પિણ્ડીક્રમ · શ્લોક 165-184

યમાન્તકૃન્મન્ત્રભવં હયગ્રીવં સૃજેદ્ વ્રતી ।
પદ્મરાગનિભં ત્ર્યક્ષં રક્તકૃષ્ણસિતાનનમ્

કરાલાસ્યં બૃહત્કુક્ષિમમિતાભકિરીટિનમ્ ।
પ્રત્યાલીઢપદં વીરં સ્ફુલિઙ્ગગહનાકુલમ્

પદ્મં ખઙ્ગં ચ મુસલં સવ્યહસ્તેષુ ભાવયેત્ ।
ઘણ્ટાં સગર્વપરશું પાશં સવ્યેતરેષુ ચ

પદ્મસૂર્યં સમારુહ્ય વ્યવલોક્ય દિશો દશ ।
વિધ્નસન્ત્રાસનં કૃત્વા વારુણ્યાં દિશિ તિષ્ઠતિ

વિધ્નાન્તકૃન્મન્ત્રભવં દુન્દુભિસ્વરમૌલિકમ્ ।
નીલોત્પલદલશ્યામં સૃજેદમૃતકુણ્ડલિમ્

નીલરક્તસિતાસ્યં ચ કરાલમુખવિભ્રમમ્ ।
બૃહત્કુક્ષિં ત્રિનયનં રક્તજ્વાલાવિભૂષિતમ્

વિશ્વવજ્રં તથા વક્રં મુસલં ચાપિ સવ્યતઃ ।
ધારયંસ્તર્જનીપાશં ઘણ્ટાં પરશું ચ વામતઃ

વિધ્નસન્ત્રાસનં કૃત્વા પ્રત્યાલીઢપદેન તુ ।
પદ્મસૂર્યં સમારુહ્ય કૌબેર્યાં દિશિ તિષ્ઠતિ

સ્વમન્ત્રાક્ષરનિષ્પન્નમચલં ચ સૃજેત્ પુનઃ ।
ઇન્દ્રનીલપ્રભં ત્ર્યક્ષં શ્રીવૈરોચનમૌલિકમ્

દંષ્ટ્રાકરાલવદનં કૃષ્ણરક્તસિતાનનમ્ ।
અટ્ટહાસરવં ઘોરં બૃહત્કુક્ષિં મહાબલમ્

ખઙ્કં વજ્રં તથા ચક્રં સવ્યહસ્તેષુ ધારયેત્ ।
તર્જનીં ચાપિ પરશું પાશં વામેષુ પાણિષુ

વિઘ્નાન્ જ્વરાદિકાન્ હત્વા પ્રત્યાલીઢપદેન તુ ।
પદ્મસૂર્યં સમારુહ્ય વહ્નિસ્થાને સ તિષ્ઠતિ

સ્વમન્ત્રાક્ષરનિષ્પન્નં ટક્કિરાજં સૃજેદ્ વ્રતી ।
ઇન્દ્રનીલપ્રભં વીરં રત્નસમ્ભમૌલિકમ્

કૃષ્ણરક્તસિતાસ્યં ચ બૃહત્કુક્ષિં ભયાનકમ્ । પિક્_
દધાનં વજ્રં હૂંકારમુદ્રાં પણિદ્વયેન તુ

વજ્રં ખડ્ગં ચ સવ્યાભ્યાં વામતઃ પાશમઙ્કુશમ્ ।
પ્રત્યાલીઢેન સૂર્યસ્થો નૈરૃત્યાં વિધ્નનાશકઃ

સ્વમન્ત્રાક્ષરનિસ્પન્નં નીલદ્ણ્ડં સૃજેદ્ વ્રતી ।
નીલમેઘનિભં ત્ર્યક્ષમમિતાભકિરીટિનમ્

નીલરક્તસિતાસ્યં ચ બૃહત્કુક્ષિં ભયાવહમ્ ।
દણ્ડં ખઙ્ગં તથા સવ્યહસ્તેષુ ધારયન્

હૃદેશે તર્જનીપાશં પદ્મં પરશું ચ વામતઃ ।
હત્વેત્યુપદ્રવભયં પ્રત્યાલીઢપદે સ્થિતઃ

પદ્મસૂર્યં સમારુહ્ય વાયવ્યાં દિશિ તિષ્ઠતિ ।
સ્વમન્ત્રાક્ષરનિષ્પન્નં દુન્દુભિસ્વરમૌલિકમ્

મહાબલં સૃજેન્મન્ત્રી નીલોત્પલદલપ્રભમ્ ।
કૃણ્ણરક્તસિતાસ્યં ચ ત્ર્યક્ષં ભૈરવનાદિતમ્