રત્નગુણસંચયગાથા · અધ્યાય 14

યસ્યામિ શ્રદ્ધ સુગતે દૃઢ બોધિસત્ત્વો વરપ્રજ્ઞપારમિતઆશયસંપ્રયોગો
અતિક્રમ્ય ભૂમિદ્વય શ્રાવકપ્રત્યયાનાં લઘુ પ્રાપ્સ્યતે અનભિભૂ(તુ) જિનાન બોધિમ્ ॥

સામુદ્રિયાય યથ નાવિ પ્રલુપ્તિકાયે ભૃતકં મનુષ્ય તૃણકાષ્ઠમગૃહ્ણમાનો
વિલયં પ્રયાતિ જલમધ્ય અપ્રાપ્તતીરો યો ગૃહ્ણતે વ્રજતિ પારસ્થલં પ્રયાતિ ॥

એમેવ શ્રદ્ધસંગતો ય પ્રસાદપ્રાપ્તો પ્રજ્ઞાય પારમિત માત્ર વિવર્જયન્તિ
સંસારસાગર તદા સદ સંસરન્તિ જાતીજરામરણશોકતરંગભઙ્ગે ॥

યે તે ભવન્તિ વરપ્રજ્ઞપરિગૃહીતા ભાવસ્વભાવકુશલા પરમાર્થદર્શી
તે પુણ્યજ્ઞાનધનસંભૃતયાનપાત્રાઃ પરમાદ્ભુતાં સુગતબોધિ સ્પૃશન્તિ શીઘ્રમ્ ॥

ઘટકે અપક્વિ યથ વારિ વહેય કાચિત્ જ્ઞાતવ્યુ ક્ષિપ્ર અયુ ભેત્સ્યતિ દુર્બલત્વાત્
પરિપક્વિ વારિ ઘટકે વહમાનુ માર્ગે ન ચ ભેદનાદ્ભયમુપૈતિ ચ સ્વસ્તિ ગેહમ્ ॥

કિંચાપિ શ્રદ્ધબહુલો સિય બોધિસત્ત્વો પ્રજ્ઞાવિહીન વિલયં લઘુ પ્રાપુણાતિ
તં ચૈવ શ્રદ્ધ પરિગૃહ્ણયમાન પ્રજ્ઞા અતિક્રમ્ય બોધિદ્વય પ્રાપ્સ્યતિ અગ્રબોધિમ્ ॥

નાવા યથા અપરિકર્મકૃતા સમુદ્રે વિલયમુપૈતિ સધના સહ વાણિજેભિઃ
સા ચૈવ નાવ પરિકર્મકૃતા સુયુક્તા ન ચ ભિદ્યતે ધનસમગ્રમુપૈતિ તીરમ્ ॥

એમેવ શ્રદ્ધપરિભાવિતુ બોધિસત્ત્વો પ્રજ્ઞાવિહીનુ લઘુ બોધિમુપૈતિ હાનિમ્
સો ચૈવ પ્રજ્ઞવરપારમિતાસુયુક્તો ઽક્ષતો ઽનુપાહતુ સ્પૃશાતિ જિનાન બોધિમ્ ॥

પુરુષો હિ જીર્ણ દુખિતો શતવિંશવર્ષો કિંચાપિ ઉત્થિતુ સ્વયં ન પ્રભોતિ ગન્તુમ્
સો વામદક્ષિણદ્વયે પુરુષે ગૃહીતે પતનાદ્ભયં ન ભવતે વ્રજતે સુખેન ॥

એમેવ પ્રજ્ઞ ઇહ દુર્બલુ બોધિસત્ત્વો કિંચાપિ પ્રસ્થિહતિ ભજ્યતિ અન્તરેણ
સો વા ઉપાયબલપ્રજ્ઞપરિગૃહીતો ન ચ ભજ્યતે સ્પૃશતિ બોધિ નરર્ષભાણામ્ ॥