પિણ્ડીક્રમ · શ્લોક 29-40

પૃથ્વીમણ્ડલકં ચાપિ તસ્મોપરિ વિભાવયેત્ ।
દ્વિ-હૂં લં બીજનિષ્પન્નં વજ્રદ્વયસમન્વિતમ્

ચતુર્મણ્ડલસંહારે વજ્રભૂભાગમણ્ડલમ્ ।
તત્ર ભ્રૂંકારનિષ્પત્રં કૂટાગારં વિભાવયેત્

ચતુરસ્ત્રં ચતુર્દ્વારં ચતુસ્તોરણશોભિતમ્ ।
ચતુઃસૂત્રસમાયુક્તમષ્ટમ્ભોપશોભિતમ્

હારાર્દ્ધહારરચિતં મણિવજ્રાર્ધચન્દ્રકમ્ ।
ખચિતં વજ્રરત્નૈસ્તુ દ્વારનિર્યૂહસન્ધિષુ

કુમ્ભસ્તમ્ભમહાવજ્રં ક્રમશીર્ષસ્તુ પક્ષિણી ।
ઘણ્ટાપતાકસંશોભં ચામરાદિવિભૂષિતમ્

મધ્યમણ્ડલકે ધ્યાયાદાત્માનં મુદ્રયા યુતમ્ ।
ત્રિમુખં ષડ્ભુજાકારમિન્દ્રનીલસમપ્રથમ્

શ્રીવૈરોચન-રત્નૌ ચ અમિતાભશ્ચ કર્મરાટ્ ।
પૂર્વાદિદિક્ષુ સઞ્ચિન્ત્યાસ્ત્રિમુખાકારષડ્ભુજાઃ

મોહરત્યાદિકા દેવ્યસ્ત્રિમુખાકારષડ્ભુજાઃ ।
આગ્નેયીં દિશામારભ્ય સન્નિવેશ્યા યથાક્રમમ્

રૂપવજ્રાદિકાસ્તદ્વદ્ બાહ્યકોણચતુષ્ટયે ।
સ્થિતૈવ સ્પર્શવજ્રા તુ વજ્રસત્ત્વસમાયુતા

પટ્ટિકાયાં ન્યસેત્ પૂર્વે મૈત્રેયં ક્ષિતિગર્ભકમ્ ।
વજ્રપાણિં ખગર્ભં ચ ન્યસેદ્ દક્ષિણતો વ્રતી

લોકેશં મઞ્ચુઘોષં ચ પશ્ચિમાયાં ન્યસેત્ પુનઃ ।
સર્વાવરણવિષ્કમ્ભિં સમન્તભદ્રઞ્ચોત્તરે

યમાન્તકશ્ચ પ્રાગ્દ્વારે દક્ષિણે ત્વપરાજિતઃ ।
પશ્ચિમે તુ હયગ્રીવ ઉત્તરે ઽમૃતકુણ્ડલિઃ

અચલષ્ટક્કિરાજશ્ચ નીલદણ્ડો મહાબલઃ ।
પૂર્વાદિકોણમારભ્ય પ્રવિચિન્ત્યા યથાયથમ્

સુમ્ભરાજમહાક્રોધમધસ્તાત્ પ્રવિચિન્તયેત્ ।
ઉષ્ણીષચક્રવર્તી ચ પ્રવિચિન્ત્યસ્તથોપરિ

ધ્યાત્વૈવમધિમુક્તયા વૈ માણ્ડલેયાન્ યથાવિધિ ।
પુનઃ સમ્પુટયોગેન સ્વકાયે તાન્ પ્રવેશયેત્

કાયચક્રગતાન્ બુદ્ધાન્ સઞ્ચિન્ત્યૈવં યથાયથમ્ ।
પારમાર્થિકચક્રેણ તથતાયાં પ્રવેશયેત્

મારયેત્ ત્વાગતં વ્યૂહં સુતરાં સિદ્ધિમાપ્નુયાત્ ।
અસ્યાર્થો વજ્રમાલાયાં વિસ્તૃતો વિસ્ફુટં યથા

રૂપસ્કન્ધગતાદર્શો ભૂધાતુર્નયનેન્દ્રિયમ્ ।
રૂપં ચ પઞ્ચમં યાતિ ક્રોધમૈત્રેયસંયુતમ્

વેદના સ્કન્ધસમતા અબ્ધાતુઃ શ્રવણેન્દ્રિયમ્ ।
શબ્દશ્ચ પઞ્ચમં યાતિ ક્રોધદ્વયસમન્વિતમ્

સંજ્ઞા ચ પ્રત્યવૈક્ષણ્યં હુતભુગ્ નાસિકેન્દ્રિયમ્ ।
ગન્ધશ્ચ પઞ્ચં યાતિ ક્રોધદ્વયસમન્વિતમ્