રત્નગુણસંચયગાથા · અધ્યાય 25
યો શિક્ષમાણુ ન ઉપૈતિ કહિંચિ શિક્ષાં ન ચ શિક્ષકં લભતિ નાપિ ચ શિક્ષધર્માન્
શિક્ષા અશિક્ષ ઉભયો અવિકલ્પમાનો યો શિક્ષતે સ ઇહ શિક્ષતિ બુદ્ધધર્મે ॥
યો બોધિસત્ત્વ ઇમુ જાનતિ એવ શિક્ષાં ન સ જાતુ શિક્ષવિકલો ભવતે દુશીલો
આરાધિતેષુ ઇહ શિક્ષતિ બુદ્ધધર્મં શિક્ષાતિશિક્ષકુશલો તિ નિરૂપલમ્ભો ॥
શિક્ષન્તુ એવ વિદુ પ્રજ્ઞ પ્રભંકરાણાં નોત્પદ્યતે અકુશલમપિ એકચિત્તમ્
સૂર્યે યથા ગગનિ ગચ્છતિ અન્તરીક્ષે રશ્મીગતે ન સ્થિહતે પુરતો ઽન્ધકારમ્ ॥
પ્રજ્ઞાય પારમિત શિક્ષિત સંસ્કૃતાનાં સર્વેષ પારમિત ભોન્તિહ સંગૃહીતાઃ
સત્કાયદૃષ્ટિ યથ ષષ્ટિ દુવે ચ દૃષ્ટી અન્તર્ગતાસ્તથમિ પારમિતા ભવન્તિ ॥
યથ જીવિતેન્દ્રિય નિરુદ્ધિ ય કેચિદન્યે ભોન્તી નિરુદ્ધ પૃથુ ઇન્દ્રિય યાવદસ્તિ
એમેવ પ્રજ્ઞચરિતે વિદુ ઉત્તમાનાં સર્વેત પારમિત ઉક્ત ય સંગૃહીતા ॥
યે ચાપિ શ્રાવકગુણા તથ પ્રત્યયાનાં સર્વેષુ ભોન્તિ વિદુ શિક્ષિતુ બોધિસત્ત્વા
નો ચાપિ તત્ર સ્થિહતાન સ્પૃહેતિ તેષામ્ અયુ શિક્ષિતવ્યમતિ શિક્ષતિ એતમર્થમ્ ॥
મૂળ પાઠ: Ratnaguṇasaṃcayagāthā · Edition: P.L. Vaidya in: Mahayana-sutra-samgrahah, Part 1. Darbhanga: The Mithila Institute 1961 (Buddhist Sanskrit Texts, 17) · Data entry members of the Digital Sanskrit Buddhist Canon Input Project · GRETIL (Göttingen) · CC BY-NC-SA 4.0