પ્રમાણવાર્ત્તિકકારિકા · ભાગ 4157

03497 ઇતિ વર્ણેષુ રૂપ-આદાવ્ અવિચ્છિન્ન-અવભાસિની
03497 વિચ્છિન્ના અપ્ય્ અન્યયા બુદ્ધિઃ સર્વા સ્યાદ્ વિતથ-અર્થિકા
03498 ઘટનં યચ્ ચ ભાવાનામ્ અન્યત્ર ઇન્દ્રિય-વિભ્રમાત્
03498 ભેદ-અલક્ષણ-વિભ્રાન્તં સ્મરણં તદ્-વિકલ્પકમ્
03499 તસ્ય સ્પષ્ટ-અવભાસિત્વં જલ્પ-સંસર્ગિણઃ કુતઃ
03499 ન અક્ષ-ગ્રાહ્યે અસ્તિ શબ્દાનાં યોજના ઇતિ વિવેચિતમ્
03500 વિચ્છિન્નં પશ્યતો અપ્ય્ અક્ષૈર્ ઘટયેદ્ યદિ કલ્પના
03500 અર્થસ્ય તત્ સંવિત્તેશ્ ચ સતતં ભાસમાનયોઃ
03501 બાધકે અસતિ સન્ ન્યાયે વિચ્છિન્ન ઇતિ તત્ કુતઃ
03501 બુદ્ધીનાં શક્તિ-નિયમાદ્ ઇતિ ચેત્ સ કુતો મતઃ
03502 યુગપદ્ બુદ્ધ્ય્-અદૃષ્ટેશ્ ચેત્ તદ્ એવ ઇદં વિચાર્યતે
03502 તાસાં સમાન-જાતીયે સામર્થ્ય-નિયમો ભવેત્
03503 તથા હિ સમ્યક્ લક્ષ્યન્તે વિકલ્પાઃ ક્રમ-ભાવિનઃ
03503 એતેન યઃ સમક્ષે અર્થે પ્રત્યભિજ્ઞાન-કલ્પનામ્
03504 સ્પષ્ટ-અવભાસાઅં પ્રત્યક્ષાં કલ્પયેત્ સો અપિ વારિતઃ
03504 કેશ-ગોલક-દીપ-આદાવ્ અપિ સ્પષ્ટ-અવભાસનાત્
03505 પ્રતીત-ભેદે અપ્ય્ અધ્યક્ષા ધીઃ કથં તાદૃશી ભવેત્
03505 તસ્માન્ ન પ્રત્યભિજ્ઞાનાદ્ વર્ણ-આદ્ય્-એકત્વ-નિશ્ચયઃ
03506 પૂર્વ-અનુભૂત-સ્મરણાત્ તદ્-ધર્મ-આરોપણાદ્ વિના
03506 સ એવ અયમ્ ઇતિ જ્ઞાનં ન અસ્તિ તચ્ ચ અક્ષજે કુતઃ
03507 ન ચ અર્થ-જ્ઞાન-સંવિત્ત્યોર્ યુગપત્ સમ્ભવો યતઃ
03507 લક્ષ્યતે પ્રતિભાસૌ દ્વૌ ન અર્થ-અર્થ-જ્ઞાનયોઃ પૃથક્
03508 ન હ્ય્ અર્થ-આભાસિ ચ જ્ઞાનમ્ અર્થો બાહ્યશ્ ચ કેવલઃ
03508 એક-આકારમ્ અતિગ્રાહ્યે ભેદ-અભાવ-પ્રસઙ્ગતઃ
03509 સૂપલક્ષ્યેણ ભેદેન યૌ સંવિત્તૌ ન લક્ષિતૌ
03509 અર્થ-અર્થ-પ્રત્યયૌ પશ્ચાત્ સ્મર્યેતે તૌ પૃથક્ કથમ્
03510 ક્રમેણ અનુભવ-ઉત્પાદે અપ્ય્ અર્થ-અર્થ-મનસોર્ અયમ્
03510 પ્રતિભાસસ્ય નાનાત્વ-ચોદ્ય-દોષો દુરુદ્ધરઃ
03511 અર્થ-સંવેદનં તાવત્ તતો અર્થ-આભાસ-વેદનમ્
03511 ન હિ સંવેદનં શુદ્ધં ભવેદ્ અર્થસ્ય વેદનમ્
03512 તથા હિ નીલ-આદ્ય્-આકાર એક એકં ચ વેદનમ્
03512 લક્ષ્યતે ન તુ નીલ-આભે વેદને વેદનં પરમ્
03513 જ્ઞાન-અન્તરેણ અનુભવો ભવેત્ તત્ર અપિ ચ સ્મૃતિઃ
03513 દૃષ્ટા તદ્-વેદનં કેન તસ્ય અપ્ય્ અન્યેન ચેદ્ ઇમામ્
03514 માલાં જ્ઞાન-વિદાં કો અયં જનયત્ય્ અનુબન્ધિનીમ્
03514 પૂર્વા ધીઃ સા એવ ચેન્ ન સ્યાત્ સંચારો વિષય-અન્તરે
03515 તાં ગ્રાહ્ય-લક્ષણ-પ્રાપ્તામ્ આસન્નાં જનિકાં ધિયમ્
03515 અગૃહીત્વા ઉત્તરં જ્ઞાનં ગૃહ્ણીયાદ્ અપરં કથમ્
03516 આત્મનિ જ્ઞાન-જનને સ્વભાવે નિયતાં ચ તામ્
03516 કો નામ અન્યો વિબધ્નીયાદ્ બહિર્-અઙ્ગે અન્તરઙ્ગિકામ્

03517 બાહ્યઃ સંનિહિતો અપ્ય્ અર્થઃ તાં વિબન્ધું હિ ન પ્રભુઃ
03517 ધિયં ન અનુભવેત્ કશ્ચિદ્ અન્યથા અર્થસ્ય સંનિધૌ
03518 ન ચ સંનિહિત-અર્થા અસ્તિ દશા કાચિદ્ અતો ધિયઃ
03518 ઉત્સન્ન-મૂલા સ્મૃતિર્ અપ્ય્ ઉત્સન્ના ઇત્ય્ ઉજ્જ્વલં મતમ્
03519 અતીત-આદિ-વિકલ્પાનાં યેષાં ન અર્થસ્ય સંનિધિઃ
03519 સંચાર-કારણ-અભાવાદ્ ઉત્સીદેદ્ અર્થ-ચિન્તનમ્
03520 આત્મનિ જ્ઞાન-જનને શક્તિ-સંક્ષયતઃ શનૈઃ
03520 વિષય-અન્તર-સંચારો યદિ સા એવ અર્થ-ધીઃ કુતઃ
03521 શક્તિ-ક્ષયે પૂર્વ-ધિયઃ ન હિ ધીઃ પ્રાગ્ ધિયા વિના
03521 અન્ય-અર્થ-અસક્તિ-વિગુણે જ્ઞાને જ્ઞાન-ઉદય-અગતેઃ
03522 સકૃદ્ વિજાતીય-જાતાવ્ અપ્ય્ એકેન પટીયસા
03522 ચિત્તેન આહિત-વૈગુણ્યાદ્ આલયાન્ ન અન્ય-સમ્ભવઃ
03523 ન અપેક્ષેત અન્યથા સામ્યં મનો-વૃત્તેર્ મનો અન્તરમ્
03523 મનો-જ્ઞાન-ક્રમ-ઉત્પત્તિર્ અપ્ય્ અપેક્ષા પ્રસાધની
03524 એકત્વાન્ મનસો અન્યસ્મિન્ સક્તસ્ય અન્ય-અગતેર્ યદિ
03524 જ્ઞાન-અન્તરસ્ય અનુદયો ન કદાચિત્ સહોદયાત્
03525 સમવૃત્તૌ ચ તુલ્યત્વાત્ સર્વદા અન્ય-અગતિર્ ભવેત્
03525 જન્મ ચ આત્મ-મનો યોગ-માત્રજાનાં સકૃદ્ ભવેત્
03526 એકા એવ ચેત્ ક્રિયા એકઃ સ્યાત્ કિં દીપો અનેક-દર્શનઃ
03526 ક્રમેણ અપિ ન શક્તં સ્યાત્ પશ્ચાદ્ અપ્ય્ અવિશેષતઃ
03527 અનેન દેહ પુરુષાવ્ ઉક્તૌ સંસ્કારતો યદિ
03527 નિયમઃ સ કુતઃ પશ્ચાદ્ બુદ્ધેશ્ ચેદ્ અસ્તુ સમ્મતમ્
03528 ન ગ્રાહ્યતા અન્યા જનનાજ્ જનનં ગ્રાહ્ય-લક્ષણમ્
03528 અગ્રાહ્યં ન હિ તેજો અસ્તિ ન ચ સૌક્ષ્મ્ય-આદ્ય્-અનંશકે
03529 ગ્રાહ્યતા-શક્તિ-હાનિઃ સ્યાન્ ન અન્યસ્ય જનન-આત્મનઃ
03529 ગ્રાહ્યતાયા ન ખલ્વ્ અન્યજ્ જનનં ગ્રાહ્ય-લક્ષણે
03530 સાક્ષાન્ ન હ્ય્ અન્યથા બુદ્ધે રૂપ-આદિર્ ઉપકારકઃ
03530 ગ્રાહ્યતા-લક્ષણાદ્ અન્યસ્ તદ્ભાવ-નિયમો અસ્ય કઃ
03531 બુદ્ધેર્ અપિ તદ્ અસ્તિ ઇતિ સા અપિ તત્ત્વે વ્યવસ્થિતા
03531 ગ્રાહ્ય-ઉપાદાન-સંવિત્તી ચેતસો ગ્રાહ્ય-લક્ષણમ્
03532 રૂપ-આદેશ્ ચેતસશ્ ચ એવમ્ અવિશુદ્ધ-ધિયં પ્રતિ
03532 ગ્રાહ્ય-લક્ષણ-ચિન્તા ઇયમ્ અચિન્ત્યા યોગિનાં ગતિઃ
03533 તત્ર સૂક્ષ્મ-આદિ-ભાવેન ગ્રાહ્યમ્ અગ્રાહ્યતાં વ્રજેત્
03533 રૂપ-આદિ-બુદ્ધેઃ કિં જાતં પશ્ચાદ્ યત્ પ્રાઙ્ ન વિદ્યતે
03534 સતિ સ્વ-ધી-ગ્રહે તસ્માત્ સા એવ અનન્તર-હેતુતા
03534 ચેતસો ગ્રાહ્યતા સા એવ તતો ન અર્થ-અન્તરા ગતિઃ
03535 નાના-એક-શક્ત્ય્-અભાવે અપિ ભાવો નાના-એક-કાર્યકૃત્
03535 પ્રકૃત્યા એવ ઇતિ ગદિતં નાના-એકસ્માન્ ન ચેદ્ ભવેત્
03536 ન કિંચિદ્ એકમ્ એકસ્માત્ સામગ્ર્યાઃ સર્વ-સમ્ભવઃ
03536 એકં સ્યાદ્ અપિ સામગ્રયોર્ ઇત્ય્ ઉક્તં તદ્ અનેકકૃત્

03537 અર્થં પૂર્વં ચ વિજ્ઞાનં ગૃહ્ણીયાદ્ યદિ ધીઃ પરા
03537 પૂર્વ-અપર-અર્થ-ભાસિત્વાચ્ ચિન્તા-આદાવ્ એક-ચેતસિ
03538 અભિલાપ-દ્વયં નિત્યં સ્યાદ્ દૃષ્ટ-ક્રમમ્ અક્રમમ્
03538 દ્વિર્ દ્વિર્ એકં ચ ભાસેત ભાસનાદ્ આત્મ-તદ્-વિદોઃ
03539 વિષય-અન્તર-સંચારે યદ્ય્ અન્ત્યં ન અનુભૂયતે
03539 પર-અનુભૂતિવત્ સર્વાન્ અનુભૂતિઃ પ્રસજ્યતે
03540 આત્મ-અનુભૂતં પ્રત્યક્ષં ન અનુભૂતં પરૈર્ યદિ
03540 આત્મ-અનુભૂતિઃ સા સિદ્ધા કૃતો યેન એવમ્ ઉચ્યતે
03541 વ્યક્તિ-હેત્વ્-અપ્રસિદ્ધિઃ સ્યાન્ ન વ્યક્તેર્ વ્યક્તમ્ ઇચ્છતઃ
03541 વ્યક્ત્ય્-અસિદ્ધાવ્ અપિ વ્યક્તં યદિ વ્યક્તમ્ ઇદં જગત્
04001 પરસ્ય પ્રતિપાદ્યત્વાદ્ અદૃષ્ટો અપિ સ્વયં પરૈઃ
04001 દૃષ્ટઃ સાધનમ્ ઇત્ય્ એકે તત્-ક્ષેપાય આત્મ-દૃગ્-વચઃ
04002 અનુમા-વિષયે ન ઇષ્ટં પરીક્ષિત-પરિગ્રહાત્
04002 વાચઃ પ્રામાણ્યમ્ અસ્મિન્ હિ ન અનુમાનં પ્રવર્તતે
04003 બાધનાય આગમસ્ય ઉક્તેઃ સાધનસ્ય પરં પ્રતિ
04003 સો અપ્રમાણં તદા અસિદ્ધં તત્-સિદ્ધમ્ અખિલં તતઃ
04004 તદ્-આગમવતઃ સિદ્ધં યદિ કસ્ય ક આગમઃ
04004 બાધ્યમાનઃ પ્રમાણેન સ સિદ્ધઃ કથમ્ આગમઃ
04005 તદ્-વિરુદ્ધ-અભ્યુપગમસ્ તેન એવ ચ કથં ભવેત્
04005 તદ્-અન્ય-ઉપગમે તસ્ય ત્યાગ-અઙ્ગસ્ય અપ્રમાણતા
04006 તત્ કસ્માત્ સાધનં ન ઉક્તં સ્વ-પ્રતીતિર્ યદ્ ઉદ્ભવા
04006 યુક્ત્યા યયા આગમો ગ્રાહ્યો ગ્રાહિકા અસ્ય અપિ સા ન કિમ્
04007 પ્રાકૃતસ્ય સતઃ પ્રાગ્ યૈઃ પ્રતિપત્ત્ય્-અક્ષ-સમ્ભવૌ
04007 સાધનૈઃ સાધનાન્ય્ અર્થ-શક્તિ-જ્ઞાને અસ્ય તાન્ય્ અલમ્
04008 વિચ્છિન્ન-અનુગમા યે ચ સામાન્યેન અપ્ય્ અગોચરાઃ
04008 સાધ્ય-સાધન-ચિન્તા અસ્તિ ન તેષ્વ્ અર્થેષુ કાચન
04009 પુંસામ્ અભિપ્રાય-વશાત્ તત્ત્વ-અતત્ત્વ-વ્યવસ્થિતૌ
04009 લુપ્તૌ હેતુ-તદ્-આભાસૌ તસ્ય વસ્ત્વ્-અસમાશ્રયાત્
04010 સન્ન્ અર્થો જ્ઞાન-સાપેક્ષો ન અસન્ જ્ઞાનેન સાધકઃ
04010 સતો અપિ વસ્ત્વ્-અસંશ્લિષ્ટા અસંગત્યા સદૃશી ગતિઃ
04011 લિઙ્ગં સ્વભાવઃ કાર્યં વા દૃશ્ય-અદર્શનમ્ એવ વા
04011 સમ્બદ્ધં વસ્તુતઃ સિદ્ધં તદ્ અસિદ્ધં કિમ્ આત્મનઃ
04012 પરેણ અપ્ય્ અન્યતો ગન્તુમ્ અયુક્તં પર-કલ્પિતૈઃ
04012 પ્રસઙ્ગો દ્વય-સમ્બન્ધાદ્ એક-અભાવે અન્ય-હાનયે
04013 તદ્-અર્થ-ગ્રહણં શબ્દ-કલ્પના-આરોપિત-આત્મનામ્
04013 અલિઙ્ગત્વ-પ્રસિદ્ધ્ય્-અર્થમ્ અર્થાદ્ અર્થ-પ્રસિદ્ધિતઃ
04014 કલ્પના-આગમયોઃ કર્તુર્ ઇચ્છા-માત્ર-અનુરોધતઃ
04014 વસ્તુનશ્ ચ અન્યથા અભાવાત્ કલ્પિતા વ્યભિચારિણઃ
04015 અર્થાદ્ અર્થ-ગતેઃ શક્તિઃ પક્ષ-હેત્વ્-અભિધાનયોઃ
04015 ન અર્થે તેન તયોર્ન્ ન અસ્તિ સ્વતઃ સાધન-સંસ્થિતિઃ

04016 તત્ પક્ષ-વચનં વક્તુર્ અભિપ્રાય-નિવેદને
04016 પ્રમાણં સંશય-ઉત્પત્તેઃ તતઃ સાક્ષાન્ ન સાધનમ્
04017 સાધ્યસ્ય એવ અભિધાનેન પારંપર્યેણ ન અપ્ય્ અલમ્
04017 શક્તસ્ય સૂચકં હેતુ-વચો અશક્તમ્ અપિ સ્વયમ્
04018 હેત્વ્-અર્થ-વિષયત્વેન તદ્-અશક્ત-ઉક્તિર્ ઈરિતા
04018 શક્તિસ્ તસ્ય અપિ ચેદ્ હેતુ-વચનસ્ય પ્રવર્તનાત્
04019 તત્-સંશયેન જિજ્ઞાસોર્ ભવેત્ પ્રકરણ-આશ્રયઃ
04019 વિપક્ષ-ઉપગમે અપ્ય્ એતત્ તુલ્યમ્ ઇત્ય્ અનવસ્થિતિઃ
04020 અન્તરઙ્ગં તુ સામર્થ્યં ત્રિષુ રૂપેષુ સંસ્થિતમ્
04020 તત્ર સ્મૃતિ-સમાધાનં તદ્-વચસ્ય ઇવ સંસ્થિતમ્
04021 અખ્યાપિતે હિ વિષયે હેતુ-વૃત્તેર્ અસમ્ભવાત્
04021 વિષય-ખ્યાપનાદ્ એવ સિદ્ધૌ ચેત્ તસ્ય શક્તતા
04022 વ્યાપ્તિ-પૂર્વે વિના અપ્ય્ અસ્માત્ કૃતકઃ શબ્દ ઈદૃશઃ
04022 સર્વે અનિત્યા ઇતિ પ્રોક્તે અપ્ય્ અર્થાત્ તન્ નાશ-ધીર્ ભવેત્
04023 અનુક્તાવ્ અપિ પક્ષસ્ય સિદ્ધેર્ અપ્રતિબન્ધતઃ
04023 ત્રિષ્વ્ અન્યતમ્ અરૂપસ્ય એવ અનુક્તિર્ ન્યૂનતા ઉદિતા
04024 સાધ્ય-ઉક્તિં વા પ્રતિજ્ઞાં સ વદન્ દોષૈર્ ન યુજ્યતે
04024 સાધન-અધિકૃતેર્ એવ હેત્વાભાસ-પ્રસઙ્ગતઃ
04025 અવિશેષ-ઉક્તિર્ અપ્ય્ એક-જાતીયે સંશય-અવહા
04025 અન્યથા સર્વ-સાધ્ય-ઉક્તેઃ પ્રતિજ્ઞાત્વં પ્રસજ્યતે
04026 સિદ્ધ-ઉક્તેઃ સાધનત્વાચ્ ચેત્ પરસ્ય અપિ ન દુષ્યતે
04026 ઇદાનીં સાધ્ય-નિર્દેશઃ સાધન-અવયવઃ કથમ્
04027 સાભાસ-ઉક્ત્ય્-આદ્ય્-ઉપક્ષેપ-પરિહાર-વિડમ્બના
04027 અસમ્બદ્ધા તથા હ્ય્ એષ ન ન્યાય ઇતિ સૂચિતમ્
04028 ગમ્ય-અર્થત્વે અપિ સાધ્ય-ઉક્તેર્ અસમ્મોહાય લક્ષણમ્
04028 તચ્ ચતુર્-લક્ષણં રૂપ-નિપાત-ઇષ્ટ-સ્વયમ્-પદૈઃ
04029 અસિદ્ધ-અસાધન-અર્થ-ઉક્ત-વાદ્ય્-અભ્યુપગમ-ગ્રહઃ
04029 અનુક્તો અપિ ઇચ્છયા વ્યાપ્તઃ સાધ્ય આત્મ-અર્થ-વન્ મતઃ
04030 સર્વ-અન્ય-ઇષ્ટ-નિવૃત્તાવ્ અપ્ય્ આશઙ્કા-સ્થાન-વારણમ્
04030 વૃત્તૌ સ્વયં શ્રુતેઃ પ્રાહ કૃતા ચ એષા તદ્-અર્થિકા
04031 વિશેષસ્ તદ્-વ્યપેક્ષાતઃ કથિતો ધર્મ-ધર્મિણોઃ
04031 અનુક્તાવ્ અપિ વાઞ્છાયા ભવેત્ પ્રકરણાદ્ ગતિઃ
04032 અનન્વયો અપિ દૃષ્ટાન્તે દોષસ્ તસ્ય યથોદિતઃ
04032 આત્મા પરશ્ ચેત્ સો અસિદ્ધ ઇતિ તત્ર ઇષ્ટ-ઘાતકૃત્
04033 સાધનં યદ્ વિવાદે ન ન્યસ્તં તચ્ ચેન્ ન સાધ્યતે
04033 કિં સાધ્યમ્ અન્યથા અનિષ્ટં ભવેદ્ વૈફલ્યમ્ એવ વા
04034 સદ્વિતીય-પ્રયોગેષુ નિરન્વય-વિરુદ્ધતે
04034 એતેન કથિતે સાધ્યં સામાન્યેન અથ સમ્મતમ્
04035 તદ્ એવ અર્થ-અન્તર-અભાવાદ્ દેહ-અનાપ્તૌ ન સિધ્યતે
04035 વાચ્યં શૂન્યં પ્રલપતાં તદ્ એતજ્ જાડ્ય-ચિન્તિતમ્

04036 તુલ્યં નાશે અપિ ચેચ્ શબ્દ-ઘટ-ભેદેન કલ્પને
04036 ન સિદ્ધેન વિનાશેન તદ્વતઃ સાધનાદ્ ધ્વનેઃ
04037 તથા અર્થ-અન્તર-ભાવે સ્યાત્ તદ્વાન્ કુમ્ભો અપ્ય્ અનિત્યતા
04037 વિશિષ્ટા ધ્વનિના અન્વેતિ નો ચેન્ ન અયોગ-વારણાત્
04038 દ્વિવિધો હિ વ્યવચ્છેદો વિયોગ-અપર-યોગયોઃ
04038 વ્યવચ્છેદાદ્ અયોગે તુ ન અન્યેન અનન્વય-આગમઃ
04039 સામાન્યમ્ એવ તત્ સાધ્યં ન ચ સિદ્ધ-પ્રસાધનમ્
04039 વિશિષ્ટં ધર્મિણા તચ્ ચ ન નિરન્વય-દોષવત્
04040 એતેન ધર્મિ-ધર્માભ્યાં વિશિષ્ટૌ ધર્મ-ધર્મિણૌ
04040 પ્રત્યાખ્યાતૌ નિરાકુર્વન્ ધર્મિણ્ય્ એવમ્ અસાધનાત્
04041 સમુદાય-અપવાદો હિ ન ધર્મિણિ વિરુધ્યતે
04041 સાધ્યં યતસ્ તથા ન ઇષ્ટં સાધ્યો ધર્મો અત્ર કેવલઃ
04042 એકસ્ય ધર્મિણઃ શાસ્ત્રે નાના-ધર્મ-સ્થિતાવ્ અપિ
04042 સાધ્યઃ સ્યાદ્ આત્મના એવ ઇષ્ટ ઇત્ય્ ઉપાત્તા સ્વયં-શ્રુતિઃ
04043 શાસ્ત્ર-અભ્યુપગમાદ્ એવ સર્વ-આદાનાત્ પ્રબાધને
04043 તત્ર એકસ્ય અપિ દોષઃ સ્યાદ્ યદિ હેતુ-પ્રતિજ્ઞયોઃ
04044 શબ્દ-નાશે પ્રસાધ્યે સ્યાદ્ ગન્ધે ભૂ-ગુણતા-ક્ષતેઃ
04044 હેતુર્ વિરુદ્ધો અપ્રકૃતેર્ નો ચેદ્ અન્યત્ર સા સમા
04045 અથ અત્ર ધર્મી પ્રકૃતસ્ તત્ર શાસ્ત્ર-અર્થ-બાધનમ્
04045 અથ વાદિ-ઇષ્ટતાં બ્રૂયાદ્ ધર્મિ-ધર્મ-આદિ-સાધનૈઃ
04046 કૈશ્ચિત્ પ્રકરણૈર્ ઇચ્છા ભવેત્ સા ગમ્યતે ચ તૈઃ
04046 બલાત્ તવ ઇચ્છા ઇયમ્ ઇતિ વ્યક્તમ્ ઈશ્વર-ચેષ્ટિતમ્
04047 વદન્ ન કાર્ય-લિઙ્ગાં તાં વ્યભિચારેણ બાધ્યતે
04047 અનાન્તરીયકે ચ અર્થે બાધિતે અન્યસ્ય કા ક્ષતિઃ
04048 ઉક્તં ચ ન આગમ-અપેક્ષમ્ અનુમાનં સ્વ-ગોચરે
04048 સિદ્ધં તેન સુસિદ્ધં તન્ ન તદા શાસ્ત્રમ્ ઈક્ષ્યતે
04049 વાદ-ત્યાગસ્ તદા સ્યાચ્ ચેન્ ન તદા અનભ્યુપાયતઃ
04049 ઉપાયો હ્ય્ અભ્યુપાયે અયમ્ અનઙ્ગં સ તદા અપિ સન્
04050 તથા વિશુદ્ધે વિષય-દ્વયે શાસ્ત્ર-પરિગ્રહમ્
04050 ચિકીર્ષોઃ સ હિ કાલઃ સ્યાત્ તદા શાસ્ત્રેણ બાધનમ્
04051 તદ્-વિરોધેન ચિન્તાયાસ્ તત્ સિદ્ધ-અર્થેષ્વ્ અયોગતઃ
04051 તૃતીય-સ્થાન-સંક્રાન્તૌ ન્યાયઃ શાસ્ત્ર-પરિગ્રહઃ
04052 તત્ર અપિ સાધ્ય-ધર્મસ્ય સમ્બદ્ધસ્ય એવ બાધનમ્
04052 પરિહાર્યં ન ચ અન્યેષામ્ અનવસ્થા-પ્રસઙ્ગતઃ
04053 કેન ઇયં સર્વ-ચિન્તાસુ શાસ્ત્રં ગ્રાહ્યમ્ ઇતિ સ્થિતિઃ
04053 કૃતા ઇદાનીમ્ અસિદ્ધાન્તૈર્ ગ્રાહ્યો ધૂમેન ન અનલઃ
04054 રિક્તસ્ય જન્તોજ્ જાતસ્ય ગુણ-દોષમ્ અપશ્યતઃ
04054 વિલબ્ધા બત કેન અમી સિદ્ધાન્ત-વિષમ્ અગ્રહાઃ
04055 યદિ સાધન એકત્ર સર્વં શાસ્ત્રં નિદર્શને
04055 દર્શયેત્ સાધનં સ્યાદ્ ઇત્ય્ એષા લોકોત્તરા સ્થિતિઃ

04056 અસમ્બદ્ધસ્ય ધર્મસ્ય કિમ્ અસિદ્ધૌ ન સિધ્યતિ
04056 હેતુસ્ તત્-સાધનાય ઉક્તઃ કિં દુષ્ટસ્ તત્ર સિધ્યતિ
04057 ધર્માન્ અનુપનીય એવ દૃષ્ટાન્તે ધર્મિણો અખિલાન્
04057 વાગ્-ધૂમ-આદેર્ જનો અન્વેતિ ચૈતન્ય-દહન-આદિકમ્
04058 સ્વભાવં કારણં વા અર્થો અવ્યભિચારેણ સાધયન્
04058 કસ્યચિદ્ વાદ-બાધાયાં સ્વભાવાન્ ન નિવર્તતે
04059 પ્રપદ્યમાનશ્ ચ અન્યસ્ તં નાન્તરીયકમ્ ઈપ્સિતૈઃ
04059 સાધ્ય-અર્થૈર્ હેતુના તેન કથમ્ અપ્રતિપાદિતઃ
04060 ઉક્તો અનુક્તો અપિ ચેદ્ હેતુર્ વિરોધો વાદિનો અત્ર કિમ્
04060 ન હિ તસ્ય ઉક્તિ-દોષેણ સ જાતઃ શાસ્ત્ર-બાધનમ્
04061 બાધકસ્ય અભિધાનાચ્ ચેદ્ દોષો યદિ વદેન્ ન સઃ
04061 કિં ન બાધેત સો અકુર્વન્ ન યુક્તં કેન દુષ્યતિ
04062 અન્યેષુ હેત્વાભાસેષુ સ્વ-ઇષ્ટસ્ય એવ અપ્રસાધનાત્
04062 દુષ્યેદ્ વ્યર્થ-અભિધાનેન ન અત્ર તસ્ય પ્રસાધનાત્
04063 યદિ કિંચિત્ ક્વચિચ્ શાસ્ત્રે ન યુક્તં પ્રતિષિધ્યતે
04063 બ્રુવાણો યુક્તમ્ અપ્ય્ અન્યદ્ ઇતિ રાજકુલ-સ્થિતિઃ
04064 સર્વાન્ અર્થાન્ સમીકૃત્ય વક્તું શક્યં ન સાધનમ્
04064 સર્વત્ર તેન ઉત્સન્ને અયં સાધ્ય-સાધન-સંસ્થિતિઃ
04065 વિરુદ્ધયોર્ એક-ધર્મિણ્ય્ અયોગાદ્ અસ્તુ બાધનમ્
04065 વિરુદ્ધ-એકાન્તિકેન અત્ર તદ્વદ્ અસ્તિ વિરોધિતા
04066 અબાધ્યબાધકત્વે અપિ તયોઃ શાસ્ત્ર-અર્થ-વિપ્લવાત્
04066 અસમ્બન્ધે અપિ બાધા ચેત્ સ્યાત્ સર્વં સર્વ-બાધકમ્
04067 સમ્બન્ધસ્ તેન તત્ર એવ બાધનાદ્ અસ્તિ ચેદ્ અસત્
04067 હેતોઃ સર્વસ્ય ચિન્ત્યત્વાત્ સ્વ-સાધ્યે ગુણ-દોષયોઃ
04068 નાન્તરીયકતા-સાધ્યે સમ્બન્ધઃ સા ઇહ ન ઈક્ષ્યતે
04068 કેવલં શાસ્ત્ર-પીડા ઇહ દોષઃ સા અન્યકૃતે સમા
04069 શાસ્ત્ર-અભ્યુપગમાત્ સાધ્યઃ શાસ્ત્ર-દૃષ્ટો ખિલો યદિ
04069 પ્રતિજ્ઞા અસિદ્ધ-દૃષ્ટાન્ત-હેતુ-વાદઃ પ્રસજ્યતે
04070 ઉક્તયોઃ સાધનત્વેન નો ચેદ્ ઈપ્સિત-વાદતઃ
04070 ન્યાય-પ્રાપ્તં ન સાધ્યત્વં વચનાદ્ વિનિવર્તતે
04071 અનીપ્સિતમ્ અસાધ્યં ચેદ્ વાદિના અન્યો અપ્ય્ અનીપ્સિતઃ
04071 ધર્મો અસાધ્યસ્ તદા અસાધ્યં બાધમાનં વિરોધિ કિમ્
04072 પક્ષ-લક્ષણ-બાહ્ય-અર્થઃ સ્વયં શબ્દો અપ્ય્ અનર્થકઃ
04072 શાસ્ત્રેષ્વ્ ઇચ્છા-પ્રવૃત્ત્ય્-અર્થો યદિ શઙ્કા કુતો અન્વિયમ્
04073 સો અનિષિદ્ધઃ પ્રમાણેન ગૃહ્ણન્ કેન નિવાર્યતે
04073 નિષિદ્ધશ્ ચેત્ પ્રમાણેન વાચા કેન પ્રવર્ત્યતે
04074 પૂર્વમ્ અપ્ય્ એષ સિદ્ધાન્તં સ્વ-ઇચ્છયા એવ ગૃહીતવાન્
04074 કથંચિદ્ અન્યં સ પુનર્ ગ્રહીતું લભતે ન કિમ્
04075 દૃષ્ટેર્ વિપ્રતિપત્તીનામ્ અત્ર અકર્ષીત્ સ્વયં શ્રુતિમ્
04075 ઇષ્ટ-અક્ષતિમ્ અસાધ્યત્વમ્ અનવસ્થાં ચ દર્શયન્

04076 સમય-આહિત-ભેદસ્ય પરિહારેણ ધર્મિણઃ
04076 પ્રસિદ્ધસ્ય ગૃહીત્ય્-અર્થં જગાદ અન્યઃ સ્વયં-શ્રુતિમ્
04077 વિચાર-પ્રસ્તુતેર્ એવ પ્રસિદ્ધઃ સિદ્ધ આશ્રયઃ
04077 સ્વ-ઇચ્છા-કલ્પિત-ભેદેષુ પદાર્થેષ્વ્ અવિવાદતઃ
04078 અસાધ્યતામ્ અથ પ્રાહ સિદ્ધ-આદેશેન ધર્મિણઃ
04078 સ્વરૂપેણ એવ નિર્દેશ્ય ઇતિ અનેન એવ તદ્ ગતમ્
04079 સિદ્ધ-સાધન-રૂપેણ નિર્દેશસ્ય હિ સમ્ભવે
04079 સાધ્યત્વેન એવ નિર્દેશ્ય ઇતિ ઇદં ફલ-વદ્ ભવેત્
04080 અનુમાનસ્ય સામાન્ય-વિષયવં ચ વર્ણિતમ્
04080 ઇહ એવં ન હ્ય્ અનુક્તે અપિ કિંચિત્ પક્ષે વિરુધ્યતે
04081 કુર્યાચ્ ચેદ્ ધર્મિણં સાધ્યં તતઃ કિં તન્ ન શક્યતે
04081 કસ્માદ્ હેત્વ્-અન્વય-અભાવાન્ ન ચ દોષસ્ તયોર્ અયમ્
04082 ઉત્તર-અવયવ-અપેક્ષો ન દોષઃ પક્ષ ઇષ્યતે
04082 તથા હેત્વ્-આદિ-દોષો અપિ પક્ષ-દોષઃ પ્રસજ્યતે
04083 સર્વૈઃ પક્ષસ્ય બાધાતસ્ તસ્માત્ તન્-માત્ર-લિઙ્ગિનઃ
04083 પક્ષ-દોષા મતા ન અન્યે પ્રત્યક્ષ-આદિ-વિરોધ-વત્
04084 હેત્વ્-આદિ-લક્ષણૈર્ બાધ્યં મુક્ત્વા પક્ષસ્ય લક્ષણમ્
04084 ઉચ્યતે પરિહાર-અર્થમ્ અવ્યાપ્તિ-વ્યતિરેકયોઃ
04085 સ્વયં નિપાત-રૂપ-આખ્યા વ્યતિરેકસ્ય બાધિકાઃ
04085 સહ અનિરાકૃતેન ઇષ્ટ-શ્રુતિર્ અવ્યાપ્તિ-બાધની
04086 સાધ્ય-અભ્યુપગમઃ પક્ષ-લક્ષણં તેષ્વ્ અપક્ષતા
04086 નિરાકૃતે બાધનતઃ શેષે અલક્ષણ-વૃત્તિતઃ
04087 સ્વયમ્ ઇષ્ટ-અભિધાનેન ગત-અર્થે અપ્ય્ અવધારણે
04087 કૃત્ય-અન્તેન અભિસમ્બન્ધાદ્ ઉક્તં કાલ-અન્તર-ચ્છિદે
04088 ઇહ અનઙ્ગમ્ ઇષેર્ન્ નિષ્ઠા તેન ઈપ્સિત-પદે પુનઃ
04088 અઙ્ગમ્ એવ તથા અસિદ્ધ-હેત્વ્-આદિ પ્રતિષિધ્યતે
04089 અવાચકત્વાચ્ ચ અયુક્તં તેન ઇષ્ટં સ્વયમ્ આત્મના
04089 અનપેક્ષ્ય અખિલં શાસ્ત્રં તદ્ અભીષ્ટસ્ય સાધ્યતા
04090 તેન અનભીષ્ટ-સંસૃષ્ટસ્ય ઇષ્ટસ્ય અપિ હિ બાધને
04090 યથા સાધ્યમ્ અબાધાતઃ પક્ષ-હેતૂ ન દુષ્યતઃ
04091 અનિષિદ્ધઃ પ્રમાણાભ્યાં સ ચ ઉપગમ ઇષ્યતે
04091 સન્દિગ્ધે હેતુ-વચનાદ્ વ્યસ્તો હેતોર્ અનાશ્રયઃ
04092 અનુમાનસ્ય ભેદેન સા બાધા ઉક્તા ચતુર્વિધા
04092 તત્ર અભ્યુપાયઃ કાર્ય-અઙ્ગં સ્વભાવ-અઙ્ગં જગત્ સ્થિતિઃ
04093 આત્મ-અપરોધ-અભિમતો ભૂત-નિશ્ચય-યુક્ત-વાક્
04093 આપ્તઃ સ્વ-વચનં શાસ્ત્રં ચ એવમ્ ઉક્તં સમત્વતઃ
04094 યથા આત્મનો અપ્રમાણત્વે વચનં ન પ્રવર્તતે
04094 શાસ્ત્ર-દૃષ્ટે તથા ન અર્થે વિચારસ્ તદ્ અનાશ્રયે
04095 તત્ પ્રસ્તાવ-આશ્રયત્વે હિ શાસ્ત્રં બાધકમ્ ઇત્ય્ અમુમ્
04095 વક્તુમ્ અર્થં સ્વ-વાચા અસ્ય સહોક્તિઃ સામ્ય-દૃષ્ટયે

04096 ઉદાહરણમ્ અપ્ય્ અત્ર સદૃશં તેન વર્ણિતમ્
04096 પ્રમાણાનામ્ અભાવે હિ શાસ્ત્ર-વાચોર્ અયોગતઃ
04097 સ્વ-વાગ્-વિરોધે વિસ્પષ્ટમ્ ઉદાહરણમ્ આગમે
04097 દિઙ્માત્ર-દર્શનં તત્ર પ્રેત્ય-ધર્મો સુખ-પ્રદઃ
04098 શાસ્ત્રિણો અપ્ય્ અતદાલમ્બે વિરુદ્ધ-ઉક્તૌ તુ વસ્તુનિ
04098 ન બાધા પ્રતિબન્ધઃ સ્યાત્ તુલ્ય-કક્ષ્યતયા દ્વયોઃ
04099 યથા સ્વ-વાચિ તચ્ ચ અસ્યા તદા સ્વ-વચન-આત્મકમ્
04099 તયોઃ પ્રમાણં યસ્ય અસ્તિ તત્ સ્યાદ્ અન્યસ્ય બાધકમ્
04100 પ્રતિજ્ઞામ્ અનુમાનં વા પ્રતિજ્ઞા-અપેત-યુક્તિકા
04100 તુલ્ય-કક્ષ્યા યથાર્થં વા બાધેત કથમ્ અન્યથા
04101 પ્રામાણ્યમ્ આગમાનાં ચ પ્રાગ્ એવ વિનિવારિતમ્
04101 અભ્યુપાય-વિચારેષુ તસ્માદ્ દોષો અયમ્ ઇષ્યતે
04102 તસ્માદ્ વિષય-ભેદસ્ય દર્શનાય પૃથક્ કૃતઃ
04102 અનુમાન-અબહિર્ભૂતો અપ્ય્ અભ્યુપાયઃ પ્રબાધનાત્
04103 અન્યથા અતિપ્રસઙ્ગઃ સ્યાદ્ વ્યર્થતા વા પૃથક્ કૃતેઃ
04103 ભેદો વાઙ્-માત્ર-વચને પ્રતિબન્ધઃ સ્વ-વાચ્ય્ અપિ
04104 તેન અભ્યુપગમાચ્ શાસ્ત્રં પ્રમાણમ્ સર્વ-વસ્તુષુ
04104 બાધકં યદિ ન ઇચ્છેત્ સ બાધકં કિં પુનર્ ભવેત્
04105 સ્વ-વાગ્-વિરોધો અભેદઃ સ્યાત્ સ્વ-વાક્-શાસ્ત્ર-વિરોધયોઃ
04105 પુરુષ-ઇચ્છા કૃતા ચ અસ્ય પરિપૂર્ણા પ્રમાણતા
04106 તસ્માત્ પ્રસિદ્ધેષ્વ્ અર્થેષુ શાસ્ત્ર-ત્યાગે અપિ ન ક્ષતિઃ
04106 પરોક્ષેષ્વ્ આગમ-અનિષ્ટૌ ન ચિન્તા એવ પ્રવર્તતે
04107 વિરોધ-ઉદ્ભાવન-પ્રાયા પરીક્ષા અપ્ય્ અત્ર તદ્-યથા
04107 અધર્મ-મૂલં રાગ-આદિ સ્નાનં ચ અધર્મ-શોધનમ્
04108 શાસ્ત્રં યત્ સિદ્ધયા યુક્ત્યા સ્વ-વાચા ચ ન બાધ્યતે
04108 દૃષ્ટે અદૃષ્ટે અપિ તદ્ ગ્રાહ્યમ્ ઇતિ ચિન્તા પ્રવર્તતે
04109 અર્થેષ્વ્ અપ્રતિષિદ્ધત્વાત્ પુરુષ-ઇચ્છા-અનુરોધિનઃ
04109 ઇષ્ટ-શબ્દ-અભિધેયત્વસ્ય આપ્તો અત્ર અક્ષત-વાગ્ જનઃ
04110 ઉક્તઃ પ્રસિદ્ધ-શબ્દેન ધર્મસ્ તદ્ વ્યવહારજઃ
04110 પ્રત્યક્ષ-આદિમ્ ઇતિ માન-શ્રુત્ય્-આરોપેણ સૂચિતઃ
04111 તદ્-આશ્રય-ભુવામ્ ઇચ્છા-વર્તિત્વાદ્ અનિષેધિનામ્
04111 કૃતાનામ્ અકૃતાનાં વા યોગ્યં વિશ્વં સ્વભાવતઃ
04112 અર્થ-માત્ર-અનુરોધિન્યા ભાવિન્યા ભૂતયા અપિ વા
04112 બાધ્યતે પ્રતિરુન્ધાનઃ શબ્દ-યોગ્યતયા તયા
04113 તદ્-યોગ્યતા-બલાદ્ એવ વસ્તુતો ઘટિતો ધ્વનિઃ
04113 સર્વો અસ્યામ્ અપ્રતીતે અપિ તસ્મિંસ્ તત્-સિદ્ધતા તતઃ
04114 અસાધારણતા ન સ્યાત્ બાધા-હેતોર્ ઇહ અન્યથા
04114 તન્ નિષેધો અનુમાનાત્ સ્યાચ્ શબ્દ-અર્થે અનક્ષ-વૃત્તિતઃ
04115 અસાધારણતા તત્ર હેતૂનાં યત્ર ન અન્વયિ
04115 સત્ત્વમ્ ઇત્ય્ અભ્યુદાહારો હેતોર્ એવં ફલો મતઃ

04116 સંકેત-સંશ્રયાઃ શબ્દાઃ સ ચ ઇચ્છા-માત્ર-સંશ્રયઃ
04116 ન અસિદ્ધિઃ શબ્દ-સિદ્ધાનામ્ ઇતિ શબ્દ-પ્રસિદ્ધ-વાક્
04117 અનુમાન-પ્રસાધ્યેષુ વિરુદ્ધાવ્યભિચારિણઃ
04117 અભાવં દર્શયત્ય્ એવં પ્રતીતેર્ અનુમા ત્વ્ અતઃ
04118 અથવા બ્રુવતો લોકસ્ય અનુમા અભાવ ઉચ્યતે
04118 કિં તેન ભિન્ન-વિષયા પ્રતીતિર્ અનુમાનતઃ
04119 તેન અનુમાનાદ્ વસ્તૂનાં સદ્-અસત્તા-અનુરોધિનઃ
04119 ભિન્નસ્ય અતદ્-વશાદ્ વૃત્તિસ્ તદ્ ઇચ્છાજા ઇતિ સૂચિતમ્
04120 ચન્દ્રતાં શશિનો અનિચ્છન્ કાં પ્રતીતિં સ વાઞ્છતિ
04120 ઇતિ તં પ્રત્ય્ અદૃષ્ટાન્તં તદ્-અસાધારણં મતમ્
04121 ન ઉદાહરણમ્ એવ ઇદમ્ અધિકૃત્ય ઇદમ્ ઉચ્યતે
04121 લક્ષણત્વાત્ તથા અવૃક્ષો ધાત્રી ઇત્ય્ ઉક્તૌ ચ બાધનાત્
04122 અત્ર અપિ લોકે દૃષ્ટત્વાત્ કર્પૂર-રજત-આદિષુ
04122 સમયાદ્ વર્તમાનસ્ય કા અસાધારણતા અભિધા
04123 યદિ તસ્ય ક્વચિત્ સિધ્યેત્ સિદ્ધં વસ્તુ-બલેન તત્
04123 પ્રતીતિ-સિદ્ધ-ઉપગમે અશશિન્ય્ અપ્ય્ અનિવારણમ્
04124 તસ્ય વસ્તુનિ સિદ્ધસ્ય શશિન્ય્ અપ્ય્ અનિવારણમ્
04124 તદ્-વસ્ત્વ્-અભાવે શશિનિ વારણે અપિ ન દુષ્યતિ
04125 તસ્માદ્ અવસ્તુ-નિયત-સંકેત-ધ્વનિ-ભાવિનામ્
04125 યોગ્યાઃ પદાર્થા ધર્માણામ્ ઇચ્છાયા અનિરોધનાત્
04126 તાં યોગ્યતાં નિરુન્ધાનં સંકેત-અપ્રતિષેધજા
04126 પ્રતિહન્તિ પ્રતીત-આખ્યા યોગ્યતા વિષયા અનુમા
04127 શબ્દાનામ્ અર્થ-નિયમઃ સંકેત-અનુવિધાયિનામ્
04127 ન ઇત્ય્ અનેન ઉક્તમ્ અત્ર એષાં પ્રતિષેધો વિરુધ્યતે
04128 નૈમિત્તિક્યાઃ શ્રુતેર્ અર્થમ્ અર્થં વા પારમાર્થિકમ્
04128 શબ્દાનાં પ્રતિરુન્ધાનો ન બાધ્યસ્ તેન વર્ણિતઃ
04129 તસ્માદ્ વિષય-ભેદસ્ય દર્શનાય પૃથક્કૃતા
04129 અનુમાન-અબહિર્ભૂતા પ્રતીતિર્ અપિ પૂર્વવત્
04130 સિદ્ધયોઃ પૃથગ્-આખ્યાને દર્શયંશ્ ચ પ્રયોજનમ્
04130 એતે સહેતુકે પ્રાહ ન અનુમા-અધ્યક્ષ-બાધને
04131 તત્ર અપ્ય્ અધ્યક્ષ-બાધાયાં નાના-રૂપતયા ધ્વનૌ
04131 પ્રસિદ્ધસ્ય શ્રુતૌ રૂપં યદ્ એવ પ્રતિભાસતે
04132 અદ્વયં શબલ-આભાસસ્ય અદૃષ્ટેર્ બુદ્ધિ-જન્મનઃ
04132 તદ્-અર્થ-અર્થ-ઉક્તિર્ અસ્ય એવ ક્ષેપે અધ્યક્ષેણ બાધનમ્
04133 તદ્ એવ રૂપં તત્ર અર્થઃ શેષં વ્યાવૃત્તિ-લક્ષણમ્
04133 અવસ્તુ-રૂપં સામાન્યમ્ અતસ્ તન્ ન અક્ષ-ગોચરઃ
04134 તેન સામાન્ય-ધર્માણાં અપ્રત્યક્ષત્વ-સિદ્ધિતઃ
04134 પ્રતિક્ષેપે અપ્ય્ અબાધા ઇતિ શ્રાવણ-ઉક્ત્યા પ્રકાશિતમ્
04135 સર્વથા અવાચ્ય-રૂપત્વાત્ સિદ્ધ્યા તસ્ય સમાશ્રયાત્
04135 બાધનાત્ તદ્-બલેન ઉક્તઃ શ્રવણેન અક્ષ-ગોચરઃ

04136 સર્વત્ર વાદિનો ધર્મો યઃ સ્વ-સાધ્યતયા ઈપ્સિતઃ
04136 તદ્ ધર્મવતિ બાધા સ્યાન્ ન અન્ય-ધર્મેણ ધર્મિણિ
04137 અન્યથા અસ્ય ઉપરોધઃ કો બાધિતે અન્યત્ર ધર્મિણિ
04137 ગત-અર્થે લક્ષણે ન અસ્મિન્ સ્વ-ધર્મિ-વચનં પુનઃ
04138 બાધાયાં ધર્મિણો અપિ સ્યાત્ બાધા ઇત્ય્ અસ્ય પ્રસિદ્ધયે
04138 આશ્રયસ્ય વિરોધેન તદ્-આશ્રિત-વિરોધનાત્
04139 અન્યથા એવંવિધો ધર્મઃ સાધ્ય ઇત્ય્ અભિધાનતઃ
04139 તદ્ બાધામ્ એવ મન્યેત સ્વ-ધર્મિ-વચનં તતઃ
04140 નન્વ્ એતદ્ અપ્ય્ અર્થ-સિદ્ધં સત્યં કેચિત્ તુ ધર્મિણઃ
04140 કેવલસ્ય ઉપરોધે અપિ દોષવત્ તામ્ ઉપાગતાઃ
04141 યથા પરૈર્ અનુત્પાદ્યા પૂર્વ-રૂપન્ ન ખ-આદિકમ્
04141 સકૃચ્ શબ્દ-આદ્ય્-અહેતુત્વાદ્ ઇત્ય્ ઉક્તે પ્રાહ દૂષકઃ
04142 તદ્વદ્ વસ્તુ-સ્વભાવો અસન્ ધર્મી વ્યોમ-આદિર્ ઇત્ય્ અપિ
04142 ન એવમ્ ઇષ્ટસ્ય સાધ્યસ્ય બાધા ક્વચન વિદ્યતે
04143 દ્વયસ્ય અપિ હિ સાધ્યત્વે સાધ્ય-ધર્મ-ઉપરોધિ યત્
04143 બાધનં ધર્મિણસ્ તત્ર બાધા ઇત્ય્ એતેન વર્ણિતમ્
04144 તથા એવ ધર્મિણો અપ્ય્ અત્ર સાધ્યત્વાત્ કેવલસ્ય ન
04144 યદ્ય્ એવમ્ અત્ર બાધા સ્યાત્ ન અન્ય-અનુત્પાદ્ય-શક્તિકઃ
04145 સકૃચ્ શબ્દ-આદ્ય્-અહેતુત્વાત્ સુખ-આદિર્ ઇતિ પૂર્વવત્
04145 વિરોધિતા ભવેત્ અત્ર હેતુર્ ઐકાન્તિકો યદિ
04146 ક્રમ-ક્રિયા અનિત્યતયોર્ અવિરોધાદ્ વિપક્ષતઃ
04146 વ્યાવૃત્તેઃ સંશયાદ્ એષ શેષવદ્ ભેદ ઇષ્યતે
04147 સ્વયમ્ ઇષ્ટો યતો ધર્મઃ સાધ્યસ્ તસ્માત્ તદ્-આશ્રયઃ
04147 બાધ્યો ન કેવલો ન અન્ય-સંશ્રયો વા ઇતિ સૂચિતમ્
04148 સ્વયં શ્રુત્યા અન્ય-ધર્માણાં બાધા અબાધા ઇતિ કથ્યતે
04148 તથા સ્વ-ધર્મિણા અન્યસ્ય ધર્મિણો અપિ ઇતિ કથ્યતે
04149 સર્વ-સાધન-દોષેણ પક્ષ એવ ઉપરુધ્યતે
04149 તથા અપિ પક્ષ-દોષત્વં પ્રતિજ્ઞા-માત્ર-સંજ્ઞિનઃ
04150 ઉત્તર-અવયવ-અપેક્ષો યો દોષઃ સો અનુબધ્યતે
04150 તેન ઇત્ય્ ઉક્તમ્ અતો અપક્ષ-દોષો અસિદ્ધ-આશ્રય-આદિકમ્
04151 ધર્મિ-ધર્મ-વિશેષાણાં સ્વરૂપસ્ય ચ ધર્મિણઃ
04151 બાધા-સાધ્ય-અઙ્ગ-ભૂતાનામ્ અનેન એવ ઉપદર્શિતા
04152 તત્ર ઉદાહૃતિ-દિઙ્માત્રમ્ ઉચ્યતે અર્થસ્ય દૃષ્ટયે
04152 દ્રવ્ય-લક્ષણ-યુક્તો અન્યઃ સંયોગે અર્થો અસ્તિ દૃષ્ટિ-ભાક્
04153 અદૃશ્યસ્ય અવિશિષ્ટસ્ય પ્રતિજ્ઞા નિષ્પ્રયોજના
04153 ઇષ્ટો હ્ય્ અવયવી કાર્યં દૃષ્ટ્યા અદૃશ્યેષ્વ્ અસમ્ભવી
04154 અવિશિષ્ટસ્ય ચ અન્યસ્ય સાધને સિદ્ધ-સાધનમ્
04154 ગુરુત્વ-અધોગતી સ્યાતાં યદ્ય્ અસૌ સ્યાત્ તુલા-નતિઃ
04155 તન્ નિર્ગુણ-ક્રિયસ્ તસ્માત્ સમવાયિ ન કારણમ્
04155 તત એવ ન દૃશ્યો અસાવ્ અદૃષ્ટેઃ કાર્ય-રૂપયોઃ

04156 તદ્-બાધા-અન્ય-વિશેષસ્ય નાન્તરીયક-ભાવિનઃ
04156 આ સૂક્ષ્માદ્ દ્રવ્યમ્ આલાયાસ્ તુલ્યત્વાદ્ અંશુ-પાત-વત્
04157 દ્રવ્ય-અન્તર-ગુરુત્વસ્ય ગતિર્ન્ ન ઇત્ય્ અપરો અબ્રવીત્
04157 તસ્ય ક્રમેણ સંયુક્તે પાંશુ-રાશૌ સકૃદ્ યુતે
04158 ભેદઃ સ્યાદ્ ગૌરવે તસ્માત્ પૃથક્ સહ ચ તોલિતે
04158 ક્રમેણ માષક-આદીનાં સંખ્યા-સામ્યં ન યુજ્યતે
04159 સર્ષપાદ્ આ મહા-રાશેર્ ઉત્તરોત્તર-વૃદ્ધિમત્
04159 ગુરુત્વં કાર્યમ્ આલાય યદિ ન એવ ઉપલક્ષ્યતે
04160 આ સર્ષપાદ્ ગુરુત્વં તદ્ દુર્લક્ષિતમ્ અનલ્પકમ્
04160 તૌલ્યં તત્-કારણં કાર્ય-ગૌરવ-અનુપલક્ષણાત્
04161 નન્વ્ અદૃષ્ટો અંશુ-વત્ સો અર્થો ન ચ તત્-કાર્યમ્ ઈક્ષ્યતે
04161 ગુરુત્વ-અગતિ-વત્ સર્વ-તદ્-ગુણ-અનુપલક્ષણાત્
04162 માષક-આદેર્ અનાધિક્યમ્ અનતિઃ સા ઉપલક્ષણમ્
04162 યથાસ્વમ્ અક્ષેણ અદૃષ્ટે રૂપ-આદાવ્ અધિક-અધિકે
04163 અભ્યુપાયઃ સ્વ-વાગ્-આદિ-બાધાયાઃ સમ્ભવેન તુ
04163 ઉદાહરણમ્ અપ્ય્ અન્યદ્ દિશા ગમ્યમ્ યથોક્તયા
04164 ત્રિ-કાલ-વિષયત્વાત્ તુ કૃત્યાનામ્ અતથાત્મકમ્
04164 તથા પરમ્ પ્રતિન્યસ્તમ્ સાધ્યં ન ઇષ્ટં તદા અપિ તત્
04165 પ્રત્યાયન-અધિકારે તુ સર્વ-અસિદ્ધ-અવરોધિની
04165 તસ્માત્ સાધ્ય-શ્રુતિર્ન્ ન ઇષ્ટં વિશેષમ્ અવલમ્બતે
04166 તેન અપ્રસિદ્ધ-દૃષ્ટાન્ત-હેતુ-ઉદાહરણં કૃતમ્
04166 અન્યથા શશ-શૃઙ્ગ-આદૌ સર્વ-અસિદ્ધે અપિ સાધ્યતા
04167 સર્વસ્ય ચ અપ્રસિદ્ધત્વાત્ કથંચિત્ તેન ન ક્ષમઃ
04167 કર્મ-આદિ-ભેદ-ઉપક્ષેપ-પરિહાર-અવિવેચને
04168 પ્રાગ્-અસિદ્ધ-સ્વભાવત્વાત્ સાધ્ય-અવયવ ઇત્ય્ અસત્
04168 તુલ્ય-સિદ્ધાન્તતા તે હિ યેન ઉપગમ-લક્ષણાઃ
04169 સમુદાયસ્ય સાધ્યત્વે અપ્ય્ અન્યોન્યસ્ય વિશેષણમ્
04169 સાધ્યં દ્વયં તદા અસિદ્ધં હેતુ-દૃષ્ટાન્ત-લક્ષણમ્
04170 અસમ્ભવાત્ સાધ્ય-શબ્દો ધર્મિ-વૃત્તિર્ યદિ ઇષ્યતે
04170 શાસ્ત્રેણ અલં યથાયોગં લોક એવ પ્રવર્તતામ્
04171 સાધન-આખ્યાન-સામર્થ્યાત્ તદ્-અર્થે સાધ્યતા ગતા
04171 હેત્વ્-આદિ-લક્ષણૈર્ વ્યાપ્તેર્ અનાશઙ્ક્યં ચ સાધનમ્
04172 પૂર્વ-અવધારણે તેન પ્રતિજ્ઞા-લક્ષણ-અભિધા
04172 વ્યર્થા વ્યાપ્તિ-ફલા સા ઉક્તિઃ સામર્થ્યાદ્ ગમ્યતે તતઃ
04173 વિરુદ્ધતા ઇષ્ટ-અસમ્બન્ધો અનુપકાર-સહાસ્થિતી
04173 એવં સર્વ-અઙ્ગ-દોષાણાં પ્રતિજ્ઞા-દોષતા ભવેત્
04174 પક્ષ-દોષઃ પર-અપેક્ષો ન ઇતિ ચ પ્રતિપાદિતમ્
04174 ઇષ્ટ-અસમ્ભવ્ય્-અસિદ્ધશ્ ચ સ એવ સ્યાત્ નિરાકૃતઃ
04175 અનિત્યત્વ-સહેતુત્વે શબ્દ એવં પ્રકીર્તયેત્
04175 દૃષ્ટાન્ત-આખ્યાન્ અતો અન્યત્ કિમ્ અસ્ત્ય્ અત્ર અર્થ-અનુદર્શનમ્

04176 વિશેષે ભિન્નમ્ આખ્યાય સામાન્યસ્ય અનુવર્તને
04176 ન તદ્-વ્યાપ્તેઃ ફલં વા કિં સામાન્યેન અનુવર્તને
04177 સ્યાન્ નિરાકરણં શબ્દે સ્થિતેન એવ ઇત્ય્ અતો અબ્રવીત્
04177 વિરુદ્ધ-વિષયે અન્યસ્મિન્ વદન્ન્ આહ અન્યતાં શ્રુતેઃ
04178 સા ચ ભેદ-અપ્રતિક્ષેપાત્ સામાન્યાનાં ન વિદ્યતે
04178 વૃક્ષો ન શિંશપા એવ ઇતિ યથા પ્રકરણે ક્વચિત્
04179 સર્વ-શ્રુતેર્ એક-વૃત્તિર્ન્ નિષેધઃ સ્યાન્ ન તાવતા
04180 જ્ઞાપ્ય-જ્ઞાપકયોર્ ભેદાદ્ ધર્મિણો હેતુ-ભાવિનઃ
04180 અસિદ્ધેર્ જ્ઞાપકત્વસ્ય ધર્મ્ય્-અસિદ્ધઃ સ્વ-સાધને
04181 ધર્મ-ધર્મિ-વિવેકસ્ય સર્વ-ભાવેષ્વ્ અસિદ્ધિતઃ
04181 સર્વત્ર દોષસ્ તુલ્યશ્ ચેન્ ન સંવૃત્યા વિશેષતઃ
04182 પરમાર્થ-વિચારેષુ તથાભૂત-પ્રસિદ્ધિતઃ
04182 તત્ત્વાન્યત્વં પદાર્થેષુ સાંવૃતેષુ નિષિધ્યતે
04183 અનુમાન-અનુમેય-અર્થ-વ્યવહાર-સ્થિતિસ્ ત્વ્ ઇયમ્
04183 ભેદં પ્રત્યય-સંસિદ્ધમ્ અવલમ્બ્ય ચ કલ્પ્યતે
04184 યથાસ્વં ભેદ-નિષ્ઠેષુ પ્રત્યયેષુ વિવેકિનઃ
04184 ધર્મી ધર્માશ્ ચ ભાસન્તે વ્યવહારસ્ તદ્-આશ્રયઃ
04185 વ્યવહાર-ઉપનીતો અત્ર સ એવ અશ્લિષ્ટ-ભેદ-ધીઃ
04185 સાધ્યઃ સાધનતાં નીતસ્ તેન અસિદ્ધઃ પ્રકાશિતઃ
04186 ભેદ-સામાન્યયોર્ ધર્મ-ભેદાદ્ અઙ્ગ-અઙ્ગિતા તતઃ
04186 યથા અનિત્યઃ પ્રયત્ન-ઉત્થઃ પ્રયત્ન-ઉત્થતયા ધ્વનિઃ
04187 પક્ષ-અઙ્ગત્વે અપ્ય્ અબાધત્વાન્ ન અસિદ્ધિર્ ભિન્ન-ધર્મિણિ
04187 યથા અશ્વો ન વિષાણિત્વાદ્ એષ પિણ્ડો વિષાણવાન્
04188 સાધ્ય-કાલ-અઙ્ગતા વા ન નિવૃત્તેર્ ઉપલક્ષ્ય તત્
04188 વિશેષો અપિ પ્રતિજ્ઞા-અર્થો ધર્મ-ભેદાન્ ન યુજ્યતે
04189 પક્ષ-ધર્મ-પ્રભેદેન સુખ-ગ્રહણ-સિદ્ધયે
04189 હેતુ-પ્રકરણ-અર્થસ્ય સૂત્ર-સંક્ષેપ ઉચ્યતે
04190 અયોગં યોગમ્ અપરૈર્ અત્યન્તાયોગમ્ એવ ચ
04190 વ્યવચ્છિનત્તિ ધર્મસ્ય નિપાતો વ્યતિરેચકઃ
04191 વિશેષણ-વિશેષ્યાભ્યાં ક્રિયયા ચ સહોદિતઃ
04191 વિવક્ષાતો પ્રયોગે અપિ તસ્ય અર્થો અયં પ્રતીયતે
04192 વ્યવચ્છેદ-ફલં વાક્યં યતશ્ ચૈત્રો ધનુર્ધરઃ
04192 પાર્થો ધનુર્ધરો નીલં સરોજમ્ ઇતિ વા યથા
04193 પ્રતિયોગિ-વ્યવચ્છેદસ્ તત્ર અપ્ય્ અર્થેષુ ગમ્યતે
04193 તથા પ્રસિદ્ધેઃ સામર્થ્યાદ્ વિવક્ષા-અનુગમાદ્ ધ્વનેઃ
04194 તદ્ અયોગવ્યવચ્છેદાદ્ ધર્મિ-ધર્મ-વિશેષણમ્
04194 તદ્-વિશિષ્ટતયા ધર્મો ન નિરન્વય-દોષ-ભાક્
04195 સ્વભાવ-કાર્ય-સિદ્ધ્ય્-અર્થં દ્વૌ દ્વૌ હેતુ-વિપર્યયૌ
04195 વિવાદાદ્ ભેદ-સામાન્યે શેષો વ્યાવૃત્તિ-સાધનઃ
04196 ન હિ સ્વભાવાદ્ અન્યેન વ્યાપ્તિર્ ગમ્યસ્ય કારણે

04196 સમ્ભવાદ્ વ્યભિચારસ્ય દ્વિધા વૃત્તિ-ફલં તતઃ
04197 પ્રયત્નાનન્તરં જ્ઞાનં પ્રાક્ સતો નિયમેન ન
04197 તસ્ય આવૃત્ત્ય્-અક્ષ-શબ્દેષુ સર્વથા અનુપયોગતઃ
04198 કદાચિન્ નિરપેક્ષસ્ય કાર્ય-આકૃતિ-વિરોધતઃ
04198 કાદાચિત્ક-ફલં સિદ્ધં તલ્-લિઙ્ગં જ્ઞાનમ્ ઈદૃશમ્
04199 એતેન એવ પ્રસિદ્ધો અપિ સ્વભાવસ્ય પૃથક્ કૃતિઃ
04199 કાર્યેણ સહ નિર્દેશે મા જ્ઞાસીત્ સર્વમ્ ઈદૃશમ્
04200 વ્યુત્પત્ત્ય્-અર્થી ચ હેતુ-ઉક્તિર્ ઉક્ત-અર્થ-અનુમિતૌ કૃતા
04200 પ્રભેદ-માત્રમ્ આખ્યાતં લક્ષણં તુ ન ભિદ્યતે
04201 તેન અત્ર કાર્ય-લિઙ્ગેન સ્વભાવો અપ્ય્ એકદેશ-ભાક્
04201 સદૃશ-ઉદાહૃતિશ્ ચ અતઃ પ્રયત્નાદ્ વ્યક્તિ-જન્મનઃ
04202 યન્ નાન્તરીયકા સત્તા યો વા આત્મા સ્વો અવિભાગવાન્
04202 સ તેન અવ્યભિચારી સ્યાદ્ ઇત્ય્ અર્થં તત્ પ્રભેદનમ્
04203 સંયોગ્ય્-આદિષુ યેષ્વ્ અસ્તિ પ્રતિબન્ધો ન તાદૃશમ્
04203 ન તે હેતવ ઇત્ય્ ઉક્તં વ્યભિચારસ્ય સમ્ભવાત્
04204 સતિ વા પ્રતિબન્ધેસ્ તુ સ એવ ગતિ-સાધનઃ
04204 નિયમો હ્ય્ અવિનાભાવો અનિત્યશ્ ચ ન સાધનમ્
04205 ઐકાન્તિકત્વં વ્યાવૃત્તેર્ અવિનાભાવ ઉચ્યતે
04205 તચ્ ચ ન અપ્રતિબદ્ધેષુ તત એવ અન્વય-સ્થિતિઃ
04206 સ્વાત્મત્વે હેતુ-ભાવે વા સિદ્ધે હિ વ્યતિરેકિતા
04206 સિધ્યત્ય્ અતો વિશેષે ન વ્યતિરેકો ન ચ અન્વયઃ
04207 અદૃષ્ટિ-માત્રમ્ આદાય કેવલં વ્યતિરેકિતા
04207 ઉક્તા અનૈકાન્તિકસ્ તસ્માદ્ અન્યથા ગમકો ભવેત્
04208 પ્રાણ-આદ્ય્-અભાવો નૈરાત્મ્ય-વ્યાપ્તી ઇતિ વિનિવર્તને
04208 આત્મનો વિનિવર્તેત પ્રાણ-આદિર્ યદિ તચ્ ચ ન
04209 અન્યસ્ય વિનિવૃત્ત્યા અન્ય-વિનિવૃત્તેર્ અયોગતઃ
04209 તદાત્મા તત્-પ્રસૂતશ્ ચેન્ ન એતદ્ આત્મ-ઉપલમ્ભને
04210 તસ્ય ઉપલબ્ધાવ્ અગતાવ્ અગતૌ ચ પ્રસિધ્યતિ
04210 તે ચ અત્યન્તપરોક્ષસ્ય દૃષ્ટ્ય્-અદૃષ્ટી ન સિધ્યતઃ
04211 અન્યત્ર અદૃષ્ટ-રૂપસ્ય ઘટ-આદૌ ન ઇતિ વા કુતઃ
04211 અજ્ઞાત-વ્યતિરેકસ્ય વ્યાવૃત્તેર્ વ્યાપિતા કુતઃ
04212 પ્રાણ-આદેશ્ ચ ક્વચિદ્ દૃષ્ટ્યા સત્ત્વ-અસત્ત્વં પ્રતીયતે
04212 તથા આત્મા યદિ દૃશ્યેત સત્ત્વ-અસત્ત્વં પ્રતીયતે
04213 યસ્ય હેતોર્ અભાવેન ઘટે પ્રાણો ન દૃશ્યતે
04213 દેહે અપિ યદ્ય્ અસૌ ન સ્યાદ્ યુક્તો દેહેન સમ્ભવઃ
04214 ભિન્ને અપિ કિંચિત્ સાધર્મ્યાદ્ યદિ તત્ત્વં પ્રતીયતે
04214 પ્રમેયત્વાદ્ ઘટ-આદીનાં સાત્મત્વં કિં ન મીયતે
04215 અનિષ્ટં ચેત્ પ્રમાણં હિ સર્વ-ઇષ્ટીનાં નિબન્ધનમ્
04215 ભાવ-અભાવ-વ્યવસ્થાં કઃ કર્તું તેન વિના પ્રભુઃ
04216 સ્મૃતિ-ઇચ્છા-યત્નજઃ પ્રાણ-નિમેષ-આદિસ્ તદ્-ઉદ્ભવઃ

04216 વિષય-ઇન્દ્રિય-ચિત્તિભ્યસ્ તાઃ સ્વ-જાતિ-સમુદ્ભવાઃ
04217 અન્યોન્ય-પ્રત્યય-અપેક્ષા અન્વય-વ્યતિરેક-ભાક્
04217 એતાવ્ અત્યાત્મભાવો અયમ્ અનવસ્થા-અન્ય-કલ્પને
04218 શ્રાવણત્વેન તત્-તુલ્યં પ્રાણ-આદિ-વ્યભિચારતઃ
04218 ન તસ્ય વ્યભિચારિત્વાદ્ વ્યતિરેકે અપિ ચેત્ કથમ્
04219 ન અસાધ્યાદ્ એવ વિશ્લેષસ્ તસ્ય નન્વ્ એવમ્ ઉચ્યતે
04219 સાધ્યે અનુવૃત્ત્ય્-અભાવો અર્થાત્ તસ્ય અન્યત્ર અપ્ય્ અસૌ સમઃ
04220 અસાધ્યાદ્ એવ વિચ્છેદ ઇતિ સાધ્યે અસ્તિતા ઉચ્યતે
04220 અર્થાપત્ત્યા અત એવ ઉક્તમ્ એકેન દ્વય-દર્શનમ્
04221 ઈદૃગ્-અવ્યભિચારો અતો અનન્વયેષુ ન સિધ્યતિ
04221 પ્રતિષેધ-નિષેધશ્ ચ વિધાનાત્ કીદૃશો અપરઃ
04222 નિવૃત્તિર્ન્ ન અસતઃ સાધ્યાદ્ અસાધ્યેષ્વ્ એવ નો તતઃ
04222 ન ઇતિ સા એવ નિવૃત્તિઃ કિં નિવૃત્તેર્ અસતો મતા
04223 નિવૃત્ત્ય્-અભાવસ્ તુ વિધિર્ વસ્તુ-ભાવો અસતો અપિ સન્
04223 વસ્ત્વ્-અભાવસ્ તુ ન અસ્તિ ઇતિ પશ્ય બાન્ધ્ય-વિજૃમ્ભિતમ્
04224 નિવૃત્તિર્ યદિ તસ્મિન્ ન હેતોર્ વૃત્તિઃ કિં નિષિધ્યતે
04224 સા અપિ ન પ્રતિષેધો અયં નિવૃત્તિઃ કિં નિષિધ્યતે
04225 વિધાનં પ્રતિષેધં ચ મુક્ત્વા શાબ્દો અસ્તિ ન અપરઃ
04225 વ્યવહારઃ સ ચ અસત્સુ ન ઇતિ પ્રાપ્તા અત્ર મૂકતા
04226 સતાં ચ ન નિષેધો અસ્તિ સો અસત્સુ ચ ન વિદ્યતે
04226 જગત્ય્ અનેન ન્યાયેન નઞ્-અર્થઃ પ્રલયં ગતઃ
04227 દેશ-કાલ-નિષેધશ્ ચેદ્ યથા અસ્તિ સ નિષિધ્યતે
04227 ન તથા ન યથા સો અસ્તિ તથા અપિ ન નિષિધ્યતે
04228 તસ્માદ્ આશ્રિત્ય શબ્દ-અર્થં ભાવ-અભાવ-સમાશ્રયમ્
04228 અબાહ્ય-આશ્રયમ્ અત્ર ઇષ્ટં સર્વં વિધિ-નિષેધનમ્
04229 તાભ્યાં સ ધર્મી સમ્બદ્ધઃ ખ્યાત્ય્-અભાવે અપિ તાદૃશઃ
04229 શબ્દ-પ્રવૃત્તેર્ અસ્તિ ઇતિ સો અપિ ઇષ્ટો વ્યવહાર-ભાક્
04230 અન્યથા સ્યાત્ પદાર્થાનાં વિધાન-પ્રતિષેધને
04230 એક-ધર્મસ્ય સર્વાત્મ-વિધાન-પ્રતિષેધનમ્
04231 અનાના-આત્મ-આત્મતયા ભેદે નાના-વિધિ-નિષેધ-વત્
04231 એક-ધર્મિણ્ય્ અસંહારો વિધાન-પ્રતિષેધયોઃ
04232 એકં ધર્મિણમ્ ઉદ્દિશ્ય નાના-ધર્મ-સમાશ્રયમ્
04232 વિધાવ્ એકસ્ય તદ્-ભાજામ્ ઇવ અન્યેષામ્ ઉપેક્ષકમ્
04233 નિષેધે તદ્-વિવિક્તં ચ તદ્ અન્યેષામ્ અપેક્ષકમ્
04233 વ્યવહારમ્ અસત્ય-અર્થં પ્રકલ્પયતિ ધીર્ યથા
04234 તં તથા એવ અવિકલ્પ્ય-અર્થ-ભેદ-આશ્રયમ્ ઉપાગતાઃ
04234 અનાદિ-વાસના-ઉદ્ભૂતં બાધન્તે અર્થં ન લૌકિકમ્
04235 તત્-ફલો અતત્-ફલશ્ ચ અર્થો ભિન્ન એકસ્ તતસ્ તતઃ
04235 તૈસ્ તૈર્ ઉપપ્લવૈર્ન્ નીત-સંચય-અપચયૈર્ ઇવ
04236 અતદ્વાન્ અપિ સમ્બન્ધાત્ કુતશ્ચિદ્ ઉપનીયતે

04236 દૃષ્ટિં ભેદ-આશ્રયૈસ્ તે અપિ તસ્માદ્ અજ્ઞાત-વિપ્લવાઃ
04237 સત્તા-સાધન-વૃત્તેશ્ ચ સન્દિગ્ધઃ સ્યાદ્ અસન્ ન સઃ
04237 અસત્ત્વં ચ અભ્યુપગમાદ્ અપ્રમાણાન્ ન યુજ્યતે
04238 અસતો અવ્યતિરેકે અપિ સપક્ષાદ્ વિનિવર્તનમ્
04238 સન્દિગ્ધં તસ્ય સન્દેહાદ્ વિપક્ષાદ્ વિનિવર્તનમ્
04239 એકત્ર નિયમે સિદ્ધે સિધ્યત્ય્ અન્ય-નિવર્તનમ્
04239 દ્વૈરાશ્યે સત્ય્ અદૃષ્ટે અપિ સ્યાદ્ અદૃષ્ટેષુ સંશયઃ
04240 અવ્યક્તિ-વ્યાપિનો અપ્ય્ અર્થાઃ સન્તિ તજ્-જાતિ-ભાવિનઃ
04240 ક્વચિન્ ન નિયમો દૃષ્ટ્યા પાર્થિવ-અલોહ-લેખ્ય-વત્
04241 ભાવે વિરોધસ્ય અદૃષ્ટૌ કઃ સન્દેહં નિવર્તયેત્
04241 ક્વચિદ્ વિનિયમાત્ કો અન્યસ્ તત્-કાર્ય-આત્મતયા સ ચ
04242 નૈરાત્મ્યાદ્ અપિ તેન અસ્ય સન્દિગ્ધં વિનિવર્તનમ્
04242 અસ્તુ નામ તથા અપ્ય્ આત્મા ન અનૈરાત્મ્યાત્ પ્રસિધ્યતિ
04243 યેન અસૌ વ્યતિરેકસ્ય ન અભાવં ભાવમ્ ઇચ્છતિ
04243 યથા ન અવ્યતિરેકે અપિ પ્રાણ-આદિર્ન્ ન સપક્ષતઃ
04244 સપક્ષ-અવ્યતિરેકી ચેદ્ હેતુર્ હેતુર્ અતો અન્વયી
04244 ન અન્વય્ય્ અવ્યતિરેકી ચેદ્ અનૈરાત્મ્યં ન સાત્મકમ્
04245 યન્ નાન્તરીયકઃ સ્વાત્મા યસ્ય સિદ્ધઃ પ્રવૃત્તિષુ
04245 નિવર્તકઃ સ એવ અતઃ પ્રવૃત્તૌ ચ પ્રવર્તકઃ
04246 નાન્તરીયકતા સા ચ સાધનં સમપેક્ષતે
04246 કાર્યે દૃષ્ટિર્ અદૃષ્ટિશ્ ચ કાર્યકારણતા હિ તે
04247 અર્થ-અન્તરસ્ય તદ્-ભાવે અભાવો નિયમતો અગતિઃ
04247 અભાવ-અસમ્ભવાત્ તેષામ્ અભાવે નિત્ય-ભાવિનઃ
04248 કાર્ય-સ્વભાવ-ભેદાનાં કારણેભ્યઃ સમુદ્ભવાત્
04248 તૈર્ વિના ભવતો અન્યસ્માત્ તજ્જં રૂપં કથં ભવેત્
04249 સામગ્રી-શક્તિ-ભેદાદ્ હિ વસ્તૂનાં વિશ્વરૂપતા
04249 સા ચેન્ ન ભેદિકા પ્રાપ્તમ્ એક-રૂપમ્ ઇદં જગત્
04250 ભેદક-અભેદકત્વે સ્યાદ્ વ્યાહતા ભિન્ન-રૂપતા
04250 એકસ્ય નાના-રૂપત્વે દ્વે રૂપે પાવક-ઇતરૌ
04251 તત્ તસ્ય અજનનં રૂપમ્ અન્યસ્ય યદિ સા એવ સા
04251 ન તસ્ય અજનનં રૂપં તત્ તસ્યાઃ સમ્ભવેત્ કથમ્
04252 તતઃ સ્વભાવૌ નિયતાવ્ અન્યોન્યં હેતુ-કાર્યયોઃ
04252 તસ્માત્ સ્વ-દૃષ્ટાવ્ ઇવ તદ્ દૃષ્ટે કાર્યે અપિ ગમ્યતે
04253 એકં કથમ્ અનેકસ્માત્ ક્લેદ-વદ્ દુગ્ધ-વારિણઃ
04253 દ્રવ-શક્તેર્ યતઃ ક્લેદઃ સા ત્વ્ એકા એવ દ્વયોર્ અપિ
04254 ભિન્ન-અભિન્નઃ કિમ્ અસ્ય આત્મા ભિન્નો અથ દ્રવતા કથમ્
04254 અભિન્ના ઇત્ય્ ઉચ્યતે બુદ્ધેસ્ તદ્-રૂપાયા અભેદતઃ
04255 તદ્વદ્ ભેદે અપિ દહનો દહન-પ્રત્યય-આશ્રયઃ
04255 યેન અંશેન અદધદ્ ધૂમં તેન અંશેન તથા ગતિઃ
04256 દહન-પ્રત્યય-અઙ્ગાદ્ એવ અન્ય-અપેક્ષાત્ સમુદ્ભવાત્

04256 ધૂમો અતદ્-વ્યભિચારિ ઇતિ સિદ્ધં કાર્યં તથા પરમ્
04257 ધૂમ-ઇન્ધન-વિકાર-અઙ્ગતા-પદે દહન-સ્થિતેઃ
04257 અનગ્નિશ્ ચેદ્ અધૂમો અસૌ સધૂમશ્ ચેત્ સપાવકઃ
04258 નાન્તરીયકતા જ્ઞેયા યથાસ્વં હેત્વ્-અપેક્ષયા
04258 સ્વભાવસ્ય યથોક્તં પ્રાક્ વિનાશ-કૃતકત્વયોઃ
04259 અહેતુત્વ-ગતિ-ન્યાયઃ સર્વો અયં વ્યતિરેકિણઃ
04259 અભ્યૂહ્યઃ શ્રાવણત્વ-ઉક્તેઃ કૃતાયાઃ સામ્ય-દૃષ્ટયે
04260 હેતુ-સ્વભાવ-વ્યાવૃત્ત્યા એવ અર્થ-વ્યાવૃત્તિ-વર્ણનાત્
04260 સિદ્ધ-ઉદાહરણા ઇત્ય્ ઉક્ત-અનુપલબ્ધિઃ પૃથગ્ ન તુ
04261 તત્ર અપ્ય્ અદૃશ્યાત્ પુરુષાત્ પ્રાણ-આદેર્ અનિવર્તનાત્
04261 સન્દેહ-હેતુતા-આખ્યાત્યા દૃશ્ય-અર્થે સા ઇતિ સૂચિતમ્
04262 અનઙ્ગીકૃત-વસ્ત્વ્-અંશો નિષેધઃ સાધ્યતે નયા
04262 વસ્તુન્ય્ અપિ તુ પૂર્વાભ્યાં પર્યુદાસો વિધાનતઃ
04263 તત્ર ઉપલભ્યેષ્વ્ અસ્તિત્વમ્ ઉપલબ્ધેર્ ન ચ અપરમ્
04263 ઇત્ય્ અજ્ઞ-જ્ઞાપનાય એક-અનુપાખ્ય-ઉદાહૃતિર્ મતા
04264 વિષય-અસત્ત્વતસ્ તત્ર વિષયિ પ્રતિષિધ્યતે
04264 જ્ઞાન-અભિધાન-સન્દેહં યથા અદાહાદ્ અપાવકઃ
04265 તથા અન્યા ન ઉપલભ્યેષુ ન અસ્તિતા અનુપલમ્ભનાત્
04265 તજ્-જ્ઞાન-શબ્દાઃ સાધ્યન્તે તદ્ભાવાત્ તન્-નિબન્ધનાઃ
04266 સિદ્ધો હિ વ્યવહારો અયં દૃશ્ય-અદૃષ્ટાવ્ અસન્ન્ ઇતિ
04266 તસ્યાઃ સિદ્ધાવ્ અસન્દિગ્ધૌ તત્-કાર્યત્વે અપિ ધી-ધ્વની
04267 વિદ્યમાને હિ વિષયે મોહાદ્ અત્ર અનનુબ્રુવન્
04267 કેવલં સિદ્ધ-સાધર્મ્યાત્ સ્માર્યતે સમયં પરઃ
04268 કાર્યકારણતા યદ્વત્ સાધ્યતે દૃષ્ટ્ય્-અદૃષ્ટિતઃ
04268 કાર્ય-આદિ-શબ્દા હિ તયોર્ વ્યવહારાય કલ્પિતાઃ
04269 કારણાત્ કાર્ય-સંસિદ્ધિઃ સ્વભાવ-અન્તર્ગમાદ્ ઇયમ્
04269 હેતુ-પ્રભેદ-આખ્યાયેન દર્શિત-ઉદાહૃતિઃ પૃથક્
04270 એક-ઉપલમ્ભ-અનુભવાદ્ ઇદં ન ઉપલભે ઇતિ
04270 બુદ્ધેર્ ઉપલભે વા ઇતિ કલ્પિકાયાઃ સમુદ્ભવઃ
04271 વિશેષો ગમ્યતે અર્થાનાં વિશિષ્ટાદ્ એવ વેદનાત્
04271 તથાભૂત-આત્મ-સંવિત્તિર્ ભેદ-ધી-હેતુર્ અસ્ય ચ
04272 તસ્માત્ સ્વતો ધિયોર્ ભેદ-સિદ્ધિસ્ તાભ્યાં તદ્-અર્થયોઃ
04272 અન્યથા હ્ય્ અનવસ્થાનાદ્ ભેદઃ સિધ્યેન્ ન કસ્યચિત્
04273 વિશિષ્ટ-રૂપ-અનુભવાન્ ન અતો અન્ય-અન્ય-નિરાક્રિયા
04273 તદ્-વિશિષ્ટ-ઉપલમ્ભો અતઃ તસ્ય અપ્ય્ અનુપલમ્ભનમ્
04274 તસ્માદ્ અનુપલમ્ભો અયં સ્વયં પ્રત્યક્ષતો ગતઃ
04274 સ્વ-માત્ર-વૃત્તેર્ ગમકસ્ તદ્-અભાવ-વ્યવસ્થિતેઃ
04275 અન્યથા અર્થસ્ય નાસ્તિત્વં ગમ્યતે અનુપલમ્ભતઃ
04275 ઉપલમ્ભસ્ય નાસ્તિત્વમ્ અન્યેન ઇત્ય્ અનવસ્થિતિઃ
04276 અદૃશ્યે નિશ્ચય-અયોગાત્ સ્થિતિર્ અન્યત્ર વાર્યતે

04276 યથા અલિઙ્ગો અન્ય-સત્ત્વેષુ વિકલ્પ-આદિર્ ન સિધ્યતિ
04277 અનિશ્ચય-ફલા હ્ય્ એષા ન અલં વ્યાવૃત્તિ-સાધને
04277 આદ્યા અધિક્રિયતે હેતોર્ નિશ્ચયેન એવ સાધને
04278 તસ્યાઃ સ્વયં પ્રયોગેષુ સ્વરૂપં વા પ્રયુજ્યતે
04278 અર્થ-બાધન-રૂપં વા ભાવે ભાવાદ્ અભાવતઃ
04279 અન્યોન્ય-ભેદ-સિદ્ધેર્ વા ધ્રુવ-ભાવ-વિનાશ-વત્
04279 પ્રમાણ-અન્તર-બાધાદ્ વા સાપેક્ષ-ધ્રુવ-ભાવ-વત્
04280 હેત્વ્-અન્તર-સમૂહસ્ય સંનિધૌ નિયમઃ કુતઃ
04280 ભાવ-હેતુ-ભવત્વે કિં પારંપર્ય-પરિશ્રમૈઃ
04281 નાશનં જનયિત્વા અન્યં સ હેતુસ્ તસ્ય નાશનઃ
04281 તમ્ એવ નશ્વરં ભાવં જનયેદ્ યદિ કિં ભવેત્
04282 આત્મ-ઉપકારકઃ કઃ સ્યાત્ તસ્ય સિદ્ધ-આત્મનઃ સતઃ
04282 ન આત્મ-ઉપકારકઃ કઃ સ્યાત્ તેન યઃ સમપેક્ષ્યતે
04283 અનપેક્ષશ્ ચ કિં ભાવો અતથાભૂતઃ કદાચન
04283 યથા ન ક્ષેપ-ભાગ્ ઇષ્ટઃ સ એવ ઉદ્ભૂત-નાશકઃ
04284 ક્ષણમ્ અપ્ય્ અનપેક્ષત્વે ભાવો ભાવસ્ય ન ઇતિ ચેત્
04284 ભાવો હિ સ તથાભૂતો અભાવે ભાવસ્ તથા કથમ્
04285 યે અપર-અપેક્ષ-તદ્ભાવાસ્ તદ્ભાવ-નિયતા હિ તે
04285 અસમ્ભવાદ્ વિબન્ધે ચ સામગ્રી કાર્ય-કર્મણિ
04286 અનધ્યવસિત-અવગાહનમ્ અનલ્પ-ધી-શક્તિના અપ્ય્
04286 અદૃષ્ટ-પરમાર્થ-સારમ્ અધિક-અભિયોગૈર્ અપિ
04286 મતં મમ જગત્ય્ અલબ્ધ-સદૃશ-પ્રતિગ્રાહકમ્
04286 પ્રયાસ્યતિ પયોનિધેઃ પય ઇવ સ્વ-દેહે જરામ્