પિણ્ડીક્રમ · શ્લોક 1-20

પિણ્ડીક્રમઃ
આચાર્યનાગાર્જુનપ્રણીતઃ
પિણ્ડીક્રમઃ
નમઃ સર્વજ્ઞાય
ત્રૈલોક્યાચારમુક્તં ગગનસમગતં સર્વભાવસ્વભાવમ્,
શુદ્ધં શાન્તં વિવિક્તં પરમશિવમયં યોગિનામેવ ગમ્યમ્ ।
દુર્બોધં દુર્વિચારં સ્વપરહિતતમં વ્યાપિનં નિર્નિમિત્તમ્,
વન્દે કાયં જિનાનાં સુખમસમસમં નિર્વિકલ્પૈકમૂર્તિમ્

શ્રીમત્સમાજતન્ત્રસ્ય ષટ્કોટ્યર્થાવબોધતઃ ।
પિણ્ડીક્રમમહં વક્ષ્યે સર્વસત્ત્વહિતોદયમ્

વિકલ્પવાસનાદોષાન્ જગત્ત્રયવિમોહકાન્ ।
સમભિવીક્ષ્ય તાન્ ધીમાન્ યોગતન્ત્રેણ શોધયેત્

પઞ્ચ કામાન્ પરિત્યજ્ય તપોભિર્ન ચ પીડયેત્ । પિક્_
સુખેન ધારયેદ્ વોધિં યોગતન્ત્રાનુસારતઃ

તેનેહ સંવરસ્થો ઽયમભેદસ્તુ સદા વ્રતી ।
કાયવાક્ચિત્તવજ્રસ્ય સાધનં તુ સમારભેત્

મહાટવીપ્રદેશેષુ ફલપુષ્પાદ્યલઙ્કૃતે ।
પર્વતે વિજતે સાધ્યં સર્વસિદ્ધિસમુચ્ચયમ્

મૃદ્વાસનસમાસીનઃ સત્ત્વપર્યઙ્કસંસ્થિતઃ ।
દ્વેષવજ્રસમાધિસ્થઃ સ્થાનરક્ષાં વિચિન્તયેત્

દશક્રોધાન્ સમુત્સૃજ્ય જ્વાલાભાસુરભીષણાન્ ।
હૂંકારોદ્ભૂતભાનુસ્થાન્ પ્રત્યાલીઢપદે સ્થિતાન્

દશદિગ્મણ્ડલાગ્રે તુ સઞ્ચિન્ત્યૈવં યથાક્રમમ્ ।
સર્વવિધ્નવિનાશાર્થં સુમ્ભમાજ્ઞાય કીલયેત્

અં સુમ્ભ નિસુમ્ભ હૂં ગૃહ્ણ ગૃહ્ણ હૂં ગૃહ્ણાપય ગૃહ્ણાપય હૂં આનય હો ભગવન્ વિદ્યારાજ હૂં ફટ્ ।
અનેન ક્રોધરૂપેણ આકૃષ્યૈવં વિનાયકાન્ ।
કીલયેદ્ વિધિવત્ સર્વાન્ પ્રયોગેણ તુ બુદ્ધિમાન્

વજ્રામૃતમહારાજં વ્રજકીલં વિભાવયેત્ ।
નીલોત્પલદલશ્યામં જ્વાલામાલાકુલપ્રથમ્

નાભિદેશાદધોઓભાગં શૂલાકારં વિભાવયેત્ ।
ઊર્ધ્વં ક્રોધાકૃતિં ચૈવ ત્રિમુખાકારષડ્ભુજમ્

અધો વિઘ્નગણાન્ વીક્ષ્ય તાન્ મન્ત્રં સમુદાહરન્ ।
નિખનેત્ વજ્રકીલં તુ વિઘ્નદેહેષુ નિશ્ચલમ્

ઓં ઘ ઘ ઘાતય ઘાતય સર્વદુષ્ટાન્ ફટ્ ફટ્ કીલય કીલય સર્વપાપાન્ ફટ્ ફટ્ હૂં હૂં હૂં વજ્રકીલ વજ્રધર આજ્ઞાપયતિ સર્વવિઘ્નાનાં કાયવાક્ચિત્તવજ્રં કીલય હૂં હૂં હૂં ફટ્ ।
વજ્રમુદ્ગરહસ્તં ચ સુમ્ભરાજં વિભાવયેત્ ।
વજ્રવહ્નિં સમન્તાચ્ચ વિસ્ફરન્તં વિચિન્ત્ય વૈ ।
દુષ્ટાન્ પ્રલપિતાંશ્ચિન્તેદ્ દહ્યમાનાનિતસ્તતઃ

દશદિક્ કીલયિત્વા તુ અધ ઊર્ધ્વમધિષ્ય ચ ।
ભાવયેત્ પરમાર્થેન નિઃસ્વભાવભવત્રયમ્

અભાવે ભાવનાભાવો ભાવના નૈવ ભાવના ।
ઇતિ ભાવો ન ભાવઃ સ્યાદ્ ભાવના નોપલભ્યતે

અનયા ગાથયા શૂન્યં ધ્યાત્વા સ્થિરચરાત્મકમ્ ।
અનેન વિધિયોગેન જ્ઞાનભૂમિરધિષ્યતે

આકાશધાતુમધ્યસ્થં ભાવયેદ્ વાયુમણ્ડલમ્ ।
દ્વિ-હૂં યં બીજનિષ્પન્નં વજ્રદ્વયસમાયુતમ્

અગ્નિમણ્ડલકં ચાપિ તસ્યોપરિ વિભાવયેત્ ।
દ્વિ-હૂં રં બીજનિષ્પન્નં વજ્રદ્વયસમાઙ્કિતમ્

વારિમણ્ડલકં ચાપિ તસ્યોપરિ વિભાવયેત્ ।
દ્વિ-હૂં વં બીજનિષ્પન્નં વજ્રદ્વયસમાયુતમ્