રત્નગુણસંચયગાથા · અધ્યાય 26

અવિવર્તિયસ્ય વરબોધયિ પ્રસ્થિતસ્ય યો ચિત્તુપાદુ અનુમોદિતુ આશયેન
ત્રિસહસ્ર મેરુ તુલયિત્વ સિયાપ્રમાણો ન ત્વેવ તસ્ય કુશલસ્યનુમોદનાયે ॥

યાવન્ત સત્ત્વ કુશલાર્થિક મોક્ષકામા સર્વેષ ભોન્તિ અનુમોદિતુ પુણ્યરાશિ
સત્ત્વર્થિ તે જિનગુણ અનન્ત પ્રાપુણિત્વા દાસ્યન્તિ ધર્મ જગતી દુખસંક્ષયાયે ॥

યો બોધિસત્ત્વ અવિકલ્પકુ સર્વધર્માન્ શૂન્યાનિમિત્ત પરિજાનતિ નિષ્પ્રપઞ્ચાન્
ન ચ પ્રજ્ઞ બોધિ પરિએષતિ આશયેન સો યુક્ત પ્રજ્ઞવરપારમિતાય યોગી ॥

આકાશધાતુ ગગનસ્ય સિયા વિરોધો ન હિ તેન તસ્ય કુતુ કેનચિદેષ પ્રાપ્તા
એમેવ પ્રજ્ઞચરિતો વિદુ બોધિસત્ત્વો અભ્યોવકાશસદૃશો ઉપશાન્તચારી ॥

યથ માયકારપુરુષસ્ય ન એવ ભોતિ તે શિષ્ય માં જનત સો ચ કરોતિ કાર્યમ્
પશ્યન્તિ તં વિવિધ કાર્યુ નિદર્શયન્તં ન ચ તસ્ય કાયુ ન પિ ચિત્ત ન નામધેયમ્ ॥

એમેવ પ્રજ્ઞચરિતે ન કદાચિ ભોતિ બુદ્ધિત્વ બોધિ જગતી પરિમોચયિત્વા
આત્મોપપત્તિ વિવિધાં ક્રિયસંપ્રયોગાં દર્શેતિ માયસદૃશો ન વિકલ્પચારી ॥

યથ બુદ્ધ નિર્મિત કરોતિ ચ બુદ્ધકાર્યં ન ચ તસ્યુપદ્યતિ મદો કરમાણુ કિંચિત્
એમેવ પ્રજ્ઞચરિતો વિદુ બોધિસત્ત્વો દર્શેતિ સર્વ ક્રિય નિર્મિતમાયતુલ્યમ્ ॥

પલગણ્ડ દક્ષ વિદુના કૃતુ દારુયન્ત્રો પુરુષે સ્ત્રિતુલ્ય સ કરોતિ હ સર્વકાર્યમ્
એમેવ પ્રજ્ઞચરિતો વિદુ બોધિસત્ત્વો જ્ઞાનેન સર્વ ક્રિય કુર્વતિ નિર્વિકલ્પો ॥