પિણ્ડીક્રમ · શ્લોક 207-226

અક્ષોભ્યવજ્ર મહાજ્ઞાન વજ્રધાતુ મહાબુધ ।
ત્રિમણ્ડલ ત્રિવજ્રાગ્ર ભાષ ગુહ્યં નમો ઽસ્તુ તે

વૈરોચન મહાશુદ્ધ વજ્રશાન્ત મહારતે ।
પ્રકૃતિપ્રભાસ્વરાન્ ધર્માન્ દેશ વજ્ર નમો ઽસ્તુ તે

રત્નરાજ સુગમ્ભીર ખવજ્રાકાશનિર્મલ ।
સ્વભાવશુદ્ધ નિર્લેપ ભાષ ગુહ્યં નમો ઽસ્તુ તે

વજ્રામિતમહારાજ નિર્વિકલ્પ ખવજ્રિણ ।
રાજપારમિતાપ્રાપ્ત ભાષ વજ્ર નમો ઽસ્તુ તે

અમોઘવજ્ર સંબુદ્ધ સર્વાશાપરિપૂરક ।
શુદ્ધસ્વભાવસમ્ભૂત વજ્રસત્ત્વ નમો ઽસ્તુ તે

નુત્વાથ બુદ્ધૈઅરનુરાગ્ય ચક્રમ્ પ્રકાશ્ય ગુહ્યં પરમં યથાયથમ્ ।
સ્વકાયચક્રે વિનિવેશ્ય ચક્રમ્ મહાસુખસ્તિષ્ઠતિ નાથ એકઃ

એવં ચતુર્યોગકરસ્તુ યોગી હૂંકારગર્ભં પ્રવિચિન્ત્ય લોકમ્ ।
દૃષ્ટ્વા જપત્ તદ્ભવવજ્રસત્ત્વં વ્યુત્થાય તદ્ધીર્વિચરેદ્ યથાવદ્ ॥ ઇતિ

સમાધિમાલમ્બયન્ મન્ત્રી શુષ્કમૂર્તિર્યદા ભવેત્ ।
વિચિન્તયેદિમં યોગં કાયવાક્ચિત્તપ્રીણનમ્

વિતસ્તિમાત્રમાક્રમ્ય મૂર્ધ્નિ મણ્ડલકલ્પના ।
ઓંકારં તત્રગં ધ્વાત્વા પઞ્ચામૃતનિપાતનમ્

અનેન વજ્રયોગેન તેજસ્વી ભવતિ ક્ષણાત્ ।
કાયવાક્ચિત્તસૌસ્થિત્યં લભતે નાત્ર સંશયઃ

એવમભ્યાસતો મન્ત્રી શોધયેદ્ બોધયેત્ યથા ।
હૃત્કણ્ઠં ચૈવ સંશોધ્યં પ્રીણયેચ્ચ તથાગતાન્

હૂંકારેણ ચ સંશોધ્ય આઃકારેણ તુ બોધયેત્ ।
જ્વાલયેત્ પ્રણવાક્રાન્તમ્ ઇયમાહારશોધના

કણ્ઠે શઙ્ખં વિચિન્ત્યાદૌ તસ્મિન્ હ્રીઃકારસમ્ભવમ્ ।
પદ્મમષ્ટદલં ચિન્તેદ્ હૂંકારં કર્ણિકોપરિ

હૂંકારજં મહાવજ્રં પઞ્ચશૂકં વિભાવયેત્ ।
મધ્યશૂકાગ્રે સઞ્ચિન્તેદ્ ઓંકારં કણ્ઠશોધનમ્

મેઘનાદં હૃદિ ધ્યાત્વા ત્રિશિખાગ્નિં તતઃ સ્ફરેત્ ।
તત્રાહારં ચ જુહુયાદ્ હોમમાધ્યાત્મિકં ત્વિદમ્

વાયવ્યં દીપયેદ્ અગ્નિં વારુણં પચતે તુ સઃ ।
માહેન્દ્રમણ્ડલં સ્થાનં યત્ર સઞ્ચરતે હવિઃ

અન્નં પાનં ચ યત્ કિઞ્ચિત્ તત્ સર્વં વારુણેન તુ ।
અશનં મુખપદ્મેન હૃત્પદ્યં સમ્પ્રવેશયેત્

નાભિપદ્મગતં પશ્ચાત્ સમ્પુટીકરણયોગતઃ ।
ગુદપદ્માદ્ વિનિર્ગત્ય ભશ્માન્તં ચ વિનિર્દિશેત્

ન જરા નાપિ રોગશ્ચ ન મૃત્યુર્ન વિષાદિકમ્ ।
નાકાલમરણં તસ્ય સર્વોપદ્રવનાશનમ્ ॥ પિક્_ઇતિ । પિક્_ 225 ॥
શ્રીવજ્રમાલાવરમન્થનેન ગૂઢં સમાજામ્બુનિધિં મથિત્વા ।
યત્ સાદનાઙ્ગામૃતમાપિ તેન લોકઃ સમસ્તો ઽમરતામુપૈતુ