પિણ્ડીક્રમ · શ્લોક 81-103

સ્વનાયકેન સંયુક્તાં પાણ્ડરાં સહસૈવ તુ ।
જિહ્વાપ્રવિષ્ટાં સઞ્ચિન્ત્ય વાગધિષ્ઠાનમારભેત્

યદેવ વજ્રધર્મસ્ય વાચા નિરુક્તિસમ્પદા ।
મમાપિ તાદૃશી વાચા ભવેદ્ ધર્મધરોપમા

ઓં સર્વતથાગતવાગ્વજ્રસ્વભાવાત્મકો ઽહમ્ ।
વિન્યસ્ય હૃદયે મન્ત્રી શશિબિમ્બં સમુજ્જ્વલમ્ ।
રાજાવર્તનિભં તત્ર હૂંકારં પઞ્ચરશ્મિકમ્

તતો નિશ્ચારયેદ્ દેવીં મામકીં સગણાં તતઃ ।
ચિત્તવજ્રં તથા ધ્યાત્વા પ્રાર્થયેત યથા પુરઃ
ચિત્તવજ્રધરઃ શ્રીમાંસ્ત્રિવજ્રાભેદ્યભાવિતઃ ।
અધિષ્ઠાનપદં મે ઽદ્ય કરોતુ ચિત્તવજ્રિણઃ
દશદિક્સંસ્થિતા બુદ્ધાસ્ત્રિવજ્રાભેદ્યભાવિતાઃ ।
અધિષ્ઠાનપદં મે ઽદ્ય કુર્વન્તુ ચિત્તવજ્રિણઃ

ચિત્તવજ્રસમાયુક્તં હૃદયે સમ્પ્રવેશ્ય ચ ।
મામકીવ્યૂહમખિલં ચિત્તાધિષ્ઠાનમારભેત્

યચ્ચિત્તં સમન્તભદ્રસ્ય ગુહ્યકેન્દ્રસ્ય ધીમતઃ ।
મમાપિ તાદૃશં ચિત્તં ભવેદ્ વજ્રધરોપમમ્

પિક્_
ઓં સર્વતથાગતચિત્તવજ્રસ્વભાવાત્મકો ઽહમ્ ।
એવં પૃથગધિષ્ઠાય કુલત્રયવિભાગતઃ ।
પુનઃ સર્વાત્મકં કુર્યાન્મન્ત્રેણાનેન બુદ્ધિમાન્

ઓં સર્વતથાગતકાયવાક્ચિત્તવજ્રસ્વભાવાત્મકો ઽહમ્ ।
અધિષ્ઠાયૈવમાત્માનં શશિમણ્ડલમધ્યગમ્ ।
ષડ્ભિશ્ચિહ્નૈઃ સમાયુક્તં ચિન્તેત્ સમયસત્ત્વકમ્

હૃન્મધ્યસંસ્થિતં સૂક્ષ્મં જ્ઞાનસત્ત્વં વિભાવયેત્ ।
સમાધિસત્ત્વસંજ્ઞં ચ હૂંકારં તદ્દૃઢી ન્યસેત્

નિષ્પાદ્યૈવં મહાયોગં ત્રિસત્ત્વાત્મકમાત્મવાન્ ।
અનેન વિધિયોગેન મહાસાધાનમારભેત્

પ્રાપ્ય કન્યાં વિશાલાક્ષીં રૂપયૌવનમણ્ડિતામ્ ।
નીલોત્પલદલશ્યામાં રજકસ્ય મહાત્મનઃ

સુશિક્ષિતાં સમાદાય સાધકે ભક્તિવત્સલામ્ ।
ઓંકારં શિરસિ ધ્યાત્વા આઃકારં વાક્યથે ન્યસેત્

હૂંકારં હૃદયે ધ્યાત્વા સ્વા નાભૌ હા દ્વિપાદયોઃ ।
લોચનાં મામકીં ચાપિ તથા પાણ્ડરવાસિનીમ્

તારાં ચાપિ તથા મન્ત્રી પૃથિવ્યાદિષુ સન્ન્યસેત્ ।
રૂપવજ્રાદિકા દેવીસ્તસ્યામેવ વિભાવયેત્ ॥ પિક્_ 96 ॥
ક્ષિતિગર્ભાદિભિસ્તાસાં સમાપત્તિં વિભાવયેત્ ।
દક્ષિણે વજ્રવેતાલીં ભુજે વામે ઽપરાજિતામ્

ભૃકુટિં ચ મુખે તસ્યા એકજટાં ચ ગુહ્યકે ।
ભૂયો દક્ષિણપાર્શ્વસ્થાં વિશ્વવજ્રીં તથાગતીમ્

વિશ્વરત્નાં ચ વામે તુ મુદ્રાયાઃ પ્રવિભાવયેત્ ।
પુર્નદક્ષિણજાનુસ્થાં વિશ્વપદ્માં તથાગતીમ્

વિશ્વકર્માં ચ વામે તુ મૂર્ધ્નિ ગગનવજ્રિણીમ્ । પિક્_
પાદાન્તદ્વયવિન્યસ્તાં ધરણીન્ધરદેવતીમ્

એવં સંસ્કૃત્ય તાં યોગી વજ્રપદ્મથારભેત્ ।
મન્ત્રી હૂંકારજં વજ્રં ધ્યાયાદ્ વૈ પઞ્ચસૂચિકમ્

મધ્યસૂચૌ તથા તસ્ય પ્રણવં વ વિભાવયેત્ ।
તથૈવાષ્ટદલં પદ્મમ્ આઃકારેણ તુ ભાવયેત્ ।
પઞ્ચરશ્મિસમાકીર્ણં તતઃ સાધનમારભેત્

ઓં સર્વતથાગતાનુરાગણવજ્રસ્વભાવાત્મકો ઽહમ્ ।
હૂંકારગીતેન તુ ચાલયેત સમુદ્વહન્ વજ્રધરસ્ય ગર્વમ્ ।
સ્વબોધિચિત્તોદયકાલ એવ ફટ્કારમન્ત્રં સમુદીરયેત્ સઃ