પિણ્ડીક્રમ · શ્લોક 185-206

નાગભૂષિતસર્વાઙ્ગં બૃહત્કુક્ષિં ભયાનકમ્ ।
દણ્ડં ખડ્ગં તથા ચક્રં સવ્યહસ્તેષુ ધારયન્

હૃદ્દેશે તર્જનીપાશં પદ્મં પરશું ચ વામતઃ ।
ડાકિન્યાદિભયધ્વંસી પ્રત્યાલીઢપદેન સઃ

પદ્મસૂર્યં સમારુહ્ય ઐશાન્યાં દિશિ તિષ્ઠતિ ।
સ્વમન્ત્રાક્ષરનિષ્પન્નં સૃજેદુષ્ણીષચક્રિણમ્

આકાશશ્યામકં ઘોરમક્ષોભ્યકૃતશેખરમ્ ।
કૃષ્ણરક્તસિતાસ્યં ચ ત્ર્યક્ષં લમ્બોદરં વિભુમ્

વામદક્ષિણહસ્તાભ્યામુષ્ણીષં મૂર્ધ્નિં ધારયન્ ।
વજ્રં પદ્મં ચ સવ્યાભ્યાં તર્જનીખડ્ગમન્યતઃ

સર્વોપદ્રવવિધ્વંસી પ્રત્યાલીઢપદોદ્યતઃ ।
પદ્મસૂર્યં સમારુહ્ય બ્રહ્મસ્થાને સ તિષ્ઠતિ

સ્વમન્ત્રાક્ષરનિષ્પન્નં સુમ્ભરાજં સૃજેદ્ વ્રતી ।
આકાશસુપ્રભં ત્ર્યક્ષં કૃષ્નરક્તસિતાનનમ્

બૃહત્કુક્ષિં કરાલાસ્યમક્ષોભ્યકૃતશેખરમ્ ।
વજ્રં ચક્રં તથા રત્નં સવ્યહસ્તેષુ ધારયન્

હૃદ્દેશે તર્જનીપાશં પદ્મખડ્ગં ચ વામતઃ ।
કાલકૂટાદિકં સર્વવિષં સ્થાવરજઙ્ગમમ્

હત્વા વિનાયકાન્ સર્વાન્ શાન્તિં કૃત્વા તુ સર્વતઃ ।
આજ્ઞાં સમ્પાદ્ય નિખિલાં પ્રત્યાલીઢપદે સ્થિતઃ ।
પદ્મસૂર્યં સમારુહ્ય ભુવો ઽધસ્તાત્ સ તિષ્ઠતિ
ઉત્સૃજ્ય મણ્ડલં સર્વં દ્વાત્રિંશદ્દેવતામયમ્ ।
ચક્રમધ્યસ્થિતો ભૂત્વા સૂક્ષ્મયોગમથારભેત્

નાસગ્રે સર્ષપં ચિન્તેત્ સર્ષપે સચરાચરમ્ ।
ભાવયેજ્જ્ઞાનપદં રમ્યં રહસ્યં જ્ઞાનકલ્પિતમ્

સ્થિરં તુ સ્ફારયેદ્ રત્નમસ્થિરં નૈવ સ્ફારયેત્ ।
સ્ફારયેત્ પ્રવરૈર્મેઘૈબુદ્ધજ્વાલાસમપ્રભૈઃ

ભિક્ષાશિના ન જપ્તપ્યં ન ચ ભૈક્ષરતો ભવેત્ ।
જપેન્મન્ત્રમભિન્નાઙ્ગં સર્વકામોપભોગકૃત્

ઉચ્ચાર્ય સંસ્ફરેદ્ વજ્રં સમાપ્તૌ સંહારમાદિશેત્ ।
ઇદં તત્ સર્વબુદ્ધાનાં જપોક્તં પરમાર્થતઃ ॥ પિક્_ઇતિ । પિક્_ 199 ॥
સૂક્ષ્મયોગજપં ચાપિ દ્વિધા કૃત્વા યથારુચિ ।
આત્માનં ચ પુનર્મન્ત્રી તથતાયાં પ્રવેશયેત્

મણ્ડલસ્થાશ્ચતુર્દેવ્યો ન પશ્યન્ત્યસ્તતઃ પતિમ્ ।
ગાથાચતુષ્ટયેનેત્થં બોધયન્તિ મહાસુખમ્

ત્વં વજ્રસત્ત્વ ભુવનેશ્વર સત્ત્વધાતો ત્રાયાહિ માં રતિનોજ્ઞમહાર્થકામૈઃ ।
કામાહિ માં જનક સત્ત્વમહાગ્રબન્ધો યદીચ્છસે જીવતુ મહ્ય નાથ

ત્વં વજ્રકાય બહુસત્ત્વપ્રિયાગ્રચક્ર બુદ્ધાર્થબોધિપરમાર્થહિતાનુદર્શીં ।
રાગેણ રાગસમયાં મમ કામયસ્વ યદીચ્છસે જીવતુ મહ્ય નાથ

ત્વં વજ્રવાચ સકલસ્ય હિતાનુકમ્પી લોકાર્થકાર્યકરણે સદ સમ્પ્રવૃત્તઃ ।
કામાહિ માં સુગતચર્ય સમન્તભદ્ર યદીચ્છસે જીવતુ મહ્ય નાથ

ત્વં વજ્રકામ સમયાગ્ર મહાહિતાર્થ સંબુદ્ધવંશતિલકઃ સમતાનુકમ્પી ।
કામાહિ મામ્ ગુણનિધિં બહુરત્નભૂતાં યદીચ્છસે જીવતુ મહ્ય નાથ

એવમુત્થાપિતં નાથં સદ્ભૂતગુણકીર્તનૈઃ ।
અક્ષોભ્યાદિસ્વભાવેન સંસ્તુવન્તિ તથાગતાઃ