રત્નગુણસંચયગાથા · અધ્યાય 27

એવં ચરન્તુ વિદુ ના પૃથુદેવસંઘાઃ કૃતઅઞ્જલીપુટ પ્રણમ્ય નમસ્યયન્તિ
બુદ્ધા પિ યાવત દશદ્દિશિ લોકધાતૌ ગુણવર્ણમાલપરિકીર્તન કુર્વયન્તિ ॥

યાવન્તિ ગઙ્ગનદિવાલિસમે હિ ક્ષેત્રે સત્ત્વા ત સર્વિ પરિકલ્પ ભવેયુ મારાઃ
એકૈક રોમ પુન તાન્તક નિર્મિણેય્યા સર્વે ન શક્ય કરણે વિદુ અન્તરાયમ્ ॥

ચતુકારણેહિ બલવાં વિદુ બોધિસત્ત્વો ભવતે દુઘર્ષુ ચતુમારઅસંપ્રકમ્પ્યો
શૂન્યાવિહારિ ભવતે ન ચ સત્ત્વત્યાગી યથવાદિ સત્ત્વકરુણાનુગતાવસ્થાનઃ ॥

યો બોધિસત્ત્વ અધિમુચ્યતિ ભાષ્યમાણામ્ ઇમ પ્રજ્ઞપારમિત માત તથાગતાનામ્
પ્રતિપત્તિયા ચ અભિયુજ્યતિ આશયેન સર્વજ્ઞતાય અભિપ્રસ્થિતુ વેદિતવ્યો ॥

ન ચ ધર્મધાતુતથતાય ઉપૈતિ સ્થાનં ભવતી અથાનસ્થિત સો લઘુ અન્તરીક્ષે
વિદ્યાધરો વ અભિલમ્ભુ વનાભિપ્રાયા ખગુ કાલહીન દ્રુમ મન્ત્રબલાધિષ્ઠાનો ॥

એવં ચરન્તુ વિદુ પણ્ડિતુ બોધિસત્ત્વો ન ચ બુધ્યકં લભતિ નાપિ ચ બુદ્ધધર્માન્
ન ચ દેશિકં ન પિ ચ પશ્યક ધર્મતાયાં શાન્તૈષિણામયુ વિહાર ગુણે રતાનામ્ ॥

યાવન્ત શ્રાવકવિહાર સપ્રત્યયાનાં શાન્તા સમાધિપ્રશમે સુખસંપ્રયુક્તા
અર્હન્વિમોક્ષ સ્થપયિત્વ તથાગતાનાં સર્વેષુ અગ્ર અયુ વિહારુ નિરુત્તરશ્ચ ॥

આકાશિ પક્ષિ વિહરાતિ ન ચો પતાતિ દકમધ્યિ મત્સ્ય વિહરાતિ ન ચો મરાતિ
એમેવ ધ્યાનબલપારગુ બોધિસત્ત્વો શૂન્યાવિહારિ ન ચ નિર્વૃતિ પ્રાપુણાતિ ॥

યો સર્વસત્ત્વગુણઅગ્રતુ ગન્તુકામો અગ્રં સ્પૃશેય પરમાદ્ભુત બુદ્ધજ્ઞાનમ્
અગ્રં દદેય વર ઉત્તમધર્મદાનમ્ ઇમુ અગ્રુ સેવતુ વિહારુ હિતંકરાણામ્ ॥