રત્નગુણસંચયગાથા · અધ્યાય 4
શક્રો જિનેન પરિપૃચ્છિતુ પ્રશ્નમાહુ સચિ ગઙ્ગવાલિકસમા સિય બુદ્ધક્ષેત્રાઃ
જિનધાતુ સર્વિ પરિપૂરિત ચૂડિબદ્ધા ઇમમેવ પ્રજ્ઞવરપારમિતાહુ ગૃહ્ણે ॥
કિં કારણં ન મિ શરીરિ અગૌરવત્વં અપિ તૂ ખુ પ્રજ્ઞપરિભાવિત પૂજયન્તિ
યથ રાજનિશ્રિત નરો લભિ સર્વિ પૂજાં તથ પ્રજ્ઞપારમિતનિશ્રિત બુદ્ધધાતુઃ ॥
મણિરત્ન સર્વિ ગુણયુક્ત અનર્ઘપ્રાપ્તો યસ્મિં કરણ્ડકિ ભવે સ નમસ્યનીયઃ
તસ્યાપિ ઉદ્ધૃત સ્પૃહન્તિ કરણ્ડકસ્મિં તસ્યૈવ તે ગુણ મહારતનસ્ય ભોન્તિ ॥
એમેવ પ્રજ્ઞવરપારમિતાગુણાનિ યન્નિર્વૃતે ઽપિ જિનધાતુ લભન્તિ પૂજામ્
તસ્મા હુ તાન્ જિનગુણા(ન્) પરિઘેત્તુકામો સો પ્રજ્ઞપારમિત ગૃહ્ણતુ એષ મોક્ષો ॥
પૂર્વંગમા ભવતુ દાનુ દદન્તુ પ્રજ્ઞા શીલે ચ ક્ષાન્તિ તથ વીર્ય તથૈવ ધ્યાને
પરિગ્રાહિકા કુશલધર્મઅવિપ્રણાશે એકા ચ સા અપિ નિદર્શયિ સર્વધર્માન્ ॥
યથ જમ્બુદ્વીપિ બહુવૃક્ષસહસ્રકોટી નાનાપ્રકાર વિવિધાશ્ચ અનેકરૂપાઃ
ન વિ છાયનાનતુ ભવેત વિશેષતાપિ અન્યત્ર છાયગતસંખ્ય પ્રભાષમાણા ॥
એમેવ પઞ્ચ ઇમિ પારમિતા જિનાનાં પ્રજ્ઞાય પારમિત નામતયા ભવન્તિ
સર્વજ્ઞતાય પરિણામયમાણ સર્વે ષડપીહ એકનયમર્છતિ બોધિનામા ॥
મૂળ પાઠ: Ratnaguṇasaṃcayagāthā · Edition: P.L. Vaidya in: Mahayana-sutra-samgrahah, Part 1. Darbhanga: The Mithila Institute 1961 (Buddhist Sanskrit Texts, 17) · Data entry members of the Digital Sanskrit Buddhist Canon Input Project · GRETIL (Göttingen) · CC BY-NC-SA 4.0