રત્નગુણસંચયગાથા · અધ્યાય 15

યો આદિકર્મ સ્થિતુ ભૂમિય બોધિસત્ત્વો અધ્યાશયેન વર પ્રસ્થિત બુદ્ધબોધિમ્
તેહી સુશિષ્યગુરુગૌરવસંપ્રયુક્તો કલ્યાણમિત્ર સદ સેવયિતવ્ય વિજ્ઞૈઃ ॥

કિં કારણં તતુ ગુણાગમુ પણ્ડિતાનાં પ્રજ્ઞાય પારમિત તે અનુશાસયન્તિ
એવં જિનો ભણતિ સર્વગુણાગ્રધારી કલ્યાણમિત્રમુપનિશ્રિત બુદ્ધધર્માઃ ॥

દાનં ચ શીલમપિ ક્ષાન્તિ તથૈવ વીર્યં ધ્યાનાનિ પ્રજ્ઞ પરિણામયિતવ્ય બોધૌ
ન ચ બોધિસ્કન્ધ વિમૃશિત્વ પરામૃશેયા યે આદિકર્મિક ન દેશયિતવ્ય એવમ્ ॥

એવં ચરન્ત ગુણસાગર વાદિચન્દ્રાઃ ત્રાણા ભવન્તિ જગતી શરણા ચ લેના
ગતિ બુદ્ધિ દ્વીપ પરિણાયક અર્થકામાઃ પ્રદ્યોત ઉલ્ક વરધર્મકથી અક્ષોભ્યાઃ ॥

સંનાહુ દુષ્કરૂ મહાયશુ સંનહન્તી ન ચ સ્કન્ધધાતુ ન ચ આયતનૈઃ સનદ્ધાઃ
ત્રિભિ યાનસંજ્ઞવિગતા અપરિગૃહીતા અવિવર્તિકા અચલિતાશ્ચ અકોપ્યધર્માઃ ॥

તે એવ ધર્મસમુદાગત નિષ્પ્રપઞ્ચા કાઙ્ક્ષાવિલેખવિમતીવિગતાર્થયુક્તાઃ
પ્રજ્ઞાય પારમિત શ્રુત્વ ન સીદયન્તિ અપરપ્રણેય અવિવર્તિય વેદિતવ્યાઃ ॥

ગમ્ભીર ધર્મ અયુ દુર્દૃશુ નાયકાનાં ન ચ કેનચીદધિગતો ન ચ પ્રાપુણન્તિ
એતાર્થુ બોધિમધિગમ્ય હિતાનુકમ્પી અલ્પોત્સુકો ક ઇમુ જ્ઞાસ્યતિ સત્ત્વકાયો ॥

સત્ત્વશ્ચ આલયરતો વિષયાભિલાષી સ્થિત અગ્રહે અબુધ યો મહઅન્ધભૂતો
ધર્મો અનાલયુ અનાગ્રહુ પ્રાપિતવ્યો લોકેન સાર્ધ અયુ વિગ્રહુ પ્રાદુભૂતો ॥