રત્નગુણસંચયગાથા · અધ્યાય 19

તૈલસ્ય વર્તિ જ્વલિતા પ્રથમે નિપાતે ન ચ દગ્ધ વર્તિ અસતા ન વિના ય દગ્ધા
ન હિ અર્ચિ પશ્ચિમનિપાત સ વર્તિ દગ્ધા અસતા પિ પશ્ચિમ ન દહ્યતિ દીપવર્તિ ॥

પ્રથમેવ ચિત્ત સ્પૃશતી ન ચ અગ્રબોધિમ્ અસતા ન તસ્ય સ્પૃશતા પુન શક્ય ભોન્તિ
ન ચ ચિત્ત પશ્ચિમ શિવામનુપ્રાપુણાતિ અસતા ન તસ્ય પુન પ્રાપણનાય શક્યમ્ ॥

બીજાતુ સ્તમ્બ ફલ પુષ્પ સમાગમન્તિ સો વાનિરુદ્ધ અસતો ન હિ તસ્ય વૃક્ષો
એમેવ ચિત્ત પ્રથમં તુ નિદાન બોધેઃ સો વા નિરુદ્ધ અસતો ન હિ તસ્ય બોધિઃ ॥

બીજં પ્રતીત્ય ચ ભવેદ્યવશાલિકાદેસ્ તત્તત્ફલં ન ચ તદસ્તિ ન ચાપિ નાસ્તિ
ઉત્પત્તિતો ભવતિ બોધિરિયં જિનાનાં ભાવસ્વભાવવિગતા ભવતીહ માયા ॥

ઉદકબિન્દુ કુમ્ભ પરિપૂર્યતિ સ્તોકસ્તોકં પ્રથમે નિપાતિ અનુપૂર્વ સ પશ્ચિમેન
એમેવ ચિત્ત પ્રથમં વરબોધિહેતુર્ અનુપૂર્વ શુક્લગુણપૂર્ણ ભવન્તિ બુદ્ધાઃ ॥

શૂન્યાનિમિત્તપ્રણિધિં ચરમાણુ ધર્મા ન ચ નિર્વૃતિં સ્પૃશતિ નો ચ નિમિત્તચારી
યથ નાવિકો કુશલ ગચ્છતિ આરપારમ્ ઉભયાન્તિ અસ્થિતુ ન તિષ્ઠતિ અર્ણવેસ્મિન્ ॥

એવં ચરન્તુ ન ચ મન્યતિ બોધિસત્ત્વો અહુ વ્યાકૃતો દશબલેહિ સ્પૃશેય બોધિમ્
ન ચ ત્રાસુ બોધિ ભવતે ન ઇહાસ્તિ કિંચિદ્ એવં ચરન્તુ ચરતી સુગતાન પ્રજ્ઞામ્ ॥

કાન્તારમાર્ગિ દુરભિક્ષિ સવ્યાધિ લોકાં પશ્યિત્વ નાસ્તિ ભય ઉત્તરિ સંનહન્તે
અપરાન્તકોટિ સદ યુક્ત પ્રજાનમાનો અણુમાત્ર ખેદ મનસો ન ઉપાદિયાતિ ॥