્_38.716{54} ॥
તત્રસ્થા ચૂડદેવી સા પ્રાદ્રાક્ષીત્ તત્ ક્ષણાદ્ અપિ ।
શ્રીવસુધાં મહાદેવીં સગણાં મણ્ડલાસ્થિતાં ॥ ર્મ્_38.717{55} ॥
તત્ર તાં શ્રીમહાદેવીં દૃષ્ટ્વા સા પ્રતિમંડિતા ।
સહસા સાંજલિર્ નત્વા પશ્યંતી સમુપાચરત્ ॥ ર્મ્_38.718{56} ॥
તત્ર સા સમુપેત્યાશુ કૃત્વા પ્રદક્ષિણાં મુદા ।
સગણાં સ મહાદેવીં પ્રણનામ કૃતાંજલિઃ ॥ ર્મ્_38.719{57} ॥
તતઃ સા શ્રીમહાદેવી ચૂડદેવીં સમીક્સ્ય તાં ।
સ્વાગતાસિ સમેહિ ત્વમ્ ઇત્ય્ એવં સમભાષત ॥ ર્મ્_38.720{58} ॥
એવં દેવ્યા તયાદિષ્ટં ચૂડદેવી નિશમ્ય સા ।
સાંજલિર્ અશ્રુ મોચંતી દેવ્યાઃ પાદામ્બુજે ઽપતત્ ॥ ર્મ્_38.721{59} ॥
તતઃ સા શ્રીવસુંધારા મહાદેવી વિલોક્ય તાં ।
પાદાબ્જે પતિતાં ધૃત્વા સમાશ્વાસ્યૈવમ્ આદિશત્ ॥ ર્મ્_38.722{60} ॥
ભાગિનિ ભદ્ર ઉત્તિષ્ઠ ધૈર્યમ્ આલંવ્ય પશ્યતાં ।
મા વિષીદ પ્રસીદાત્ર પૂરયામિ તવૈહિતં ॥ ર્મ્_38.723{61} ॥
એતત્ તયા મહાદેવ્યા સમાદિષ્ટં નિશમ્ય સા ।
ચૂડદેવી પ્રસન્નાસ્યા પ્રણત્વૈવં ન્યવેદયત્ ॥ ર્મ્_38.724{62} ॥
ભગવતિ જગદ્ભર્ત્તિ વસુધારે મહેશ્વરિ ।
ભવત્યાઃ શરણં યામિ ક્ષમસ્વ મે ઽપરાધતાં ॥ ર્મ્_38.725{63} ॥
પ્રસીદ મે મહાદેવિ કૃપાનુગ્રહતાં કુરુ ।
યન્ મયા પ્રકૃતં પાપં તત્ સર્વં ક્ષંતુમ્ અર્હતિ ॥ ર્મ્_38.726{64} ॥
યદ્ એતદ્ દૂરતો ચાહં સમાયાતાસ્મ્ય્ અવિઘ્નતઃ ।
તદ્ ભવત્યાઃ પ્રસાદેન નાન્યથેતિ હિ મન્યતે ॥ ર્મ્_38.727{65} ॥
તદ્ ઇહ તે મહાદેવ્યા શ્રદ્ધયા શરણાસ્થિતા ।
વ્રતં ચરિતુમ્ ઇછામિ તત્ પ્રસીદ કૃપાનિધે ॥ ર્મ્_38.728{66} ॥
ઇતિ તયાર્થિતં શ્રુત્વા સા શ્રીદેવી વસુંધરા ।
તાં શ્રદ્ધાભિસંશુદ્ધાં સમાલોક્યૈવમ્ આદિશત્ ॥ ર્મ્_38.729{67} ॥
સાધુ વત્સે પુનર્ ગત્વા સ્વપુરે સ્વામિના સહ ।
આચાર્યેણ યથાદિષ્ટં વ્રતં કુરુ સમાહિત ॥ ર્મ્_38.730{68} ॥
તદા તત્ર ગૃહે તે ઽહં સ્વયમ્ આગત્ય સંસ્થિતા ।
કરિષ્યામિ સદા ભદ્રં સર્વત્ર નિરુપદ્રવં ॥ ર્મ્_38.731{69} ॥
તદા તે સર્વદા ગેહે દેહે ચ મંગલં ભવેત્ ।
તતઃ સર્વાર્થસંપત્તિઃ પરિવૃદ્ધાઃ સુસંસ્થિતા ॥ ર્મ્_38.732{70} ॥
તતસ્ તદ્ અર્થમ્ આદાય દેહે ઽર્થિભ્યો યથેપ્સિતં ।
ત્રિરત્નભજનં કૃત્વા ચરસ્વ સર્વદા શુભે ॥ ર્મ્_38.733{71} ॥
તથા સંપારપૂર્ય ત્વં સર્વાઃ પારમિતાઃ ક્રમાત્ ।
ત્રિવિધાં બોધિમ્ આસાદ્ય સંબુદ્ધપદમ્ આપ્સ્યસિ ॥ ર્મ્_38.734{72} ॥
એતદ્ દેવ્યા સમાદિષ્ટં ચૂડદેવી નિશમ્ય સા ।
તથેત્ય્ અભ્યનુમોદંતી પ્રત્યશ્રોષીત્ પ્રણામિતા ॥ ર્મ્_38.735{73} ॥
તતઃ સા ચૂડદેવી ચ તાં શ્રીદેવીં વસુંધરાં ।

સુપ્રસન્ના સમાનમ્ય સમીક્ષ્યૈવં ન્યવેદયત્ ॥ ર્મ્_38.736{74} ॥
યન્ માર્ગસ્થિતૈર્ લોકૈઃ સંદર્શિતં વચો ઽસ્તિ મે ।
દદેહં પ્રષ્ટુમ્ ઇછામિ ભગવતિ સમાદિશ ॥ ર્મ્_38.737{75} ॥
માર્ગે ઽહં સરસી દૃષ્ટ્વા જલં પાતુમ્ ઉપાચરં ।
તદા તે સરસી યુદ્ધં પ્રાકુર્વતાં પરસ્પરં ॥ ર્મ્_38.738{76} ॥
તતસ્ તે વિગ્રહાંતે માં દૃષ્ટ્વૈવં પર્યપૃછતાં ।
કુત્ર ગંતુમ્ ઇહાયાસિ તત્ સત્યં કથ્યતામ્ ઇતિ ॥ ર્મ્_38.739{77} ॥
તચ્ છ્રુત્વા વિસ્મયાક્રાંતહૃદયાહં વિલોક્ય તે ।
શ્રીદેવીદર્શનં ગંતુમ્ ઇહૈમીત્ય્ અવદમ્ અપિ ॥ ર્મ્_38.740{78} ॥
એવં મયોદિતં શ્રુત્વા સરસી ત ઉભે ઽપિ ચ ।
માં સ કૃતાંજલિર્ નત્વા સમીક્ષ્યૈવમ્ અભાષતાં ॥ ર્મ્_38.741{79} ॥
યદ્ આવાં વિગ્રહં નિત્યં કૃત્વા તિષ્ઠાવહે મિથઃ ।
તન્ નો પાપેન કેનેતિ શ્રીદેવીં પરિપૃછતુ ॥ ર્મ્_38.742{80} ॥
કિં તાભ્યાં પ્રકૃતં પાપં યદ્ એવં વિગ્રહં મિથઃ ।
કૃત્વા તે તિષ્ઠતો દેવિ તત્ સમાદેષ્ટુમ્ અર્હતિ ॥ ર્મ્_38.743{81} ॥
ઇતિ તયોદિતં શ્રુત્વા સા શ્રીદેવી વસુંધરા ।
સમીક્ષ્ય ચૂડદેવીં તાં સમામંત્ર્યૈવમ્ આદિશત્ ॥ ર્મ્_38.744{82} ॥
ભગિન્યૌ તૌ પુરાભૂતં ભોજને સમયે સદા ।
આક્રુષ્ય વિગ્રહં કૃત્વા પ્રતિક્ષેપં પ્રચક્રતુઃ ॥ ર્મ્_38.745{83} ॥
તેન પાપેન તૌ દ્વે ઽપિ સરસી ભૂત્વા પરસ્પરં ।
સર્વદા વિગ્રહં કૃત્વા તિષ્ઠતઃ સાંપ્રતં તથા ॥ ર્મ્_38.746{84} ॥
એવં તયોઃ પુરઃ પ્રોક્ત્વા ચિત્તે ત્વં પરિબોધય ।
એતચ્ છ્રુત્વૈવ તે વાક્યં પાપાન્ મુક્ત્વૈ ચ્યતો દિવં ॥ ર્મ્_38.747{85} ॥
તતો ઽસૌ ચૂડદેવી ચ નત્વા તાં શ્રીવસુંધરાં ।
સાંજલિઃ સુપ્રસન્નાત્મા સમીક્ષ્યેવં ન્યવેદયત્ ॥ ર્મ્_38.748{86} ॥
ભૂયો ઽપિ શ્રીમહાદેવિ શૂકરો દૃશ્યતે પથિ ।
સો ઽપિ માં સમુપાયાતં દૃષ્ટ્વૈવં પર્યપૃછત ॥ ર્મ્_38.749{87} ॥
કુત્ર ગંતુમ્ ઇહાયાસિ વદસ્વેતિ નિશમ્ય તત્ ।
શ્રીદેવીદર્શને ગંતુમ્ ઇહૈમીત્ય્ અવદમ્ અહં ॥ ર્મ્_38.750{88} ॥
તતઃ સ શૂકરશ્ ચાહં પ્રરુદત્ પુરાતો મમ ।
કિં મયા પ્રકૃતં પાપમ્ ઇતિ દેવ્ય્ અભિપૃછ્યતાં ॥ ર્મ્_38.751{89} ॥
કિં તેન પ્રકૃતં પાપં પુરા કુત્ર કદા કથં ।
તત્ સર્વં સમુપાદિશ્ય પ્રબોધયતુ મે મનઃ ॥ ર્મ્_38.752{90} ॥
ઇતિ તત્ પૃછિતં શ્રુત્વા સા શ્રીદેવી વસુંધરા ।
સમીક્ષ્ય ચૂડદેવીં તાં સમામંત્ર્યૈવમ્ અબ્રવીત્ ॥ ર્મ્_38.753{91} ॥
ભણ્ડાગારી પુરાભૂત્ સ વિશ્વાસઘાતકઃ કુધીઃ ।
જનેભ્યો ભોજનં કિં ચિદ્ દત્વા સર્વં ગૃહે ઽનયત્ ॥ ર્મ્_38.754{92} ॥
એતત્પાપવિપાકેન ભવતિ શૂકરો ઽધુના ।
એતત્ મયા યથાખ્યાતં તથા તસ્ય પુરો વદ ॥ ર્મ્_38.755{93} ॥
સ ત્વત્કથિતમ્ આકર્ણ્ય પાપમુક્તો દિવં વ્રજેત્ ॥ ર્મ્_38.756{94} ॥

ઇતિ દેવ્યા સમાદિષ્ટં ચૂડદેવી નિશમ્ય સા ।
તથેતિ પ્રતિવિજ્ઞપ્ય પુનર્ એવં ન્યવેદયત્ ॥ ર્મ્_38.757{95} ॥
પુનર્ માર્ગે મયા દૃષ્ટઃ પ્રેતઃ સૂચીમુખો મહાન્ ।
કિં તેન પ્રકૃતં પાપં તવ દેવિ સમાદિશ ॥ ર્મ્_38.758{96} ॥
ઇતિ તત્ કથિતં શ્રુત્વા સા શ્રીદેવી મહેશ્વરી ।
સમીક્ષ્ય ચૂડદેવીં તાં સમામંત્ર્યૈવમ્ અબ્રવીત્ ॥ ર્મ્_38.759{97} ॥
પુરા સ બ્રાહ્મણો વિદ્વાન્ વેદવિદ્ વાદસંરતઃ ।
સિદ્ધાંતવાદિનો બૌદ્ધાન્ પ્રતિક્ષિપ્યાભિનિંદયન્ ॥ ર્મ્_38.760{98} ॥
લોભેર્ષ્યામદમાત્સર્યપરીતાત્મા હિ માનિકઃ ।
આગૃહીતપરિષ્કારઃ સ્વાર્થાતિલાલસઃ કુધીઃ ॥ ર્મ્_38.761{99} ॥
પરેભ્યો દત્તમ્ આલોક્ય લોભાતિકલુષાશયઃ ।
સ છિદ્રવચસાક્રુષ્ય બૌદ્ધે દાનં ન્યવારયત્ ॥ ર્મ્_38.762{100} ॥
સદ્ધર્મશ્રાવકાન્ સર્વાન્ દૃષ્ટ્વા સ દુરિતાશયઃ ।
પ્રદુષ્ટવચસાક્ષિપ્ય નિંદયન્ પ્રત્યવારયત્ ॥ ર્મ્_38.763{1} ॥
કિં તેન ન કૃતં પાપં સદ્ધર્મવિઘ્નકારિણા ।
ત્રિરત્નભજનોત્સાહવિઘાતાભ્યનુરાગિના ॥ ર્મ્_38.764{2} ॥
એતત્પાપવિપાકેન બ્રાહ્મણઃ સ દુરાશયઃ ।
સૂચીમુખો મહાકાયઃ પ્રેતો ભવતિ સાંપ્રતં ॥ ર્મ્_38.765{3} ॥
એતન્ મયા યથાખ્યાતં તથા તસ્ય પુરો વદ ।
એતત્ તે કથિતં શ્રુત્વા સ્મૃતિમાન્ સ સુધીર્ ભવેત્ ॥ ર્મ્_38.766{4} ॥
તતઃ સ સ્વકૃતં પાપં સર્વં સ્મૃત્વાદિશન્ સ્વયં ।
ત્રિરત્નસ્મરણં કૃત્વા સમિછેચ્ ચરિતું શુભે ॥ ર્મ્_38.767{5} ॥
તતો વિમુક્તપાપઃ સ પરિશુદ્ધાશયઃ સુધીઃ ।
નમો બુદ્ધાય ધર્માય સંઘાયેતિ વદન્ ભજેત્ ॥ ર્મ્_38.768{6} ॥
તતસ્ તત્ પ્રેતલોકાત્ સ સમુત્થાય વિકલ્પકઃ ।
પ્રેતાશયં પરિત્યજ્ય તતો ઽપિ હિ દિવં વ્રજેત્ ॥ ર્મ્_38.769{7} ॥
ઇતિ તસ્યા મહાદેવ્યા સમાદિષ્ટં નિશમ્ય સા ।
ચૂડદેવી પ્રસન્નાસ્યા પુનર્ એવં ન્યવેદયત્ ॥ ર્મ્_38.770{8} ॥
ભૂયો ઽપિ પથિ ભો દેવિ દૃશ્યતે દુઃખિતા મયા ।
કિં કિં તૈઃ પ્રકૃતં પાપં તત્ સર્વં સમુપાદિશ ॥ ર્મ્_38.771{9} ॥
ઇતિ સંપ્રાર્થિતે રાજ્ઞ્યા સા શ્રીદેવી વસુંધરા ।
નિશમ્ય ચૂડદેવીં તાં સમીક્ષ્યૈવમ્ ઉપાદિશત્ ॥ ર્મ્_38.772{10} ॥
તે સર્વે પાપિનો દુષ્ટા દશાકુશલચારિણઃ ।
અદ્યાપિ દુઃખસંતપ્તા ભ્રમંતિ ભવસાગરે ॥ ર્મ્_38.773{11} ॥
યો હત્વા પ્રાણિનો ભુંક્ત સો ઽલ્પાયુષ્કો ભવે ભ્રમન્ ।
અદ્યાપિ તદ્વિપાકેન તિષ્ઠત્ય્ એવં સુદુઃખિતઃ ॥ ર્મ્_38.774{12} ॥
યો ઽદત્તં દ્રવ્યમ્ આદાય પ્રાભુંક્ત મિથ્યયાહરન્ ।
સ દરિદ્રો મહાદુષ્ટો ભવત્ય્ અદ્યાપિ દુઃખભાક્ ॥ ર્મ્_38.775{13} ॥
યો મિથ્યાકામરાગાંધો ઽગમ્યા અપિ પ્રભુક્તવાન્ ।
સ સ્વેષ્ટસુજનૈસ્ ત્યક્તો ભવત્ય્ અરિવશે સ્થિતઃ ॥ ર્મ્_38.776{14} ॥

મૃષાવાદેન યો લોકઞ્ જયન્ન્ અભ્યવંચયત્ ।
સ કુષ્ઠરોગવાન્ પૂતિગંધવહો ભવત્ય્ અપિ ॥ ર્મ્_38.777{15} ॥
પિશુનવચનૈ યો સન્મિત્રભેદં ભવે ઽકરોત્ ।
સો પુણ્યકલહોન્માદી સર્વશત્રુર્ ભવત્ય્ અપિ ॥ ર્મ્_38.778{16} ॥
યો ઽસૌ વિભ્રત્સિતો લોકૈર્ દુરાકૃતિર્ દુરાશયઃ ।
સ પારુષ્યવચસા લોકાત્ પુરાક્રુય્યત્ય્ અભંદયત્ ॥ ર્મ્_38.779{17} ॥
સર્વભિન્નેવ વા યો ઽસૌ નિઘ્નિતો નાદ્રિતઃ કુધીઃ ।
સ પુરા ભિન્નવાદેન લોકં ભિન્નાશયં વ્યધાત્ ॥ ર્મ્_38.780{18} ॥
યો ઽસૌ વિમોહિતો મૂર્ખા વિપન્નબુદ્ધિર્ ઉન્મનાઃ ।
સાભિધ્યાયતસા લોકે સંપત્તીશ્ છદ્મનાહતત્ ॥ ર્મ્_38.781{19} ॥
વિદ્વેષી દુર્મતા મોહી યો ઽસૌ સજ્જનગર્હિતઃ ।
સ વ્યાપાદખિલચિત્તેન સત્વાપકાર ઉદ્યતઃ ॥ ર્મ્_38.782{20} ॥
યો ઽસૌ નીચા વિષણ્ણાત્મા હીનેંદ્રિયો દુરાશયઃ ।
મિથ્યાદૃષ્ટિ સ સદ્ધર્મમ્ અધિક્ષિપ્ત્વાભ્યનિંદયત્ ॥ ર્મ્_38.783{21} ॥
ઇતિ યે દશા પાપાનિ પ્રકુર્વન્તો ચરેન્ મુદા ।
સર્વે તે પાપિનો દુષ્ટા ભવંતિ દુઃખિનો ઽધુના ॥ ર્મ્_38.784{22} ॥
એવં મયા યથાખ્યાતં તથા તેષાં પુરો વદ ।
એતત્ ત્વદુક્તમ્ આકર્ણ્ય સ્મરેયુસ્ તે પુરાકૃતં ॥ ર્મ્_38.785{23} ॥
તતસ્ તે દુર્ગતે ભીતાઃ સદ્ગતીતમનોત્સુકાઃ ।
સદ્ધર્મસાધનં કર્ત્તું સમિછેયુઃ સમાદરાત્ ॥ ર્મ્_38.786{24} ॥
તદા તાં પુર આમંત્ર્ય સર્વાન્ એવં વદાદરાત્ ।
યદિ ચાસ્તિ શુભે વાંછા ત્રિરત્નં સેવ્યતામ્ ઇતિ ॥ ર્મ્_38.787{25} ॥
તતઃ સર્વે ઇમે યૂયં નિર્મુક્તપાતકા ધ્રુવં ।
સહસા સદ્ગતૌ સૌખ્યં લભેધ્વમ્ ઇતિ ચાબ્રુહિ ॥ ર્મ્_38.788{26} ॥
તતસ્ તે તે વચઃ શ્રુત્વા સર્વે સત્સૌખ્ય આલસાઃ ।
ત્રિરત્નશરણં કૃત્વા સંપ્રયાયુઃ સુરાલયં ॥ ર્મ્_38.789{27} ॥
યે બુદ્ધે શરણં યાંતિ ન તે ગંછંતિ દુર્ગતીં ।
ક્રમાત્ પારમિતાઃ પૂર્ય સંબુદ્ધપદમ્ આપ્નુયુઃ ॥ ર્મ્_38.790{28} ॥
શૃણ્વંતિ યે ચ સદ્ધર્મં ન તે ગછંતિ દુર્ગતીં ।
સર્વદા સદ્ગતિં યાતાઃ પ્રચરેયુઃ શુભે મુદા ॥ ર્મ્_38.791{29} ॥
યે ભજંતિ મુદા સંઘે તે ઽપિ ન યાંતિ દુર્ગતીં ।
સદા લોકશુભં કૃત્વા સંપ્રયાયુઃ સુખાવતીં ॥ ર્મ્_38.792{30} ॥
કાલસર્પ્પો મયા દૃષ્ટો ભૂયો માર્ગે મહેશ્વરિ ।
કિં તેન પ્રકૃતં પાપં તદ્ વદસ્વ વસુંધરે ॥ ર્મ્_38.793{31} ॥
દેવ્ય્ ઉવાચ
પુરા આઢ્યો ગૃહસ્થો ઽભૂદ્ વિસ્તીર્ણપરિવારકઃ ।
સંપદામ્ ઉદયૈર્ નિત્યં દાનદસ્યેવ સંયુતઃ ॥ ર્મ્_38.794{32} ॥
તેન કાકવલિં દાતું ન પ્રસેહે કદા ચન ।
દ્વિજાન્ વિનીપકાન્ દૃષ્ટ્વા ચિત્તૈઃ પ્રાદુષાયેત્ સદા ॥ ર્મ્_38.795{32*} ॥
કસ્મૈ ચિદ્ અપિ કિંચિદ્ વા હ્ય્ અદત્વા બુભુજે સ્વયં ।

સર્વધનસ્વકોદ્યાને સ્થાપયામ્ આસ દુર્મતિઃ ॥ ર્મ્_38.796{33} ॥
પાતકેના ઽધુના તેન કૃષ્ણસર્પ્પો ભવત્ય્ અસૌ ।
તસ્યાપિ પુરતઃ સર્વં મદાદિષ્ટં તથા વદ ॥ ર્મ્_38.797{34} ॥
સો ઽપિ નિર્મુક્તપાપશ્ ચ મૃતઃ સ્વર્ગં વ્રજેદ્ ધ્રુવં ॥ ર્મ્_38.798{35} ॥
યેનૈવ યત્ કૃતં કર્મ તેનૈવ પરિભુજ્યતે ।
અભુક્તં ક્ષીયતે નૈવ કર્મ ક્વાપિ કદા ચન ॥ ર્મ્_38.799{36} ॥
ઇત્ય્ એતદ્ એવમ્ આખ્યતં શ્રુત્વા ત્વં ચ સમાદરાત્ ।
ત્રિરત્નભજનં કૃત્વા ચર મે વ્રતમ્ ઉત્તમં ॥ ર્મ્_38.800{37} ॥
તથા લોકેષુ સર્વત્ર પ્રચારય મમ વ્રતં ।
એતત્પુણ્યવિપાકેન સર્વદા તે ભવેચ્ છુભં ॥ ર્મ્_38.801{38} ॥
તતો બોધિમતિં પ્રાપ્તઃ પુરાયિત્વા યથાક્રમં ।
સર્વાઃ પારમિતા હોધિં પ્રાપ્ય બુદ્ધપદં વ્રજેઃ ॥ ર્મ્_38.802{39} ॥
ઇતિ વિજ્ઞાય કલ્યાણિ ગત્વા તં સ્વપુરે પુનઃ ।
શ્રદ્ધયા સ્વામિના સાર્દ્ધં વ્રતં ચર સમાદરાત્ ॥ ર્મ્_38.803{40} ॥
ઇત્ય્ ઉક્ત્વા સા મહાદેવી સગણા શ્રીવસુંધરા ।
તતશ્ ચાંતર્હિતા સ્વર્ગે સ્વાલયમ્ આગમદ્ દ્રુતં ॥ ર્મ્_38.804{41} ॥
તત્ર સા ચૂડદેવી તાં સગણાં શ્રીવસુંધરાં ।
અંતર્ધાનગતાં દૃષ્ટ્વા ક્ષણં તસ્થૌ સવિસ્મયા ॥ ર્મ્_38.805{42} ॥
તતઃ સા ચૂડદેવી તામ્ સગણાં શ્રીવસુંધરાં ।
સ્મૃત્વા કૃતાંજલિર્ નત્વા તતઃ પ્રત્યાયયૌ મુદા ॥ ર્મ્_38.806{43} ॥
તતઃ સા ચૂડદેવી તાં સગણાં શ્રીવસુંધરાં ।
મનસાનુસ્મરન્ત્ય્ એવ પ્રચરંતિ ન્યવર્ત્તતઃ ॥ ર્મ્_38.807{44} ॥
તં કૃષ્ણસર્પમ્ આલોક્ય ચૂડદેવી બ્રવીતિ સા ।
દેવ્યા યથા ચોપદિષ્ટં તથા તેન પુરાકૃતં ॥ ર્મ્_38.808{45} ॥
તન્નામસ્મરણાત્ સો હિત્યક્ત્વા દેહં દિવં યયૌ ।
તત્ર માર્ગે સમેત્યાસૌ ચૂડદેવી યથાક્રમં ।
તાં દશપાપિનઃ સર્વાન્ સમીક્ષ્ય સમુપાચરત્ ॥ ર્મ્_38.809{46} ॥
તત્ર સા ચૂડદેવી તાન્ દશાકુશલચારિણઃ ।
પૃષ્ટ્વા દેવ્યા યથાદિષ્ટં તથા સર્વમ્ ઉપાદિશત્ ॥ ર્મ્_38.810{47} ॥
તચ્ છ્રુત્વાનુસ્મૃતિં પ્રાપ્તાઃ સર્વે તે વિસ્મયાન્વિતાઃ ।
સત્યમ્ ઇતિ પ્રભાષંતઃ શ્રીદેવીશરણં યયુઃ ॥ ર્મ્_38.811{48} ॥
તતસ્ તે પાપિનઃ સર્વે શ્રીદેવીદૃક્પ્રભાન્વિતાઃ ।
ત્રિમણ્ડલવિશુદ્ધાશ્ ચ શુભે ચરિતુમ્ ઈછિરે ॥ ર્મ્_38.812{49} ॥
તતસ્ તે શ્રદ્ધયા નિત્યં ત્રિરત્નશરણં ગતાઃ ।
તાં શ્રીવસુંધરાં દેવીં ધ્યાત્વ વ્રતં સમાચરન્ ॥ ર્મ્_38.813{50} ॥
તતસ્ તે શુદ્ધિતાત્માનઃ સર્વે ઽપિ નિર્મલાશયાઃ ।
તત્રૈવં તાં મહાદેવીં ધ્યાત્વા મૃતા દિવં યયુઃ ॥ ર્મ્_38.814{51} ॥
તતશ્ ચ ચૂડદેવી સા પ્રચરંતી સમાગતા ।
સૂચીમુખં તમ્ આલોક્ય દૂરતઃ સમુપાચરત્ ॥ ર્મ્_38.815{52} ॥
તત્ર સા સહસા તસ્ય પ્રેતસ્ય પુરતો ગતા ।

શ્રીદેવ્યાઃ સમુપાદિષ્ટં તથા સર્વમ્ અભાષત ॥ ર્મ્_38.816{53} ॥
તચ્ છ્રુત્વા સ પુરાવૃત્તમ્ અનુસ્મૃત્વા નિચિંતયત્ ।
પશ્ચાત્તાપાગ્નિસંતપ્તઃ ક્ષણં તસ્થૌ વિનિઃશ્વસન્ ॥ ર્મ્_38.817{54} ॥
તતઃ સ મનસા ધ્યાત્વા તાં શ્રીદેવીં વસુંધરાં ।
સ્મરન્તી સાંજલિર્ નત્વા દિદેશ સર્વપાતકં ॥ ર્મ્_38.818{55} ॥
તતઃ સ પરિશુદ્ધાત્મા નિમુક્તપાતકઃ સુધીઃ ।
શ્રીદેવીશરણં ગત્વા દેહં ત્યક્ત્વા દિવં યયૌ ॥ ર્મ્_38.819{56} ॥
તતશ્ ચ ચૂડદેવી સા પ્રચરમ્ટી સમાગતા ।
શૂકરં તં સમાલોક્ય દૂરતઃ સમુપાચરત્ ॥ ર્મ્_38.820{57} ॥
તતઃ સોપસ્થિતા તસ્ય શૂકરસ્ય પુરાકૃતં ।
યથાદિષ્ટં મહાદિવ્યા તથા સર્વમ્ ઉપાદિશત્ ॥ ર્મ્_38.821{58} ॥
તચ્ છ્રુત્વા શૂકરઃ સો ઽપિ સમનુસ્મૃતિમ્ આપ્તવાન્ ।
તત્રાનુતાપસંતપ્તઃ ક્ષણં તસ્થૌ વિચિંતયન્ ॥ ર્મ્_38.822{59} ॥
તતઃ સ મનસા ધ્યાત્વા તાં શ્રીદેવીં વસુંધરાં ।
સંસ્મૃત્વા સાંજલિર્ નત્વા દિદેશ સર્વપાતકં ॥ ર્મ્_38.823{60} ॥
તતો નિર્મુક્તપાપો ઽસૌ પરિશુદ્ધાશયઃ સુધીઃ ।
શ્રીદેવીશરણં ગત્વા દેહં ત્યક્ત્વા દિવં યયૌ ॥ ર્મ્_38.824{61} ॥
તતશ્ ચ ચૂડદેવી સા પ્રચરંતી સમાગતા ।
દુરાત્ તે સરસી દૃષ્ટ્વા સહસા સમુપાસરત્ ॥ ર્મ્_38.825{62} ॥
તત્ર સા સમુપાસૃત્ય પુષ્કરિણ્યોસ્ તયોઃ પુરઃ ।
મહાદેવ્યા યથાદિષ્ટં તથા સર્વમ્ ઉપાદિશત્ ॥ ર્મ્_38.826{63} ॥
તચ્ છ્રુત્વા પુષ્કરિણ્યૌ તૌ સમનુસ્મૃતિમ્ આપ્તુઃ ।
તત્રાનુતાપતપ્તા તૌ નિધાય તષ્ઠતુઃ ક્ષણં ॥ ર્મ્_38.827{64} ॥
તતસ્ તે મનસા ધ્યાત્વા તં શ્રીદેવીવસુંધરાં ।
સંસ્મૃત્વા સાંજલિર્ નત્વા દિદેશતુઃ સ્વપાપકં ॥ ર્મ્_38.828{65} ॥
તતો વિમુક્તપાપૌ તૌ પરિશુદ્ધાશયો દ્રુતં ।
પુષ્કરિણ્યાશ્રયં ત્યક્ત્વા પ્રયયતુઃ સુરાલયં ॥ ર્મ્_38.829{66} ॥
તત્ર સર્વે ઽપિ તે સ્વર્ગે ગતાસ્ તત્ સ્મૃતિભાવિનઃ ।
ધ્યાત્વા તાં શ્રીમહાદેવીં સ્મૃત્વા નિત્યં પ્રભેજિરે ॥ ર્મ્_38.830{67} ॥
તત્ર તેષાં મહાદેવ્યાઃ પ્રસાદાચ્ છ્રી પ્રવર્દ્ધિતાઃ ।
તચ્ છ્રીસંપન્મહત્સૌખ્યં ભુક્ત્વા સર્વે તે ઽરમન્ ॥ ર્મ્_38.831{68} ॥
તતઃ સા ચૂડદેવી તાન્ સર્વાન્ કૃત્વા વિમુક્તિતાન્ ।
સ્વદેશ્યાભિમુખાયાતા સ્વ પુરાંતિકમ્ આયયૌ ॥ ર્મ્_38.832{69} ॥
તત્ર તાં સમુપાયાતાં દૃષ્ટ્વા લોકાઃ પ્રમોદિતાઃ ।
સહસા નૃપતેર્ અગ્રે ગત્વૈવં સંન્યવેદયત્ ॥ ર્મ્_38.833{70} ॥
જય દેવ મહારાજ ચૂડદેવી નિવર્ત્તિતા ।
તદ્ ભવાન્ સહસોપેત્ય તાં સમાનેતુમ્ અર્હતિ ॥ ર્મ્_38.834{71} ॥
ઇતિ નિવેદિતં તૈઃ સ રાજા શ્રુત્વા પ્રમોદિતઃ ।
સહસા મંત્રિણો ઽમાત્યાન્ સમામંત્ર્યૈવમ્ આદિશત્ ॥ ર્મ્_38.835{72} ॥
ચૂડદેવી સમાયાતા તદ્ યૂયં સહસાદરાત્ ।

પ્રત્યુદ્ગમ્ય મહોત્સાહૈર્ ઇહાનયત તાં પ્રિયાં ॥ ર્મ્_38.836{73} ॥
ઇતિ રાજ્ઞા સમાદિષ્ટં શ્રુત્વા તે મંત્રિણો જનાઃ ।
અમાત્યાઃ સહસા સર્વે તથેત્ય્ ઉક્ત્વા મુદાચરન્ ॥ ર્મ્_38.837{74} ॥
તતસ્ તે મંત્રિણો ઽમાત્યાઃ સજનાઃ પૌરિકા અપિ ।
સર્વે પ્રત્યુદ્ગતા તત્ર ચૂડદેવી સમાયયુઃ ॥ ર્મ્_38.838{75} ॥
તત્ર સર્વે ઽપિ તે લોકા દૃષ્ટ્વા તાં સહસાદરાત્ ।
પ્રણત્વા યાત આરોપ્ય મહોત્સાહૈઃ પુરે ઽનયત્ ॥ ર્મ્_38.839{76} ॥
તત્ર સા મહિષી દેવી મહોત્સાહપ્રમોદિતા ।
પ્રવિશ્ય મંદિરે રાજ્ઞઃ સ્વામિનઃ સમુપાચરત્ ॥ ર્મ્_38.840{77} ॥
તત્ર સા સ્વામિનં દૃષ્ટ્વા સહસોપેત્ય સાંજલિઃ ।
પ્રણત્વા સ્વામિના તેન સહાસને સમાશ્રયત્ ॥ ર્મ્_38.841{78} ॥
તત્ર સ નૃપતિઃ સ્વામિ તાં દેવીં સુપ્રિયાં મુદા ।
સંપશ્યન્ કૌશલં પૃષ્ટ્વા પુન એવમ્ અપૃછત ॥ ર્મ્_38.842{79} ॥
કેન ત્વં હેતુના કુત્ર ગતા કુતો ઽધુનાગતા ।
એતત્ સર્વં સમાખ્યાય મનો મે પરિબોધય ॥ ર્મ્_38.843{80} ॥
ઇત્ય્ એતત્ સ્વામિના તેનાદિષ્ટં ચૂડદેવી નિશમ્ય સા ।
સ્વપ્રવૃત્તાંતમ્ આખ્યાય માર્ગવૃત્તિં ન્યવેદયત્ ॥ ર્મ્_38.844{81} ॥
તતો ઽહં સહસા યાતા દ્રષ્ટું દેવીં વસુંધરાં ।
તત્ર દૂરાન્ નદીશબ્દં શ્રુત્વાહં સમુપાચરં ॥ ર્મ્_38.845{82} ॥
તત્ર તીરે મયા દૃષ્ટા દેવ્યા જલઘટાવહાઃ ।
ભવંત્યઃ કુત આયાતા ઇતિ પૃષ્ટે ઽવદં ચ તાઃ ॥ ર્મ્_38.846{83} ॥
વસુધારામહાદેવ્યાઃ સ્નાનાર્થમ્ ઇમે ઘટાઃ ।
નીયંતે ઽમૃતસંપૂર્ણા અસ્માભિર્ ઇતિ મન્યતાં ॥ ર્મ્_38.847{84} ॥
એષા નદી મહાદેવીસ્નાનામૃતપ્રવાહિતા ।
તદ્ એતદ્ અમૃતે નાત્ર મુખં પ્રક્ષાલ્ય દૃશ્યતાં ॥ ર્મ્_38.848{85} ॥
ઇતિ તાભિઃ સમાદિષ્ટં શ્રુત્વા તથેતિ બોધિતા ।
તન્ નદ્યા અમૃતેનાસ્યં પ્રક્ષાલ્ય ક્ષમ્ અહં તથા ॥ ર્મ્_38.849{86} ॥
તદા તત્ર સભાસીનાં સગણાં શ્રિવસુંધરાં ।
અપશ્યં તાં નદીમ્ આશુ લંઘિત્વા સમુપાચરં ॥ ર્મ્_38.850{87} ॥
તત્રાહં સમુપાશ્રિત્ય તાન્ દેવીં શ્રીવસુંધરાં ।
સગણાં સાંજલિર્ નત્વા તત્રૈકાંતે ઉપાશ્રયં ॥ ર્મ્_38.851{88} ॥
તદા સા શ્રીમહાદેવી માં દૃષ્ટ્વૈવમ્ અપૃછત ।
કુતઃ કિમ્ અર્થમ્ આયાસિ તદ્ ઇહ કથ્યતામ્ ઇતિ ॥ ર્મ્_38.852{89} ॥
તચ્ છ્રુત્વા સાંજલિર્ નત્વા કૃત્વા ચાપિ પ્રદક્ષિણાં ।
સગણાં તાં મહાદેવીમ્ ઉપાશ્રિત્યૈવમ્ અબ્રુવં ॥ ર્મ્_38.853{90} ॥
સૂર્યોદયનરેન્દ્રસ્ય ભાર્યાહં મહિષી પ્રિયા ।
ભવત્યા દર્શનં કર્ત્તું મુદાત્ર સમુપાચરે ॥ ર્મ્_38.854{91} ॥
યન્ મયા મંદભાવિન્યા વ્રતં સમ્યગ્ ન ધારિતં ।
તન્ મહદ્ અપરાધં મે ભવતા ક્ષંતુમ્ અર્હતિ ॥ ર્મ્_38.855{92} ॥
સર્વદાહં મહાદેવી ભવત્યાઃ શરણે સ્થિતા ।

સમ્યગ્ વ્રતં પુનર્ ધર્ત્તુમ્ ઇછામિ સાંપ્રતં ખલુ ॥ ર્મ્_38.856{93} ॥
તદ્ ભવંતી મહાદેવી કૃત્વા મે ઽનુગ્રહં પુનઃ ।
કૃપયા તદ્વ્રતાલંભં કારયિતું સમર્હતિ ॥ ર્મ્_38.857{94} ॥
ઇતિ મયાર્થિતં શ્રુત્વા સા શ્રીદેવી વસુંધરા ।
કૃપાદૃષ્ટ્યા સમાલોક્ય મામ્ એવં સમુપાદિશત્ ॥ ર્મ્_38.858{95} ॥
સાધુ વત્સે ઽસ્તિ તે વાંચા યદિ મે વ્રતધારણે ।
ગત્વા ત્વં સ્વગૃહે ભર્ત્રા સહ વ્રતં ચરાદરાત્ ॥ ર્મ્_38.859{96} ॥
તદાહં સ્વયમ્ આગત્ય દ્રક્ષ્યામિ મંદિરં તવ ।
તત્રાહં સમુપાશ્રિત્ય દાસ્યામિ પ્રાર્થિતં વરં ॥ ર્મ્_38.860{97} ॥
ઇત્ય્ આદિષ્ટં મહાદેવ્યા શ્રુત્વાહં પરિબોધિતા ।
તાં શ્રીવસુંધરાં દેવીમ્ અપૃછં પુનર્ આદરાત્ ॥ ર્મ્_38.861{98} ॥
દેવિ માર્ગસ્થિતૈર્ લોકૈઃ સંદર્શિતં મયોચ્યતે ।
તદ્ ભવંતી સમાખ્યાય માં બોધયિતુમ્ અર્હતિ ॥ ર્મ્_38.862{99} ॥
તચ્ છ્રુત્વા સા મહાદેવી તૈઃ સર્વૈઃ પ્રકૃતં યથા ।
તત્ તત્ સર્વં તથા તેષાં કર્મ મે સમુપાદિશત્ ॥ ર્મ્_38.863{100} ॥
તતો ઽહં શ્રદ્ધયા ભક્તિમાત્રેણ તં વસુંધરાં ।
શ્રીદેવીં સગણાં ચાપિ સમાર્ચયં સમાદરાત્ ॥ ર્મ્_38.864{1} ॥
તતઃ પ્રદક્ષિણાં કૃત્વા કૃતાંજલિપુટો મુદા ।
અષ્ટાંગૈઃ શ્રીમહાદેવ્યાઃ પાદાબ્જે પ્રણતાપતં ॥ ર્મ્_38.865{2} ॥
તતઃ સા સગણા દેવી ક્ષણાદ્ અંતર્હિતાભવત્ ।
તત ઉત્થાય તાં દેવીં નૈવાપશ્યત્ કુહાપિ ચ ॥ ર્મ્_38.866{3} ॥
તતો ઽહં વિસ્મયાક્રાંતહૃદયા તત્ર કૃતાંજલિઃ ।
સ્મૃત્વા સગણાં દેવીં નત્વા શનૈસ્ તતો ઽચરં ॥ ર્મ્_38.867{4} ॥
તત્ર માર્ગે સમાસાદ્ય સર્વાન્સ્ તાન્ પાપિનઃ ક્રમાત્ ।
મહાદેવ્યા યદ્ આદિષ્ટં તથાખ્યાય વ્યનોદયં ॥ ર્મ્_38.868{5} ॥
તતસ્ તે પાપિનઃ સર્વે વચસા મે ઽનુતાપિતાઃ ।
શ્રીદેવીશરણં કૃત્વા દેહં ત્યક્ત્વાચરન્ દિવં ॥ ર્મ્_38.869{6} ॥
એતાન્ સત્વાન્ સમુદ્ધૃત્ય શ્રીદેવ્યાઃ સંપ્રસાદતઃ ।
ક્ષેમેણેહ સમાયાતા ભવતાં દર્શનં લભે ॥ ર્મ્_38.870{7} ॥
ઇત્ય્ એવં સર્વવૃત્તાંતં ચૂડાદેવ્યા નિવેદિતં ।
શ્રુત્વા સ નૃપતિઃ સ્વામી વિસ્મિતશ્ ચૈવમ્ અબ્રવીત્ ॥ ર્મ્_38.871{8} ॥
અહો ભાગ્યેન સંપ્રાપ્તા શ્રીદેવ્યા સંપ્રસાદતઃ ।
ભાર્યા ત્વં મહિષી ચાપિ વ્રતં શ્રીસંપદો ઽપિ મે ॥ ર્મ્_38.872{9} ॥
તથા ભૂયો ઽપ્ય્ અહં દેવ્યા યથાદિષ્ટં સમાદરાત્ ।
સહ ત્વયા મહિષ્યાત્ર ચરાણિ સર્વદા વ્રતં ॥ ર્મ્_38.873{10} ॥
કિમ્ એતદ્ રાજ્યભોગ્યેન વિના ત્વાં મહિષીં મમ ।
એતદ્ એવ હિ સંસારં યત્ સભાર્યા વ્રતં ચરેત્ ॥ ર્મ્_38.874{11} ॥
તદ્ આવાં સર્વદાપીહ શ્રીદેવ્યાઃ શરણં ગતૌ ।
શ્રદ્ધયા વ્રતમ્ આરાધ્ય પ્રભજેવ સમાદરાત્ ॥ ર્મ્_38.875{12} ॥
ઇત્ય્ એવં સમુપાદિશ્ય નૃપતિઃ સંપ્રમોદિતઃ ।

તાભ્યાં યુતો મહોત્સાહૈઃ શ્રીનગરં સમાયયૌ ॥ ર્મ્_38.876{13} ॥
તયા દેવ્યા સુભાવિન્યા સહાભ્યાનંદિતો ઽરમત્ ।
દિનૈકસ્મિંશ્ ચૂડદેવી તતો ગર્ભન્ દધૌ ક્રમાત્ ॥ ર્મ્_38.877{14} ॥
પ્રાસૂત સપ્તમે માસિ રાજલક્ષણમંડિતં ।
પ્રાસાદિકં સુપીનાંગં પુત્રં બ્રાહ્મે મુહુર્ત્તકે ॥ ર્મ્_38.878{15} ॥
તતઃ પિતા સમાહૂય સર્વાન્ અમાત્યમંત્રિણઃ ।
શ્રીસેનગુપ્તમ્ આચાર્યં પપ્રછ જન્મકારણં ॥ ર્મ્_38.879{16} ॥
સેનગુપ્તો વિચાર્યૈવં બોધયન્ નૃપમ્ અબ્રવીત્ ॥ ર્મ્_38.880{17} ॥
મા વિષીદાત્ર રાજેન્દ્ર યુતો યદ્ રાજલક્ષણૈઃ ।
યોગો ઽયં સાર્વભૌમઃ સ્યાત્ સપ્તમાસફલં શૃણુ ॥ ર્મ્_38.881{18} ॥
પ્રથમે કલલં વિદ્યાદ્ દ્વિતીયે ઘનમ્ એવ ચ ।
તૃતીયમાસ્યં ક્રૂરં ચ ચતુર્થે ઽસ્થિસમુચ્ચયઃ ॥ ર્મ્_38.882{19} ॥
પંચમે ચર્મસંછન્નઃ ષષ્ઠે ઽંગજસમુદ્ભવઃ ।
સપ્તમે ચેતનાવાપ્તિર્ ઇતિ ગર્ભસ્થલક્ષણં ॥ ર્મ્_38.883{20} ॥
યો બાલઃ સપ્તમે માસિ જાયતે સ તુ ભાગ્યભાક્ ।
સાર્વભૌમ નૃપો ભૂત્વા મહીં શાસ્તિ સુનીતિતઃ ॥ ર્મ્_38.884{21} ॥
તસ્માન્ નૃપેંદ્ર તં બાલં રક્ષણીયઃ પ્રયત્નતઃ ।
ઇત્ય્ આચાર્યવચઃ શ્રુત્વા સ રાજા પરિમોદિતઃ ।
જાતકર્માદિકં કર્મ મહોત્સવૈર્ અકારયત્ ॥ ર્મ્_38.885{22} ॥
તદાચાર્યઃ સેનગુપ્તો વ્રતમંગલકારકં ।
ઇતિ મત્વા નામ ચક્રે મંગલોદય ઇત્ય્ અપિ ॥ ર્મ્_38.886{23} ॥
તતો બાલઃ શુક્લપક્ષે ચંદ્ર ઇવ દિને દિને ।
પુપોષ વૃદ્ધિં સહસા તેજોબલસમન્વિતઃ ॥ ર્મ્_38.887{24} ॥
તતો રાજકુલે રાજા ભાર્યાપુત્રસમન્વિતઃ ।
વસુંધરાવ્રતોત્સાહી મુદિતઃ સમુપસ્થિતઃ ॥ ર્મ્_38.888{25} ॥
તતો વ્રતદિનપ્રાપ્તે ભાર્યયા સહ સંમતં ।
કૃત્વા સ ભૂપતી રાજા વ્રતં ચરિતુમ્ ઐછત ॥ ર્મ્_38.889{26} ॥
તતસ્ તદ્ વ્રતસામગ્રીં સાધયિત્વા યથાવિધિ ।
આચાર્યેણ યથાદિષ્ટં તથા સર્વં સમાચરત્ ॥ ર્મ્_38.890{27} ॥
શ્રીદેવ્યા વ્રતમ્ આરાધ્ય સમહિષી સ ભૂપતિઃ ।
યથાવિધિ સુસંપૂર્ણ પ્રચચાર સમાદરાત્ ॥ ર્મ્_38.891{28} ॥
તસ્મિન્ન્ અવસરે તત્ર સા શ્રીદેવી વસુંધરા ।
સગણા સ્વયમ્ આગત્ય ભાસયંતી સમાશ્રયત્ ॥ ર્મ્_38.892{29} ॥
તાં શ્રીવસુંધરાં દેવીં સગણાં સમુપાશ્રિતાં ।
સાક્ષાદ્ આલોક્ય રાજા સ સભાર્યઃ સમુપસ્થિતઃ ॥ ર્મ્_38.893{30} ॥
પાદાર્ઘં સહસા દત્વા પૂજાંગૈશ્ ચ સમર્ચયત્ ।
કૃત્વા પ્રદક્ષિણાં નત્વા સાંજલિર્ ન્યપતત્ પુરઃ ॥ ર્મ્_38.894{31} ॥
તતઃ સા શ્રીમહાદેવી વસુલક્ષ્મી વિલોક્ય તં ।
સભાર્યં નૃપમ્ ઉત્થાય સમાલોક્યૈવમ્ આદિશત્ ॥ ર્મ્_38.895{32} ॥
શૃણુ રાજન્ મહાભાગ યથા તે યત્ સમીપ્સિતં ।

સર્વં તે ઽહં પ્રવક્ષ્યામિ સત્યમ્ એતદ્ વચો મમ ॥ ર્મ્_38.896{33} ॥
ઇત્ય્ આદિષ્ટે મહાલક્ષ્મ્યા સભાર્યઃ સ નૃપો મુદા ।
તાં દેવીં સાંજલિર્ નત્વા પ્રાર્થયદ્ એવમ્ આદરાત્ ॥ ર્મ્_38.897{34} ॥
નમસ્ તે શ્રીમહાદેવી પ્રસીદ પરમેશ્વશ્રી ।
યથા તે ઈહિતં કાર્યં તદ્ એવ દેહિ મે વરં ॥ ર્મ્_38.898{35} ॥
એતત્ સંપ્રાર્થિતં રાજ્ઞા શ્રુત્વા સા શ્રીમહેશ્વરી ।
સભાર્યં તં મહીપાલં સમાલોક્યૈવમ્ આદિશત્ ॥ ર્મ્_38.899{36} ॥
સાધુ રાજન્ સ્વયં ધૃત્વા વ્રતં સર્વત્ર ચારય ।
કૃત્વૈતન્ મે મહત્કાર્યં તતઃ પ્રૈહિ મમાલયં ॥ ર્મ્_38.900{37} ॥
ઇત્ય્ આદિશ્ય તતઃ સા શ્રીમહાદેવી વસુંધરા ।
સગણા તત્ ક્ષણાદ્ અંતર્હિતા સ્વં ભુવનં યયૌ ॥ ર્મ્_38.901{38} ॥
તતઃ સ સપ્રિયો રાજા તાં દેવીં સગણામ્ અપિ ।
સર્વામ્ અન્તર્હિતાં દૃષ્ટ્વા ક્ષણં તસ્થૌ સવિસ્મયઃ ॥ ર્મ્_38.902{39} ॥
તતસ્ તથા સ ભૂમીન્દ્રો ભાર્યયા સહ સર્વદા ।
શ્રીદેવ્યાઃ શરણં ગત્વા વ્રતં ધૃત્વા સમાચરત્ ॥ ર્મ્_38.903{40} ॥
તથા સર્વત્ર લોકેષુ શ્રીદેવ્યા વ્રતમ્ આદિશત્ ।
બોધયિત્વા પ્રયત્નેન પ્રાચારયત્ સમંતતઃ ॥ ર્મ્_38.904{41} ॥
તથા સ નૃપતિર્ દેવ્યા વ્રતં સર્વત્ર ચારયન્ ।
સર્વેષામ્ અપિ સત્વાનાં મંગલં સર્વદાકરોત્ ॥ ર્મ્_38.905{42} ॥
એતત્પુણ્યવિપાકેન સ રાજા શ્રીસમન્વિતઃ ।
દિવ્યાતિરિક્તસૌખ્યાનિ લબ્ધ્વા સદા શુભે ઽચરત્ ॥ ર્મ્_38.906{43} ॥
તતઃ સ નૃપતી રાજા સર્વાર્થિભ્યો યથેપ્સિતં ।
સંબોધિપ્રણિધાનેન દત્વા વ્રતં સદાચરત્ ॥ ર્મ્_38.907{44} ॥
તથા સ ભૂપતી રાજા ભાર્યયા સહ મોદિતઃ ।
શ્રીદેવ્યાઃ પ્રદધે ભક્ત્યા વ્રતં સાષ્ટોત્તરં શતં ॥ ર્મ્_38.908{45} ॥
તતઃ સ ભાર્યયા સાર્દ્ધમ્ અભિષિંચ્યાત્મજં સુતં ।
સ્વપદે લોકધર્માર્થં કૃત્વાન્તે તુષિતે યયૌ ॥ ર્મ્_38.909{46} ॥
તતઃ સ સપ્રિયસ્ તત્ર શ્રીદેવ્યાઃ સમુપસ્થિતઃ ।
સર્વદા ભજનં કૃત્વા શ્રીમાન્સ્ તસ્થૌ શુભે ચરન્ ॥ ર્મ્_38.910{47} ॥
તત્ર સ સર્વદા સત્વહિતં કૃત્વા સુખાન્વિતઃ ।
સર્વાઃ પારમિતાઃ પૂર્ય સંબુદ્ધપદમ્ આપ્સ્યતિ ॥ ર્મ્_38.911{48} ॥
તદારભ્ય સદા સર્વલોકેષુ સતતં શુભં ।
ત્રિરત્નભજનોત્સાહં પ્રવર્ત્તતે કૃતાવ્ ઇવ ॥ ર્મ્_38.912{49} ॥
તદા ભુવિ તથા દેવ્યા સ્વયં વ્રતં પ્રચારિતં ।
ઇત્ય્ એતન્ મુનિભિઃ સર્વૈઃ ખ્યાતમ્ ઇતિ શ્રુતં મયા ॥ ર્મ્_38.913{50} ॥
એતન્ મે ગુરુણાખ્યાતં શ્રુતં મય તથોચ્યતે ।
ત્વં ચાપ્ય્ એવં મહારાજ શ્રીદેવ્યાશ્ ચર તદ્ વ્રતં ॥ ર્મ્_38.914{51} ॥
તથા તે સર્વદા ક્ષેમં સર્વત્રાપિ ભવેદ્ ધ્રુવં ।
શ્રીદસ્યેવ મહાસંપદ્ અક્ષીણા સંભવેત્ ખલુ ॥ ર્મ્_38.915{52} ॥
તતસ્ ત્વં શ્રીસમાધારા દત્વાર્થિભ્યો યથેપ્સિતં ।

ત્રિરત્નભજનં કૃત્વા સંબુદ્ધપદમ્ આપ્નુયાઃ ॥ ર્મ્_38.916{53} ॥
એવં મત્વા મહારાજ પ્રજાશ્ ચાપિ પ્રબોધયન્ ।
શ્રીદેવ્યાઃ શરણે સ્થાપ્ય સદા વ્રતં પ્રચારય ॥ ર્મ્_38.917{54} ॥
તથા સત્વહિતં કર્તું સંબોધિરત્નલબ્ધયે ।
શ્રીદેવ્યા ધારણીવિદ્યા પ્રધાતવ્યા સદાદરાત્ ॥ ર્મ્_38.918{55} ॥
એતત્પુણ્યાનુભાવેન સર્વત્ર સર્વદા ભવે ।
ભવેતં મંગલોત્સાહં સતતં નિરુપદ્રવં ॥ ર્મ્_38.919{56} ॥
અતીતૈર્ અપિ સંબુદ્ધૈઃ સર્વૈર્ અપિ મુનીશ્વરં ।
શ્રીદેવ્યા ધારણીવિદ્યારત્નૈર્ લોકહિતં કૃતં ॥ ર્મ્_38.920{57} ॥
તથાધુનાપિ સર્વૈશ્ ચ વર્ત્તમાનૈર્ મુનીશ્વરં ।
ત્રિદેવ્યા ધારણીવિદ્યારત્નૈઃ સત્વશુભં કૃતં ॥ ર્મ્_38.921{58} ॥
તથા ચાનાગતૈઃ સર્વૈ મુનીન્દ્રૈર્ અપિ સર્વતઃ ।
શ્રીદેવ્યા ધારણીવિદ્યારત્નૈઃ કરિષ્યતે શિવં ॥ ર્મ્_38.922{59} ॥
સર્વે ઽપિ સુગતા નાથા બોધિસત્વાઃ કૃપાલવઃ ।
શ્રીદેવીસંપ્રસાદેન ચરન્તો ભદ્રચારિકાં ॥ ર્મ્_38.923{60} ॥
આર્ય્યસદ્ધર્મમ્ આદિશ્ય પ્રકુર્વતે જગદ્ધિતં ।
એવં જગદ્ધિતં કર્ત્તું સંબોધિરત્નમ્ ઈપ્સુભિઃ ।
શ્રીદેવ્યા ધારણીં ધૃત્વા ચરિતવ્યં જગદ્ધિતે ॥ ર્મ્_38.924{61} ॥
યે ચાપિ શ્રીમહાદેવ્યા ધારણીં શ્રદ્ધયાદરાત્ ।
ભક્ત્યા પઠંતિ શૃણ્વંતિ પાઠયન્ત્ય્ અપિ સર્વદા ॥ ર્મ્_38.925{62} ॥
લિખિત્વા પુસ્તકે વાપિ ગૃહે સ્થાપ્ય સદાદરાત્ ।
સત્કૃત્ય શ્રદ્ધયાભ્યર્ચ્ય ધૃત્વાંજલિં નમંતિ યે ॥ ર્મ્_38.926{63} ॥
તથા ભુર્જે લિખિત્વા ચ વાહૌ કણ્ઠે ચ મસ્તકે ।
શ્રીદેવ્યા ધારણીવિદ્યારત્નં દધતિ યે સદા ॥ ર્મ્_38.927{64} ॥
એતેષામ્ અપિ સર્વેષાં ગૃહેષુ વિષયેષ્વ્ અપિ ।
સર્વત્ર મંગલં નિત્યં નિર્વિઘ્નં સર્વદા ભવેત્ ॥ ર્મ્_38.928{65} ॥
ઈતય ઉપસર્ગાશ્ ચ મહોત્પાતા ઉપદ્રવાઃ ।
ન તેષાં વિષયે ક્વાપિ પ્રચરેયુઃ કદા ચન ॥ ર્મ્_38.929{66} ॥
જ્વરાશ્ ચ વિવિધા રોગાઃ સર્વસંહારકારકાઃ ।
તેસાં કાયેષુ સર્વત્ર ન સ્પૃશેયુઃ કદા ચન ॥ ર્મ્_38.930{67} ॥
અપથ્યમ્ અપિ પથ્યં સ્યાદ્ વિષો ઽપિ ચામૃતં ભવેત્ ।
તેષાં દેહેષુ સર્વત્ર હિતાયતે ઽહિતો ઽપિ ચ ॥ ર્મ્_38.931{68} ॥
બ્રહ્મશક્રાદયો દેવા યે દુષ્ટા વહ્નયો ઽપિ ચ ।
યમસ્ય કિંકરાશ્ ચાપિ રાક્ષસા ગરુડા અપિ ॥ ર્મ્_38.932{69} ॥
નાગાશ્ ચ વાયવશ્ ચાપિ યક્ષગંધર્વકિંનરાઃ ।
ભૂતપ્રેતપિશાચાશ્ ચ કુમ્ભાણ્ડાઃ કટપૂતનાઃ ॥ ર્મ્_38.933{70} ॥
એવમ્ અન્યે ઽપિ યે દુષ્ટાઃ સર્વસત્વભયંકરાઃ ।
સર્વે તે વિષયે તેષાં વિઘ્નં કર્ત્તું ન શક્નુયુઃ ॥ ર્મ્_38.934{71} ॥
સર્વે દેવાદયો ઽપ્ય્ એતે ત્રિધાતુભુવનસ્થિતાઃ ।
તેષાં દેવીપ્રભાવેન રક્ષેયુશ્ ચ પ્રસાદિતાઃ ॥ ર્મ્_38.935{72} ॥

તેષાં કાર્યાણિ સર્વાણિ સંસિદ્ધ્યેયુર્ અવિઘ્નતઃ ।
તેષાં સર્વત્ર કાયેષુ કિંચિદ્ વિઘ્નં ભવેન્ ન હિ ॥ ર્મ્_38.936{73} ॥
સર્વત્ર ગછતાં તેષાં સલાભસિદ્ધિમંગલં ।
ભવેદ્ એવ સદા નૈવ વિઘ્નતા સ્યાત્ કદા ચન ॥ ર્મ્_38.937{74} ॥
શ્રીદેવીકૃપાદૃષ્ટિપ્રભાવેન સમંતતઃ ।
સર્વાર્થસાધને સિદ્ધિર્ ભવેન્ ન તુ વિઘાતતા ॥ ર્મ્_38.938{75} ॥
સર્વે ઽપિ લોકપાલાશ્ ચ દેવાદયો મહર્દ્ધિકાઃ ।
યતયો યોગિનઃ સિદ્ધા ઋષયો બ્રહ્મચારિણઃ ॥ ર્મ્_38.939{76} ॥
ગ્રહાસ્ તારાગણાઃ સર્વા યોગિન્યો ભૈરવા અપિ ।
ડાકિન્યો માતૃકાષ્ટાશ્ ચ મહાકાલગણા અપિ ॥ ર્મ્_38.940{77} ॥
એવમ્ અન્યે ઽપિ વીરેશાઃ સર્વદુષ્ટપ્રમર્દકાઃ ।
સૃષ્ટિસંસ્થિતિસંહારકારકા ભીમરૂપિણઃ ॥ ર્મ્_38.941{78} ॥
તે ઽપિ સર્વે સમાલોક્ય શ્રીદેવીસેવકાન્ મુદા ।
કૃપાર્દ્દાઃ સમુપાશ્રિત્ય રક્ષેયુઃ સર્વદાનુગાઃ ॥ ર્મ્_38.942{79} ॥
સર્વે ઽપિ ભિક્ષવો બુદ્ધા અર્હન્તો બ્રહ્મચારિણઃ ।
શ્રીદેવી ભાવિનો દૃષ્ટ્વા સંરક્ષેયુઃ પ્રસાદિતાઃ ॥ ર્મ્_38.943{80} ॥
સર્વે પ્રત્યેકબુદ્ધાશ્ ચ તાઞ્ છ્રીદેવ્યા ઉપાશ્રિકાન્ ।
દૂરતઃ સુદૃશાલોક્ય સંરક્ષેયુઃ પ્રસાદિતાઃ ॥ ર્મ્_38.944{81} ॥
બોધિસત્વાશ્ ચ સર્વે ઽપિ તાંચ્ છ્રીદેવ્યા ઉપાસકાન્ ।
યથેપ્સિતં વરં દત્વા પાલયેયુઃ કૃપાન્વિતાઃ ॥ ર્મ્_38.945{82} ॥
સર્વે ઽપિ સુગતા બુદ્ધાઃ શ્રીદેવ્યાઃ શરણે સ્થિતાન્ ।
સુદૃશા સર્વદાલોક્ય સ ભવેયુર્ દયાન્વિતાઃ ॥ ર્મ્_38.946{83} ॥
એવં સર્વે ઽપિ લોકેશા બ્રહ્મા વિષ્ણુશિવાદયઃ ।
શ્રીદેવીધારણીવિદ્યાધરાં રક્ષેયુર્ આદરાત્ ॥ ર્મ્_38.947{84} ॥
એવં સર્વૈર્ મહાભિજ્ઞૈર્ મુનીન્દ્રૈર્ ગદિતં ખલુ ।
ઇતિ મે ગુરુણાદિષ્ટં શ્રુતં મયા તથોચ્યતે ॥ ર્મ્_38.948{85} ॥
શ્રુત્વા રાજંસ્ ત્વમ્ અપ્ય્ એવં તચ્ છ્રીદેવીવ્રતં ચર ।
તતસ્ તે શ્રીમહાદેવીવ્રતપુણ્યાનુભાવતઃ ॥ ર્મ્_38.949{86} ॥
મહાસંપત્ પ્રવૃદ્ધા સ્યાદ્ અક્ષીણા સર્વદા સ્થિરા ॥ ર્મ્_38.950{87} ॥
તતસ્ ત્વં તદ્ દ્રવ્યમ્ આદાય સર્વાર્થિભ્યો યથેપ્સિતં ।
દત્વા ચરચ્ છુભે સૌખ્યં ભુંક્ષ્વ સંપાલયન્ પ્રજાઃ ॥ ર્મ્_38.951{88} ॥
એતત્પુણ્યવિપાકેન દુર્ગતીં ન વ્રજેઃ ક્વચિત્ ।
સર્વદા સદ્ગતીં યાતા ધર્મે ચરન્ સુખં વસેઃ ॥ ર્મ્_38.952{89} ॥
ઇતિ મત્વા મહારાજ શ્રીદેવ્યાઃ શરણં ગતઃ ।
સદ્ધર્મં સ્વયમ્ આકર્ણ્ય લોકાશ્ ચ શ્રાવય પ્રભો ॥ ર્મ્_38.953{90} ॥
સર્વેષામ્ અપિ સંસારે ધર્મ એવ સુહૃત્ સખા ।
તસ્માદ્ અત્ર પ્રયત્નેન ધર્મ એવ સમર્જ્યાં ।
ધર્મં તુ સર્વધર્માણાં પ્રશ્રેષ્ઠં સૌગતં વરં ॥ ર્મ્_38.954{91} ॥
યતઃ સર્વત્ર લોકેષુ સંસારે ભદ્રતા સદા ।
તસ્માત્ સર્વત્ર સંસારે સદા ભદ્રં સમીપ્સુભિઃ ।

સત્કૃત્ય સૌગતં ધર્મં શ્રોતવ્યં શ્રદ્ધયાદરાત્ ॥ ર્મ્_38.955{92} ॥
યે ઽપ્ય્ અત્ર સૌગતં ધર્મં શૃણ્વંતિ શ્રદ્ધયાદરાત્ ।
દુર્ગતીં તે ન ગછંતિ સંયાંતિ સદ્ગતીં સદા ॥ ર્મ્_38.956{93} ॥
યે ચાપિ સૌગતં ધર્મં શ્રાવયંતિ પરાન્ અપિ ।
તે ઽપિ ન દુર્ગતીં યાંતિ યાંતિ સદ્ગતિમ્ એવ હિ ॥ ર્મ્_38.957{94} ॥
યશ્ ચાપિ સૌગતં ધર્મં પ્રભાષતિ પ્રબેધયન્ ।
સો ઽપિ ન દુર્ગતિં યાતિ સંપ્રયાયાત્ સુખાવતીં ॥ ર્મ્_38.958{95} ॥
યસ્યાપિ સ્યાત્ કલૌ પંચકષાયક્લેશસંકુલે ।
દુર્લભં સૌગતં ધર્મં વક્તા શ્રોતા ચ દુર્લભઃ ॥ ર્મ્_38.959{96} ॥
તદા તાન્ ક્લેશિતાલ્ લોકાન્ દૃષ્ટ્વા ઘૃણાદયાહતઃ ।
સ્વકાયજીવિતસ્નેહં ત્યક્ત્વા યો ધર્મમ્ આદિશેત્ ॥ ર્મ્_38.960{97} ॥
સ એવ હિ મહાભિજ્ઞો ધીરઃ સુધીર્ વિચક્ષણઃ ।
સર્વક્લેશવિજેતા ચ મારજિત્ સ્યાજ્ જિનાત્મજઃ ॥ ર્મ્_38.961{98} ॥
યશ્ ચાપિ ચ તદા ક્લેશસંઘસમાકુલે તથા ।
ત્યક્તઃ સ્વપ્રાણકાયો યઃ સદ્ધર્મં શૃણુયાન્ મુદા ॥ ર્મ્_38.962{99} ॥
સાપિ ધીરો મહાવીરઃ સર્વક્લેશાભિમર્દકઃ ।
સંબોધિમાર્ગસંપ્રાપ્તો જ્ઞાતવ્યો હિ જિનપ્રિયઃ ॥ ર્મ્_38.963{100} ॥
યશ્ ચાપ્ય્ એવ કલૌ કાલે સદ્ધર્માન્તર્હિતે તથા ।
નિસ્નેહસ્વાસુકાયો યઃ સદ્ધર્મં શ્રાવયેત્ પરાન્ ॥ ર્મ્_38.964{1} ॥
સ ઽપિ સ્યાત્ સુગતપુત્રો મહાધીરો વિશારદઃ ।
સર્વસર્વહિતાકાંક્ષી બોધિસત્વઃ સુધીઃ કૃતી ॥ ર્મ્_38.965{2} ॥
યશ્ ચાપિ પરતઃ શ્રુત્વા સદ્ધર્મં સૌગતોદિતં ।
અનુમોદેત્ પ્રસન્નાત્મા સો ઽપિ સ્યાત્ સુગતાત્મજઃ ॥ ર્મ્_38.966{3} ॥
સર્વતીર્થાભિષેકે યત્ પુણ્યં તત્ સર્વમ્ આપ્નુયુઃ ।
સર્વત્ર સજ્જના નૂનં કર્ત્તવ્યં નાત્ર સંશયં ॥ ર્મ્_38.967{4} ॥
યાવંતઃ પ્રાણિનઃ સત્વાસ્ તાન્ સર્વાન્ યો હિ પાલયેત્ ।
તસ્ય યાવન્ મહત્પુણ્યં તત્ સર્વં તે સમાપ્નુયુઃ ॥ ર્મ્_38.968{5} ॥
યાવંતો ભિક્ષવો ઽર્હન્તસ્ તાન્ સર્વાન્ યઃ સમર્ચયેત્ ।
તસ્ય પુણ્યફલં યાવત્ તત્ સર્વં તે હ્ય્ અવાપુયુઃ ॥ ર્મ્_38.969{6} ॥
યાવત્ પ્રત્યેકબુદ્ધાશ્ ચ તાન્ સર્વાન્ યો ભજેન્ મુદા ।
યાવત્ પુણ્યફલં તસ્ય લભેયુસ્ તે તતો ઽર્થિકં ॥ ર્મ્_38.970{7} ॥
યાવંતઃ સુગતાશ્ ચાપિ તાન્ સર્વાન્ યઃ સદા ભજેત્ ।
યાવત્ પુણ્યં મહત્ તસ્ય લભેયુસ્ તે તતો ઽધિકં ॥ ર્મ્_38.971{8} ॥
યાવંતો ભૂતલે ગવસ્ તાન્ સર્વાઞ્ છ્રદ્ધયા દદેત્ ।
તસ્ય યાવન્ મહત્પુણ્યં પ્રાપ્નુયુસ્ તે તતો ઽધિકં ॥ ર્મ્_38.972{9} ॥
મેરુપ્રમાણસૌવર્ણરત્નરાશિં ચ યો દદેત્ ।
તસ્ય પુણ્યમ્ અસંખ્યેયં પ્રયાયુસ્ તે તતો ઽધિકં ॥ ર્મ્_38.973{10} ॥
સાબ્ધિશૈલં મહીં સર્વાં શ્રદ્ધયા યઃ સમર્પ્પયેત્ ।
તસ્ય બહુતરં પુણ્યં સમ્યાયુસ્ તે તતો ઽધિકં ॥ ર્મ્_38.974{11} ॥
સૌષધીદ્રવ્યભોગ્યાદીન્ પ્રદદ્યાચ્ છ્રદ્ધયાપિ ચ ।

તસ્ય પુણ્યમ્ અસંખ્યેયં લભેયુસ્ તે તતો ઽધિકં ॥ ર્મ્_38.975{12} ॥
યસ્ય કલ્પસહસ્રાણિ તૃણામ્બુપ્રાશનસ્તયેત્ ।
યાવંતસ્ય મહત્પુણ્યં લભેયુસ્ તે તતો ઽધિકં ॥ ર્મ્_38.976{13} ॥
યજ્ઞકોટિસહસ્રાણિ કુર્યાદ્ યઃ શ્રદ્ધયા મુદા ।
તાવત્ તસ્ય મહત્પુણ્યં પ્રાપ્નુયુસ્ તે તતો ઽધિકં ॥ ર્મ્_38.977{14} ॥
એવં યાવંતિ પુણ્યાનિ દાનવ્રતોદ્ભવાન્ય્ અપિ ।
સંતિ તતો ઽધિકં પુણ્યં તે સર્વે સમવાપ્નુયુઃ ॥ ર્મ્_38.978{15} ॥
ઇતિ સત્યં સમાખ્યાતં સર્વૈર્ અપિ મુનીશ્વરૈઃ ।
એતન્ મે ગુરુણાદિષ્ટં શ્રુતં મયા ચ વક્ષ્યતે ॥ ર્મ્_38.979{16} ॥
એતત્ સત્યં પરિજ્ઞાય યદિ સંબોધિમ્ ઇછસિ ।
સદા સદ્ધર્મમ્ આકર્ણ્ય ત્રિરત્નભજનં કુરુ ॥ ર્મ્_38.980{17} ॥
પ્રજાશ્ ચાપિ મહારાજ બોધયિત્વા પ્રયત્નતઃ ।
બોધિમાર્ગે પ્રતિષ્ઠાપ્ય પાલયસ્વ સમાહિતઃ ॥ ર્મ્_38.981{18} ॥
તતસ્ તે મંગલં નિત્યં સર્વત્રાપિ ભવેદ્ ધ્રુવં ।
ક્રમાદ્ બોધિં સમાસાદ્ય સંબુદ્ધપદમ્ આપ્નુયાઃ ॥ ર્મ્_38.982{19} ॥
એતત્ તેનાર્હતાદિષ્ટં શ્રુત્વાશોકઃ સ ભૂપતિઃ ।
તથેત્ય્ અભ્યનુમોદિત્વા પ્રાભ્યનંદત્ સપાર્ષદઃ ॥ ર્મ્_38.983{20} ॥
તતઃ સ ઉપગુપ્તો ઽર્હન્ વિહારે સમુપાશ્રયેત્ ।
સો ઽશોકો ઽપિ મહારાજસ્ તથા ધર્મં સદાચરત્ ॥ ર્મ્_38.984{21} ॥
એતદ્ એવં સમાખ્યાય જયશ્રી સ જિનાત્મજઃ ।
સર્વાસાં શિષ્યસંઘાંશ્ ચ સમામંત્ર્યૈવમ્ આદિશત્ ॥ ર્મ્_38.985{22} ॥
સુભાષિતમહારત્નમાલામ્ ઇમાં પ્રભાષતિ ।
યો યત્ર મેવ શૃણ્વંતિ શ્રાવયંત્ય્ અપિ યે મુદા ॥ ર્મ્_38.986{23} ॥
શ્રુત્વાનુમોદંતિ યે ચ દૃષ્ટ્વા નમંતિ યે મુદા ।
સત્કૃત્ય શ્રદ્ધયા નિત્યં સમભ્યર્ચ્ય ભજંતિ યે ॥ ર્મ્_38.987{24} ॥
એતેષાં તત્ર સર્વેષાં ભવંતુ મંગલં સદા ।
જયશ્રી પરિવૃદ્ધાસ્તુ સર્વત્ર સર્વદાપિ ચ ॥ ર્મ્_38.988{25} ॥
ઈતય ઉપસર્ગાશ્ ચ સર્વે વિઘ્નગણા અપિ ।
દુષ્ટા મારગણાંશ્ ચાપિ વિલયં યાંતુ સર્વદા ॥ ર્મ્_38.989{26} ॥
ગૃહેષુ સર્વદા તેષં લક્ષ્મીસ્ તિષ્ઠતુ સુસ્થિરાઃ ।
ધર્માર્થકામભોગ્યાશ્ ચ સંસિદ્ધ્યંતુ સ મેધિતાઃ ॥ ર્મ્_38.990{27} ॥
નીરોગા સુચિરાયુષ્કા ભવંતુ તે સુખાન્વિતાઃ ।
વિરતપાપકર્માણઃ પ્રચરંતુ શુભે સદા ।
ત્રિરત્નભજનં કૃત્વા ભવંતુ બ્રહ્મચારિણઃ ॥ ર્મ્_38.991{28} ॥
સર્વસત્વહિતૈઃ કૃત્વા ભુક્ત્વા ભદ્રસુખં સદા ।
ક્રમાત્ પારમિતાઃ પૂર્ય વ્રજંતુ સૌગતં પદં ॥ ર્મ્_38.992{29} ॥
એતત્પુણ્યાનુભાવેન તત્ર સર્વત્ર સર્વદા ।
ભવંતુ મંગલં નિત્યં સુભિક્ષં નિરુપદ્રવં ॥ ર્મ્_38.993{30} ॥
સર્વે સત્વાશ્ ચ સદ્ધર્મં સાધયંતુ સમુદ્યતાઃ ।
ત્રિરત્નભજનોત્સાહૈઃ સર્વે વ્રજંતુ સૌગતિં ॥ ર્મ્_38.994{31} ॥

કાલે વર્ષંતુ મેઘાશ્ ચ ભૂયાચ્ છસ્યવતી મહી ।
બહુક્ષીરપ્રદા ગાવો ભવંતુ વત્સલાન્વિતાઃ ॥ ર્મ્_38.995{32} ॥
સર્વદા સુફલૈઃ પુષ્પં વૃક્ષાઃ સંતુ સમન્વિતાઃ ।
રાજા ભવંતુ ધાર્મિષ્ઠો નયસ્થાઃ સંતુ મંત્રિણઃ ॥ ર્મ્_38.996{33} ॥
સર્વે સૈન્યાશ્ ચ યોધારો જયંતુ દૂર્જનાન્ નરીન્ ।
સર્વેતયઃ પ્રશામ્યંતુ સંતુ સૌખ્યાન્વિતાઃ પ્રજાઃ ॥ ર્મ્_38.997{34} ॥
નીરુજાઃ સુખસંપન્નાઃ શ્રીસંપત્તિસમન્વિતાઃ ।
બ્રહ્માદિ લોકપાલાશ્ ચ દશદિક્પા મહર્દ્ધિકાઃ ।
વિઘ્નાઞ્ જિત્વા શુભં કૃત્વા પાલયંતુ પ્રજાઃ સદા ॥ ર્મ્_38.998{35} ॥
સર્વે ત્રૈધાતુલોકાશ્ ચ કૃત્વા મૈત્રીં પરસ્પરં ।
ત્રિરત્નભજનં કૃત્વા ચરંતુ બોધિચારિકાં ॥ ર્મ્_38.999{36} ॥
સર્વે ભદ્રાણિ પશ્યંતુ મા કશ્ચિત્ પાપમ્ આચરત્ ।
સર્વત્ર શાસનં બૌદ્ધં ધૃત્વા યાંતુ જિનાલયં ॥ ર્મ્_38.1000{37} ॥
એવં જયશ્રીર્ મુનિરાજકલ્પઃ સંબોધિચર્યાપ્રવિકાશહેતોઃ ।
સર્વાન્ સ્વશિષ્યાન્ પરિબોધયન્ સઃ સમાદિદેશ શ્ર્યવદાનમાલાં ।
શ્રુત્વાપિ તે સર્વ ઉદારચિત્તાઃ શ્રુત્વા સલોકા અભિનંદ્યમાનાઃ ।
સદ્ધર્મમ્ આશ્રિત્ય સદા ત્રિરત્નં ભક્ત્યા ભજંત વ્યહરન્ પ્રમાદા ॥ ર્મ્_38.1001{38} ॥
યત્રેદં સૂત્રરાજેંદ્રં પ્રાવર્ત્તયેત્ કલાવ્ અપિ ભાષેદ્ યઃ શૃણુયાદ્ યશ્ ચ શ્રાવયેદ્ યશ્ ચ ચારયેત્ ।
એતેષાં તત્ર સર્વેષાં સંબુદ્ધાઃ સકલા સદા કૃપાદૃષ્ટ્યા સમાલોક્ય કુર્વંતુ ભદ્રમ્ આભવં સર્વાઃ પારમિતા દેવ્યસ્ તેસાં તત્ર સદા શિવં ।
કુર્વન્ત્યો બોધિસંભારં પૂરયંતુ જગદ્ધિતે ।
અનેન સદ્ધર્મરસામૃતેન સર્વજ્ઞભાસ્વદ્વદનોદ્ભવેન ।
ક્લેશાનલપ્રહ્વરિર્ આતુરાસુ પ્રજાસુ દુઃખં પ્રશમો ઽસ્તુ નિત્યં ॥ ર્મ્_38.1002{39} ॥
++ ઇતિ સુભાષિતરત્નાવદાનતત્વે વસુધારા વ્રતકથા સમાપ્તા ++
શ્રેયો ઽસ્તુ સમ્વત્ 1028 માઘમાસે કૃષ્ણપક્ષે દ્વિતીયાયાં તિથૌ પૂર્વફાલ્ગુણીનક્ષત્રે સુદ્ધયોગે બુધવાસરે કુંભરાશિગતે સવિતરિ સિંહરાશિગતે ચંદ્રમસિ એતદ્દિને સંપૂર્ણમ્ ઇદૈઃ પુસ્તકં ( ર્મ્ 481 ) માનદેવસંસ્કારિતચક્રમહાવિહારે નિવાસિતઃ વજ્રાચાર્ય્યશ્રીધર્મ્મરાજેન લિખિતમ્ ઇદં પુસ્તકમ્ એતત્પુણ્યેન ધર્મ્માર્થકામમોક્ષાન્ પ્રાપ્તિમ્ અસ્તુ શ્વપુસ્તકસુનાનં લોભયાયમદુ ॥