રાજતરઙ્ગિની · શ્લોક 1-20

જોનરાજ અન્દ્ પ્સેઉદો-જોનરાજ: રાજતરઙ્ગિની
સિદ્ધે યત્ર સતિ ત્રપાકુલમ્ ઇવ સ્પર્ધાભિલાષાહતેર્ અન્તર્ધિં વહતિ ત્રિલોકમહિતં શેષં નિજાર્ધદ્વયમ્ ।
સ્નેહૈકીભવદાશયદ્વયજયાકાઙ્ક્ષીવ ગાઢં મિલદ્દેહાર્ધદ્વયમ્ અસ્તુ તદ્ ભગવતોસ્ સદ્ભાવસમ્પત્તયે

દાતું ભક્તાય કલ્યાણં ગર્ભં બિભ્રદ્ ઇવાન્વહમ્ ।
તુન્દિભો ગણરાજસ્ સ વિઘ્નશાન્તિં કરોતુ નઃ

શ્રીગોનન્દમુખૈર્ ધર્મસમ્મુખૈર્ આ કલેẖ કિલ ।
કશ્મીરકાશ્યપી ભૂપૈર્ અપાલિ ગુણશાલિભિઃ

તેષામ્ અભાગ્યહેમન્તનિશાતમસિ તિષ્ઠતિ ।
નૈવ કશ્ચિદ્ અપશ્યત્ તાન્ કાવ્યાર્કાનુદયાચ્ ચિરમ્

રસમય્યા ગિરા વૃદ્ધાં નિત્યતારુણ્યમ્ આપિપત્ ।
અથ શ્રીજયસિંહાન્તાં તત્કીર્તિં કલ્હણẖ કવિઃ

તતો દેશાદિદોષેણ તદભાગ્યૈર્ અથાપિ વા ।
કવિર્ વાક્સુધયા કશ્ચિન્ નાજિજીવત્ પરાન્ નૃપાન્

શ્રીજૈનોલ્લાભદીને ક્ષ્માં સમ્પ્રત્ય્ અક્ષતિ રક્ષતિ ।
જોનરાજાભિધસ્ તેષાં ઉદ્યતો વૃત્તવર્ણને

દર્પગ્લાનિભવાં રાજપાન્થાનાં તાપસન્તતિમ્ ।
હન્તું સંરોપિતẖ કાવ્યદ્રુમો ભાવિફલોદયઃ

ઉપસ્કારરસં ક્ષિપ્ત્વા વિનયામૃતશીતલૈઃ ।
સજ્જનૈર્ વર્ધનીયો ઽયમ્ અપિ યત્નેન ભૂયસા

મગ્નાન્ વિસ્મૃતિપાથોધાવ્ અતીતાન્ નૃપતીન્ ઇમાન્ ।
શ્રીજૈનોલ્લાભદીનસ્ય કારુણ્યાદ્ ઉજ્જિહીર્ષતઃ

સર્વધર્માધિકારેષુ નિયુક્તસ્ય દયાવતઃ ।
મુખાચ્ છ્રીશિર્યભટ્ટસ્ય પ્રાપ્યાજ્ઞામ્ અનવજ્ઞયા

રાજાવલિં પૂરયિતું સમ્પ્રતિ પ્રતિભા મમ ।
કવિનામાભિલાષેણ ન તુ યસ્માન્ મમોદ્યમઃ

ક્વ ચુણ્ઠીજલવન્ મદ્વાક્ ક્વ ચ કાવ્યતરઙ્ગિતમ્ ।
છાયામાત્રાનુકારેણ કિં નડં પુણ્ડ્રકાયતે

અન્તશ્શૂન્યાં લઘું પ્રજ્ઞાં તુમ્બીમ્ ઇવ વહન્ન્ અહમ્ ।
પારં રાજતરઙ્ગિણ્યા ગન્તું હન્તોદ્યમં ગતઃ

પૃથ્વીનાથગુણાધ્યાને ચાપલં મે ન દૂષણમ્ ।
અલઙ્કારૈર્ અહઙ્કારાત્ કુરૂપાપિ હિ વલ્ગતિ

કવીનામ્ ઉપયોગ્યા વા મદ્વાક્ સ્વાન્તરશુદ્ધયે ।
ગઙ્ગાજલં જલં તેષાં યૈર્ ન પીતં જલાન્તરમ્

રાજોદન્તકથાસૂત્રપાતમાત્રં કૃતં મયા ।
કુર્વન્તુ રચનામ્ અત્ર ચતુરાẖ કવિશિલ્પિનઃ

મણીનાં ઘર્ષણાયૈવ મહાશાણસ્ય નૈપુણમ્ ।
કાન્તિપ્રણયને તેષાં મુખસારમણેસ્ તુ તત્

વિનૈવ પ્રાર્થનાં કાવ્યં કવેḫ પશ્યન્તિ સાધવઃ ।
કિમ્ અર્થિતશ્ શશી વિશ્વં સુધાસારેણ સિઞ્ચતિ

અનુનીતો ઽપિ કાલુષ્યં ખલẖ કાવ્યે ન મુઞ્ચતિ ।
સુધાધૌતો ઽપિ નાઙ્ગારશ્ શુભ્રતામ્ એતિ જાતુચિત્