રત્નગુણસંચયગાથા · અધ્યાય 28

યાવન્તિ શિક્ષ પરિદીપિત નાયકેન સર્વેષ શિક્ષ અયુ અગ્રુ નિરુત્તરા ચ
યઃ સર્વશિક્ષવિદુ ઇચ્છતિ પાર ગન્તુમ્ ઇમુ પ્રજ્ઞપારમિત શિક્ષતિ બુદ્ધશિક્ષામ્ ॥

અગ્રં નિધાન અયુ ઉત્તમધર્મકોશ બુદ્ધાન ગોત્રજનનં સુખસૌખ્યગઞ્જો
અતિક્રાન્તનાગત દશદ્દિશિ લોકનાથા ઇતુ તે પ્રસૂત ન ચ ક્ષીયતિ ધર્મધાતુઃ ॥

યાવન્તિ વૃક્ષ ફલપુષ્પવનસ્પતી યા સર્વે ચ મેદિનિસમુદ્ગત પ્રાદુભૂતાઃ
ન ચ મેદિની ક્ષયમુપૈતિ ન ચાપિ વૃદ્ધિં ન ચ ખિદ્યતી ન પરિહાયતિ નિર્વિકલ્પા ॥

યાવન્ત બુદ્ધસમ શ્રાવકપ્રત્યયાશ્ચ મરુતશ્ચ સર્વજગતી સુખસૌખ્યધર્માઃ
સર્વે તિ પ્રજ્ઞવરપારમિતાપ્રસૂતા ન ચ ક્ષીયતે ન ચ વિવર્ધતિ જાતુ પ્રજ્ઞા ॥

યાવન્ત સત્ત્વ મૃદુમધ્યમુત્કૃષ્ટ લોકે સર્વે અવિદ્યપ્રભવા સુગતેન ઉક્તાઃ
સામગ્રિપ્રત્યયુ પ્રવર્તતિ દુઃખયન્ત્રો ન ચ યન્ત્ર ક્ષીયતિ અવિદ્ય ન ચાપિ વૃદ્ધિઃ ॥

યાવન્તિ જ્ઞાન નયદ્વાર ઉયાયમૂલાઃ સર્વે તિ પ્રજ્ઞવરપારમિતાપ્રસૂતાઃ
સામગ્રિપ્રત્યય પ્રવર્તતિ જ્ઞાનયન્ત્રો ન ચ પ્રજ્ઞપારમિત વર્ધતિ હીયતે વા ॥

યો તુ પ્રતીત્યસમુત્પાદુ અનુદ્ભવાયે ઇમુ પ્રજ્ઞ અક્ષયત બુધ્યતિ બોધિસત્ત્વો
સો સૂર્ય અભ્રપટલે યથ મુક્તરશ્મી વિધમિત્વવિદ્યપટલં ભવતે સ્વયંભૂઃ ॥