રાજતરઙ્ગિની · શ્લોક 81-100

[પ્સ્-જ્ર્ત્ 3]
લવન્યવન્યકરિણાં દર્પનિર્દલનં વ્યધાત્ ।
નરસિંહો મહાતેજા વનાનામ્ ઇવ પાવકઃ ॥ જ્ર્ત્_બ્.84 ॥
મલ્લૈર્ બલાઢ્યચન્દ્રસ્ય બલિનો લહરેશિતુઃ ।
હરતશ્ શ્રીનગર્યર્ધસ્વામ્યં ન પ્રાભવત્ તુ સઃ

પુણ્યં રાશીભવન્ મૂર્તમ્ ઇવાથ સ્વાભિધાઙ્કિતમ્ ।
બલાઢ્યચન્દ્રસ્ સાન્દ્રૌજા નગરાન્તર્ મઠં વ્યધાત્

"કો ઽયં ખશો મૃદુẖ કશ્ચિદ્ અસ્માભિર્ અભિષિચ્યતે" ।
અમન્ત્રયન્ન્ ઇદં ભટ્ટા રાજ્ઞાવગણિતાશ્ ચિરાત્

"ન ભટ્ટો ઽહં ન ભટ્ટો ઽહં ન ભટ્ટો ઽહમ્" ઇદં વચઃ ।
અશ્રૂયતાપિ ભટ્ટેભ્યો નિર્દિષ્ટે ભટ્ટલુણ્ઠને

તદૈવ વિમલાચાર્યશ્ શાકે ખેષુનવાઙ્કિતે ।
ષડદ્રિનન્દમાસસ્ય મલભ્રમમ્ અવારયત્

નિર્મમે નિર્મમો રાજપુરીં રાજોલકં તથા ।
રાજદેવસ્ સ રાજેન્દુર્ આજન્માર્જિતમઙ્ગલઃ

અહાનિ સપ્તવિંશાનિ ત્રયોવિંશાંશ્ ચ વત્સરાન્ ।
માસત્રયીં ચ રાજા સ ક્ષ્માં રક્ષિત્વા ક્ષયં યયૌ

8) સઙ્ગ્રામદેવ (લ્સ્ 4312-4328)
સઙ્ગ્રામદેવસ્ તત્પુત્રો ગોત્રાસુત્રામતાં ભજન્ ।
ત્રાસમ્ આસૂત્રયદ્ રાજસિંહશ્ શાત્રવદન્તિનામ્

વિસ્રમ્ભાત્ સૂર્યમ્ અનુજં ચક્રે પ્રતિનિધિં સ્વયમ્ ।
કુચક્રિકસ્ સ ભોગેભ્યો લુભ્યન્ દ્રોહમ્ અચિન્તયત્

શ્રુતદ્રોહો મહીભર્ત્રા ભીતસ્ સ લહરેશિતુઃ ।
ચન્દ્રસ્ય મણ્ડલં સૂર્યḫ પ્રાવિક્ષદ્ ઉદયેચ્છયા

દારુણે રણકાલે સ સૂર્યં ચન્દ્રાન્વિતં તદા ।
સ્વર્ભાનુર્ ઇવ ભૂભાનુશ્ ચિત્રં સમમ્ અમીમિલત્

શમાલાધિપતિસ્ તુઙ્ગસ્ સૂર્યં પાર્શ્વં નયન્ મદાત્ ।
કૃતયાત્રેણ રાજ્ઞાથ નીચભાવમ્ અનીયત

માર્ગૈર્ નિરિન્દુરવિભિશ્ ચૌરવદ્ રજનૌ ભ્રમન્ ।
વિટત્યક્તસ્ તતસ્ સૂર્યો બદ્ધ્વા રાજ્ઞા વ્યપાદ્યત

સ્વલક્ષ્મીં રક્ષિતું સાક્ષાત્ તસ્મિન્ન્ આત્તક્ષણે પ્રભૌ ।
અકારયન્ન્ અહિભયં સ્તેનાẖ કલ્હણનન્દનાઃ

ગોત્રજેષુ બલિષ્ઠેષુ નષ્ટાશસ્ સો ઽથ ભૂપતિઃ ।
શિષ્ટમ્ ઇષ્ટં ચ શરણમ્ અગાદ્ રાજપુરીપતિમ્

તસ્મિન્ દણ્ડધરે દૂરં યાતે ડામરફેરવઃ ।
અન્ત્રાણ્ય્ અપિ વિશામ્ આશુર્ નિશ્શેષં રક્તપાયિનઃ

રાજ્ઞા સુમનસા ત્યક્તં દ્વિજૈશ્ ચ સ્પર્શદૂષિતમ્ ।
ભોજ્યં ડામરડોમ્બાનાં તદ્ રાજ્યાન્નમ્ અભૂચ્ ચિરમ્

સ્વમણ્ડલે વિશીર્ણે ઽથ પરમણ્ડલમ્ આવિશન્ ।
ન કૈર્ અનુમતો રાજા પ્રત્યાસન્નનવોદયઃ

પ્રત્યક્ષતો રાજપુર્યાસ્ સ રિપૂન્ સમરે જયન્ ।
બ્રાહ્મણ્યાત્ કાલ્હણીન્ રક્ષન્ રાજ્યં પુણ્યં ચ લબ્ધવાન્

એકવિંશતિશાલં સ શ્રીવિશાલં વિશામ્પતિઃ ।
ગોદ્વિજાનાં નિવાસાય ચકાર વિજયેશ્વરે