પ્રમાણવાર્ત્તિકકારિકા · ભાગ 2140

03096 યથા વસ્ત્વ્ એવ વસ્તૂનાં સાધને સાધનં મતમ્
03096 તથા વસ્ત્વ્ એવ વસ્તૂનાં સ્વ-નિવૃત્તૌ નિવર્તકમ્
03097 એતેન કલ્પના-ન્યસ્તો યત્ર ક્વચન સમ્ભવાદ્
03097 ધર્મઃ પક્ષસપક્ષાન્યતરત્વ-આદિર્ અપોદિતઃ
03098 તત્ર અપિ વ્યાપકો ધર્મો નિવૃત્તેર્ ગમકો મતઃ
03098 વ્યાપ્યસ્ય સ્વ-નિવૃત્તિશ્ ચેત્ પરિચ્છિન્ના કથંચન
03099 યદ્ અપ્રમાણતા અભાવે લિઙ્ગં તસ્ય એવ કથ્યતે
03099 તદ્ અત્યન્ત-વિમૂઢ-અર્થમ્ આગોપાલમ્ અસંવૃત્તેઃ
03100 એતાવન્ નિશ્ચય-ફલમ્ અભાવે અનુપલમ્ભનમ્
03100 તચ્ ચ હેતૌ સ્વભાવે વા અદૃશ્યે દૃશ્યતયા મતે
03101 અનુમાનાદ્ અનિત્ય-આદેર્ ગ્રહણે અયં ક્રમો મતઃ
03101 પ્રામાણ્યમ્ એવ ન અન્યત્ર ગૃહીત-ગ્રહણાન્ મતમ્
03102 ન અન્યાસ્ યા અનિત્યતા ભાવાત્ પૂર્વ-સિદ્ધઃ સ ચ ઇન્દ્રિયાત્
03102 ન અનેક-રૂપો વાચ્યો અસૌ વાચ્યો ધર્મો વિકલ્પજઃ
03103 સામાન્ય-આશ્રય-સંસિદ્ધૌ સામાન્યં સિદ્ધમ્ એવ તત્
03103 તદ્-અસિદ્ધૌ તથા અસ્ય એવ હ્ય્ અનુમાનં પ્રવર્તતે
03104 ક્વચિત્ તદ્ અપરિજ્ઞાનં સદૃશ-અપર-સમ્ભવાત્
03104 ભ્રાન્તેર્ અપશ્યતો ભેદં માયા-ગોલક-ભેદ-વત્
03105 તથા હ્ય્ અલિઙ્ગમ્ આબાલમ્ અસંશ્લિષ્ટ-ઉત્તર-ઉદયમ્
03105 પશ્યન્ પરિચ્છિનત્ત્ય્ એવ દીપ-આદિ-નાશિનં જનઃ
03106 ભાવ-સ્વભાવ-ભૂતાયામ્ અપિ શક્તૌ ફલે અદૃશઃ
03106 અનાનન્તર્યતો મોહો વિનિશ્ચેતુર્ અપાટવાત્
03107 તસ્ય એવ વિનિવૃત્ત્ય્-અર્થમ્ અનુમાન-ઉપવર્ણનમ્
03107 વ્યયસ્યન્તિ ઈક્ષણાદ્ એવ સર્વ-આકારાન્ મહા-ધિયઃ
03108 વ્યાવૃત્તેઃ સર્વતસ્ તસ્મિન્ વ્યાવૃત્તિ-વિનિબન્ધનાઃ
03108 બુદ્ધયો અર્થે પ્રવર્તન્તે અભિન્ને ભિન્ન-આશ્રયા ઇવ
03109 યથા-ચોદનમ્ આખ્યાશ્ ચ સો અસતિ ભ્રાન્તિ-કારણે
03109 પ્રતિભાઃ પ્રતિસન્ધત્તે સ્વ-અનુરૂપાઃ સ્વભાવતઃ
03110 સિદ્ધો અત્ર અપ્ય્ અથવા ધ્વંસો લિઙ્ગાદ્ અનુપલમ્ભનાત્
03110 પ્રાગ્ ભૂત્વા હ્ય્ અભવદ્ ભાવો અનિત્ય ઇત્ય્ અભિધીયતે
03111 યસ્ય ઉભય-અન્ત-વ્યવધિ-સત્તા સમ્બન્ધ-વાચિની
03111 અનિત્યતા શ્રુતિસ્ તેન તાવન્તાવ્ ઇતિ કૌ સ્મૃતૌ
03112 પ્રાક્ પશ્ચાદ્ અપ્ય્ અભાવશ્ ચેત્ સ એવ અનિત્યતા ન કિમ્
03112 ષષ્ઠ્ય્-આદ્ય્-અયોગાદ્ ઇતિ ચેદ્ અન્તયોઃ સ કથં ભવેત્
03113 સત્તા-સમ્બન્ધયોર્ ધ્રૌવ્યાદ્ અન્તાભ્યાં ન વિશેષણમ્
03113 અવિશેષણમ્ એવ સ્યાદ્ અન્તૌ ચેત્ કાર્ય-કારણે
03114 અસમ્બન્ધાન્ ન ભાવસ્ય પ્રાગ્-અભાવં સ વાઞ્છતિ
03114 તદ્-ઉપાધિ-સમાખ્યાને તે અપ્ય્ અસ્ય ચ ન સિધ્યતઃ
03115 સત્તા સ્વ-કારણ-અશ્લેષ-કરણાત્ કારણં કિલ
03115 સા સત્તા સ ચ સમ્બન્ધો નિત્યૌ કાર્યમ્ અથ ઇહ કિમ્

03116 યસ્ય અભાવઃ ક્રિયેત અસૌ ન ભાવઃ પ્રાગ્-અભાવવાન્
03116 સમ્બન્ધ-અનભ્યુપગમાન્ નિત્યં વિશ્વમ્ ઇદં તતઃ
03117 તસ્માદ્ અનર્થાસ્ કન્દિન્યો અભિન્ન-અર્થ-અભિમતેષ્વ્ અપિ
03117 શબ્દેષુ વાચ્ય-ભેદિન્યો વ્યતિરેકાસ્ પદં ધિયઃ
03118 વિશેષ-પ્રત્યભિજ્ઞાનં ન પ્રતિક્ષણ-ભેદતઃ
03118 ન વા વિશેષ-વિષયં દૃષ્ટ-સામ્યેન તદ્-ગ્રહાત્
03119 નિદર્શનં તદ્ એવ ઇતિ સામાન્ય-અગ્રહણં યદિ
03119 નિદર્શનત્વાત્ સિદ્ધસ્ય પ્રમાણેન અસ્ય કિં પુનઃ
03120 વિસ્મૃતત્વાદ્ અદોષશ્ ચેત્ તદ્ એવ અનિદર્શનમ્
03120 દૃષ્ટે તદ્ભાવ-સિદ્ધિશ્ ચેત્ પ્રમાણાદ્ અન્ય-વસ્તુનિ
03121 તત્ત્વ-આરોપે વિપર્યાસસ્ તત્ સિદ્ધેર્ અપ્રમાણતા
03121 પ્રત્યક્ષ-ઇતરયોર્ ઐક્યાદ્ એક-સિદ્ધિર્ દ્વયોર્ અપિ
03122 સન્ધીયમાનં ચ અન્યેન વ્યવસાયં સ્મૃતિં વિદુઃ
03122 તલ્-લિઙ્ગ-અપેક્ષણાન્ નો ચેત્ સ્મૃતિર્ ન વ્યભિચારતઃ
03123 પ્રત્યક્ષં કલ્પના-અપોઢં પ્રત્યક્ષેણ એવ સિધ્યતિ
03123 પ્રત્યાત્મવેદ્યઃ સર્વેષાં વિકલ્પો નામ-સંશ્રયઃ
03124 સંહૃત્ય સર્વતશ્ ચિન્તાં સ્તિમિતેન અન્તર-આત્મના
03124 સ્થિતો અપિ ચક્ષુષા રૂપમ્ ઈક્ષતે સા અક્ષજા મતિઃ
03125 પુનર્ વિકલ્પયન્ કિંચિદ્ આસીન્ મે કલ્પના ઈદૃશી
03125 ઇચ્છા ચ ઇતિ ન પૂર્વ-ઉક્ત-અવસ્થાયામ્ ઇન્દ્રિયાદ્ ગતૌ
03126 એકત્ર દૃષ્ટો ભેદો હિ ક્વચિન્ ન અન્યત્ર દૃશ્યતે
03126 ન તસ્માત્ ભિન્નમ્ અસ્ત્ય્ અન્યત્ સામાન્યં બુદ્ધ્ય્-અભેદતઃ
03127 તસ્માદ્ વિશેષ-વિષયા સર્વા એવ ઇન્દ્રિયજા મતિઃ
03127 ન વિશેષેષુ શબ્દાનાં સંકેતસ્ય અપ્રવૃત્તિતઃ
03128 અનન્વયાદ્ વિશેષાણાં સંકેતસ્ય અપ્રવૃત્તિતઃ
03128 વિષયો યશ્ ચ શબ્દાનાં સંયોજ્યેત સ એવ તૈઃ
03129 અસ્ય ઇદમ્ ઇતિ સમ્બન્ધે યાવ્ અર્થૌ પ્રતિભાસિનૌ
03129 તયોર્ એવ હિ સમ્બન્ધો ન તદા ઇન્દ્રિય-ગોચરઃ
03130 વિશદ-પ્રતિભાસસ્ય તદા અર્થસ્ય અવિભાવનાત્
03130 વિજ્ઞાન-આભાસ-ભેદશ્ ચ પદાર્થાનાં વિશેષકઃ
03131 ચક્ષુષો અર્થ-અવભાસે અપિ યં પરો અસ્ય ઇતિ શંસતિ
03131 સ એવ યોજ્યતે શબ્દૈર્ન્ ન ખલ્વ્ ઇન્દ્રિય-ગોચરઃ
03132 અવ્યાવૃત-ઇન્દ્રિયસ્ય અન્ય-વાઙ્ માત્રેણ અવિભાવનાત્
03132 ન ચ અનુદિત-સમ્બન્ધઃ સ્વયં જ્ઞાન-પ્રસઙ્ગતઃ
03133 મનસોર્ યુગપદ્ વૃત્તેઃ સવિકલ્પ-અવિકલ્પયોઃ
03133 વિમૂઢો લઘુવૃત્તેર્ વા તયોર્ ઐક્યં વ્યયસ્યતિ
03134 વિકલ્પ-વ્યવધાનેન વિચ્છિન્નં દર્શનં ભવેત્
03134 ઇતિ ચેદ્ ભિન્ન-જાતીય-વિકલ્પે અન્યસ્ય વા કથમ્
03135 અલાત-દૃષ્ટિ-વદ્ ભાવ-પક્ષશ્ ચેદ્ બલવાન્ મતઃ
03135 અન્યત્ર અપિ સમાનં તદ્ વર્ણયોર્ વા સકૃચ્ શ્રુતિઃ

03136 સકૃત્ સંગત-સર્વ-અર્થેષ્વ્ ઇન્દ્રિયેષ્વ્ ઇહ સત્સ્વ્ અપિ
03136 પઞ્ચભિર્ વ્યવધાને અપિ ભાત્ય્ અવ્યવહિત ઇવ યા
03137 સા મતિર્ નામ પર્યન્ત-ક્ષણિક-જ્ઞાન-મિશ્રણાત્
03137 વિચ્છિન્ન-આભા ઇતિ તચ્ ચિત્રં તસ્માત્ સન્તુ સકૃદ્ ધિયઃ
03138 પ્રતિભાસ-અવિશેષશ્ ચ સા અન્તર-અનન્તરે કથમ્
03138 શુદ્ધે મનો-વિકલ્પે ચ ન ક્રમ-ગ્રહણમ્ ભવેત્
03139 યો અગ્રહઃ સંગતે અપ્ય્ અર્થે ક્વચિદ્ આસક્ત-ચેતસઃ
03139 સક્ત્યા અન્ય-ઉત્પત્તિ-વૈગુણ્યાચ્ ચોદ્યં વા એતદ્ દ્વયોર્ અપિ
03140 શીઘ્ર-વૃત્તેર્ અલાત-આદેર્ અન્વય-પ્રતિઘાતિની
03140 ચક્ર-ભ્રાન્તિં દૃશા ધત્તે ન દૃશાં ઘટનેન સા
03141 કેચિદ્ ઇન્દ્રિયજત્વ-આદેર્ બાલ-ધી-વદ્ અકલ્પનામ્
03141 આહુર્ બાલા વિકલ્પે ચ હેતું સંકેત-મન્દતામ્
03142 તેષાં પ્રત્યક્ષમ્ એવ સ્યાદ્ બાલાનામ્ અવિકલ્પનાત્
03142 સંકેત-ઉપાય-વિગમાત્ પશ્ચાદ્ અપિ ભવેન્ ન સઃ
03143 મનો અવ્યુત્પન્ન-સંકેતમ્ અસ્તિ તેન સ ચેન્ મતઃ
03143 એવમ્ ઇન્દ્રિયજે અપિ સ્યાદ્ શેષવચ્ ચ ઇદમ્ ઈદૃશમ્
03144 યદ્ એવ સાધનં બાલે તદ્ એવ અત્ર અપિ કથ્યતામ્
03144 સામ્યાદ્ અક્ષ-ધિયામ્ ઉક્તમ્ અનેન અનુભવ-આદિકમ્
03145 વિશેષણં વિશેષ્યં ચ સમ્બન્ધં લૌકિકીં સ્થિતિમ્
03145 ગૃહીત્વા સંકલય્ય એતત્ તથા પ્રત્યેતિ ન અન્યથા
03146 યથા દણ્ડિનિ જાત્ય્-આદેર્ વિવેકેન અનિરૂપણાત્
03146 તદ્વતા યોજના ન અસ્તિ કલ્પના અપ્ય્ અત્ર ન અસ્ત્ય્ અતઃ
03147 યદ્ય્ અપ્ય્ અન્વયિ વિજ્ઞાનં શબ્દ-વ્યક્ત્ય્-અવભાસિ તત્
03147 વર્ણ-આકૃત્ય્-અક્ષર-આકાર-શૂન્યં ગોત્વં હિ વર્ણ્યતે
03148 સમાનત્વે અપિ તસ્ય એવ ન ઈક્ષણં નેત્ર-ગોચરમ્
03148 પ્રતિભાસ-દ્વય-અભાવાદ્ બુદ્ધેર્ ભેદશ્ ચ દુર્લભઃ
03149 સમવાય-અગ્રહાદ્ અક્ષૈઃ સમ્બન્ધ-અદર્શનં સ્થિતમ્
03149 પટસ્ તન્તુષ્વ્ ઇહ ઇત્ય્ આદિ-શબ્દાશ્ ચ ઇમે સ્વયં કૃતાઃ
03150 શૃઙ્ગઙ્ ગવિ ઇતિ લોકે સ્યાચ્ શૃઙ્ગે ગૌર્ ઇત્ય્ અલૌકિકમ્
03150 ગવ-આખ્ય-પરિશિષ્ટ-અઙ્ગ-વિચ્છેદ-અનુપલમ્ભનાત્
03151 તૈસ્ તન્તુભિર્ ઇયં શાટિ ઇત્ય્ ઉત્તરં કાર્યમ્ ઉચ્યતે
03151 તન્તુ-સંસ્કાર-સમ્ભૂતં ન એક-કાલં કથંચન
03152 કારણ-આરોપતઃ કશ્ચિદ્ એક-અપોધારતો અપિ વા
03152 તન્ત્વ્-આખ્યાં વર્તયેત્ કાર્યે દર્શયન્ ન આશ્રયં શ્રુતેઃ
03153 ઉપકાર્યોપકારિત્વં વિચ્છેદાદ્ દૃષ્ટિર્ એવ વા
03153 મુખ્યં યદ્ અસ્ખલજ્ જ્ઞાનમ્ આદિ-સંકેત-ગોચરઃ
03154 અનુમાનં ચ જાત્ય્-આદૌ વસ્તુનો ન અસ્તિ ભેદિનિ
03154 સર્વત્ર વ્યપદેશો હિ દણ્ડ-આદેર્ અપિ સાંવૃતાત્
03155 વસ્તુ-પ્રાસાદ-માલા-આદિ-શબ્દાશ્ ચ અન્ય-અનપેક્ષિણઃ
03155 ગેહો યદ્ય્ અપિ સંયોગસ્ તન્ માલા કિં નુ તદ્ ભવેત્

03156 જાતિશ્ ચેદ્ ગેહ એકો અપિ માલા ઇત્ય્ ઉચ્યેત વૃક્ષ-વત્
03156 માલા-બહુત્વે તચ્ શબ્દઃ કથં જાતેર્ અજાતિતઃ
03157 માલા-આદૌ ચ મહત્ત્વ-આદિર્ ઇષ્ટો યશ્ ચ ઔપચારિકઃ
03157 મુખ્ય-અવિશિષ્ટ-વિજ્ઞાન-ગ્રાહ્યત્વાન્ ન ઔપચારિકઃ
03158 અનન્યહેતુતા તુલ્યા સા મુખ્ય-અભિમતેષ્વ્ અપિ
03158 પદાર્થ-શબ્દઃ કં હેતુમ્ અન્યં ષટ્કં સમીક્ષતે
03159 યો યથા રૂઢિતઃ સિદ્ધસ્ તત્-સામ્ય-આદ્યસ્ તથા ઉચ્યતે
03159 મુખ્યો ગૌણશ્ ચ ભાવેષ્વ્ અપ્ય્ અભાવસ્ય ઉપચારતઃ
03160 સંકેત-અન્વયિની રૂઢિર્ વક્તુર્ ઇચ્છા અન્વયી ચ સઃ
03160 ક્રિયતે વ્યવહાર-અર્થં છન્દઃ શબ્દ-અંશ-નામ-વત્
03161 વસ્તુ-ધર્મતયા એવ અર્થાસ્ તાદૃગ્ વિજ્ઞાન-કારણમ્
03161 ભેદે અપિ યત્ર તજ્-જ્ઞાનાત્ તત્ તથા પ્રતિપદ્યતે
03162 જ્ઞાનાન્ય્ અપિ તથા ભેદે અભેદ-પ્રત્યવમર્શને
03162 ઇત્ય્ એતત્ કાર્ય-વિશ્લેષસ્ય અન્વયો ન એક-વસ્તુનઃ
03163 વસ્તૂનાં વિદ્યતે તસ્માત્ તન્ નિષ્ઠા વસ્તુનિ શ્રુતિઃ
03163 બાહ્ય-શક્તિ-વ્યવચ્છેદ-નિષ્ઠા અભાવે અપિ તચ્-શ્રુતિઃ
03164 વિકલ્પ-પ્રતિબિમ્બેષુ તન્ નિષ્ઠેષુ નિબધ્યતે
03164 તતો અન્યાપોહ-નિષ્ઠત્વાદ્ ઉક્તા અન્યાપોહ-કૃચ્ શ્રુતિઃ
03165 વ્યતિરેકી ઇવ યજ્ જ્ઞાને ભાત્ય્ અર્થ-પ્રતિબિમ્બકમ્
03165 શબ્દાત્ તદ્ અપિ ન અર્થ-આત્મા ભ્રાન્તિઃ સા વાસના-ઉદ્ભવા
03166 તસ્ય અભિધાને શ્રુતિભિર્ અર્થે કો અંશો અવગમ્યતે
03166 તસ્ય અગતૌ ચ સંકેત-ક્રિયા વ્યર્થા તદ્ અર્થિકા
03167 શબ્દો અર્થ-અંશકમ્ આહ ઇતિ તત્ર અન્યાપોહ ઉચ્યતે
03167 આકારઃ સ ચ ન અર્થે અસ્તિ તમ્ વદન્ન્ અર્થ-ભાક્ કથમ્
03168 શબ્દસ્ય અન્વયિનઃ કાર્યમ્ અર્થેન અન્વયિના સ ચ
03168 અનન્વયી ધિયો અભેદાદ્ દર્શન-અભ્યાસ-નિર્મિતઃ
03169 તદ્-રૂપ-આરોપ-ગત્યા અન્યવ્યાવૃત્ત-અધિગતેઃ પુનઃ
03169 શબ્દ-અર્થો અર્થઃ સ એવ ઇતિ વચનેન વિરુધ્યતે
03170 મિથ્યા-અવભાસિનો વા એતે પ્રત્યયાઃ શબ્દ-નિર્મિતાઃ
03170 અનુયાન્તિ ઇમમ્ અર્થ-અંશમ્ ઇતિ વા અપોહ-કૃચ્ શ્રુતિઃ
03171 તસ્માત્ સંકેત-કાલે અપિ નિર્દિષ્ટ-અર્થેન સંયુતઃ
03171 સ્વ-પ્રતીતિ-ફલેન અન્યાપોહઃ સમ્બન્ધ્યતે શ્રુતૌ
03172 અન્યત્ર અદૃષ્ટ્ય્-અપેક્ષત્વાત્ ક્વચિત્ તદ્-દૃષ્ટ્ય્-અપેક્ષણાત્
03172 શ્રુતૌ સમ્બધ્યતે અપોહો ન એતદ્ વસ્તુનિ યુજ્યતે
03173 તસ્માજ્ જાત્ય્-આદિ-તદ્-યોગા ન અર્થે તેષુ ચ ન શ્રુતિઃ
03173 સંયોજ્યતે અન્યવ્યાવૃત્તૌ શબ્દાનામ્ એવ યોજનાત્
03174 સંકેત-સ્મરણ-ઉપાયં દૃષ્ટ-સંકલન-આત્મકમ્
03174 પૂર્વ-અપર-પરામર્શ-શૂન્યે તચ્ ચાક્ષુષે કથમ્
03175 અન્યત્ર ગત-ચિત્તો અપિ ચક્ષુષા રૂપમ્ ઈક્ષતે
03175 તત્ સંકેત-અગ્રહસ્ તત્ર સ્પષ્ટસ્ તજ્જા ચ કલ્પના

03176 જાયન્તે કલ્પનાસ્ તત્ર યત્ર શબ્દો નિવેશિતઃ
03176 તેન ઇચ્છાતઃ પ્રવર્તેરન્ ન ઈક્ષેરન્ બાહ્યમ્ અક્ષજાઃ
03177 રૂપં રૂપમ્ ઇતિ ઈક્ષેત તદ્ ધિયં કિમ્ ઇતિ ઈક્ષતે
03177 અસ્તિ ચ અનુભવસ્ તસ્યાઃ સો અવિકલ્પઃ કથં ભવેત્
03178 તસ્ય એવ અનુભવે દૃષ્ટં ન વિકલ્પ-દ્વયં સકૃત્
03178 એતેન તુલ્ય-કાલ-અન્ય-વિજ્ઞાન-અનુભવો ગતઃ
03179 સ્મૃતિર્ ભવેદ્ અતીતે ચ સા અગૃહીતે કથં ભવેત્
03179 સ્યાચ્ ચ અન્ય-ધી-પરિચ્છેદા અભિન્ન-રૂપા સ્વ-બુદ્ધિ-ધીઃ
03180 અતીતમ્ અપદૃષ્ટાન્તમ્ અલિઙ્ગં ચ અર્થ-દર્શનમ્
03180 સિદ્ધં તત્ કેન તસ્મિન્ હિ ન પ્રત્યક્ષં ન લૈઙ્ગિકમ્
03181 તત્ સ્વરૂપ-અવભાસિન્યા બુદ્ધ્યા અનન્તરયા યદિ
03181 રૂપ-આદિર્ ઇવ ગૃહ્યેત ન સ્યાત્ તત્ પૂર્વ-ધી-ગ્રહઃ
03182 સો અવિકલ્પઃ સ્વ-વિષયો વિજ્ઞાન-અનુભવો યથા
03182 અશક્ય-સમયં તદ્વદ્ અન્યદ્ અપ્ય્ અવિકલ્પકઃ
03183 સામાન્ય-વાચિનઃ શબ્દાસ્ તદ્ એક-અર્થા ચ કલ્પના
03183 અભાવે નિર્વિકલ્પસ્ય વિશેષ-અધિગમઃ કથમ્
03184 અસ્તિ ચેન્ નિર્વિકલ્પં ચ કિંચિત્ તત્-તુલ્ય-હેતુકમ્
03184 સર્વન્ તથા એવ હેતોર્ હિ ભેદાદ્ ભેદઃ ફલ-આત્મનામ્
03185 અનપેક્ષિત-બાહ્ય-અર્થ-યોજના સમય-સ્મૃતેઃ
03185 તથા અનપેક્ષ્ય સમયં વસ્તુ-શક્ત્યા એવ નેત્ર-ધીઃ
03186 સંકેત-સ્મરણ-અપેક્ષં રૂપં યદ્ય્ અક્ષ-ચેતસિ
03186 અનપેક્ષ્ય ન ચેચ્ શક્યં સ્યાત્ સ્મૃતાવ્ એવ લિઙ્ગ-વત્
03187 તસ્યાસ્ તત્-સંગમ-ઉત્પત્તેર્ અક્ષ-ધીઃ સ્યાત્ સ્મૃતેર્ ન વા
03187 તતઃ કાલ-અન્તરે અપિ સ્યાત્ ક્વચિદ્ વ્યાક્ષેપ-સમ્ભવાત્
03188 ક્રમેણ ઉભય-હેતુશ્ ચેત્ પ્રાગ્ એવ સ્યાદ્ અભેદતઃ
03188 અન્યો અક્ષ-બુદ્ધિ-હેતુશ્ ચેત્ સ્મૃતિસ્ તત્ર અપ્ય્ અનર્થિકા
03189 યથા સમિત-સિદ્ધ્ય્-અર્થમ્ ઇષ્યતે સમય-સ્મૃતિઃ
03189 ભેદશ્ ચ અસમિતો ગ્રાહ્યઃ સ્મૃતિસ્ તત્ર કિમ્ અર્થિકા
03190 સામાન્ય-માત્ર-ગ્રહણે ભેદ-અપેક્ષા ન યુજ્યતે
03190 તસ્માચ્ ચક્ષુશ્ ચ રૂપાં ચ પ્રતીત્ય ઉદેતિ નેત્ર-ધીઃ
03191 સાક્ષાચ્ ચેત્ જ્ઞાન-જનને સમર્થો વિષયો અક્ષ-વત્
03191 અથ કસ્માદ્ દ્વય-અધીન-જન્મ તત્ તેન ન ઉચ્યતે
03192 સમીક્ષ્ય ગમકત્વં હિ વ્યપદેશો ન ગૃહ્યતે
03192 તચ્ ચ અક્ષ-વ્યપદેશે અસ્તિ તદ્-ધર્મશ્ ચ નિયોજ્યતામ્
03193 તતો લિઙ્ગ-સ્વભાવો અત્ર વ્યપદેશે નિયોજ્યતામ્
03193 નિવર્તતે અવ્યાપકસ્ય સ્વભાવસ્ય નિવૃત્તિતઃ
03194 સંચિતઃ સમુદાયઃ સામાન્યં તત્ર ચ અક્ષ-ધીઃ
03194 સામાન્ય-બુદ્ધિશ્ ચ અવશ્યં વિકલ્પેન અનુબુધ્યતે
03195 અર્થ-અન્તર-અભિસમ્બન્ધાજ્ જાયન્તે યે અણવો અપરે
03195 ઉક્તાસ્ તે સંચિતાસ્ તે હિ નિમિત્તાં જ્ઞાન-જન્મનઃ

03196 અણૂનાં સ વિશેષશ્ ચ ન અન્તરેણ અપરાન્ અણૂન્
03196 તદ્ એક-અનિયમાજ્ જ્ઞાનમ્ ઉક્તં સામાન્ય-ગોચરમ્
03197 અથ એક-આયતનત્વે અપિ ન અનેકં દૃશ્યતે સકૃત્
03197 સકૃદ્ ગ્રહ-અવભાસઃ કિં વિયુક્તેષુ તિલ-આદિષુ
03198 પ્રત્યુક્તં લાઘવં ચ અત્ર તેષ્વ્ એવ ક્રમ-પાતિષુ
03198 કિમ્ ન અક્રમ-ગ્રહસ્ તુલ્ય-કાલાઃ સર્વાશ્ ચ બુદ્ધયઃ
03199 કાશ્ચિત્ તાસ્વ્ અક્રમ-આભાસાઃ ક્રમવત્યો અપરાશ્ ચ કિમ્
03199 સર્વ-અર્થ-ગ્રહણે તસ્માદ્ અક્રમો અયં પ્રસજ્યતે
03200 ન એકં ચિત્ર-પતંગ-આદિ રૂપં વા દૃશ્યતે કથમ્
03200 ચિત્રં તદ્ એકમ્ ઇતિ ચેદ્ ઇદં ચિત્રતરં તતઃ
03201 ન એકં સ્વભાવં ચિત્રં હિ મણિ-રૂપં યથા એવ તત્
03201 નીલ-આદિ-પ્રતિભાસશ્ ચ તુલ્યશ્ ચિત્ર-પટ-આદિષુ
03202 તત્ર અવયવ-રૂપં ચેત્ કેવલં દૃશ્યતે તથા
03202 નીલ-આદીનિ નિરસ્ય અન્યચ્ ચિત્રં ચિત્રં યદ્ ઈક્ષસે
03203 તુલ્ય-અર્થ-આકાર-કાલત્વે ન ઉપલક્ષિતયોર્ ધિયોઃ
03203 નાના-અર્થા ક્રમવત્યા એકા કિમ્ એક-અર્થા અક્રમા અપરા
03204 વૈશ્વરૂપ્યાદ્ ધિયામ્ એવ ભાવાનાં વિશ્વરૂપતા
03204 તચ્ ચેદ્ અનઙ્ગં કેન ઇયં સિદ્ધા ભેદ-વ્યવસ્થિતિઃ
03205 વિજાતીનામ્ અનારમ્ભાન્ ન આલેખ્ય-આદૌ વિચિત્ર-ધીઃ
03205 અરૂપત્વાન્ ન સંયોગશ્ ચિત્રો ભક્તેશ્ ચ ન આશ્રયઃ
03206 પ્રત્યેકમ્ અવિચિત્રત્વાદ્ ગૃહીતેષુ ક્રમેણ ચ
03206 ન ચિત્ર-ધી-સંકલનમ્ અનેકસ્ય એકયા અગ્રહાત્
03207 નાના-અર્થા એકા ભવેત્ તસ્માત્ સિદ્ધાન્તો અપ્ય્ અવિકલ્પિકા
03207 વિકલ્પયન્ન્ અપ્ય્ એક-અર્થં યતો અન્યદ્ અપિ પશ્યતિ
03208 ચિત્ર-અવભાસેષ્વ્ અર્થેષુ યદ્ય્ એકત્વં ન યુજ્યતે
03208 સા એવ તાવત્ કથં બુદ્ધિર્ એકા ચિત્ર-અવભાસિની
03209 ઇદં વસ્તુ-બલ-આયાતં યદ્ વદન્તિ વિપશ્ચિતઃ
03209 યથા યથાર્થાશ્ ચિન્ત્યન્તે વિશીર્યન્તે તથા તથા
03210 કિં સ્યાત્ સા ચિત્રતા એકસ્યાં ન સ્યાત્ તસ્યાં મતાવ્ અપિ
03210 યદિ ઇદં સ્વયમ્ અર્થાનાં રોચતે તત્ર કે વયં
03211 તસ્માન્ ન અર્થેષુ ન જ્ઞાને સ્થૂલ-ભાસસ્ તદાત્મનઃ
03211 એકત્ર પ્રતિષિદ્ધત્વાદ્ બહુષ્વ્ અપિ ન સમ્ભવઃ
03212 પરિચ્છેદો અન્તર્ અન્યો અયં ભાગો બહિર્ ઇવ સ્થિતઃ
03212 જ્ઞાનસ્ય અભેદિનો ભેદ-પ્રતિભાસો હ્ય્ ઉપપ્લવઃ
03213 તત્ર એકસ્ય અપ્ય્ અભાવેન દ્વયમ્ અપ્ય્ અવહીયતે
03213 તસ્માત્ તદ્ એવ તસ્ય અપિ તત્ત્વં યા દ્વય-શૂન્યતા
03214 તદ્-ભેદ-આશ્રયિણી ચ ઇયં ભાવાનાં ભેદ-સંસ્થિતિઃ
03214 તદ્-ઉપપ્લવ-ભાવે ચ તેષાં ભેદો અપ્ય્ ઉપપ્લવઃ
03215 ન ગ્રાહ્ય-ગ્રાહક-આકાર-બાહ્યમ્ અસ્તિ ચ લક્ષણમ્
03215 અતો લક્ષણ-શૂન્યત્વાન્ નિઃસ્વભાવાઃ પ્રકાશિતાઃ

03216 વ્યાપાર-ઉપાધિકં સર્વં સ્કન્ધ-આદીનાં વિશેષતઃ
03216 લક્ષણં સ ચ તત્ત્વં ન તેન અપ્ય્ એતે વિલક્ષણાઃ
03217 યથા સ્વ-પ્રત્યય-અપેક્ષાદ્ અવિદ્યા-ઉપપ્લુત-આત્મનામ્
03217 વિજ્ઞપ્તિર્ વિતથ-આકારા જાયતે તિમિર-આદિ-વત્
03218 અસંવિદિત-તત્ત્વા ચ સા સર્વ-અપર-દર્શનૈઃ
03218 અસમ્ભવાદ્ વિના તેષાં ગ્રાહ્ય-ગ્રાહક-વિપ્લવૈઃ
03219 તદ્-ઉપેક્ષિત-તત્ત્વ-અર્થૈઃ કૃત્વા ગજ-નિમીલનમ્
03219 કેવલં લોક-બુદ્ધ્યા એવ બાહ્ય-ચિન્તા પ્રતન્યતે
03220 નીલ-આદિશ્ ચિત્ર-વિજ્ઞાને જ્ઞાન-ઉપાધિર્ અનન્યભાક્
03220 અશક્ય-દર્શનસ્ તં હિ પતત્ય્ અર્થે વિવેચયન્
03221 યદ્ યથા ભાસતે જ્ઞાનં તત્ તથા એવ પ્રકાશતે
03221 ઇતિ નામ એક-ભાવઃ સ્યાચ્ ચિત્ર-આકારસ્ય ચેતસિ
03222 પટ-આદિ-રૂપસ્ય એકત્વે તથા સ્યાદ્ અવિવેકિતા
03222 વિવેકી ન વિવક્ષા અન્યદ્ અવિવેકી ચ ન ઈક્ષતે
03223 કો વા વિરોધો બહવઃ સંજાત-અતિશયાઃ પૃથક્
03223 ભવેયુઃ કારણં બુદ્ધેર્ યદિ ન આત્મ-ઇન્દ્રિય-આદિ-વત્
03224 હેતુ-ભાવાદ્ ઋતે ન અન્યા ગ્રાહ્યતા નામ કાચન
03224 તત્ર બુદ્ધિર્ યદ્ આભાસા તસ્યાસ્ તદ્-ગ્રાહ્યમ્ ઉચ્યતે
03225 કથં વા અવયવી ગ્રાહ્યઃ સકૃત્ સ્વ-અવયવૈઃ સહ
03225 ન હિ ગો-પ્રત્યયો દૃષ્ટઃ સાસ્ના-આદીનામ્ અદર્શને
03226 ગુણ-પ્રધાન-અધિગમઃ સહ અપ્ય્ અભિમતો યદિ
03226 સમ્પૂર્ણ-અઙ્ગો ન ગૃહ્યેત સકૃન્ ન અપિ ગુણ-આદિમાન્
03227 વિવક્ષા-પરતન્ત્રત્વાદ્ વિશેષણ-વિશેષ્યયોઃ
03227 યદ્ અઙ્ગ-ભાવેન ઉપાત્તન્ તત્ તેન એવ હિ ગૃહ્યતે
03228 સ્વતો વસ્ત્વ્-અન્તર-અભેદાદ્ ગુણ-આદેર્ ભેદકસ્ય ચ
03228 અગ્રહાદ્ ભેદ-બુદ્ધિઃ સ્યાત્ પશ્યતો અપ્ય્ અપરાપરમ્
03229 ગુણ-આદિ-ભેદ-ગ્રહણાન્ નાનાત્વ-પ્રતિપદ્ યદિ
03229 અસ્તુ નામ તથા અપ્ય્ એષાં ભવેત્ સમ્બન્ધિ-સંકરઃ
03230 શબ્દ-આદીનામ્ અનેકત્વાત્ સિદ્ધો અનેક-ગ્રહઃ સકૃત્
03230 સંનિવેશ-ગ્રહ-અયોગાદ્ અગ્રહે સંનિવેશિનામ્
03231 સર્વતો વિનિવૃત્તસ્ય વિનિવૃત્તિર્ યતો યતઃ
03231 તદ્-ભેદ-ઉન્નીત-ભેદો અસૌ ધર્મિણો અનેક-રૂપતા
03232 તે કલ્પિતા રૂપ-ભેદા નિર્વિકલ્પસ્ય ચેતસઃ
03232 ન વિચિત્રસ્ય ચિત્ર-આભાઃ કાદાચિત્કસ્ય ગોચરઃ
03233 યદ્ય્ અપ્ય્ અસ્તિ સિતત્વ-આદિર્ યાદૃગ્ ઇન્દ્રિય-ગોચરઃ
03233 ન સો અભિધીયતે શબ્દૈર્ જ્ઞાનયો રૂપ-ભેદતઃ
03234 એક-અર્થત્વે અપિ બુદ્ધીનાં નાના-આશ્રયતા સ ચેત્
03234 શ્રોતૃ-આદિ-ચિત્તાનિ ઇદાનીં ભિન્ન-અર્થાનિ ઇતિ તત્ કુતઃ
03235 જાતો નામ આશ્રયો અન્યોન્યઃ ચેતસાં તસ્ય વસ્તુનઃ
03235 એકસ્ય એવ કુતો રૂપં ભિન્ન-આકાર-અવભાસિ તત્

03236 વૃત્તેર્ દૃશ્ય-અપરામર્શેન અભિધાન-વિકલ્પયોઃ
03236 દર્શનાત્ પ્રત્યભિજ્ઞાનં ગવ-આદીનાં નિવારિતમ્
03237 અન્વયાચ્ ચ અનુમાનં યદ્ અભિધાન-વિકલ્પયોઃ
03237 દૃશ્યે ગવ-આદૌ જાત્ય્-આદેસ્ તદ્ અપ્ય્ એતેન દૂષિતમ્
03238 દર્શનાન્ય્ એવ ભિન્નાન્ય્ અપ્ય્ એકાં કુર્વન્તિ કલ્પનામ્
03238 પ્રત્યભિજ્ઞાન-સંખ્યાતાં સ્વભાવેન ઇતિ વર્ણિતમ્
03239 પૂર્વ-અનુભૂત-ગ્રહણે માનસસ્ય અપ્રમાણતા
03239 અદૃષ્ટ-ગ્રહણે અન્ધ-આદેર્ અપિ સ્યાદ્ અર્થ-દર્શનમ્
03240 ક્ષણિકત્વાદ્ અતીતસ્ય દર્શને ચ ન સમ્ભવઃ
03240 વાચ્યમ્ અક્ષણિકત્વે સ્યાલ્ લક્ષણં સ-વિશેષણમ્
03241 નિષ્પાદિત-ક્રિયે કંચિદ્ વિશેષમ્ અસમાદધત્
03241 કર્મણ્ય્ ઐન્દ્રિયમ્ અન્યદ્ વા સાધનં કિમ્ ઇતિ ઇષ્યતે
03242 સકૃદ્ ભાવશ્ ચ સર્વાસાં ધિયાં તદ્ભાવ-જન્મનામ્
03242 અન્યૈર્ અકાર્ય-ભેદસ્ય તદ્-અપેક્ષ-અવિરોધતઃ
03243 તસ્માદ્ ઇન્દ્રિય-વિજ્ઞાન-અનન્તર-પ્રત્યય-ઉદ્ભવઃ
03243 મનો અન્યમ્ એવ ગૃહ્ણાતિ વિષયં ન અન્ધદૃક્ તતઃ
03244 સ્વાર્થ-અન્વય-અર્થ-અપેક્ષા એવ હેતુર્ ઇન્દ્રિયજા મતિઃ
03244 તતો અન્ય-ગ્રહણે અપ્ય્ અસ્ય નિયત-ગ્રાહ્યતા મતા
03245 તદ્ અતુલ્ય-ક્રિયા-કાલઃ કથમ્ સ્વ-જ્ઞાન-કાલિકઃ
03245 સહકારિ ભવેદ્ અર્થ ઇતિ ચેદ્ અક્ષ-ચેતસઃ
03246 અસતઃ પ્રાગ્ અસામર્થ્યાત્ પશ્ચાચ્ ચ અનુપયોગતઃ
03246 પ્રાગ્ભાવઃ સર્વ-હેતૂનાં ન અતો અર્થઃ સ્વ-ધિયા સહ
03247 ભિન્ન-કાલં કથં ગ્રાહ્યમ્ ઇતિ ચેદ્ ગ્રાહ્યતાં વિદુઃ
03247 હેતુત્વમ્ એવ યુક્તિજ્ઞા જ્ઞાન-આકાર-અર્પણ-ક્ષમમ્
03248 કાર્યં હ્ય્ અનેક-હેતુત્વે અપ્ય્ અનુકુર્વદ્ ઉદેતિ યત્
03248 તત્ તેન અર્પિત-તદ્-રૂપં ગૃહીતમ્ ઇતિ ચ ઉચ્યતે
03249 અશક્ય-સમયો હ્ય્ આત્મા રાગ-આદીનામ્ અનન્યભાક્
03249 તેષામ્ અતઃ સ્વસંવિત્તિર્ ન અભિજલ્પ-અનુષઙ્ગિણી
03250 અવેદકાઃ પરસ્ય અપિ તે સ્વરૂપં કથં વિદુઃ
03250 એક-અર્થ-આશ્રયિણા વેદ્યા વિજ્ઞાનેન ઇતિ કેચન
03251 તદ્-અતદ્-રૂપિણો ભાવાસ્ તદ્-અતદ્-રૂપ-હેતુજાઃ
03251 તત્-સુખ-આદિ કિમ્ અજ્ઞાનં વિજ્ઞાન-અભિન્ન-હેતુજમ્
03252 સા અર્થે સતિ ઇન્દ્રિયે યોગ્યે યથાસ્વમ્ અપિ ચેતસિ
03252 દૃષ્ટં જન્મ સુખ-આદીનાં તત્-તુલ્યં મનસામ્ અપિ
03253 અસત્સુ સત્સુ ચ એતેષુ ન જન્મ-અજન્મ વા ક્વચિત્
03253 દૃષ્ટં સુખ-આદેર્ બુદ્ધેર્ વા ત તતો ન અન્યતશ્ ચ તે
03254 સુખ-દુઃખ-આદિ-ભેદશ્ ચ તેષામ્ એવ વિશેષતઃ
03254 તસ્યા એવ યથા બુદ્ધેર્ માન્દ્ય-પાટવ-સંશ્રયાઃ
03255 યસ્ય અર્થસ્ય નિપાતેન તે જાતા ધી-સુખ-આદયઃ
03255 તં મુક્ત્વા પ્રતિપદ્યેત સુખ-આદીન્ એવ સા કથમ્

03256 અવિચ્છિન્ના ન ભાસેત તત્-સંવિત્તિઃ ક્રમ-ગ્રહે
03256 તલ્-લાઘવાચ્ ચેત્ તત્-તુલ્યમ્ ઇત્ય્ અસંવેદનં ન કિમ્
03257 ન ચ એકયા દ્વય-જ્ઞાનં નિયમાદ્ અક્ષ-ચેતસઃ
03257 સુખ-આદ્ય્-અભાવે અપ્ય્ અર્થાચ્ ચ જાતેઃ તચ્ શક્ત્ય્-અસિદ્ધિતઃ
03258 પૃથક્ પૃથક્ ચ સામર્થ્યે દ્વયોર્ નીલ-આદિ-વત્ સુખમ્
03258 ગૃહ્યેત કેવલં તસ્ય તદ્-હેત્વ્-અર્થમ્ અગૃહ્ણતઃ
03259 ન હિ સંવેદનં યુક્તમ્ અર્થેન એવ સહ-ગ્રહે
03259 કિં સામર્થ્યં સુખ-આદીનાં ન ઇષ્ટા ધીર્ યત્ તદ્ ઉદ્ભવા
03260 વિના અર્થેન સુખ-આદીનાં વેદને ચક્ષુર્-આદિભિઃ
03260 રૂપ-આદિઃ સ્ત્ર્ય્-આદિ-ભેદો અક્ષણા ન ગૃહ્યેત કદાચન
03261 ન હિ સત્ય્ અન્તરઙ્ગે અર્થે શક્તેર્ ધીર્ બાહ્ય-દર્શની
03261 અર્થ-ગ્રહે સુખ-આદીનાં તજ્-જાનાં સ્યાદ્ અવેદનમ્
03262 ધિયોર્ યુગપદ્ ઉત્પત્તૌ તત્-તદ્-વિષય-સમ્ભવાત્
03262 સુખ-દુઃખ-વિદૌ સ્યાતાં સકૃદ્ અર્થસ્ય સમ્ભવે
03263 સત્ય્ આન્તરે અપ્ય્ ઉપાદાને જ્ઞાને દુઃખ-આદિ-સમ્ભવઃ
03263 ન ઉપાદાનં વિરુદ્ધસ્ય તચ્ ચ એકમ્ ઇતિ ચેન્ મતમ્
03264 અવિજ્ઞાનસ્ય વિજ્ઞાનં કેન ઉપાદાન-કારણમ્
03264 આધિપત્યં તુ કુર્વીત તદ્-વિરુદ્ધે અપિ દૃશ્યતે
03265 અક્ષ્ણોર્ યથા એક આલોકો નક્તંચર-તદ્-અન્યયોઃ
03265 રૂપ-દર્શન-વૈગુણ્ય-અવૈગુણ્યે કુરુતે સકૃત્
03266 તસ્માત્ સુખ-આદયો અર્થાનાં સ્વ-સંક્રાન્ત-અવભાસિનામ્
03266 વેદકાઃ સ્વાત્મનશ્ ચ એષામ્ અર્થેભ્યો જન્મ કેવલમ્
03267 અર્થ-આત્મા સ્વાત્મભૂતો હિ તેષાં તૈર્ અનુભૂયતે
03267 તેન અર્થ-અનુભવ-ખ્યાતિર્ આલમ્બસ્ તુ તદ્-આભતા
03268 કશ્ચિદ્ બહિઃ સ્થિતાન્ એવ સુખ-આદીન્ અપ્રચેતનાન્
03268 ગ્રાહ્યાન્ આહ ન તસ્ય અપિ સકૃદ્ યુક્તો દ્વય-ગ્રહઃ
03269 સુખ-આદ્ય્-અભિન્ન-રૂપત્વાન્ નીલ-આદેશ્ ચેત્ સકૃદ્ ગ્રહઃ
03269 ભિન્ન-અવભાસિનોર્ ગ્રાહ્યં ચેતસોસ્ તદ્ અભેદિ કિમ્
03270 તસ્ય અવિશેષે બાહ્યસ્ય ભાવના-તારતમ્યતઃ
03270 તારતમ્યં ચ બુદ્ધૌ સ્યાન્ ન પ્રીતિ-પરિતાપયોઃ
03271 સુખ-આદ્ય્-આત્મતયા બુદ્ધેર્ અપિ યદ્ય્ અવિરોધિતા
03271 સ ઇદાનીં કથં બાહ્યઃ સુખ-આદ્ય્-આત્મા ઇતિ ગમ્યતે
03272 અગ્રાહ્ય-ગ્રાહકત્વાચ્ ચેદ્ ભિન્ન-જાતીયયોઃ
03272 અગ્રાહકઃ સ્યાત્ સર્વસ્ય તતો હીયેત ભોક્તૃતા
03273 કાર્યકારણતા અનેન પ્રત્યુક્ત-અકાર્યકારણે
03273 ગ્રાહ્યગ્રાહકતા-અભાવાદ્ ભાવે અન્યત્ર અપિ સા ભવેત્
03274 તસ્માત્ ત આન્તરા એવ સંવેદ્યત્વાચ્ ચ ચેતનાઃ
03274 સંવેદનં ન યદ્ રૂપં ન હિ તત્ તસ્ય વેદનમ્
03275 અતત્-સ્વભાવો અનુભવો બૌદ્ધાંસ્ તાન્ સમવૈતિ ચેત્
03275 મુક્ત્વા અધ્યક્ષ-સ્મૃત-આકારાં સંવિત્તિં બુદ્ધિર્ અત્ર કા

03276 તાંસ્ તાન્ અર્થ-અનુપાદાય સુખ-દુઃખ-આદિ-વેદનમ્
03276 એકમ્ આવિર્ભવદ્ દૃષ્ટં ન દૃષ્ટં ત્વ્ અન્યદ્ અન્તરા
03277 સંસર્ગાદ્ અવિભાગશ્ ચેદ્ અયો-ગોલક-વહ્નિ-વત્
03277 ભેદ-અભેદ-વ્યવસ્થા એવમ્ ઉચ્છિન્ના સર્વ-વસ્તુષુ
03278 અભિન્ન-વેદનસ્ય ઐક્યે યન્ ન એવં તદ્-વિભેદ-વત્
03278 સિધ્યેદ્ અસાધનત્વે અસ્ય ન સિદ્ધં ભેદ-સાધનમ્
03279 ભિન્ન-આભઃ સિત-દુઃખ-આદિર્ અભિન્નો બુદ્ધિ-વેદને
03279 અભિન્ન-આભે વિભિન્ને ચેદ્ ભેદ-અભેદૌ કિમ્ આશ્રયૌ
03280 તિરસ્કૃતાનાં પટુના અપ્ય્ એકદા ભેદ-દર્શનાત્
03280 પ્રવાહે વિત્તિ-ભેદાનાં સિદ્ધા ભેદ-વ્યવસ્થિતિઃ
03281 પ્રાગુક્તં યોગિનાં જ્ઞાનં તેષાં તદ્ ભાવનામ્ અયમ્
03281 વિધૂત-કલ્પના-જાલં સ્પષ્ટમ્ એવ અવભાસતે
03282 કામ-શોક-ભય-ઉન્માદ-ચૌર-સ્વપ્ન-આદ્ય્-ઉપપ્લુતાઃ
03282 અભૂતાન્ અપિ પશ્યન્તિ પુરતો અવસ્થિતાન્ ઇવ
03283 ન વિકલ્પ-અનુબદ્ધસ્ય સ્પષ્ટ-અર્થ-પ્રતિભાસિતા
03283 સ્વપ્ને અપિ સ્મર્યતે સ્માર્તં ચ તત્ તાદૃગ્ અર્થવત્
03284 અશુભા પૃથિવી કૃત્સ્ન-આદ્ય્-અભૂતમ્ અપિ વર્ણ્યતે
03284 સ્પષ્ટ-આભં નિર્વિકલ્પં ચ ભાવના-બલ-નિર્મિતમ્
03285 તસ્માદ્ ભૂતમ્ અભૂતં વા યદ્ યદ્ એવ અભિભાવ્યતે
03285 ભાવના-પરિનિષ્પત્તૌ તત્ સ્ફુટ-અકલ્પ-ધી-ફલમ્
03286 તત્ર પ્રમાણં સંવાદિ યત્ પ્રાઙ્ નિર્ણીત-વસ્તુ-વત્
03286 તદ્-ભાવનાજં પ્રત્યક્ષમ્ ઇષ્ટં શેષા ઉપપ્લવાઃ
03287 શબ્દ-અર્થ-ગ્રાહિ યદ્ યત્ર તજ્-જ્ઞાનં તત્ર કલ્પના
03287 સ્વરૂપં ચ ન શબ્દ-અર્થસ્ તત્ર અધ્યક્ષમ્ અતો અખિલમ્
03288 ત્રિવિધં કલ્પના-જ્ઞાનમ્ આશ્રય-ઉપપ્લવ-ઉદ્ભવમ્
03288 અવિકલ્પકમ્ એકં ચ પ્રત્યક્ષ-આભં ચતુર્વિધમ્
03289 અનક્ષજત્વ-સિદ્ધ્ય્-અર્થમ્ ઉક્તે દ્વે ભ્રાન્તિ-દર્શનાત્
03289 સિદ્ધ-અનુમા-આદિ-વચનં સાધનાય એવ પૂર્વયોઃ
03290 સંકેત-સંશ્રય-અન્ય-અર્થ-સમારોપ-વિકલ્પને
03290 પ્રત્યક્ષ-અસન્ નિવૃત્તિત્વાત્ કદાચિદ્ ભ્રાન્તિ-કારણમ્
03291 યથા એવ ઇયં પરોક્ષ-અર્થ-કલ્પના સ્મરણ-આદિકા
03291 સમય-અપેક્ષિણી ન અર્થં પ્રત્યક્ષં પ્રત્યવસ્યતિ
03292 તથા અનુભૂત-સ્મરણમ્ અન્તરેણ ઘટ-આદિષુ
03292 ન પ્રત્યયો અનુયંસ્ તચ્ ચ પ્રત્યક્ષાત્ પરિહીયતે
03293 અપવાદશ્ ચતુર્થો અત્ર તેન ઉક્તમ્ ઉપઘાતજમ્
03293 કેવલં તત્ર તિમિરમ્ ઉપઘાત-ઉપલક્ષણમ્
03294 માનસં તદ્ અપિ ઇત્ય્ એકે તેષાં ગ્રન્થો વિરુધ્યતે
03294 નીલ-દ્વિ-ચન્દ્ર-આદિ-ધિયાં હેતુર્ અક્ષાણ્ય્ અપિ ઇત્ય્ અયમ્
03295 પારંપર્યેણ હેતુશ્ ચેદ્ ઇન્દ્રિય-જ્ઞાન-ગોચરે
03295 વિચાર્યમાણે પ્રસ્તાવો માનસસ્ય ઇહ કીદૃશઃ

03296 કિં વા ઐન્દ્રિયં યદ્ અક્ષાણાં ભાવ-અભાવ-અનુરોધિ ચેત્
03296 તત્-તુલ્યં વિક્રિયા-વચ્ ચેત્ સા ઇવ ઇયં કિં નિષિધ્યતે
03297 સર્પ-આદિ-ભ્રાન્તિ-વચ્ ચ અસ્યાઃ સ્યાદ્ અક્ષ-વિકૃતાવ્ અપિ
03297 નિવૃત્તિર્ ન નિવર્તેત નિવૃત્તે અપ્ય્ અક્ષ-વિપ્લવે
03298 કદાચિદ્ અન્ય-સન્તાને તથા એવ અપ્ય્ એત વાચકૈઃ
03298 દૃષ્ટ-સ્મૃતિમ્ અપેક્ષેત ન ભાસેત પરિસ્ફુટમ્
03299 સુપ્તસ્ય જાગ્રતો વા અપિ યા એવ ધીઃ સ્ફુટ-ભાસિની
03299 સા નિર્વિકલ્પ-ઉભયથા અપ્ય્ અન્યથા એવ વિકલ્પિકા
03300 તસ્માત્ તસ્ય અવિકલ્પે અપિ પ્રામાણ્યં પ્રતિષિધ્યતે
03300 વિસંવાદાત્ તદ્-અર્થં ચ પ્રત્યક્ષ-આભં દ્વિધા ઉદિતમ્
03301 ક્રિયા-સાધનમ્ ઇત્ય્ એવ સર્વં સર્વસ્ય કર્મણઃ
03301 સાધનં ન હિ તત્ તસ્યાઃ સાધનં યા ક્રિયા યતઃ
03302 તત્ર અનુભવ-માત્રેણ જ્ઞાનસ્ય સદૃશ-આત્મનઃ
03302 ભાવ્યં તેન આત્મના યેન પ્રતિકર્મ વિભજ્યતે
03303 અનાત્મભૂતો ભેદો અસ્ય વિદ્યમાનો અપિ હેતુષુ
03303 ભિન્ને કર્મણ્ય્ અભિન્નસ્ય ન ભેદેન નિયામકઃ
03304 તસ્માદ્ યતો અસ્ય આત્મ-ભેદો અસ્ય અધિગતિર્ ઇત્ય્ અયમ્
03304 ક્રિયાયાઃ કર્મ-નિયમઃ સિદ્ધા સા તત્-પ્રસાધના
03305 અર્થેન ઘટયત્ય્ એનાં ન હિ મુક્ત્વા અર્થ-રૂપતામ્
03305 અન્યઃ સ્વ-ભેદાજ્ જ્ઞાનસ્ય ભેદકો અપિ કથંચન
03306 તસ્માત્ પ્રમેય-અધિગતેઃ સાધનં મેય-રૂપતા
03306 સાધને અન્યત્ર તત્-કર્મ-સમ્બન્ધો ન પ્રસિધ્યતિ
03307 સા ચ તસ્ય આત્મભૂતા એવ તેન ન અર્થ-અન્તરં ફલમ્
03307 દધાનં તચ્ ચ તામ્ આત્મન્ય્ અર્થ-અધિગમન-આત્મના
03308 સવ્યાપારમ્ ઇવ આભાતિ વ્યાપારેણ સ્વ-કર્મણિ
03308 તદ્-વશાત્ તદ્-વ્યવસ્થાનાદ્ અકારકમ્ અપિ સ્વયમ્
03309 યથા ફલસ્ય હેતૂનાં સદૃશ-આત્મતયા ઉદ્ભવાત્
03309 હેતુ-રૂપ-ગ્રહો લોકે ક્રિયાવત્ત્વે અપિ કથ્યતે
03310 આલોચના-અક્ષ-સમ્બન્ધ-વિશેષણ-ધિયામતઃ
03310 ન ઇષ્ટં પ્રામાણ્યમ્ એતેષાં વ્યવધાનાત્ ક્રિયાં પ્રતિ
03311 સર્વેષામ્ ઉપયોગે અપિ કારકાણાં ક્રિયાં પ્રતિ
03311 યદ્ અન્ત્યં ભેદકં તસ્યાસ્ તત્-સાધકતમં મતમ્
03312 સર્વ-સામાન્ય-હેતુત્વાદ્ અક્ષાણામ્ અસ્તિ ન ઈદૃશમ્
03312 તદ્-ભેદે અપિ હ્ય્ અભિન્નસ્ય તસ્ય ઇદમ્ ઇતિ તત્ કુતઃ
03313 એતેન શેષં વ્યાખ્યાતં વિશેષણ-ધિયાં પુનઃ
03313 અતાદ્રૂપ્યે ન ભેદો અપિ તદ્વદ્ અન્ય-ધિયો અપિ વા
03314 ન ઇષ્ટો વિષય-ભેદો અપિ ક્રિયા-સાધનયોર્ દ્વયોઃ
03314 એક-અર્થત્વે દ્વયં વ્યર્થં ન ચ સ્યાત્ ક્રમ-ભાવિતા
03315 સાધ્યસાધનતાભાવઃ સકૃદ્-ભાવે ધિયો અંશયોઃ
03315 તદ્-વ્યવસ્થા-આશ્રયત્વેન સાધ્ય-સાધન-સંસ્થિતિઃ

03316 સર્વ-આત્મના અપિ સમ્બદ્ધં કૈશ્ચિદ્ એવ અવગમ્યતે
03316 ધર્મૈઃ સ નિયમો ન સ્યાત્ સમ્બન્ધસ્ય અવિશેષતઃ
03317 તદ્ અભેદે અપિ ભેદો અયં યસ્માત્ તસ્ય પ્રમાણતા
03317 સંસ્કારાચ્ ચેદ્ અતાદ્રૂપ્યે ન તસ્ય અપ્ય્ અવ્યવસ્થિતેઃ
03318 ક્રિયા-કરણયોર્ ઐક્ય-વિરોધ ઇતિ ચેદ્ અસત્
03318 ધર્મ-ભેદ-અભ્યુપગમાદ્ વસ્ત્વ્-અભિન્નમ્ ઇતિ ઇષ્યતે
03319 એવંપ્રકારા સર્વા એવ ક્રિયા-કારક-સંસ્થિતિઃ
03319 ભાવે હ્ય્ અભિન્ન-અભિમતેષ્વ્ અધ્યારોપેણ વૃત્તિતઃ
03320 કા અર્થ સંવિદ્ યદ્ એવ ઇદં પ્રત્યક્ષં પ્રતિવેદનમ્
03320 તદ્-અર્થ-વેદનં કેન તાદ્રૂપ્યાદ્ વ્યભિચારિ તત્
03321 અથ સો અનુભવઃ ક્વ અસ્ય તદ્ એવ ઇદં વિચાર્યતે
03321 સરૂપવન્તિ તત્ કેન સ્થૂલ-આભાસશ્ ચ તે અણવઃ
03322 તન્ ન અર્થ-રૂપતા તસ્ય સત્ય-અર્થ-અવ્યભિચારિણી
03322 તત્ સંવેદન-ભાવસ્ય ન સમર્થા પ્રસાધને
03323 તત્ સારૂપ્ય-તદુત્પત્તી યદિ સંવેદ્ય-લક્ષણમ્
03323 સંવેદ્યં સ્યાત્ સમાન-અર્થં વિજ્ઞાનં સમનન્તરમ્
03324 ઇદં દૃષ્ટં શ્રુતં વેદમ્ ઇતિ યત્ર અવસાય-ધીઃ
03324 સ તસ્ય અનુભવઃ સા એવ પ્રત્યાસત્તિર્ વિચાર્યતે
03325 દૃશ્ય-દર્શનયોર્ યેન તસ્ય તત્-સાધનં મતમ્
03325 તયોઃ સમ્બન્ધમ્ આશ્રિત્ય દ્રષ્ટુર્ એષ વિનિશ્ચયઃ
03326 આત્મા સ તસ્ય અનુભવઃ સ ચ ન અન્યસ્ય કસ્યચિત્
03326 પ્રત્યક્ષ-પ્રતિવેદ્યત્વમ્ અપિ તસ્ય તદાત્મતા
03327 ન અન્યો અનુભાવ્યસ્ તેન અસ્તિ તસ્ય ન અનુભવો પરઃ
03327 તસ્ય અપિ તુલ્ય-ચોદ્યત્વાત્ સ્વયં સા એવ પ્રકાશતે
03328 નીલ-આદિ-રૂપસ્ તસ્ય અસૌ સ્વભાવો અનુભવશ્ ચ સઃ
03328 નીલ-આદ્ય્-અનુભવઃ ખ્યાતઃ સ્વરૂપ-અનુભવો અપિ સન્
03329 પ્રકાશમાનસ્ તાદાત્મ્યાત્ સ્વરૂપસ્ય પ્રકાશકઃ
03329 યથા પ્રકાશો અભિમતસ્ તથા ધીર્ આત્મ-વેદિની
03330 તસ્યાશ્ ચ અર્થ-અન્તરે વેદ્યે દુર્ઘટૌ વેદ્ય-વેદકૌ
03330 અવેદ્ય-વેદક-આકારા યથા ભ્રાન્તૈર્ નિરીક્ષ્યતે
03331 વિભક્ત-લક્ષણ-ગ્રાહ્ય-ગ્રાહક-આકાર-વિપ્લવા
03331 તથા અકૃત-વ્યવસ્થા ઇયં કેશ-આદિ-જ્ઞાન-ભેદ-વત્
03332 યદા તદા ન સંચોદ્ય-ગ્રાહ્ય-ગ્રાહક-લક્ષણા
03332 તદા અન્ય-સંવિદો અભાવાત્ સ્વસંવિત્ ફલમ્ ઇષ્યતે
03333 યદિ બાહ્યો અનુભૂયેત કો દોષો ન એવ કશ્ચન
03333 ઇદમ્ એવ કિમ્ ઉક્તં સ્યાત્ સ બાહ્યો અર્થો અનુભૂયેત
03334 યદિ બુદ્ધિસ્ તદ્-આકારા સા અસ્ત્ય્ આકાર-નિવેશિની
03334 સા બાહ્યાદ્ અન્યતો વા ઇતિ વિચારમ્ ઇદમ્ અર્હતિ
03335 દર્શન-ઉપાધિ-રહિતસ્ય અગ્રહાત્ તદ્-ગ્રહે ગ્રહાત્
03335 દર્શનં નીલ-નિર્ભાસં ન અર્થો બાહ્યો અસ્તિ કેવલઃ

03336 કસ્યચિત્ કિંચિદ્ એવ અન્તર્વાસનાયાઃ પ્રબોધકમ્
03336 તતો ધિયાં વિનિયમો ન બાહ્ય-અર્થ-વ્યપેક્ષયા
03337 તસ્માદ્ દ્વિ-રૂપમ્ અસ્ત્ય્ એકં યદ્ એવમ્ અનુભૂયતે
03337 સ્મર્યતે ચ ઉભય-આકારસ્ય અસ્ય સંવેદનં ફલમ્
03338 યદા નિષ્પન્ન-તદ્ભાવ ઇષ્ટો અનિષ્ટો અપિ વા પરઃ
03338 વિજ્ઞપ્તિ-હેતુર્ વિષયસ્ તસ્યાશ્ ચ અનુભવસ્ તથા
03339 યદા સવિષયં જ્ઞાનં જ્ઞાન-અંશે અર્થ-વ્યવસ્થિતેઃ
03339 તદા ય આત્મ-અનુભવઃ સ એવ અર્થ-વિનિશ્ચયઃ
03340 યદિ ઇષ્ટ-આકાર આત્મા સ્યાદ્ અન્યથા વા અનુભૂયતે
03340 ઇષ્ટો અનિષ્ટો અપિ વા તેન ભવત્ય્ અર્થઃ પ્રવેદિતઃ
03341 વિદ્યમાને અપિ બાહ્ય-અર્થે યથાનુભવમ્ એવ સઃ
03341 નિશ્ચિત-આત્મા સ્વરૂપેણ ન અનેક-આત્મત્વ-દોષતઃ
03342 યદિ બાહ્યં ન વિદ્યેત કસ્ય સંવેદનં ભવેત્
03342 યદ્ય્ અગત્યા સ્વરૂપસ્ય બાહ્યસ્ય એવ ન કિં મતમ્
03343 અભ્યુપાયે અપિ ભેદેન ન સ્યાદ્ અનુભવો દ્વયોઃ
03343 અદૃષ્ટ-આવરણાન્ નો ચેન્ ન નામ-અર્થ-વશા ગતિઃ
03344 તમ્ અનેક-આત્મકં ભાવમ્ એક-આત્મત્વેન દર્શયેત્
03344 તદ્ અદૃષ્ટં કથં નામ ભવેદ્ અર્થસ્ય વેદકમ્
03345 ઇષ્ટ-અનિષ્ટ-અવભાસિન્યઃ કલ્પના ન અક્ષ-ધીર્ યદિ
03345 અનિષ્ટ-આદાવ્ અસન્ધાનં દૃષ્ટં તત્ર અપિ ચેતસામ્
03346 તસ્માત્ પ્રમેયે બાહ્યે અપિ યુક્તં સ્વ-અનુભવઃ ફલમ્
03346 યતઃ સ્વભાવો અસ્ય યથા તથા એવ અર્થ-વિનિશ્ચયઃ
03347 તદા અર્થ-આભાસતા એવ અસ્ય પ્રમાણં ન તુ સન્ન્ અપિ
03347 ગ્રાહક-આત્મા અપરાર્થત્વાદ્ બાહ્યેષ્વ્ અર્થેષ્વ્ અપેક્ષ્યતે
03348 યસ્માદ્ યથા નિવિષ્ટો અસાવ્ અર્થ-આત્મા પ્રત્યયે તથા
03348 નિશ્ચીયતે નિવિષ્ટો અસાવ્ એવમ્ ઇત્ય્ આત્મ-સંવિદઃ
03349 ઇત્ય્ અર્થ-સંવિત્ સા એવ ઇષ્ટા યતો અર્થ-આત્મા ન દૃશ્યતે
03349 તસ્યા બુદ્ધિ-નિવેશ્ય-અર્થઃ સાધનં તસ્ય સા ક્રિયા
03350 યથા નિવિશતે સો અર્થઃ તથા હિ સ પ્રકાશતે
03350 અર્થ-સ્થિતેસ્ તદાત્મત્વાત્ સ્વવિદ્ અપ્ય્ અર્થવિન્ મતા
03351 તસ્માદ્ વિષય-ભેદો અપિ ન સ્વસંવેદનં ફલમ્
03351 ઉક્તં સ્વભાવ-ચિન્તાયાં તાદાત્મ્યાદ્ અર્થ-સંવિદઃ
03352 તથા અવભાસમાનસ્ય તાદૃશો અન્ય-અદૃશો અપિ વા
03352 જ્ઞાનસ્ય હેતુર્ અર્થો અપિ ઇત્ય્ અર્થસ્ય ઇષ્ટા પ્રમેયતા
03353 યથા કથંચિન્ ન અસ્ય અર્થ-રૂપં યુક્ત્યા અવભાસિનઃ
03354 અવિભાગો અપિ બુદ્ધ્ય્-આત્મ-વિપર્યાસિત-દર્શનૈઃ
03354 ગ્રાહ્ય-ગ્રાહક-સંવિત્તિ-ભેદવાન્ ઇવ લક્ષ્યતે
03355 મન્ત્ર-આદ્ય્-ઉપપ્લુત-અક્ષાણાં યથા મૃચ્છકલ-આદયઃ
03355 અન્યથા એવ અવભાસન્તે તદ્-રૂપ-રહિતા અપિ
03356 તથા એવ અદર્શનાત્ તેષામ્ અનુપપ્લુત-ચક્ષુષામ્

03356 દૂરે યથા વા મરુષુ મહાન્ અલ્પો અપિ દૃશ્યતે
03357 યથા અનુદર્શનં ચ ઇયં મેય-માન-ફલ-સ્થિતિઃ
03357 ક્રિયતે અવિદ્યમાના અપિ ગ્રાહ્ય-ગ્રાહક-સંવિદામ્
03358 અન્યથા એકસ્ય ભાવસ્ય નાના-રૂપ-અવભાસિનઃ
03358 સત્યં કથં સ્યુર્ આકારાસ્ તદ્ એકત્વસ્ય હાનિતઃ
03359 અન્યસ્ય અન્યત્વ-હાનેશ્ ચ ન અભેદો અરૂપ-દર્શનાત્
03359 રૂપ-અભેદં હિ પશ્યન્તી ધીર્ અભેદં વ્યવસ્યતિ
03360 ભાવા યેન નિરૂપ્યન્તે તદ્-રૂપં ન અસ્તિ તત્ત્વતઃ
03360 યસ્માદ્ એકમ્ અનેકં વા રૂપં તેષાં ન વિદ્યતે
03361 સાધર્મ્ય-દર્શનાલ્ લોકે ભ્રાન્તિર્ન્ નામ ઉપજાયતે
03361 અતદાત્મનિ તાદાત્મ્ય-વ્યવસાયેન ન ઇહ તત્
03362 અદર્શનાજ્ જગત્ યસ્મિન્ન્ એકસ્ય અપિ તદાત્મનઃ
03362 અસ્તિ ઇયમ્ અપિ યા ત્વ્ અન્તર્ ઉપપ્લવ-સમુદ્ભવા
03363 દોષ-ઉદ્ભવા પ્રકૃત્યા સા વિતથ-પ્રતિભાસિની
03363 અનપેક્ષિત-સાધર્મ્ય-દૃગ્-આદિસ્ તૈમિર-આદિ-વત્
03364 તત્ર બુદ્ધેઃ પરિચ્છેદો ગ્રાહક-આકાર-સમ્મતઃ
03364 તાદાત્મ્યાદ્ આત્મવિત્ તસ્ય સ તસ્યા સાધનં તતઃ
03365 તત્ર આત્મ-વિષયે માને યથા રાગ-આદિ-વેદનમ્
03365 ઇયં સર્વત્ર સંયોજ્યા માન-મેય-ફલ-સ્થિતિઃ
03366 તત્ર અપ્ય્ અનુભવ-આત્મત્વાત્ તે યોગ્યાઃ સ્વાત્મસંવિદિ
03366 ઇતિ સા યોગ્યતા માનમ્ આત્મા મેયઃ ફલં સ્વવિત્
03367 ગ્રાહક-આકાર-સંખ્યાતા પરિચ્છેદ-આત્મતા આત્મનિ
03367 સા યોગ્યતા ઇતિ ચ પ્રોક્તં પ્રમાણં સ્વાત્મવેદનમ્
03368 સર્વમ્ એવ હિ વિજ્ઞાનં વિષયેભ્યઃ સમુદ્ભવત્
03368 તદ્-અન્યસ્ય અપિ હેતુત્વે કથં સ્યાદ્ વિષય-આકૃતિઃ
03369 યથા એવ આહાર-કાલ-આદેર્ હેતુત્વે અપત્ય-જન્મનિ
03369 પિત્રોસ્ તદ્ એકસ્ય આકારં ધત્તે ન અન્યસ્ય કસ્યચિત્
03370 તદ્-હેતુત્વેન તુલ્યે અપિ તદ્-અન્ય-વિષયં મતમ્
03370 વિષયત્વં તદ્-અઙ્ગેન તદ્-અભાવે ન તદ્ ભવેત્
03371 અનર્થ-આકાર-શઙ્કા સ્યાદ્ અપ્ય્ અર્થવતિ ચેતસિ
03371 અતીત-અર્થ-ગ્રહે સિદ્ધે દ્વિરૂપત્વ-આત્મ-વેદને
03372 નીલ-આદ્ય્-આભાસ-ભેદિત્વાન્ ન અર્થો જાતિર્ અતદ્વતી
03372 સા વા અનિત્યા ન જાતિઃ સ્યાન્ નિત્યા વા જનિકા કથમ્
03373 નામ-આદિકં નિષિદ્ધં પ્રાઙ્ ન અયમ્ અર્થવતાં ક્રમઃ
03373 ઇચ્છા-માત્ર-અનુબન્ધિત્વાદ્ અર્થ-શક્તિર્ન્ ન સિધ્યતિ
03374 સ્મૃતિશ્ ચ ઈદૃગ્વિધં જ્ઞાનં તસ્યાશ્ ચ અનુભવાદ્ ભવઃ
03374 સ ચ અર્થ-આકાર-રહિતઃ સા ઇદાનીં તદ્વતી કથમ્
03375 ન અર્થાદ્ ભાવસ્ તદા અભાવાત્ સ્યાત્ તથા અનુભવે અપિ સઃ
03375 આકારઃ સ ચ ન અર્થસ્ય સ્પષ્ટ-આકાર-વિવેકતઃ
03376 વ્યતિરિક્તં તમ્ આકારં પ્રતીયાદ્ અપરસ્ તથા

03376 નિત્યમ્ આત્મનિ સમ્બન્ધે પ્રતીયાત્ કથિતં ચ ન
03377 એકા એકેન અભિસમ્બન્ધે પ્રતિસન્ધિર્ ન યુજ્યતે
03377 એક-અર્થ-અભિનિવેશ-આત્મા પ્રવક્તૃ-શ્રોતૃ-ચેતસોઃ
03378 તદ્ એક-વ્યવહારશ્ ચેત્ સાદૃશ્યાદ્ અતદાભયોઃ
03378 ભિન્ન-આત્મ-અર્થઃ કથં ગ્રાહ્યસ્ તદા સ્યાદ્ ધીર્ અનર્થિકા
03379 તચ્ ચ અનુભવ-વિજ્ઞાનમ્ ઉભય-અઙ્ગ-અવલમ્બિના
03379 એક-આકાર-વિશેષેણ તજ્-જ્ઞાનેન અનુબધ્યતે
03380 અન્યથા હ્ય્ અતદ્-આકારં કથં જ્ઞાને અધિરોહતિ
03380 એક-આકાર-ઉત્તરં જ્ઞાનં તથા હ્ય્ ઉત્તરમ્ ઉત્તરમ્
03381 તસ્ય અર્થ-રૂપેણ આકારાવ્ આત્મ-આકારશ્ ચ કશ્ચન
03381 દ્વિતીયસ્ય તૃતીયેન જ્ઞાનેન હિ વિવિચ્યતે
03382 અર્થ-કાર્યતયા જ્ઞાન-સ્મૃતાવ્ અર્થ-સ્મૃતેર્ યદિ
03382 ભ્રાન્ત્યા સઙ્કલનં જ્યોતિર્ મનસ્કારે ચ સા ભવેત્
03383 સર્વેષામ્ અપિ કાર્યાણાં કારણૈઃ સ્યાત્ તથા ગ્રહઃ
03383 કુલાલ-આદિ-વિવેકેન ન સ્મર્યેત ઘટસ્ તતઃ
03384 યસ્માદ્ અતિશયાજ્ જ્ઞાનમ્ અર્થ-સંસર્ગ-ભાજનમ્
03384 સારૂપ્યાત્ તત્ કિમ્ અન્યત્ સ્યાદ્ દૃષ્ટેશ્ ચ યમલ-આદિષુ
03385 આદ્યા અનુભય-રૂપત્વે હ્ય્ એક-રૂપે વ્યવસ્થિતમ્
03385 દ્વિતીયં વ્યતિરિચ્યેત ન પરામર્શ-ચેતસા
03386 અર્થ-સંકલન-અશ્લેષા ધીર્ દ્વિતીય-અવલમ્બતે
03386 નીલ-આદિ-રૂપેણ ધિયં ભાસમાનાં પુરસ્ તતઃ
03387 અન્યથા હ્ય્ આદ્યમ્ એવ એકં સંયોજ્યેત અર્થ-સમ્ભવાત્
03387 જ્ઞાનં ન અદૃષ્ટ-સમ્બન્ધં પૂર્વ-અર્થેન ઉત્તરોત્તરમ્
03388 સકૃત્-સંવેદ્યમાનસ્ય નિયમેન ધિયા સહ
03388 વિષયસ્ય તતો અન્યત્વં કેન આકારેણ સિધ્યતિ
03389 ભેદશ્ ચ ભ્રાન્તિ-વિજ્ઞાનૈર્ દૃશ્યેત ઇન્દાવ્ ઇવ અદ્વયે
03389 સંવિત્તિ-નિયમો ન અસ્તિ ભિન્નયોર્ નીલ-પીતયોઃ
03390 ન અર્થો અસંવેદનઃ કશ્ચિદ્ અનર્થસ્ય અપિ વેદનમ્
03390 દૃષ્ટં સંવેદ્યમાનં તત્ તયોર્ ન અસ્તિ વિવેકિતા
03391 તસ્માદ્ અર્થસ્ય દુર્વારં જ્ઞાન-કાલ-અવભાસિનઃ
03391 જ્ઞાનાદ્ અવ્યતિરેકિત્વં હેતુ-ભેદ-અનુમા ભવેત્
03392 અભાવાદ્ અક્ષ-બુદ્ધીનાં સત્સ્વ્ અપ્ય્ અન્યેષુ હેતુષુ
03392 નિયમં યદિ ન બ્રૂયાત્ પ્રત્યયાત્ સમનન્તરાત્
03393 બીજાદ્ અઙ્કુર-જન્મ-અગ્નેર્ ધૂમાત્ સિદ્ધિર્ અતીદૃશી
03393 બાહ્ય-અર્થ-આશ્રયિણી યા અપિ કારક-જ્ઞાપક-સ્થિતિઃ
03394 સા અપિ તદ્-રૂપ-નિર્ભાસાસ્ તથા નિયત-સંગમાઃ
03394 બુદ્ધિર્ આશ્રિત્ય કલ્પ્યેત યદિ કિં વા વિરુધ્યતે
03395 અનગ્નિ-જન્યો ધૂમઃ સ્યાત્ તત્-કાર્યાત્ કારણે અગતિઃ
03395 ન સ્યાત્ કારણતાયાં વા કુત એકાન્તતો ગતિઃ
03396 તત્ર અપિ ધૂમ-આભાસા ધીઃ પ્રબોધ-પટુ-વાસનામ્

03396 ગમયેદ્ અગ્નિ-નિર્ભાસાં ધિયમ્ એવ ન પાવકમ્
03397 તદ્-યોગ્ય-વાસના-ગર્ભ એવ ધૂમ-અવભાસિનીમ્
03397 વ્યનક્તિ ચિત્ત-સન્તાનો ધિયં ધૂમો અગ્નિતસ્ તતઃ
03398 અસ્ત્ય્ એષ વિદુષાં વાદો બાહ્યં ત્વ્ આશ્રિત્ય વર્ણ્યતે
03398 દ્વૈરૂપ્યં સહ-સંવિત્તિ-નિયમાત્ તચ્ ચ સિધ્યતે
03399 જ્ઞાનમ્ ઇન્દ્રિય-ભેદેન પટુ-મન્દ-આવિલ-આદિકામ્
03399 પ્રતિભાસ-ભિદામ્ અર્થે બિભ્રદ્ એકત્ર દૃશ્યતે
03400 અર્થસ્ય અભિન્ન-રૂપત્વાદ્ એક-રૂપં ભવેન્ મનઃ
03400 સર્વં તદ્-અર્થમ્ અર્થાચ્ ચેત્ તસ્ય ન અસ્તિ તદ્-આભતા
03401 અર્થ-આશ્રયેણ ઉદ્ભવતસ્ તદ્-રૂપમ્ અનુક્રુવતઃ
03401 તસ્ય કેનચિદ્ અંશેન પરતો અપિ ભિદા ભવેત્
03402 તથા હ્ય્ આશ્રિત્ય પિતરં તદ્-રૂપો અપિ સુતઃ પિતુઃ
03402 ભેદં કેનચિદ્ અંશેન કુતશ્ચિદ્ અવલમ્બતે
03403 મયૂર-ચન્દ્રક-આકારં નીલ-લોહિત-ભાસ્વરમ્
03403 સમ્પશ્યન્તિ પ્રદીપ-આદેર્ મણ્ડલં મન્દ-ચક્ષુષઃ
03404 તસ્ય તદ્-બાહ્ય-રૂપત્વે કા પ્રસન્ન-ઈક્ષણે અક્ષમા
03404 ભૂતં પશ્યંશ્ ચ તદ્-દર્શી કથં ચ ઉપહત-ઇન્દ્રિયઃ
03405 શોધિતં તિમિરેણ અસ્ય વ્યક્તં ચક્ષુર્ અતીન્દ્રિયમ્
03405 પશ્યતો અન્ય-અક્ષ-દૃશ્યે અર્થે તદ્-અવ્યક્તં કથં પુનઃ
03406 આલોક-અક્ષ-મનસ્કારાદ્ અન્યસ્ય એકસ્ય ગમ્યતે
03406 શક્તિર્ હેતુસ્ તતો ન અન્યો અહેતુશ્ ચ વિષયઃ કથમ્
03407 સ એવ યદિ ધી-હેતુઃ કિં પ્રદીપમ્ અપેક્ષતે
03407 દીપ-માત્રેણ સદ્ભાવાદ્ ઉભયં ન અપિ કારણમ્
03408 દૂર-આસન્ન-આદિ-ભેદેન વ્યક્ત-અવ્યક્તં ન યુજ્યતે
03408 તત્ સ્યાદ્ આલોક-ભેદાચ્ ચેત્ તત્ પિધાન-અપિધાનયોઃ
03409 તુલ્યા દૃષ્ટિર્ અદૃષ્ટિર્ વા સૂક્ષ્મો અંશસ્ તસ્ય કશ્ચન
03409 આલોકેન ન મન્દેન દૃશ્યતે અતો ભિદા યદિ
03410 એકત્વે અર્થસ્ય બાહ્યસ્ય દૃશ્ય-અદૃશ્ય-ભિદા કુતઃ
03410 અનેકત્વે અણુશો ભિન્નો દૃશ્ય-અદૃશ્ય-ભિદા કુતઃ
03411 માન્દ્ય-પાટાવ્ અભેદેન ભાસો બુદ્ધિ-ભિદા યદિ
03411 ભિન્ને અન્યસ્મિન્ન્ અભિન્નસ્ય કુતો ભેદેન ભાસનમ્
03412 મન્દં તદ્ અપિ તેજઃ કિમ્ આવૃત્તેર્ ઇહ સા ન કિમ્
03412 તનુત્વાત્ તેજસો અપ્ય્ એતદ્ અસ્ત્ય્ અન્યત્ર અપ્ય્ અતાનવમ્
03413 અત્યાસન્ને ચ સુવ્યક્તં તેજસ્ તત્ સ્યાદ્ અતિસ્ફુટમ્
03413 તત્ર અપ્ય્ અદૃષ્ટમ્ આશ્રિત્ય ભવેદ્ રૂપ-અન્તરં યદિ
03414 અન્યોન્ય-આવરણાત્ તેષાં સ્યાત્ તેજો વિહતિસ્ તતઃ
03414 તત્ર એકમ્ એવ દૃશ્યેત તસ્ય અનાવરણે સકૃત્
03415 પશ્યેત્ સ્ફુટ-અસ્ફુટં રૂપમ્ એકો અદૃષ્ટેન વારણે
03415 અર્થ-અનર્થૌ ન યેન સ્તસ્ તદ્-અદૃષ્ટં કરોતિ કિમ્
03416 તસ્માત્ સંવિદ્ યથાહેતુ જાયમાન-અર્થ-સંશ્રયાત્

03416 પ્રતિભાસ-ભિદાં ધત્તે શેષાઃ કુમતિ-દુર્નયાઃ
03417 જ્ઞાન-શબ્દ-પ્રદીપાનાં પ્રત્યક્ષસ્ય ઇતરસ્ય વા
03417 જનકત્વેન પૂર્વેષાં ક્ષણિકાનાં વિનાશતઃ
03418 વ્યક્તિઃ કુતો અસતાં જ્ઞાનાદ્ અન્યસ્ય અનુપકારિણઃ
03418 વ્યક્તૌ વ્યજ્યેત સર્વો અર્થસ્ તદ્-હેતોર્ નિયમો યદિ
03419 ન એષા અપિ કલ્પના જ્ઞાને જ્ઞાનં ત્વ્ અર્થ-અવભાસતઃ
03419 તં વ્યનક્તિ ઇતિ કથ્યેત તદ્-અભાવે અપિ તત્-કૃતમ્
03420 ન આકારયતિ ચ અન્યો અર્થો અનુપકારાત્ સહ-ઉદિતઃ
03420 વ્યક્તો ન આકારયન્ જ્ઞાનં સ્વ-આકારેણ કથં ભવેત્
03421 વજ્ર-ઉપલ-આદિર્ અપ્ય્ અર્થઃ સ્થિરઃ સો અન્ય-અનપેક્ષણાત્
03421 સકૃત્ સર્વસ્ય જનયેજ્ જ્ઞાનાનિ જગતઃ સમમ્
03422 ક્રમાદ્ ભવન્તિ તાન્ય્ અસ્ય સહકાર્ય્-ઉપકારતઃ
03422 આહુઃ પ્રતિક્ષણં ભેદં સ દોષો અત્ર અપિ પૂર્વવત્
03423 સંવેદનસ્ય તાદાત્મ્યે ન વિવાદો અસ્તિ કસ્યચિત્
03423 તસ્ય અર્થ-રૂપતા સિદ્ધા સા અપિ સિધ્યતિ સંસ્મૃતેઃ
03424 ભેદેન અનનુભૂતેસ્ ભિન્ન-વિભક્તે સ્વ-ગોચરૈઃ
03424 એવમ્ એતન્ ન ખલ્વ્ એવમ્ ઇતિ સા સ્યાન્ ન ભેદિની
03425 ન ચ અનુભવ-માત્રેણ કશ્ચિદ્ ભેદો વિવેચકઃ
03425 વિવેકિની ન ચ અસ્પષ્ટ-ભેદે ધીર્ યમલ-આદિ-વત્
03426 દ્વૈરૂપ્ય-સાધનેન અપિ પ્રાયઃ સિદ્ધં સ્વવેદનમ્
03426 સ્વરૂપભૂત-આભાસસ્ય તદા સંવેદન-ઈક્ષણાત્
03427 ધિયા અતદ્રૂપયા જ્ઞાને નિરુદ્ધે અનુભવઃ કુતઃ
03427 સ્વં ચ રૂપં ન સા વેત્તિ ઇત્ય્ ઉત્સન્નો અનુભવો અર્થિનઃ
03428 બહિર્ મુખં ચ તજ્-જ્ઞાનં ભાત્ય્ અર્થ-પ્રતિભાસ-વત્
03428 બુદ્ધેશ્ ચ ગ્રાહિકા બુદ્ધિર્ નિત્યમ્ અન્તર્મુખા-આત્મનિ
03429 યો યસ્ય વિષય-આભાસસ્ તં વેત્તિ ન તદ્ ઇત્ય્ અપિ
03429 પ્રાપ્તા કા સંવિદ્ અન્યા અસ્તિ તાદ્રૂપ્યાદ્ ઇતિ ચેન્ મતમ્
03430 પ્રાપ્તં સંવેદનં સર્વ-સદૃશાનાં પરસ્પરમ્
03430 બુદ્ધિઃ સરૂપા તદ્-વિચ્ ચેત્ ન ઇદાનીં વિત્-સરૂપિકા
03431 સ્વયં સો અનુભવસ્ તસ્યા ન સ સારૂપ્ય-કારણઃ
03431 ક્રિયા-કર્મ-વ્યવસ્થાયાસ્ તલ્-લોકે સ્યાન્ નિબન્ધનમ્
03432 સ્વભાવભૂત-તદ્-રૂપ-સંવિદ્ આરોપ-વિપ્લવાત્
03432 નીલ-આદેર્ અનુભૂત-આખ્યા ન અનુભૂતેઃ પર-આત્મનોઃ
03433 ધિયો નીલ-આદિ-રૂપત્વે બાહ્યો અર્થઃ કિં પ્રમાણકઃ
03433 ધિયો અનીલ-આદિ-રૂપત્વે સ તસ્ય અનુભવઃ કથમ્
03434 યદા સંવેદન-આત્મત્વં ન સારૂપ્ય-નિબન્ધનમ્
03434 સિદ્ધં તત્ સ્વત એવ અસ્ય કિમ્ અર્થેન ઉપનીયતે
03435 સર્વાત્મના હિ સારૂપ્યે જ્ઞાનમ્ અજ્ઞાનતાં વ્રજેત્
03435 સામ્યે કેનચિદ્ અઙ્ગેન સ્યાત્ સર્વં સર્વ-વેદનમ્
03436 યથા નીલ-આદિ-રૂપત્વાન્ નીલ-આદ્ય્-અનુભવો મતઃ

03436 તથા અનુભવ-રૂપત્વાત્ તસ્ય અપ્ય્ અનુભવો ભવેત્
03437 ન અનુભૂતો અનુભવ ઇત્ય્ અર્થ-વત્ તદ્-વિનિશ્ચયઃ
03437 તસ્માદ્ અદોષ ઇતિ ચેત્ ન અર્થે અપ્ય્ અસ્ત્ય્ એષ સર્વદા
03438 કસ્માદ્ વા અનુભવે ન અસ્તિ સતિ સત્તા-નિબન્ધને
03438 અપિ ચ ઇદં યદ્ આભાતિ દૃશ્યમાને સિત-આદિકે
03439 પુંસાં સિત-આદ્ય્-અભિવ્યક્તિ-રૂપં સંવેદનં સ્ફુટમ્
03439 તત્ કિં સિત-આદ્ય્-અભિવ્યક્તેઃ પરરૂપમ્ અથ આત્મનઃ
03440 પરરૂપે અપ્રકાશાયાં વ્યક્તૌ વ્યક્તં કથં સિતમ્
03440 જ્ઞાનં વ્યક્તિર્ ન સા વ્યક્તા ઇત્ય્ અવ્યક્તમ્ અખિલં જગત્
03441 વ્યક્તેર્ વ્યક્ત્ય્-અન્તર-વ્યક્તાવ્ અપિ દોષ-પ્રસઙ્ગતઃ
03441 દૃષ્ટ્યા ચ અજ્ઞાત-સમ્બન્ધં વિશિનષ્ટિ તયા કથમ્
03442 યસ્માદ્ દ્વયોર્ એક-ગતૌ ન દ્વિતીયસ્ય દર્શનમ્
03442 દ્વયોઃ સંસૃષ્ટયોર્ દૃષ્ટૌ સ્યાદ્ દૃષ્ટમ્ ઇતિ નિશ્ચયઃ
03443 સરૂપં દર્શનં યસ્ય દૃશ્યતે અન્યેન ચેતસા
03443 દૃષ્ટ-આખ્યા તત્ર ચેત્ સિદ્ધં સારૂપ્યે અસ્ય સ્વવેદનમ્
03444 અથ આત્મ-રૂપન્ નો વેત્તિ પરરૂપસ્ય વિત્ કથમ્
03444 સારૂપ્યાદ્ વેદના-આખ્યા ચ પ્રાગ્ એવ પ્રતિપાદિતા
03445 દૃષ્ટયોર્ એવ સારૂપ્ય-ગ્રહો અર્થં ચ ન દૃષ્ટવાન્
03445 પ્રાક્ કથં દર્શનેન અસ્ય સારૂપ્યં સો અધ્યવસ્યતિ
03446 સારૂપ્યમ્ અપિ ન ઇચ્છેદ્ યઃ તસ્ય ન ઉભય-દર્શનમ્
03446 તદા અર્થો જ્ઞાનમ્ ઇતિ ચ જ્ઞાતે ચ ઇતિ ગતા કથા
03447 અથ સ્વરૂપં સા તર્હિ સ્વયમ્ એવ પ્રકાશતે
03447 યત્ તસ્યામ્ અપ્રકાશાયામ્ અર્થઃ સ્યાદ્ અપ્રકાશિતઃ
03448 એતેન અનાત્મવિત્ પક્ષે સર્વ-અર્થ-અદર્શનેન યે
03448 અપ્રત્યક્ષાં ધિયં પ્રાહુસ્ તે અપિ નિર્વર્ણિત-ઉત્તરાઃ
03449 આશ્રય-આલમ્બન-અભ્યાસ-ભેદાદ્ ભિન્ન-પ્રવૃત્તયઃ
03449 સુખ-દુઃખ-અભિલાષ-આદિ-ભેદા બુદ્ધય એવ તાઃ
03450 પ્રત્યક્ષાસ્ તદ્-વિવિક્તં ચ ન અન્યત્ કિંચિદ્ વિભાવ્યતે
03450 યત્ તજ્-જ્ઞાનમ્ પરો અપ્ય્ એનાં ભુઞ્જીત અન્યેન વિદ્ યદિ
03451 તજ્જા તત્ પ્રતિભાસા વા યદિ ધીર્ વેત્તિ ન અપરા
03451 આલમ્બમાનસ્ય અન્યસ્ય અપ્ય્ અસ્ત્ય્ અવશ્યમ્ ઇદં દ્વયમ્
03452 અથ ન ઉત્પદ્યતે તસ્માન્ ન ચ તત્ પ્રતિભાસિની
03452 સા ધીર્ન્ નિર્વિષયા પ્રાપ્તા સામાન્યં ચ તદ્-અગ્રહે
03453 ન ગૃહ્યત ઇતિ પ્રોક્તં ન ચ તદ્-વસ્તુ કિંચન
03453 તસ્માદ્ અર્થ-અવભાસો અસૌ ન અન્યસ્ તસ્યા ધિયસ્ તતઃ
03454 સિદ્ધે પ્રત્યક્ષ-ભાવ-આત્મવિદૌ ગૃહ્ણાતિ તત્ પુનઃ
03454 ન અધ્યક્ષમ્ ઇતિ ચેદ્ એષ કુતો ભેદઃ સમર્થયોઃ
03455 અદૃષ્ટ-એક-અર્થ-યોગ-આદેઃ સંવિદો નિયમો યદિ
03455 સર્વથા અન્યો ન ગૃહ્ણીયાત્ સંવિદ્ ભેદો અપ્ય્ અપોદિતઃ
03456 યેષાં ચ યોગિનો અન્યસ્ય પ્રત્યક્ષેણ સુખ-આદિકમ્

03456 વિદન્તિ તુલ્ય-અનુભવાસ્ તદ્વત્ તે અપિ સ્યુર્ આતુરાઃ
03457 વિષય-ઇન્દ્રિય-સમ્પાત-અભાવાત્ તેષાં તદ્-ઉદ્ભવમ્
03457 ન ઉદેતિ દુઃખમ્ ઇતિ ચેત્ ન વૈ દુઃખ-સમુદ્ભવઃ
03458 દુઃખ-અસંવેદનં કિં તુ દુઃખ-જ્ઞાન-સમુદ્ભવઃ
03458 ન હિ દુઃખ-આદ્ય્-અસંવેદ્યં પીડા-અનુગ્રહ-કારણમ્
03459 ભાસમાનં સ્વરૂપેણ પીડા દુઃખં સ્વયં યદા
03459 ન તદ્-આલમ્બનં જ્ઞાનં ન તદા એવં પ્રયુજ્યતે
03460 ભિન્ને જ્ઞાનસ્ય સર્વસ્ય તેન આલમ્બન-વેદને
03460 અર્થ-સારૂપ્યમ્ આલમ્બ આત્મા વિત્તિઃ સ્વયં સ્ફુટઃ
03461 અપિ ચ અધ્યક્ષતા અભાવે ધિયઃ સ્યાલ્ લિઙ્ગતો ગતિઃ
03461 તચ્ ચ અક્ષમ્ અર્થો ધીઃ પૂર્વો મનસ્કારો અપિ વા ભવેત્
03462 કાર્ય-કારણ-સામગ્ર્યામ્ અસ્યાં સમ્બન્ધિના અપરમ્
03462 સામર્થ્ય-અદર્શનાત્ તત્ર ન ઇન્દ્રિયં વ્યભિચારતઃ
03463 તથા અર્થો ધી-મનસ્કારૌ જ્ઞાનં તૌ ચ ન સિધ્યતઃ
03463 ન અપ્રસિદ્ધસ્ય લિઙ્ગત્વં વ્યક્તિર્ અર્થસ્ય ચેન્ મતા
03464 લિઙ્ગં સા એવ નનુ જ્ઞાનં વ્યક્તો અર્થો અનેન વર્ણિતઃ
03464 વ્યક્તાવ્ અનનુભૂતાયાં તદ્-વ્યક્તત્વ-અવિનિશ્ચયાત્
03465 અથ અર્થસ્ય એવ કશ્ચિત્ સ વિશેષો વ્યક્તિર્ ઇષ્યતે
03465 ન અનુત્પાદ-વ્યયવતો વિશેષો અર્થસ્ય કશ્ચન
03466 તદ્ ઇષ્ટૌ વા પ્રતિજ્ઞાનં ક્ષણભઙ્ગઃ પ્રસજ્યતે
03466 સ ચ જ્ઞાતો અથવા અજ્ઞાતો ભવેજ્ જ્ઞાતસ્ય લિઙ્ગતા
03467 યદિ જ્ઞાતે અપરિચ્છિન્ને જ્ઞાતો અસાવ્ ઇતિ તત્ કુતઃ
03467 જ્ઞાતત્વેન અપરિચ્છિન્નમ્ અપિ તદ્ ગમકં કથમ્
03468 અદૃષ્ટ-દૃષ્ટયો અન્યેન દ્રષ્ટા દૃષ્ટા ન હિ ક્વચિત્
03468 વિશેષઃ સો અન્ય-દૃષ્ટાવ્ અપ્ય્ અસ્તિ ઇતિ સ્યાત્ સ્વ-ધી-ગતિઃ
03469 તસ્માદ્ અનુમિતિર્ બુદ્ધેઃ સ્વ-ધર્મ-નિરપેક્ષિણઃ
03469 કેવલાન્ ન અર્થ-ધર્માત્ કઃ સ્વ-ધર્મઃ સ્વ-ધિયો પરઃ
03470 યઃ પ્રત્યક્ષો ધિયો હેતુઃ તુલ્ય-કારણ-જન્મનઃ
03470 તસ્ય ભેદઃ કુતો બુદ્ધેર્ વ્યભિચાર્ય્-અન્યજશ્ ચ સઃ
03471 રૂપ-આદીન્ પઞ્ચ વિષયાનિ ઇન્દ્રિયાણ્ય્ ઉપલમ્ભનમ્
03471 મુક્ત્વા ન કાર્યમ્ અપરં તસ્યાઃ સમુપલભ્યતે
03472 તત્ર અત્યક્ષં દ્વયં પઞ્ચસ્વ્ અર્થેષ્વ્ એકો અપિ ન ઈક્ષ્યતે
03472 રૂપ-દર્શનતો જાતો યો અન્યથા વ્યસ્ત-સમ્ભવઃ
03473 યદ્ એવમ્ અપ્રતીતં તલ્ લિઙ્ગમ્ ઇત્ય્ અપ્ય્ અલૌકિકમ્
03473 વિદ્યમાને અપિ લિઙ્ગે તાં તેન સાર્ધમ્ અપશ્યતઃ
03474 કથં પ્રતીતિ-લિઙ્ગં હિ ન અદૃષ્ટસ્ય પ્રકાશકમ્
03474 તત એવ અસ્ય લિઙ્ગાત્ પ્રાક્ પ્રસિદ્ધેર્ ઉપવર્ણને
03475 દૃષ્ટાન્ત-અન્તર-સાધ્યત્વં તસ્ય અપિ ઇત્ય્ અનવસ્થિતિઃ
03475 ઇત્ય્ અર્થસ્ય ધિયઃ સિદ્ધિઃ ન અર્થાત્ તસ્યાઃ કથંચન
03476 તદ્-અપ્રસિદ્ધાવ્ અર્થસ્ય સ્વયમ્ એવ અપ્રસિદ્ધિતઃ

03476 પ્રત્યક્ષાં ચ ધિયં દૃષ્ટ્વા તસ્યાશ્ ચ ઇષ્ટ-અભિધા-આદિકમ્
03477 પર-ચિત્ત-અનુમાનં ચ ન સ્યાદ્ આત્મન્ય્ અદર્શનાત્
03477 સમ્બન્ધસ્ય મનો-બુદ્ધાવ્ અર્થ-લિઙ્ગ-અપ્રસિદ્ધિતઃ
03478 પ્રકાશિતા કથં વા સ્યાત્ બુદ્ધિર્ બુદ્ધ્ય્-અન્તરેણ વઃ
03478 અપ્રકાશ-આત્મનોઃ સા સ્યાદ્ વ્યઙ્ગ્યવ્યઞ્જકતા કુતઃ
03479 વિષયસ્ય કથં વ્યક્તિઃ પ્રકાશે રૂપ-સંક્રમાત્
03479 સ ચ પ્રકાશસ્ તદ્-રૂપઃ સ્વયમ્ એવ પ્રકાશતે
03480 તથા અભ્યુપગમે બુદ્ધેઃ બુદ્ધૌ બુદ્ધિઃ સ્વવેદિકા
03480 સિદ્ધા અન્યથા તુલ્ય-ધર્મા વિષયો અપિ ધિયા સહ
03481 ઇતિ પ્રકાશ-રૂપા નઃ સ્વયં ધીઃ સમ્પ્રકાશતે
03481 અન્યો અસ્યાં રૂપ-સંક્રાન્ત્યા પ્રકાશઃ સમ્પ્રકાશતે
03482 સાદૃશ્યે અપિ હિ ધીર્ અન્યા પ્રકાશ્યા ન તયા મતા
03482 સ્વયં પ્રકાશનાદ્ અર્થસ્ તદ્-રૂપેણ પ્રકાશતે
03483 યથા પ્રદીપયોર્ દીપ-ઘટયોશ્ ચ તદ્-આશ્રયઃ
03483 વ્યઙ્ગ્યવ્યઞ્જકભાવેન વ્યવહારઃ પ્રતન્યતે
03484 વિષય-ઇન્દ્રિય-માત્રેણ ન દૃષ્ટમ્ ઇતિ નિશ્ચયઃ
03484 તસ્માદ્ યતો અયં તસ્ય અપિ વાચ્યમ્ અન્યસ્ય દર્શનમ્
03485 સ્મૃતેર્ અપ્ય્ આત્મવિત્ સિદ્ધા જ્ઞાનસ્ય અન્યેન વેદને
03485 દીર્ઘ-આદિ-ગ્રહણં ન સ્યાદ્ બહુ-માત્ર-અનવસ્થિતેઃ
03486 અવસ્થિતાવ્ અક્રમાયાં સકૃદ્ આભાસનાન્ મતૌ
03486 વર્ણઃ સ્યાદ્ અક્રમો દીર્ઘઃ ક્રમવાન્ અક્રમાં કથમ્
03487 ઉપકુર્યાદ્ અસંશ્લિષ્યન્ વર્ણ-ભાગઃ પરસ્પરમ્
03487 અક્રમેણ ગ્રહાદ્ અન્ત-ક્રમ-વદ્ ધીશ્ ચ નો ભવેત્
03488 આન્ત્યં પૂર્વ-સ્થિતાદ્ ઊર્ધ્વં વર્ધમાનો ધ્વનિર્ ભવેત્
03489 સ્થાને સ્વયં ન નશ્યેત્ સા પશ્ચાદ્ અપ્ય્ અવિશેષતઃ
03489 દોષો અયં સકૃદ્ ઉત્પન્ન-અક્રમ-વર્ણ-સ્થિતાવ્ અપિ
03490 સકૃદ્ યત્ન-ઉદ્ભવાદ્ વ્યર્થઃ સ્યાદ્ યત્નશ્ ચ ઉત્તરોત્તરઃ
03490 વ્યક્તાવ્ અપ્ય્ એષ વર્ણાનાં દોષઃ સમનુષજ્યતે
03491 અનેકયા તદ્-ગ્રહણે યા અન્ત્યા ધીઃ સા અનુભૂયતે
03491 ન દીર્ઘ-ગ્રાહિકા સા ચ તન્ ન સ્યાદ્ દીર્ઘ-ધી-સ્મૃતિઃ
03492 પૃથક્ પૃથક્ ચ બુદ્ધીનાં સંવિત્તૌ તદ્-ધ્વનિઃ શ્રુતેઃ
03492 અવિચ્છિન્ન-આભતા ન સ્યાદ્ ઘટનં ચ નિરાકૃતમ્
03493 વિચ્છિન્નં શૃણ્વતો અપ્ય્ અસ્ય યદ્ય્ અવિચ્છિન્ન-વિભ્રમઃ
03493 હ્રસ્વ-દ્વયોચ્ ચારણે અપિ સ્યાદ્ અવિચ્છિન્ન-વિભ્રમઃ
03494 વિચ્છિન્ને દર્શને ચ અક્ષાદ્ અવિચ્છિન્ન-અધિરોપણમ્
03494 ન અક્ષાત્ સર્વ-અક્ષ-બુદ્ધીનાં વિતથત્વ-પ્રસઙ્ગતઃ
03495 સર્વ-અન્ત્યો અપિ હિ વર્ણ-આત્મા નિમેષ-તુલિત-સ્થિતિઃ
03495 સ ચ ક્રમાદ્ અનેક-અણુ-સમ્બન્ધેન નિતિષ્ઠતિ
03496 એક-અણ્વ્-અત્યય-કાલશ્ ચ કાલો અલ્પીયાન્ ક્ષણો મતઃ
03496 બુદ્ધિશ્ ચ ક્ષણિકા તસ્માત્ ક્રમાદ્ વર્ણાન્ પ્રપદ્યતે