Prasannapada · અધ્યાય 38

તત્ર દ્રષ્ટવ્યં રૂપમ્,દર્શનં ચક્ષુઃ, દ્રષ્ટા વિજ્ઞાનમ્ । એષાં ત્રયાણાં દ્વિશો દ્વિશઃ સંસર્ગો નાસ્તિ । ચક્ષુષો રૂપસ્ય ચ, ચક્ષુષો વિજ્ઞાનસ્ય ચ, વિજ્ઞાનસ્ય રૂપસ્ય ચ સંસર્ગો નાસ્તિ । ઇત્યેવં દ્વિશો દ્વિશઃ સંસર્ગો ન ભવતિ । સર્વશો ઽપિ ત્રયાણામપ્યેષાં યુગપચ્ચ સંસર્ગો નાસ્તિ

યથા ચ દ્રષ્ટવ્યદર્શનદ્રષ્ટણાં દ્વિશો દ્વિશઃ સર્વશશ્ચ સંસર્ગાભાવઃ,
એવં રાગશ્ચ રક્તશ્ચ રઞ્જનીયં ચ દૃશ્યતામ્ ।
રાગસ્ય રક્તસ્ય ચ સંસર્ગો નાસ્તિ, રાગસ્ય રઞ્જનીયસ્ય ચ, ત્રયાણામપિ યુગપત્સંસર્ગો નાસ્તિ । યથા ચૈષામ્, એવમ્-
ત્રૈધેન શેષાઃ ક્લેશાશ્ચ શેષાણ્યાયતનાનિ ચ