રત્નગુણસંચયગાથા · અધ્યાય 24

મારો ઽપિ તસ્મિ સમયે ભવતે સશલ્યો શોકાતુ દુઃખિતુ અનન્તમનો ઽલ્પસ્થામો
દિશદાહ ઉલ્ક ક્ષિપતે ભયદર્શનાર્થં કથમેષ દીનમનસો ભવિ બોધિસત્ત્વો ॥

[યથ તે ભવન્તિ વિદુ આશયસંપ્રયુક્તા દિવરાત્રિ પ્રજ્ઞવરપારમિતાર્થદર્શી]
તદ કાયચિત્ત ખગપક્ષિસતુલ્યભૂતા અવતારુ સો કુતુ લભિષ્યતિ કૃષ્ણબન્ધુઃ ॥

કલહાવિવાદુપગતા યદ બોધિસત્ત્વા ભોન્તિ પરસ્પરવિરુદ્ધક રુષ્ટચિત્તાઃ
તદ માર તુષ્ટુ ભવતી પરમં ઉદગ્રો ઉભિ એતિ દૂર ભવિષ્યન્તિ જિનાન જ્ઞાને ॥

ઉભિ એતિ દૂરિ ભવિષ્યન્તિ પિશાચતુલ્યા ઉભિ એતિ આત્મ કરિષ્યન્તિ પ્રતિજ્ઞહાનિમ્
દુષ્ટાન ક્ષાન્તિવિકલાન કુતો ઽસ્તિ બોધિ તદ મારુ તુષ્ટુ ભવતી નમુચીસપક્ષો ॥

યો બોધિસત્ત્વ અયુ વ્યાકૃતુ વ્યાકૃતસ્મિં ચિત્તં પ્રદૂષયિ વિવાદુ સમારભેય્યા
યાવન્તિ ચિત્તક્ષણિકા ખિલદોષયુક્તાસ્ તાવન્ત કલ્પ પુન સંનહિતવ્ય ભોન્તિ ॥

અથ તસ્યુપદ્યતિ મતીતિ અશોભના તિ ક્ષાન્તીય પારમિત બોધિ સ્પૃશન્તિ બુદ્ધાઃ
પ્રતિદર્શયાતિ પુન આયતિ સંવરાણિ અપયાતિ વા સ ઇહ શિક્ષતિ બુદ્ધધર્મે ॥