Prasannapada · અધ્યાય 27

તત્ર ઇધ્યતે યત્ તદિન્ધનમ્, દાહ્યં કાષ્ઠાદિકસંભૂતમ્ । તસ્ય દગ્ધા કર્તા અગ્નિઃ । તત્ર યદિ તાવદ્ યદિન્ધનં સ એવાગ્નિરિતિ પરિકલ્પ્યતે, તદા કર્તૃકર્મણોરેકત્વં સ્યાત્ । ન ચૈવં દૃષ્ટમ્, ઘટકુમ્ભકારયોશ્છેત્તૃચ્છેત્તવ્યયોશ્ચૈકત્વપ્રસઙ્ગાત્, તસ્ય ચાનભ્યુપગમાત્ । અથ અન્યત્વમ્, એવમપિ યદિ ઇન્ધનાદન્યો ઽગ્નિઃ સ્યાત્, તદા ઇન્ધનનિરપેક્ષસ્યાગ્નેરુપલબ્ધિઃ સ્યાત્ । ન હિ ઘટાદન્યઃ પટસ્તન્નિરપેક્ષો ન દૃષ્ટઃ । ન ચૈવમિન્ધનનિરપેક્ષો ઽગ્નિરિતિ ન યુક્તમેતત્

અપિ ચ । યદિ ઇન્ધનાદન્યો ઽગ્નિઃ સ્યાત્, તદાનીમ્-
નિત્યપ્રદીપ્ત એવ સ્યાદપ્રદીપનહેતુકઃ ।
પુનરારમ્ભવૈયર્થ્યમેવં ચાકર્મકઃ સતિ