રત્નગુણસંચયગાથા · અધ્યાય 18

ગમ્ભીર રુપ અપિ વેદન ચેતના ચ વિજ્ઞાન સંજ્ઞ પ્રકૃતી અનિમિત્તશાન્તા
કાણ્ડેન ગાધ યથ સાગરિ એષમાણો પ્રજ્ઞાય સ્કન્ધ વિમૃષિત્વ અલબ્ધગાધા ॥

યો બોધિસત્ત્વ ઇમુ બુધ્યતિ એવ ધર્માં ગમ્ભીરયાનપરમાર્થનિરુપલેપાન્
યસ્મિન્ ન સ્કન્ધ ન પિ આયતનં ન ધાતુ કિં વા સ્વપુણ્યસમુદાગમુ કિંચિ તસ્ય ॥

યથ રાગધર્મચરિતઃ પુરુષઃ સ્ત્રિયાયે સંકેત કૃત્વ અલભન્તુ વિવર્તયેયા
યાવન્તિ ચિત્તચરિતા દિવસેન તસ્ય તાવન્ત કલ્પ અનુબુધ્યતિ બોધિસત્ત્વો ॥

યો બોધિસત્ત્વ બહુકલ્પસહસ્રકોટયો દાનં દદેયુ વિમલં તથ શીલ રક્ષે
યશ્ચૈવ પ્રજ્ઞવરપારમિતાપ્રયુક્તો ધર્મં ભણેય કલ પુણ્ય ન દાનશીલે ॥

યો બોધિસત્ત્વ વરપ્રજ્ઞ વિભાવયન્તો તત ઉત્થિતો કથયિ ધર્મ નિરુપલેપમ્
તં ચાપિ નામયિ જગાર્થનિદાન બોધૌ નાસ્તિ ત્રિલોક શુભ તેન સમં ભવેયા ॥

તં ચૈવ પુણ્ય પુન ખ્યાયતિ રિક્તમેવ તથ શૂન્ય તુચ્છ વશિકં ચ અસારકં ચ
એવં ચરન્તુ ચરતી સુગતાન પ્રજ્ઞાં ચરમાણુ પુણ્યુ પરિગૃહ્ણતિ અપ્રમેયમ્ ॥

અભિલાપમાત્ર ઇમ જાનતિ સર્વધર્માં બુદ્ધેન દેશિત પ્રયુક્ત પ્રકાશિતાંશ્ચ
કલ્પાન કોટિનયુતાં બહુ ભાષમાણો ન ચ ક્ષીયતે ન ચ વિવર્ધતિ ધર્મધાતુઃ ॥

યે ચાપિ પઞ્ચ ઇમિ પારમિતા જિનાનામ્ એતે ઽપિ ધર્મ પરિકીર્તિત નામમાત્રાઃ
પરિણામયાતિ ન ચ મન્યતિ બોધિસત્ત્વો ન ચ હીયતે સ્પૃશતિ ઉત્તમબુદ્ધબોધિમ્ ॥