પિણ્ડીક્રમ · શ્લોક 104-123

વિસર્ગાન્તે પુનર્મન્ત્રી બોધિચિત્તેન પૂજયેત્ ।
દશદિક્સંસ્થિતાન્ બુદ્ધાન્ મન્ત્રમેતદુદીરયેત્

ઓં સર્વતથાગતપૂજાજ્રસ્વભાવાત્મકો ઽહમ્ ।
સ્વમન્ત્રાક્ષરનિષ્પન્નં ત્રિવજ્રાધિષ્ઠિતસ્વકમ્ ।
પદ્મમધ્યે તુ નિષ્પાદ્ય દ્વેષવજ્રો ભવેત્ પુનઃ

વજ્રધૃગ્-મન્ત્રનિષ્પન્નં પશ્યેદક્ષોભ્યવજ્રિણમ્ ।
જટામુકુટધરં નાથમ્ અક્ષોભ્યકૃતશેખરમ્

નૃપાવર્તકસઙ્કાશં કૃષ્ણરક્તસિતાનનમ્ । પિક્_
સર્વાલઙ્કારસમ્પૂર્ણં ષડ્ભુજં તુ વિભાવયેત્

વજ્રં ચક્રં તથા પદ્મં સવ્યહસ્તેષુ ધારયેત્ ।
ઘણ્ટાં ચિન્તામણિં ખડ્ગં તસ્ય વામેષુ ભાવયેત્

નિષ્ક્રમ્ય હૃદયાદેષ વ્યવલોક્ય દિશો દશ ।
બુદ્ધર્દ્ધિમખિલાં કૃત્વા ધર્મચક્રં પ્રવર્ત્ય ચ

સંશોધ્ય નિખિલાન્ સત્ત્વાન્ દ્વેષવજ્રપદે સ્થિતાન્ ।
આગત્ય વજ્રનાથસ્ય પુરતો ઽભિનિષીદતિ

અનુપ્રવેશ્ય તન્મન્ત્રી હૃદ્યાત્માનં વિભાવયેત્ ।
પૂર્વરૂપં પરાવૃત્ત્ય દ્વેષવજ્રપદે સ્થિતઃ

ઇન્દ્રનીલપ્રભં દીપ્તં સૂર્યમણ્ડલમધ્યગમ્ ।
સ્વમુદ્રાલિઙ્ગિતં વીરં સર્વાલઙ્કારભૂષિતમ્

રૌદ્રશાન્તમહારાગં મુખત્રયવિરાજિતમ્ ।
દ્વેષવજ્રસમાધિસ્થઃ પ્રોત્સૃજેત્ સર્વમણ્ડલમ્

જિનજિગ્-મન્ત્રનિષ્પન્નં સૃજેદ્ વૈરોચનં વિભુમ્ ।
શરચ્ચન્દ્રાંશુસઙ્કાશં જટામુકુટમણ્ડિતમ્

સિતરક્તકૃષ્ણવદનં ષડ્ભુજં શાન્તરૂપિણમ્ ।
ચક્રવજ્રસિતામ્ભોજં દક્ષિણેષુ વિચિન્તયેત્

ઘણ્ટાં ચિન્તામણિં ખડ્ગં વામેષ્વસ્ય વિભાવયેત્ ।
હૃદયાત્ તથૈવ નિર્ગત્ય મોહચર્યાસ્થિતાઃ પ્રજાઃ

સંશોધ્ય પુનરાગત્ય પુનશ્ચકે નિષીદતિ ।
રત્નધૃગ્-મન્ત્રનિષ્પન્નં રત્નકેતું સૃજેદ્ બુધઃ

જટાજૂટધરં સૌમ્યમક્ષોભ્યકૃતશેખરમ્ ।
પીતકૃષ્ણસિતાસ્યં ચ ષડ્ભુજં ચાપિ ચિન્તયેત્

તસ્ય ચિન્તામણિં વજ્રં ચક્રં સવ્યેષુ ભાવયેત્ ।
ઘણ્ટાં ચ પીતકમલં ખડ્ગં વામેષુ ભાવયેત્

હૃદયાત્ તથૈવ નિર્ગત્ય અહઙ્કારપદે સ્થિતાન્ ।
સંશોધ્ય દક્ષિણે ભાગે રત્નમધ્યે નિષીદતિ

આરોલિગ્-મન્ત્રનિષ્પન્નં સૃજેદમિતવજ્રિણમ્ ।
પદ્મરાગપ્રભં સૌમ્યમક્ષોભ્યકૃતશેખરમ્

જટામુકુટધરં નાથં રક્તકૃષ્ણસિતાનનમ્ ।
શૃઙ્ગારરસસંયુક્તં ષડ્ભુજં તુ વિભાવયેત્

પદ્મનાલં ગૃહીત્વા તુ વામેન સહ ઘણ્ટયા ।
હૃત્પ્રદેશસ્થિતં પદ્મં દક્ષિણેન વિકાશયેત્