રસરત્નાકર · અધ્યાય 2.3

ર્રા, 2, 3
દિવ્યયોગગુટિકારસાયનં ક્રામણેન રહિતં ન સિધ્યતિ ।
શીઘ્રસિદ્ધિકરમેવ સેવ્યતાં ક્રામણાર્થમ્ અનુપાનમત્ર વૈ

કાકતુમ્બી કાકમાચી નિર્ગુણ્ડી ચ કુમારિકા ।
ગોજિહ્વા સૈન્ધવં ગુઞ્જા હ્ય્ આર્દ્રકં ચ સમં સમમ્

પિષ્ટ્વા તેન પ્રલેપ્તવ્યા મૂષા સર્વાઙ્ગુલાવધિ ।
પારદં વ્યોમસત્ત્વં ચ કાન્તં તીક્ષ્ણં ચ મુણ્ડકમ્

તાપ્યસત્ત્વં ચ તુલ્યાંશં સર્વં સંચૂર્ણ્ય મર્દયેત્ ।
દિનં જમ્બીરજૈર્દ્રાવૈસ્તન્મૂષાયાં વિનિક્ષિપેત્

આચ્છાદ્યાલેપ્ય કલ્કેન ચાન્ધયિત્વા વિશોષયેત્ ।
કરીષાગ્નૌ દિવારાત્રં પુટે પક્ત્વા સમુદ્ધરેત્

પુનઃ પ્રલિપ્તમૂષાયાં ક્ષિપ્ત્વા રુદ્ધ્વા પુટેત્ તતઃ ।
ઇત્યેવં દશમૂષાસુ પ્રલિપ્તાસુ વિપાચયેત્

જાયતે ગુટિકા દિવ્યા મૃતસંજીવની પરા ।
વક્ત્રે શિરસિ કણ્ઠે વા કર્ણે વા ધારિતા કરે

હેમ્ના સુવેષ્ટિતા સમ્યગ્વયઃસ્તમ્ભકરી પરા ।
વલીપલિતકાલાગ્નિમૃત્યુશઙ્કાવિનાશની

વર્ષમાત્રાન્ ન સંદેહો જીવેદ્ વર્ષશતત્રયમ્ ।
શુદ્ધપલૈકં તુ ગવાં ક્ષીરૈઃ પિબેત્સદા

અનેન ત્વ્ અનુપાનેન દેહે સંક્રમતે રસઃ ।
સમુખં પારદં કાન્તં મુણ્ડલોહાભ્રસત્ત્વકમ્

તત્ત્વં મૃતં વજ્રં સર્વં જમ્બીરજૈર્ દ્રવૈઃ ।
સપ્તાહં મર્દયેત્ તુલ્યં કૃત્વા ગોલં સમુદ્ધરેત્

નિર્ગુણ્ડી સૈન્ધવં ક્ષૌદ્રં ગોજિહ્વા કાકતુણ્ડિકા ।
પિષ્ટ્વા તુ લેપયેદ્ગોલં સર્વતો ઽઙ્ગુલમાત્રકમ્

તં રુદ્ધ્વા વજ્રમૂષાયાં પચેદ્યામં તુ ભૂધરે ।
લિપ્ત્વા રુદ્ધ્વા પુનઃ પાચ્યમિત્યેવં પક્ષમાત્રકમ્

યવચિઞ્ચાપલાશોત્થરાજીકાર્પાસબીજકૈઃ ।
સુપિષ્ટૈર્ લેપયેન્મૂષાં તન્મધ્યે પૂર્વગોલકમ્

ટઙ્કણં શ્વેતકાચં ચ દત્ત્વા પૃષ્ઠે નિરુધ્ય ચ ।
ખદિરાઙ્ગારયોગેન ધમેદ્ યાવદ્ દ્રુતં ભવેત્

તતસ્તં વિડલિપ્તાયાં મૂષાયાં ચ નિવેશયેત્ ।
તત્તુલ્યં દાપયેત્સ્વર્ણં જયેત્તં ધમન્ ધમન્

જીર્ણે સ્વર્ણે સમુદ્ધૃત્ય તપ્તખલ્વે વિમર્દયેત્ ।
ત્ર્યહં દિવ્યૌષધિદ્રાવૈર્ વજ્રમૂષાન્ધિતં ધમેત્

જાયતે ગુટિકા દિવ્યા નામ્ના વજ્રેશ્વરી પરા ।
વક્ત્રસ્થા સા જરાં મૃત્યું હન્તિ સંવત્સરાત્કિલ

શસ્ત્રસ્તમ્ભં ચ કુરુતે બ્રહ્માયુર્ યચ્છતિ ધ્રુવમ્ ।
કૃષ્ણાષ્ટમ્યાં સમાદાય સહદેવીં સુ ચૂર્ણયેત્

કર્ષૈકાં ભક્ષયેદ્ આજ્યૈરનુ સ્યાત્ ક્રામેણ હિતમ્ ।
આરક્તં મેઘનાદં તુ તથા પાષાણભેદકમ્

સ્ત્રીસ્તન્યસહિતં પિષ્ટ્વા તેન મૂષાં પ્રલેપયેત્ ।
ભગૈકં મૃતવજ્રસ્ય સ્વર્ણચૂર્ણસ્ય ષોડશ

ક્ષિપ્ત્વા તસ્યાં નિરુધ્યાથ યામમાત્રં દૃઢં ધમેત્ ।
ઉદ્ધૃત્ય નિક્ષિપેત્ખલ્વે શુદ્ધસૂતં ચ તત્સમમ્

મર્દયેચ્ ચાર્દ્રકદ્રાવૈર્ યાવદ્ભવતિ ગોલકઃ ।
ચણ્ડાલીકન્દમાદાય સ્ત્રીસ્તન્યેન સુ પેષયેત્

અનેન ગોલકં લિપ્ત્વા વજ્રમૂષાયાં નિરોધયેત્ ।
પક્ત્વા ગજપુટે ગ્રાહ્યા ગુટિકા વજ્રસુન્દરી

વર્ષૈકં ધારયેદ્વક્ત્રે જીવેદ્બ્રહ્મદિનત્રયમ્ ।
બ્રહ્મવૃક્ષસ્ય ત્વક્ચૂર્ણં ક્ષીરૈર્નિત્યં પલં પિબેત્

ક્રામણં હ્ય્ અનુપાનં સ્યાત્ સાધકસ્યાતિસિદ્ધિદમ્ ।
તદુદ્ભવમલૈર્ લિપ્તં તામ્રં તુ ધમનેન હિ

જાયતે કનકં દિવ્યં સત્યં શંકરભાષિતમ્ ।
સમુખસ્ય રસેન્દ્રસ્ય પૂર્વવત્કાઞ્ચનં સમમ્

જારયેદ્ વિડયોગેન તતો મર્દ્યં દિનત્રયમ્ ।
દિવ્યૌષધૈઃ સગોમૂત્રૈર્ વજ્રમૂષાન્ધિતં ધમેત્

ઉદ્ધૃત્ય ધારયેદ્વક્ત્રે ગુટિકા હેમસુન્દરી ।
પલાર્ધં ગન્ધકં ચાજ્યૈર્ દ્વિગુણૈર્ લેહયેદનુ

વર્ષૈકેન જરાં હન્તિ જીવેદ્ આચન્દ્રતારકમ્ ।
શુદ્ધસૂતં મૃતં વજ્રં વ્યોમસત્ત્વં સહાટકમ્

અમ્લવર્ગે સમં સર્વં મર્દયેદ્ દિવસત્રયમ્ ।
તદ્ગોલકં દૃઢં કૃત્વા છાયાયાં શોષયેત્તતઃ

બ્રહ્મકાર્પાસબીજાનિ રાજિકા યવચિઞ્ચિકા ।
વન્ધ્યા સર્વં સમં પિષ્ટ્વા પૂર્વગોલં પ્રલેપયેત્

રુદ્ધ્વા ગજપુટે પચ્યાત્ સમુદ્ધૃત્યાથ લેપયેત્ ।
રુદ્ધ્વા મૂષાયાં ધમેદ્ગાઢં ગુટિકા વજ્રખેચરી

જાયતે ધારિતા વક્ત્રે વત્સરાન્ મૃત્યુનાશિની ।
ભૂતારવટચૂર્ણં તુ પલૈકં સિતયા યુતમ્

ભક્ષયેત્ ક્રામણાર્થં તુ બ્રહ્માયુર્જાયતે નરઃ ।
કાર્પાસ્યાઃ કાકમાચ્યાશ્ચ કન્યાયાશ્ચ દલદ્રવૈઃ

શુદ્ધસૂતં દિનં મર્દ્યં ક્ષાલ્યમ્ અમ્લૈઃ સમુદ્ધરેત્ ।
તદ્રસં નિષ્કચત્વારિ નિષ્કાર્ધં તામ્રચૂર્ણકમ્

પાદોનનિષ્કમભ્રોત્થં સત્ત્વં પાદં ચ હાટકમ્ ।
હેમતુલ્યં મુણ્ડચૂર્ણં સર્વમમ્લૈર્વિમર્દયેત્

દિનાન્તે ગોલકં કૃત્વા જમ્બીરસ્યોદરે ક્ષિપેત્ ।
ત્રિદિનં દોલકાયન્ત્રે પાચયેત્ સારનાલકે

ઉદ્ધૃત્ય ધારયેદ્વક્ત્રે ગુટિકા વ્યોમસુન્દરી ।
વર્ષમાત્રાજ્ જરાં હન્તિ જીવેદ્બ્રહ્મદિનં નરઃ

ચિત્રમૂલસ્ય ચૂર્ણં તુ સક્ષૌદ્રં કાન્તપાત્રકે ।
આલોડ્ય ભક્ષયેત્ કર્ષમનુ સ્યાત્ક્રામણે હિતમ્

નિષ્કમેકં સ્વર્ણપત્ત્રં ત્રિનિષ્કં શુદ્ધપારદમ્ ।
જમ્બીરશરપુઙ્ખોત્થદ્રવૈર્ મર્દ્યં દિનાવધિ

તદ્ગોલં બન્ધયેદ્વસ્ત્રે પચેદ્ ગોક્ષીરપૂરિતે ।
દોલાયન્ત્રે દિવારાત્રં ગુટિકા હાટકેશ્વરી

જાયતે ધારિતા વક્ત્રે જરામૃત્યુવિનાશિની ।
વર્ષમાત્રાન્ ન સંદેહો જીવેદ્વર્ષાયુતં નરઃ

દિનૈકં ત્રિફલાચૂર્ણં ક્વાથૈઃ ખદિરબીજકૈઃ ।
ભાવિતં મધુસર્પિર્ભ્યાં પલૈકં ક્રામકં લિહેત્

રસનિષ્કત્રયં શુદ્ધં નિષ્કૈકં તામ્રચૂર્ણકમ્ ।
ચિઞ્ચાફલામ્લતક્રાભ્યાં ખલ્વે મર્દ્યં દિનાવધિ

તદ્ગોલં બન્ધયેદ્ વસ્રૈસ્ તક્રચિઞ્ચામ્લપૂરિતે ।
દોલાયન્ત્રે દિનં પચ્યાદ્ગુટિકાર્કપ્રભાવતી

વર્ષૈકં ધારયેદ્વક્ત્રે સૂર્યતુલ્યો ભવેન્ નરઃ ।
પાલાશબીજજં તૈલં ગોક્ષીરૈઃ કર્ષમાત્રકમ્

ક્રામકં હ્ય્ અનુપાનં સ્યાજ્ જરામૃત્યુહરં પરમ્ ।
સ્વર્ણમેકં કાન્તમેકં પઞ્ચતારં દ્વિપારદમ્

ત્રિભાગં વ્યોમસત્ત્વં સ્યાત્ ષડ્ભાગં શુલ્બચૂર્ણકમ્ ।
સર્વમેતત્કૃતં સૂક્ષ્મં તપ્તખલ્વે દિનત્રયમ્

મર્દયેદમ્લવર્ગેણ દોલાયન્ત્રે સકાઞ્જિકે ।
તદ્ગોલં ત્રિદિનં પચ્યાદ્ગુટિકા સુરસુન્દરી

જાયતે ધારિતા વક્ત્રે વર્ષાન્મૃત્યુજરાપહા ।
ભૂતારવટમૂલં ચ કર્ષં ક્ષીરૈઃ પિબેદનુ

સ્વર્ણતારાર્કમુણ્ડં ચ વઙ્ગસીસાભ્રસત્ત્વકમ્ ।
એતત્સર્વં સમં ચૂર્ણં ચૂર્ણાંશં મૃતવજ્રકમ્

સર્વતુલ્યં શુદ્ધસૂતં સર્વં દિવ્યૌષધિદ્રવૈઃ ।
મર્દયેદ્ દિનમેકં તુ વજ્રમૂષાન્ધિતં ધમેત્

ગુટિકા વજ્રતુણ્ડેયં જાયતે ધારિતા મુખે ।
જરામૃત્યું શસ્ત્રસંઘં નાશયેદ્વત્સરાત્કિલ

વજ્રકાયો મહાવીરો જીવેદ્વર્ષશતત્રયમ્ ।
કુમાર્યાઃ સ્વરસં ગ્રાહ્યં ગુડેન સહ લોડયેત્

પલૈકં ક્રામકં લેહ્યમનુપાનં સદૈવ હિ ।
સ્વર્ણચૂર્ણં તુ ભાગૈકં ત્રિભાગં શુદ્ધપારદમ્

પાદભાગં મૃતં વજ્રં તત્સર્વં ક્ષીરકન્દજૈઃ ।
દ્રવૈશ્ચ દેવદાલ્યુત્થૈસ્તપ્તખલ્વે દિનાવધિ

મર્દયેત્ કાન્તચૂર્ણં ચ વજ્રતુલ્યં ક્ષિપેચ્ ચ વૈ ।
વજ્રમૂષાન્ધિતં ધામ્યં ગુટિકા કામસુન્દરી

જાયતે ધારિતા વક્ત્રે વર્ષાન્મૃત્યુજરાપહા ।
નિષ્કત્રયં બ્રહ્મતૈલં ગવાં ક્ષીરં પલદ્વયમ્

મિશ્રિતં પાયયેચ્ ચાનુ લક્ષાયુર્જાયતે નરઃ ।
લોહપાત્રે દ્રુતે ગન્ધે પાદાંશં પારદં ક્ષિપેત્

કિંચિચ્ ચાલ્યં તુ કાષ્ઠેન મુહૂર્તાદ્ અવતારયેત્ ।
શતાવરી ક્ષીરકન્દો વજ્રવલ્લીન્દ્રવારુણી

પાઠા પુનર્નવા ચિઞ્ચા લાઙ્ગલી સુરદાલિકા ।
એતાસાં વસ્ત્રપૂતૈશ્ચ દ્રવૈર્મર્દ્યં દિનત્રયમ્

તસ્મિન્ પાત્રે લોહમુષ્ટ્યા છાયાશુષ્કં વટીકૃતમ્ ।
લોહસમ્પુટગં રુદ્ધ્વા સંધિં મૃલ્લવણૈર્ દૃઢમ્

તં ધમેત્ ખદિરાઙ્ગારે યાવદારક્તમુદ્ધરેત્ ।
ઉત્ખન્યોત્ખન્ય તન્મધ્યાદ્ ઉદ્ધરેત્ તદ્રસં પુનઃ

કાચટઙ્કણસંયુક્તં મૂષાયાં ચાન્ધિતં પચેત્ ।
ગાન્ધારીગુટિકા સિદ્ધા વર્ષં વક્ત્રે સ્થિતા સદા

કાકતુણ્ડીબીજતૈલં કર્ષૈકં નસ્યમાચરેત્ ।
ક્રામકં હ્ય્ અનુપાનં સ્યાજ્ જીવેદ્વર્ષસહસ્રકમ્

શુદ્ધસૂતસમં ગન્ધં મર્દનાત્ કજ્જલીકૃતમ્ ।
તત્ તામ્રસમ્પુટે રુદ્ધ્વા લવણેન મૃદા દૃઢમ્

શુષ્કં દીપાગ્નિના પચ્યાદ્ યામૈકં ભસ્મયન્ત્રકે

સમ્પુટસ્યોર્ધ્વલગ્નં તત્સમુદ્ધૃત્યાથ મર્દયેત્ ।
તુલ્યપારદસંયુક્તં પૂર્વવત્સમ્પુટે પચેત્

ઉદ્ધૃત્ય તુલ્યસૂતેન સંયુક્તં મર્દિતં પચેત્ ।
ઇત્યેવં સપ્તધા કુર્યાત્પુનઃ પારદટઙ્કણમ્

તુલ્યં તુલ્યં ક્ષિપેત્ તસ્મિન્ દિનં સર્વં વિમર્દયેત્ ।
વજ્રમૂષાગતં રુદ્ધ્વા ધ્માતે ખોટો ભવેદ્રસઃ

માર્તણ્ડી ગુટિકા હ્ય્ એષા વર્ષૈકં યસ્ય વક્ત્રગા ।
વલીપલિતમુક્તો ઽસૌ જીવેદાચન્દ્રતારકમ્

પલાશબીજજં તૈલં પલૈકં ક્ષીરતુલ્યકમ્ ।
ક્રામણં પ્રપિબેન્ નિત્યં તત્ક્ષણાન્ મૂર્છિતો ભવેત્

તસ્ય વક્ત્રે ગવાં ક્ષીરં સ્તોકં સ્તોકં નિષેચયેત્ ।
પ્રબુદ્ધે ક્ષીરમન્નં સ્યાદ્ભોજને પરમં હિતમ્

તસ્ય મૂત્રપુરીષાભ્યાં તામ્રં ભવતિ કાઞ્ચનમ્ ।
વાયુવેગો મહાસિદ્ધશ્ છિદ્રાં પશ્યતિ મેદિનીમ્

કાકમાચ્યમૃતાદ્રાવૈઃ પારદં તાલકં સમમ્ ।
મર્દયેદ્ દિનમેકં તુ કૃત્વા ગોલં વિશોષયેત્

નિક્ષિપેદ્ વજ્રમૂષાયામાચ્છાદ્ય લોહપર્પટૈઃ ।
રુદ્ધ્વા સંધિં ધમેદ્ગાઢં ખોટબદ્ધો ભવેદ્રસઃ

લોહપર્પટકં દત્ત્વા તદ્વદ્ ધામ્યં ત્રિધા પુનઃ ।
વર્ષૈકં ધારયેદ્વક્ત્રે ગુટિકા તારકેશ્વરી

વાકુચીબીજકર્ષૈકં ગવાં ક્ષીરૈઃ પિબેદનુ ।
વ્યોમસત્ત્વં મૃતં વજ્રં સ્વર્ણતારાર્કમુણ્ડકમ્

તીક્ષ્ણં કાન્તં તાલકં ચ શુદ્ધં કૃત્વા વિમિશ્રયેત્ ।
સૂક્ષ્મચૂર્ણં સમં સર્વં ચૂર્ણાંશં શુદ્ધપારદમ્

ત્રિદિનં ચામ્લવર્ગેણ મર્દિતં ચાન્ધિતં ધમેત્ ।
વિદ્યાવાગીશ્વરી ખ્યાતા ગુટિકા વત્સરાવધિ

યસ્ય વક્ત્રે સ્થિતા તસ્ય જરા મૃત્યુર્ન વિદ્યતે ।
કર્ષં જ્યોતિષ્મતીતૈલં ક્રામણાર્થં પિબેત્સદા

વાક્પતિર્જાયતે ધીરો જીવેચ્ ચન્દ્રાર્કતારકમ્ ।
કાન્તપાષાણમાક્ષીકં ટઙ્કણં કર્કટાસ્થિ ચ

સ્નુહ્યર્કક્ષીરભૂનાગં સર્વમેતત્સમં ભવેત્ ।
સ્ત્રીસ્તન્યેન દિનં મર્દ્યં તેન મૂષાં પ્રલેપયેત્

તન્મધ્યે દ્રુતસૂતં તુ વજ્રભસ્મ સમં સમમ્ ।
ક્ષિપ્ત્વા રુદ્ધ્વા પુટે પચ્યાદ્ગજાખ્યે યામમાત્રકમ્

તતઃ પ્રલિપ્તમૂષાયાં ક્ષિપ્ત્વા રુદ્ધ્વા ધમેદ્ધઠાત્ ।
એવં પુનઃ પુનઃ કાર્યં વજ્રસૂતં મિલત્યલમ્

તતસ્તસ્યૈવ દાતવ્યં સમં કાચં સટઙ્કણમ્ ।
એવં મૂષાશતે દેયં તુલ્યં તુલ્યં ધમન્ ધમન્

તેજઃપુઞ્જો રસેન્દ્રોઽસૌ ભવેન્ માર્તણ્ડસંનિભઃ ।
ગુટિકા વજ્રતુણ્ડેયં વક્ત્રસ્થા મૃત્યુનાશિની

વર્ષમાત્રાન્ ન સંદેહો રુદ્રતુલ્યો ભવેન્ નરઃ ।
તસ્ય મૂત્રપુરીષાભ્યાં પૂર્વવત્કાઞ્ચનં ભવેત્

પઞ્ચાઙ્ગં ભક્ષયેત્કર્ષં રુદન્ત્યા મધુસર્પિષા ।
ટઙ્કણં કર્કટાસ્થીનિ ઊર્ણા ચૈવ શિલાજતુ

મહિષીકર્ણનેત્રોત્થં મલં સ્ત્રીસ્તન્યકૈઃ સમમ્ ।
પિષ્ટ્વા તલ્લિપ્તમૂષાયામ્ અભ્રસત્ત્વં ક્ષિપેદ્ધમેત્

સત્ત્વતુલ્યં ક્ષિપેત્તત્ર પૂર્વવદ્ દ્રુતપારદમ્ ।
દ્રવં દિવ્યૌષધીનાં ચ દત્ત્વા તત્રૈવ તદ્ધમેત્

મિલિતો જાયતે બદ્ધઃ પૂર્વવત્ કાચટઙ્કણૈઃ ।
ધ્માતો મૂષાશતેનાયં તેજઃપુઞ્જો ભવેદ્રસઃ

વર્ષૈકં ધારયેદ્વક્ત્રે શિવતુલ્યો ભવેન્ નરઃ ।
અજરામરકારીયં ગુટિકા ગગનેશ્વરી

બિલ્વબીજોત્થિતં તૈલં નિષ્કમાત્રં પિબેદનુ ।
ઉદરે જાયતે વહ્નિઃ પિબેત્ક્ષીરં પુનઃ પુનઃ

સાક્ષાજ્ જાતિસ્મરત્વં ચ કવિત્વં શ્રુતધારણમ્ ।
ખેચરત્વમદૃશ્યત્વં જાયતે નાત્ર સંશયઃ

અગ્નિમન્થો વજ્રવલ્લી સૂરણં વનશૂરણમ્ ।
ચિત્રકશ્ચ દ્રવૈરેષાં શુદ્ધસૂતં દિનાવધિ

મર્દયેત્તપ્તખલ્વે તુ તં રસં પલમાત્રકમ્ ।
પલં પલં તાલવઙ્ગૌ તત્સર્વં ચામ્લવેતસૈઃ

મર્દયેદ્ દિનમેકં તુ કૃત્વા તં ગોલકં પુનઃ ।
ચતુઃપલાં નાગમૂષાં કૃત્વા તસ્યાં તુ તત્ક્ષિપેત્

ચતુઃપલે શુદ્ધતામ્રસમ્પુટે તાં નિરોધયેત્ ।
મૃણ્મૂષાયાં તુ તાં રુદ્ધ્વા આરણ્યોત્પલકૈઃ પુટેત્

શતદ્વયપ્રમાણૈસ્તુ સ્વાઙ્ગશીતં સમુદ્ધરેત્ ।
સર્વં દિવ્યૌષધદ્રાવૈર્ મર્દયેદ્ દિવસત્રયમ્

ચતુર્નિષ્કમિતા કાર્યા વટિકા શોષયેત્તતઃ ।
એકૈકાં વજ્રમૂષાયાં રુદ્ધ્વા તીવ્રાગ્નિના ધમેત્

આનન્દગુટિકા હ્ય્ એષા વક્ત્રસ્થા મૃત્યુનાશિની ।
વત્સરાન્ નાત્ર સંદેહો જીવેદ્બ્રહ્મદિનત્રયમ્

તૈલં વાતારિબીજોત્થં ગોક્ષીરૈર્ નિષ્કમાત્રકમ્ ।
ક્રામણાર્થં પિબેન્ નિત્યં શીઘ્રસિદ્ધિકરં પરમ્

વજ્રભસ્મસમં સૂતં હંસપાદ્યા દ્રવૈસ્ત્ર્યહમ્ ।
મર્દિતં દ્વંદ્વલિપ્તાયાં મૂષાયાં ચાન્ધિતં પુટેત્

ભૂધરાખ્યે દિવારાત્રૌ સમુદ્ધૃત્યાથ તસ્ય વૈ ।
પૂર્વાંશં પારદં દત્ત્વા હંસપાદ્યા દ્રવૈસ્ત્ર્યહમ્

મર્દિતં દ્વંદ્વલિપ્તાયાં મૂષાયાં ચાન્ધિતં ધમેત્ ।
તત્ખોટં ધમનાચ્છોધ્યં કાચટઙ્કણયોગતઃ

નક્ષત્રાભં ભવેદ્ યાવત્તાવદ્ધામ્યં પુનઃ પુનઃ ।
તદ્રસં વ્યોમસત્ત્વં ચ કાઞ્ચનં ચ સમં સમમ્

સમાવર્ત્ય તતઃ કાર્યા ગુટિકા વક્ત્રમધ્યગા ।
વજ્રખેચરિકા નામ વત્સરાન્ મૃત્યુનાશિની

વલીપલિતનિર્મુક્તો દિવ્યકાયો ભવેન્ નરઃ ।
નિર્ગુણ્ડીમુનિચૂર્ણં તુ કર્ષમાજ્યૈઃ પિબેદનુ

કાન્તં શુલ્બં સમં ચૂર્ણં વજ્રમૂષાન્ધિતં ધમેત્ ।
તત્ખોટસિદ્ધચૂર્ણં તુ ગન્ધકામ્લેન મર્દયેત્

રુદ્ધ્વા સમ્યક્પુટે પચ્યાત્સમુદ્ધૃત્યાથ મર્દયેત્ ।
પૂર્વવત્ક્રમયોગેન પુટેદ્ વારાંશ્ચતુર્દશ

વજ્રેણ દ્વંદ્વિતં સ્વર્ણમનેનૈવ તુ રઞ્જયેત્ ।
મૂષામધ્યે ધમન્ન્ એવં સપ્તવારં સમં ક્ષિપેત્

તત્ખોટં ચૂર્ણિતં ભાવ્યં સ્ત્રીપુષ્પેણ દિનાવધિ ।
તત્તુલ્યં દ્રુતસૂતં તુ સર્વં યામં વિમર્દયેત્

વેષ્ટયેદ્ ભૂર્જપત્ત્રેણ વસ્ત્રે બદ્ધ્વા પચેત્ ત્ર્યહમ્ ।
દોલાયન્ત્રે સારનાલે જાતં ગોલં સમુદ્ધરેત્

ગાન્ધારી જીવની ચૈવ લાઙ્ગલી ચેન્દ્રવારુણી ।
એતાસાં પિણ્ડકલ્કેન વેષ્ટયેત્પૂર્વગોલકમ્

અન્ધયિત્વા દિનં પચ્યાદ્ભૂધરે તં સમુદ્ધરેત્ ।
પુનર્લેપ્યં પુનઃ પાચ્યં ચતુર્દશદિનાવધિ

ગુટિકા જાયતે દિવ્યા નામ્ના રત્નેશ્વરી તથા ।
વક્ત્રસ્થા વર્ષમાત્રં તુ નન્દિતુલ્યો ભવેન્ નરઃ

જીવેદ્વર્ષસહસ્રાણિ દિવ્યતેજા મહાબલઃ ।
વર્ષદ્વાદશપર્યન્તં યસ્ય વક્ત્રે સ્થિતા તુ સા

તસ્ય પ્રસ્વેદસમ્પર્કાદષ્ટલોહાનિ કાઞ્ચનમ્ ।
જાયન્તે નાત્ર સંદેહઃ સત્યમીશ્વરભાષિતમ્

પઞ્ચાઙ્ગચૂર્ણં મધ્વાજ્યૈ રુદન્ત્યુત્થં લિહેદનુ ।
સ્વર્ણં કૃષ્ણાભ્રસત્ત્વં ચ તારં તામ્રં સુચૂર્ણિતમ્

સમાંશં દ્વંદ્વલિપ્તાયાં મૂષાયાં ચાન્ધિતં ધમેત્ ।
તત્ખોટં ભાગચત્વારિ ભાગૈકં મૃતવજ્રકમ્

માક્ષિકં તીક્ષ્ણકાન્તં ચ ભાગૈકૈકં સુચૂર્ણિતમ્ ।
સમસ્તં દ્વંદ્વલિપ્તાયાં મૂષાયાં ચાન્ધિતં ધમેત્

તત્ખોટં સૂક્ષ્મચૂર્ણં તુ ચૂર્ણાંશં દ્રુતસૂતકમ્ ।
ત્રિદિનં તપ્તખલ્વે તુ મર્દ્યં દિવ્યૌષધિદ્રવૈઃ

રુદ્ધ્વાથ ભૂધરે પચ્યાદહોરાત્રાત્સમુદ્ધરેત્ ।
દ્રુતસૂતં પુનસ્તુલ્યં દત્ત્વા મર્દ્યં પુટેત્તથા

ઇત્યેવં સપ્તવારાંસ્તુ દ્રુતં સૂતં સમં સમમ્ ।
દત્ત્વા મર્દ્યં પુટે પચ્યાજ્ જાયતે ભસ્મસૂતકઃ

ભસ્મસૂતસમં ગન્ધં દત્ત્વા રુદ્ધ્વા ધમેદ્ દૃઢમ્ ।
જાયતે ગુટિકા દિવ્યા વિખ્યાતા દિવ્યખેચરી

વર્ષૈકં ધારયેદ્વક્ત્રે જીવેત્કલ્પસહસ્રકમ્ ।
તસ્ય મૂત્રપુરીષાભ્યાં સર્વલોહસ્ય લેપનાત્

જાયતે કનકં દિવ્યં સમાવર્તે ન સંશયઃ ।
પલદ્વયં ભૃઙ્ગરાજદ્રવ્યં ચાનુ પિબેત્સદા

પૂર્વોક્તં ભસ્મસૂતં વા ગુઞ્જામાત્રં સદા લિહેત્ ।
વર્ષૈકં મધુનાજ્યેન લક્ષાયુર્જાયતે નરઃ

વલીપલિતનિર્મુક્તો મહાબલપરાક્રમઃ ।
સ્વર્ણં વૈક્રાન્તસત્ત્વં ચ દ્વંદ્વિતં જારયેદ્રસે

સમાંશં તુ ભવેદ્ યાવત્તતસ્તેનૈવ સારયેત્ ।
સમેન જાયતે બદ્ધો ધારયેત્તં મુખે સદા

સંવત્સરપ્રયોગેણ જરાકાલાપમૃત્યુજિત્ ।
કુમાર્યા દલજં દ્રાવં સિતાયુક્તં પિબેદનુ

સ્વર્ણવૈક્રાન્તબદ્ધોઽયં બ્રહ્માયુર્યચ્છતે નૃણામ્ ।
વૈક્રાન્તસત્ત્વતુલ્યાંશં શુદ્ધસૂતં વિમર્દયેત્

દિનં દિવ્યૌષધદ્રાવૈસ્ તદ્ગોલં નિગડેન વૈ ।
લિપ્ત્વા લવણગર્ભાયાં વજ્રમૂષ્યાં નિરોધયેત્

છાયાયાં શોષયેત્સંધિં ત્રિદિનં તુષવહ્નિના ।
સ્વેદયેદ્વા કરીષાગ્નૌ દિવારાત્રમથોદ્ધરેત્

તદ્ગોલં નિગડેનૈવ લિપ્ત્વા તદ્વન્ નિરુધ્ય ચ ।
છાયાશુષ્કં ધમેદ્ગાઢં બન્ધમાયાતિ નિશ્ચિતમ્

વર્ષૈકં ધારયેદ્વક્ત્રે જીવેદ્ બ્રહ્મદિનત્રયમ્ ।
વૈક્રાન્તગુટિકા હ્ય્ એષા સર્વકામફલપ્રદા

કર્ષૈકં ત્રિફલાચૂર્ણં મધ્વાજ્યાભ્યાં લિહેદનુ ।
હેમ્ના યદ્દ્વંદ્વિતં વજ્રં કુર્યાત્તત્સૂક્ષ્મચૂર્ણિતમ્

એતદ્દેયં ગુહ્યસૂતે મૂષાયામધરોત્તરમ્ ।
પાદમાત્રં પ્રયત્નેન રુદ્ધ્વા સંધિં વિશોષયેત્

ભૂધરાખ્યે દિનં પચ્યાત્સમુદ્ધૃત્યાથ મર્દયેત્ ।
દિવ્યૌષધફલદ્રાવૈસ્ તપ્તખલ્વે દિનાવધિ

રુદ્ધ્વાથ ભૂધરે પચ્યાદ્ દિનં લઘુપુટૈઃ પુટેત્ ।
સમુદ્ધૃત્ય પુનસ્તદ્વન્મર્દ્યં રુદ્ધ્વા દિનત્રયમ્

તુષાગ્નિના શનૈઃ સ્વેદ્યમ્ ઊર્ધ્વાધઃ પરિવર્તયન્ ।
જાયતે ભસ્મસૂતોઽયં સર્વયોગેષુ યોજયેત્

દ્રુતસૂતસ્ય ભાગૈકં ભાગૈકં પૂર્વભસ્મકમ્ ।
શુદ્ધનાગસ્ય ભાગૈકં સર્વમમ્લેન મર્દયેત્

અન્ધમૂષાગતં ધામ્યં ખોટો ભવતિ તદ્રસઃ ।
ધમેત્પ્રકટમૂષાયાં યાવન્ નાગક્ષયો ભવેત્

દ્રુતસૂતપ્રકારેણ દ્રાવયિત્વા ત્વ્ ઇમં રસમ્ ।
નિક્ષિપેત્કચ્છપે યન્ત્રે વિડં દત્ત્વા દશાંશતઃ

સ્વર્ણાદિસર્વલોહાનિ ક્રમેણૈવ ચ જારયેત્ ।
પ્રત્યેકં ષડ્ગુણં પશ્ચાદ્ વજ્રદ્વંદ્વં ચ જારયેત્

ત્રિગુણં તુ ભવેદ્યાવત્તતો રત્નાનિ વૈ ક્રમાત્ ।
જારયેદ્ દ્રાવિતાન્ય્ એવ પ્રત્યેકં ત્રિગુણં શનૈઃ

તતો યન્ત્રાત્સમુદ્ધૃત્ય દિવ્યૌષધદ્રવૈર્દિનમ્ ।
મર્દ્યં રુદ્ધ્વા ધમેદ્ગાઢં જાયતે ગુટિકા શુભા

પૂજયેદઙ્કુશીમન્ત્રૈર્નામ્નેયં દિવ્યખેચરી ।
યસ્ય વક્ત્રે સ્થિતા હ્ય્ એષા સ ભવેદ્ભૈરવોપમઃ

દિવ્યતેજા મહાકાયઃ ખેચરત્વેન ગચ્છતિ ।
યત્રેચ્છા તત્ર તત્રૈવ ક્રીડતે હ્ય્ અઙ્ગનાદિભિઃ

મહાકલ્પાન્તપર્યન્તં તિષ્ઠત્યેવ ન સંશયઃ ।
તસ્ય મૂત્રપુરીષાભ્યાં તામ્રં ભવતિ કાઞ્ચનમ્

પલાશપુષ્પચૂર્ણં તુ તિલાઃ કૃષ્ણાઃ સશર્કરાઃ ।
સર્વં પલત્રયં ખાદેન્ નિત્યં સ્યાત્ ક્રામણે હિતમ્

ચૂર્ણમ્ અશ્વખુરસ્યૈવ ગુહ્યસૂતે સમં ક્ષિપેત્ ।
ત્રિદિનં માતુલુઙ્ગામ્લૈસ્તત્સર્વં મર્દયેદ્ દૃઢમ્

સૂતતુલ્યં મૃતં વજ્રં તસ્મિન્ ક્ષિપ્ત્વાથ મર્દયેત્ ।
તપ્તખલ્વે દિનં ચામ્લૈસ્તદ્ગોલં ચાન્ધિતં પુટેત્

દિનૈકં ભૂધરે યન્ત્રે ભાગૈકં પૂર્વપારદમ્ ।
ક્ષિપ્ત્વા તસ્મિન્ દૃઢં મર્દ્યં માતુલુઙ્ગદ્રવૈર્દિનમ્

રુદ્ધ્વાથ પૂર્વવત્પચ્યાત્પુનર્દેયશ્ચ પારદઃ ।
મર્દ્યં પાચ્યં યથાપૂર્વમેવં કુર્યાચ્ ચ સપ્તધા

રસં પુનઃ પુનર્દત્ત્વા સ્યાદેવં ભસ્મસૂતકઃ ।
યોજયેત્સર્વયોગેષુ જરામૃત્યુહરો ભવેત્

ભાગૈકં નાગચૂર્ણસ્ય ભાગૈકં પૂર્વભસ્મનઃ ।
દ્રુતસૂતસ્ય ભાગૈકં ખોટં કુર્યાચ્ ચ પૂર્વવત્

તદ્વદ્ધામ્યં ગતે નાગે દ્રાવિતં જારયેત્પુનઃ ।
પૂર્વવલ્ લોહરત્નાન્તં જીર્ણે બદ્ધા સ્થિતા મુખે

પ્રચણ્ડખેચરીનામ્ની ગુટિકા ખે ગતિપ્રદા ।
પૂર્વવલ્ લભતે વીરઃ ફલમત્યન્તદુર્લભમ્

નિર્ગુણ્ડીમૂલચૂર્ણં તુ કર્ષં તક્રૈઃ પિબેદનુ ।
શુદ્ધસૂતસ્ય દાતવ્યં કલાંશં મૃતવજ્રકમ્

તત્સર્વમમ્લવર્ગેણ તપ્તખલ્વે દિનત્રયમ્ ।
મર્દયિત્વા તતસ્તેન લેપયેત્સમભાગતઃ

પક્વબીજસ્ય પત્ત્રાણિ તાનિ ભાનુદલૈઃ પુનઃ ।
વેષ્ટિતાનિ નિરુધ્યાથ નિખનેચ્ ચુલ્લિગર્ભતઃ

આચ્છાદ્ય જ્વાલયેત્તત્ર કાષ્ઠાગ્નિં દિવસત્રયમ્ ।
ઉદ્ધૃત્ય દ્વંદ્વલિપ્તાયાં મૂષાયાં તં નિરોધયેત્

કરીષાગ્નૌ પુટે પચ્યાદહોરાત્રાત્સમુદ્ધરેત્ ।
વાસનામુખિતે સૂતે તુલ્યમેતદ્વિનિક્ષિપેત્

અમ્લેન મર્દયેદ્યામં જાતં ગોલં સમુદ્ધરેત્ ।
ક્ષિપેજ્જમ્બીરગર્ભે તં વસ્ત્રે બદ્ધ્વા ત્ર્યહં પચેત્

દોલાયન્ત્રે સારનાલે જાયતે ગુટિકા શુભા ।
કઙ્કાલખેચરી નામ્ના વક્ત્રસ્થા મૃત્યુનાશિની

વર્ષૈકં ધારયેદ્યસ્તુ સ જીવેદ્બ્રહ્મણો દિનમ્ ।
ગન્ધકં ગુગ્ગુલું તુલ્યમાજ્યૈઃ કર્ષં લિહેદનુ

કૃષ્ણાભ્રકસ્ય સત્ત્વં તુ કાન્તમાક્ષીકકાઞ્ચનમ્ ।
તીક્ષ્ણં સૌવીરચૂર્ણં ચ તુલ્યં રુદ્ધ્વા ધમેદ્ દૃઢમ્

તત્ખોટં સૂક્ષ્મચૂર્ણં તુ દ્રુતસૂતસમં ભવેત્ ।
સૂતાર્ધં મારિતં વજ્રં સર્વમમ્લેન મર્દયેત્

દિનૈકં તપ્તખલ્વે તુ તં રુદ્ધ્વા ભૂધરે પચેત્ ।
અહોરાત્રાત્સમુદ્ધૃત્ય તત્સમં પૂર્વસૂતકમ્

દત્ત્વા દિવ્યૌષધદ્રાવૈર્મર્દ્યં સર્વં દિનાવધિ ।
પૂર્વવદ્ભૂધરે પચ્યાદ્ દ્રુતસૂતં પુનઃ સમમ્

દત્ત્વા મર્દ્યં પુનઃ પચ્યાદિત્યેવં સપ્તવારકમ્ ।
એતદ્ભસ્મસમં ગન્ધં દત્ત્વા ચાન્ધ્યં ધમેદ્ દૃઢમ્

જાયતે ગુટિકા દિવ્યા કાલવિધ્વંસિકા પરા ।
યસ્ય વક્ત્રે સ્થિતા હ્ય્ એષા તસ્ય કાલઃ કરોતિ કિમ્

વર્ષષટ્કપ્રયોગેણ જીવેત્કલ્પસહસ્રકમ્ ।
તદ્ગાત્રસ્વેદમાત્રેણ સર્વલોહાનિ કાઞ્ચનમ્

જાયન્તે નાત્ર સંદેહઃ શિવામ્બુ ક્રામકં પિબેત્ ।
સ્વર્ણતારાર્કકાન્તં ચ તીક્ષ્ણચૂર્ણં સમં સમમ્

દ્વંદ્વમેલાપલિપ્તાયાં મૂષાયાં ચાન્ધિતં ધમેત્ ।
તત્ખોટં ચૂર્ણિતં કૃત્વા ચાભિષિક્તં તુ પૂર્વવત્

સમુખે જારયેત્સૂતે યાવત્પઞ્ચગુણં ક્રમાત્ ।
દિવ્યૌષધદ્રવૈસ્તં વૈ મર્દયેદ્ દિવસત્રયમ્

અન્ધમૂષાગતં ધ્માતં જાયતે ગુટિકા શુભા ।
નામ્ના પઞ્ચાનના ધાર્યા વક્ત્રે સંવત્સરાવધિ

વલીપલિતનિર્મુક્તો જીવેચ્ ચન્દ્રાર્કતારકમ્ ।
હસ્તિકર્ણી સમૂલા તુ ચૂર્ણ્યા મધ્વાજ્યસંયુતા

સ્નિગ્ધભાણ્ડે તુ તાં રુદ્ધ્વા ધાન્યરાશૌ નિવેશયેત્ ।
ત્રિસપ્તાહાત્સમુદ્ધૃત્ય પલૈકં ભક્ષયેદનુ

ઋદ્ધિખણ્ડે તુ યત્પ્રોક્તં વિવિધં રસબન્ધનમ્ ।
અત્ર તસ્યૈવ વક્ષ્યામિ દેહવેધક્રમં યથા

જારિતૈર્ બન્ધિતૈસ્ તૈસ્ તૈ રસરાજૈઃ પૃથક્પૃથક્ ।
કારયેદ્ગુટિકાં દિવ્યાં બદરાણ્ડપ્રમાણકામ્

સા ધાર્યા વત્સરં વક્ત્રે સ્વાનુરૂપફલપ્રદા ।
ગુટિકા શતવેધી સ્યાદ્યુગાયુષ્યકરી નૃણામ્

સહસ્રવેધી ગુટિકા અષ્ટકલ્પાન્તરક્ષિકા ।
લક્ષવેધકરી યા તુ સા દત્તે વિષ્ણુવદ્બલમ્

વેધિકા દશલક્ષે યા સા રુદ્રપદદાયિની ।
કોટિવેધકરી યા સા ઈશ્વરત્વકરી નૃણામ્

વેધિકા દશકોટીનાં સા સદાખ્યપદપ્રદા ।
ગુટિકાર્બુદવેધી યા સા શ્રીકણ્ઠપદપ્રદા

સમ્યગ્ભવપદં દત્તે ગુટિકા શઙ્ખવેધિકા ।
ધૂમ્રવેધી તુ યા સિદ્ધા સા શક્તિપદદાયિની

પરાશક્તિપદં દત્તે સ્પર્શવેધકરી તુ યા ।
શબ્દવેધકરા યા તુ સા યસ્ય વત્સરાવધિ

વક્ત્રે સ્થિતા સ વૈ સિદ્ધો નિત્યં નિત્યપદં લભેત્ ।
સ્વેચ્છાચારી વજ્રકાયો વજ્રપાતૈર્ન ભિદ્યતે

તસ્ય મૂત્રપુરીષાભ્યાં સર્વલોહાનિ કાઞ્ચનમ્ ।
જાયન્તે સ્વેદસમ્પર્કાદ્ ગાત્રસંસ્પર્શનાદપિ

સર્વેષામ્ ઉક્તયોગાનામ્ અનુ સ્યાચ્છુદ્ધગન્ધકમ્ ।
પલાર્ધં ભક્ષયેન્ નિત્યં રસસંક્રામણે હિતમ્

કાલિ કાલિ મહાકાલિ માંસશોણિતભોજિનિ ।
રક્તકૃષ્ણમુખે દેવિ રસસિદ્ધિં દદસ્વ મે

સ્વાહા અનેન સિદ્ધમન્ત્રેણ શક્તિચક્રં પ્રપૂજયેત્ ।
કાલિકાં ભૈરવં સિદ્ધાન્ કુમારીં સાધિતં રસમ્

તતો રસાયનં દિવ્યં સેવયેત્ સિદ્ધિમાપ્નુયાત્ ।
ગુટિકાં ધારયેદ્વક્ત્રે પૂર્વમન્ત્રં જપેત્સદા

રસમન્ત્રપ્રયોગેણ શીઘ્રં સિદ્ધિમવાપ્નુયાત્ ।
કાલાન્તરસસિદ્ધિર્યા પ્રોક્તા મન્થાનભૈરવે

તદર્થં પઞ્ચ તત્ત્વાનિ ષષ્ઠં જીવં ચ સાધયેત્ ।
કાકિન્યાઃ પુષ્પકાલે તુ સઙ્ગં કૃત્વા સમાહરેત્

તદ્યોનિસ્થં રજોબીજં ગગનં તં વિદુર્બુધાઃ ।
કાકિન્યુત્પન્નપુત્રસ્ય સદ્યોવિડ્વાયુરુચ્યતે

તેજસ્તુ કાકિનીપુષ્પં જલં તત્પુત્રશોણિતમ્ ।
કાકિનીપુત્રસર્વાઙ્ગં પૃથિવીતત્ત્વમુચ્યતે

રસસેવકદેહોત્થવીર્યં જીવસ્તુ કથ્યતે ।
તત્પ્રત્યેકં કોટિવેધં કર્ષૈકં રસસંયુતમ્

કૃત્વા સંરક્ષયેદ્ભિન્નં સુપિષ્ટં ગોલકીકૃતમ્ ।
ઉન્નતં પૌરુષં યાવદ્વિસ્તારેણ તદર્ધકમ્

કુર્યાત્તામ્રકટાહં તુ સ્થૂલં યાવત્ ષડઙ્ગુલમ્ ।
ચતુર્મુખસ્ય કોષ્ઠસ્ય પૃષ્ઠે ધાર્યં દૃઢં યથા

ગોઘૃતં નરતૈલં ચ સમભાગેન મેલયેત્ ।
તેનાપૂર્ય કટાહં તં સિદ્ધચક્રં તતો ઽર્ચયેત્

કુમારીગુરુદેવાગ્નીન્ ભૈરવં ભૈરવીયુતમ્ ।
તર્પયેદ્ બલિમાંસેન ક્ષેત્રપાલં ચ પૂજયેત્

ધમનં તત્ર કુર્વીત ચતુર્દિક્ષુ શનૈઃ શનૈઃ ।
ચતુર્ભિર્ વઙ્કનાલૈશ્ચ ખદિરાઙ્ગારયોગતઃ

સુતપ્તં ફેનનિર્મુક્તં નિર્ધૂમં ચ યદા ભવેત્ ।
ચન્દ્રાર્કગ્રહનક્ષત્રદેવતાભુવનાનિ ચ

નમસ્કૃત્ય ગુરું દેવં દેહં તત્ર વિનિક્ષિપેત્ ।
સુદ્રુતં તં વિજાનીયાન્ નિક્ષિપેત્પાર્થિવં રસમ્

ધમન્ન્ અત્રૈવ યત્નેન યાવત્ તત્ કલ્કતાં વ્રજેત્ ।
અપ્તત્ત્વાખ્યં રસં તસ્મિન્ ક્ષિપેદ્ રક્તં ભવેત્ તુ તત્

વાયુયુક્તં રસં ક્ષિપ્ત્વા શુભ્રવર્ણં પ્રજાયતે ।
તેજોયુક્તં રસં ક્ષિપ્યાદ્ ઘનીભૂતં ભવેત્તુ તત્

તત આકાશસંયુક્તં રસં તત્ર વિનિક્ષિપેત્ ।
આવર્તિતં સુવર્ણાભં જાયતે તત્ર નિક્ષિપેત્

જીવયુક્તં રસં દિવ્યં તતો હુંકારમુચ્ચરેત્ ।
કૃત્વા તત્ર મહારાવં હુંકારત્રયસંયુતમ્

તતશ્ ચોત્તિષ્ઠતે સિદ્ધઃ પૂર્વાહ્ણે ભાસ્કરો યથા ।
દિવ્યતેજા મહાકાયો મહાબલપરાક્રમઃ

નવનાગસહસ્રાણાં બલં તસ્યાધિકં ભવેત્ ।
જીવતે વજ્રદેહઃ સન્ સત્યં સત્યં શિવોદિતમ્

જરાજર્જરિતાઙ્ગાનામ્ અન્ધાનાં પઙ્ગુકુષ્ઠિનામ્ ।
નષ્ટવાગ્જડષણ્ડાનાં કુબ્જાનાં કુષ્ઠદેહિનામ્

અનેકવ્યાધિયુક્તાનાં ભ્રાન્તોન્મત્તપિશાચિનામ્ ।
કિં પુનઃ સ્વચ્છદેહાનાં ભૂપાનાં રસસેવિનામ્

વીરાણાં સાધકાનાં ચ દિવ્યસિદ્ધિપ્રદો ભવેત્ ।
તસ્માદ્વીરતરો યો ઽત્ર ભૈરવોઽસૌ ન સંશયઃ

વજ્રકાયો ભવેત્સિદ્ધો મેધાવી દિવ્યરૂપવાન્ ।
અર્ધયોજનવિસ્તીર્ણં વિમાનં ચાપ્સરોયુતમ્

આયાતિ નાત્ર સંદેહસ્તસ્ય સિદ્ધસ્ય સમ્મુખમ્ ।
તત્રારૂઢો રુદ્રલોકે ક્રીડતે ભૈરવો યથા

ક્ષુત્પિપાસાવિનિર્મુક્તો જગન્નાશે ન નશ્યતિ ।
ભુઞ્જાનઃ સર્વભોગાંશ્ચ યોગિનાં સ પ્રિયો ભવેત્ ।
ઇચ્છાસિદ્ધો મહાવીરો નિત્યાનન્દમયો ભવેત્

દૃષ્ટ્વા સમસ્તમનુભૂય રસાયનેષુ સારાતિસારસુખસાધ્યતરં નરાણામ્ ।
દેહસ્ય દાર્ઢ્યકરણે ગુટિકાપ્રયોગાઃ પ્રોક્તાઃ પરં શિવકરાઃ સતતં સુસિદ્ધ્યૈ