રત્નગુણસંચયગાથા · અધ્યાય 3

ય ઇમાં ગ્રહીષ્યતિ પર્યાપુણતી સ નિત્યં પ્રજ્ઞાય પારમિત યત્ર ચરન્તિ નાથાઃ
વિષ વહ્નિ શસ્ત્ર ઉદકં ન ક્રમાતિ તસ્યો ઓતારુ મારુ ન ચ વિન્દતિ મારપક્ષો ॥

પરિનિર્વૃતસ્ય સુગતસ્ય કરેય્ય સ્તૂપાં પૂજેય સપ્તરતનામયુ કશ્ચિદેવ
તેહિ પ્રપૂર્ણ સિય ક્ષેત્રસહસ્રકોટ્યો યથ ગઙ્ગવાલિકસમૈઃ સુગતસ્ય સ્તૂપૈઃ ॥

યાવન્ત સત્ત્વ પુન તાન્તક ક્ષેત્રકોટ્યો તે સર્વિ પૂજન કરેયુરનન્તકલ્પાન્
દિવ્યેહિ પુષ્પવરગન્ધવિલેપનેહિ કલ્પાંસ્ત્રિયધ્વપરિકલ્પ તતો ઽપિ ભૂયઃ ॥

યશ્ચો ઇમાં સુગતમાત લિખિત્વ પુસ્તે યત ઉત્પતી દશબલાન વિનાયકાનામ્
ધારેયિ સત્કરયિ પુષ્પવિલેપનેહિ કલ પુણ્ય ભોન્તિ ન સ સ્તૂપિ કરિત્વ પૂજામ્ ॥

મહવિદ્ય પ્રજ્ઞ અયુ પારમિતા જનાનાં દુખધર્મશોકશમની પૃથુસત્ત્વધાતોઃ
યે ઽતીત યે ઽપિ ચ દશદ્દિશ લોકનાથા ઇમ વિદ્ય શિક્ષિત અનુત્તરવૈદ્યરાજાઃ ॥

યે વા ચરન્તિ ચરિયાં હિતસાનુકમ્પામ્ ઇહ વિદ્યશિક્ષિત વિદુ સ્પૃશિષ્યન્તિ બોધિમ્
યે સૌખ્ય સંસ્કૃત અસંસ્કૃત યે ચ સૌખ્યા સર્વે ચ સૌખ્ય પ્રસુતા ઇતુ વેદિતવ્યાઃ ॥

બીજાઃ પ્રકીર્ણ પૃથિવીસ્થિત સંભવન્તિ સામગ્રિ લબ્ધ્વ વિરુહન્તિ અનેકરુપાઃ
યાવન્તિ બોધિગુણ પારમિતાશ્ચ પઞ્ચ પ્રજ્ઞાય પારમિત તે વિરુહન્તિ સર્વે ॥

યેનૈવ રાજ વ્રજતે સ હ ચક્રવર્તી તેનૈવ સપ્ત રતના બલકાય સર્વે
યેનૈવ પ્રજ્ઞ ઇય પારમિતા જિનાનાં તેનૈવ સર્વગુણધર્મ સમાગમન્તિ ॥