રત્નગુણસંચયગાથા · અધ્યાય 17

સ્થવિરો સુભૂતિ પરિપૃચ્છતિ લોકનાથં અરણાય લિઙ્ગ ભણહી ગુણસાગરાણામ્
અવિવર્તિયા યથ ભવન્તિ મહાનુભાવા તાં વ્યાકુરુષ્વ જિનગુણાન પ્રદેશમાત્રમ્ ॥

નાનાત્વસંજ્ઞવિગતા ગિર યુક્તભાણી ન ચ અન્ય તે શ્રમણ બ્રાહ્મણ આશ્રયન્તિ
ત્રિયપાયવર્જિત વિદૂ સદકાલિ ભોન્તિ દશભિશ્ચ તે કુશલકર્મપથેભિ યુક્તા ॥

ધર્મં નિરામિષુ જગસ્યનુશાસયન્તિ એકાન્તધર્મનિયતાઃ સદ સ્નિગ્ધવાક્યાઃ
સ્થિતિચંક્રમં શયનિષદ્ય સુસંપ્રજાના યુગમાત્રપ્રેક્ષિણ વ્રજન્ત્યભ્રાન્તચિન્તા ॥

શુચિશૌચઅમ્બરધરા ત્રિવિવેકશુદ્ધા ન ચ લાભકામ વૃષભા સદ ધર્મકામાઃ
મારસ્યતીતવિષયા અપરપ્રણેયા ચતુધ્યાનધ્યાયિ ન ચ નિશ્રિત તત્ર ધ્યાને ॥

ન ચ કીર્તિકામ ન ચ ક્રોધપરીતચિત્તા ગૃહિભૂત નિત્ય અનધ્યોષિત સર્વ વસ્તું
ન ચ જીવિકાવિષયભોગ ગવેષયન્તિ અભિચારમન્ત્ર ન ચ ઇસ્ત્રિપ્રયોગમન્ત્રાઃ ॥

ન ચ આદિશન્તિ પુરુષૈઃ સ્ત્રિય ઇચ્છકર્માં પ્રવિવિક્ત પ્રજ્ઞવરપારમિતાભિયુક્તાઃ
કલહાવિવાદવિગતા દૃઢમૈત્રચિત્તા સર્વજ્ઞકામ સદ શાસનિ નિમ્નચિત્તાઃ ॥

પ્રત્યન્તમ્લેચ્છજનવર્જિતઅન્તદેશાઃ સ્વકભૂમિ કાઙ્ક્ષવિગતાઃ સદ મેરુકલ્પાઃ
ધર્માર્થ જીવિત ત્યજન્તિ પ્રયુક્તયોગા અવિવર્તિયાન ઇમિ લિઙ્ગ પ્રજાનિતવ્યા ॥