Prasannapada · અધ્યાય 45

ઇત્યાચાર્યચન્દ્રકીર્તિપાદોપરચિતાયાં પ્રસન્નપદાયાં મધ્યમકવૃત્તૌ બન્ધમોક્ષપરીક્ષા નામ ષોડશમં પ્રકરણમ્ ॥
17
કર્મફલપરીક્ષા સપ્તદશમં પ્રકરણમ્ ।
અત્રાહ- વિદ્યત એવ સંસારઃ, કર્મફલસંબન્ધાશ્રયત્વાત્ । યદિ ઇહ સંતાનાવિચ્છેદક્રમેણ જન્મમરણપરંપરયા હેતુફલભાવપ્રવૃત્ત્યા સંસ્કારાણામાત્મનો વા સંસરણં સ્યાત્, સ્યાત્તદાનીં કર્મફલસંબન્ધઃ । યથાવર્ણિતે સંસારાભાવે તુ ઉત્પત્ત્યનન્તરવિનાશિત્વાચ્ચિત્તસ્ય કર્માક્ષેપકાલે ચ વિપાકસ્યાસદ્ભાવાત્ કર્મફલસંબન્ધાભાવ એવ સ્યાત્ । સંસારસદ્ભાવે તુ સતિ ઇહ કૃતસ્ય કર્મણે જન્માન્તરે ઽપિ વિપાકફલસંબન્ધાત્ કર્મણાં ફલસંબન્ધો ન વિરોધિતો ભવતિ । તસ્માદ્વિદ્યત એવ સંસારઃ કર્મફલસંબન્ધાશ્રયત્વાદિતિ । કાનિ પુનસ્તાનિ કર્માણિ કિં વા તત્ફલમિતિ તત્પ્રભેદ વિવક્ષયેદમુચ્યતે-
આત્મસંયમકં ચેતઃ પરાનુગ્રાહકં ચ યત્ ।
મૈત્રં સ ધર્મસ્તદ્બીજં ફલસ્ય પ્રેત્ય ચેહ ચ