રત્નગુણસંચયગાથા · અધ્યાય 16

આકાશધાતુ પુરિમાદિશિ દક્ષિણાયાં તથ પશ્ચિમોત્તરદિશાય અનન્તપારા
ઉપરાધરાય દશદ્દિશિ યાવદસ્તિ નાનાત્વતા ન ભવતે ન વિશેષપ્રાપ્તા ॥

અતિક્રાન્ત યા તથત યા તથતા અપ્રાપ્તા પ્રત્યુત્પન્ન યા તથત યા તથતાર્હતાનામ્
યા સર્વધર્મતથતા તથતાર્હતાનાં સર્વેષ ધર્મતથતા ન વિશેષપ્રાપ્તા ॥

યો બોધિસત્ત્વ ઇમિ ઇચ્છતિ પ્રાપુણેતું નાનાત્વધર્મવિગતાં સુગતાન બોધિમ્
પ્રજ્ઞાય પારમિત યુજ્યતુ યાય યુક્તો વિન પ્રજ્ઞ નાસ્ત્યધિગમો નરનાયકાનામ્ ॥

પક્ષિસ્ય યોજનશતં મહતાત્મભાવો પઞ્ચાશતા પિ અબલોભયક્ષીણપક્ષો
સો ત્રાયત્રિંશભવનાદિષુ જમ્બુદ્વીપે આત્માનમોસરિયિ તં વિલયં વ્રજેય્યા ॥

યદ્યાપિ પઞ્ચ ઇમ પારમિતા જિનાનાં બહુકલ્પકોટિનિયુતાં સમુદાનયેય્યા
પ્રણિધીનનન્તવિપુલાં સદ સેવ્ય લોકે અનુપાય પ્રજ્ઞવિકલા પરિ શ્રાવકત્વે ॥

નિર્યાયનાય ય ઇચ્છતિ બુદ્ધજ્ઞાને સમચિત્ત સર્વજગતી પિતૃમાતૃસંજ્ઞા
હિતચિત્ત મૈત્રમન એવ પરાક્રમેય્યા અખિલાર્જવો મૃદુગિરાય પરાક્રમેય્યા ॥