પિણ્ડીક્રમ · શ્લોક 61-80

થ્લીંકારં ચક્ષુષિ ન્યસ્ય ક્ષિતિગર્ભં વિભાવયેત્ ।
ઓંકારં કર્ણયોર્ન્યસ્ય વજ્રપાણિં વિભાવયેત્

ઓંકારં વિન્યસેદ્ ઘ્રાણે ખગર્ભં તુ વિભાવયેત્ ।
ઓંકારં રસને ધ્યાત્વા લોકેશં ચ વિકલ્પયેત્

હૂંકારં મનસિ ધ્યાત્વા મઞ્જુઘોષં પ્રભાવયેત્ ।
ઓંકારં સર્વકાયે ચ ધ્યાત્વા વિષ્કમ્ભિણં સ્મરેત્

મૈં-કારેણ શિરઃસંસ્થં મૈત્રેયં પરિકલ્પયેત્ ।
ભદ્રં સમન્તતો ધ્યાત્વા સર્વસન્ધિષુ સન્ન્યસેત્

યમાન્તકઃ સવ્યભુજે અપસવ્યે ઽપરાજિતઃ ।
હયગ્રીવો મુખે ભાવ્યો વજ્રે ચામૃતકુણ્ડલિઃ

અચલં દક્ષિણે ભાગે વામે ચ ટક્કિરાજકમ્ ।
જાનૌ ચ દક્ષિણે ચિન્તેન્નીલદણ્ડં મહોજ્જવલમ્

વામજાનૌ મહાબલં મૂર્ધ્નિ ચોષ્ણીષજ્રિણમ્ ।
પાદાન્તદ્વયવિન્યસ્તં સુમ્ભરાજં વિચિન્તયેત્

ન્યાસં કૃત્વા તતો મન્ત્રી સ્કન્ધાદીનાં યથાવિધિ ।
કાયમણ્ડલમાપન્નો મહાયોગં સમારભેત્

મૂર્ધ્નિ મધ્યગતં ચિન્તેત્ સમ્પૂર્ણં ચન્દ્રમણ્ડલમ્ ।
તત્ર ઓંકારં શુક્લાભં પ્રસ્ફુરત્-પઞ્ચરશ્મિકમ્

તતો દેવીં વિનિશ્ચાર્ય આધિપત્યપ્રયોગતઃ ।
લોચનાં વિવિધાં ચિન્તેત્ સર્વવ્યોમ્નિ પ્રપૂરિતામ્

કાયવજ્રં વિચિન્ત્યાથ વ્યોમાપૂર્ય વ્યવસ્થિતમ્ ।
તન્મધ્યે ઽધિપતિં ચિન્તેદાત્મનશ્ચ પુરઃસ્થિતમ્

દ્વાત્રિંશલ્લક્ષણધરં વ્યઞ્ચનાશીતિભૂષિતમ્ ।
પ્રાર્થયેત્ તુ તતો મન્ત્રી ગાથાદ્વયમુદાહરન્

બુદ્ધકાયધરઃ શ્રીમાંસ્ત્રિવજ્રાભેદ્યભાવિતઃ ।
અધિષ્ઠાનપદં મે ઽદ્ય કરોતુ કાયવજ્રિણઃ

દશદિક્સંસ્થિતા બુદ્ધાસ્ત્રિવજ્રાભેદ્યભાવિતાઃ ।
અધિષ્ઠાનપદં મે ઽદ્ય કુર્વન્તુ કાયવજ્રિણઃ

લોચનાસહસંયુક્તં શાશ્ચતં ચ વિભાવયેત્ ।
તત્પ્રવેશ્યાધિતિષ્ઠેત પઞ્ચુસ્કન્ધપ્રપૂરિતમ્

યત્કાયં સર્વબુદ્ધાનાં પઞ્ચસ્કન્ધપ્રપૂરિતમ્ ।
બુદ્ધાકાયસ્વભાવેન મમાપિ તાદૃશં ભવેત્

ઓં સર્વતથાગતકાયવજ્રસ્વભાવાત્મકો ઽહમ્ ।
જિહ્વાબ્જમધ્યગતં ચિન્તેદ્ આઃકારં રક્તવર્ણકમ્ ।
પાણ્ડરાખ્યાં ચ સગણાં સંસ્ફરેત્ વ્યોમપૂરિતામ્

વાગ્વજ્રં ચ તથા મન્ત્રી વ્યોમાપૂર્ય વ્યવસ્થિતમ્ ।
પ્રાર્થયેત્ તુ તતો મન્ત્રી ગાથાદ્વયમુદાહરન્

ધર્મો વૈ વાક્પથઃ શ્રીમાંસ્ત્રિવજ્રાભેદ્યભાવિતઃ ।
અધિષ્ઠાનપદં મે ઽદ્ય કરોતુ વાગ્વજ્રિણઃ

દશદિક્સંસ્થિતા બુદ્ધાસ્ત્રિવજ્રાભેદ્યભાવિતાઃ ।
અધિષ્ઠાનપદં મે ઽદ્ય કુર્વન્તુ વાગ્વજ્રિણઃ