પિણ્ડીક્રમ · શ્લોક 145-164

અગ્નિકોણે સૃજેદ્ દેવીં રૂપવજ્રાં મનોરમામ્ ।
ત્રિમુખાં ષડ્ભુજાં શ્વેતાં શ્રીવૈરોચનમૌલિકામ્

ગૃહીતદર્પણાં દ્વાભ્યાં શેષં મોહરતેરિવ ।
નૈરૃત્યાં વિન્યસેદ્ દેવીં શબ્દવજ્રાં તુ ષડ્ભુજામ્

પીતવર્ણાં ત્રિવક્ત્રાં ચ રત્નસમ્ભવમૌલિકામ્ ।
વીણાવ્યગ્રદ્વિહસ્તાં ચ શેષં મામકીવદ્ ભવેત્

વાયુસ્થાને ન્યસેદ્ દેવીં ગન્ધવજ્રાં તુ ષડ્ભુજામ્ ।
રક્તવર્ણાં ત્રિવક્ત્રાં ચ અમિતાભજટાધરામ્

શઙ્ખવ્યગ્રદ્વિહસ્તાં ચ શેષૈઃ પાણ્ડરવાસિનીમ્ ।
ઐશાન્યાં વિન્યસેદ્ દેવીં રસવજ્રાં તુ ષડ્ભુજામ્

ત્રિમુખાં શ્યામવર્ણા ચ દન્દુભિસ્વરમૌલિકામ્ ।
હસ્તસ્થરસભાણ્ડાં ચ શેષૈસ્તારાસમાકૃતિમ્

વજ્રસત્ત્વં સમાલિઙ્ગ્ય ચક્રમધ્યે વ્યવસ્થિતામ્ ।
ચિન્તયેત્ સ્પર્શવજ્રાં તુ પતિતુલ્યાં મુખાદિભિઃ

તૃતીયે તુ પુટે પૂર્વે પટ્ટિકાયાં સૃજેદ્ વ્રતી ।
મૈં-થ્લીં બીજવિનિષ્પનૌ મૈત્રેયક્ષિતિગર્ભકૌ

પ્રણવેન સમુત્પન્નૌ વજ્રપાણિખગર્ભકૌ ।
પટ્ટિકાયાં સૃજેન્મન્ત્રીં દક્ષિણાયાં યથાક્રમમ્

ઓ-હૂંકારવિનિષ્પન્નં લોકેશં મઞ્ચુઘોષકમ્ ।
પશ્ચિમાયાં સૃજેદેતાવુત્તરસ્યાં પુનઃ સૃજેત્

ઓં-સં-બીજવિનિષ્પન્નં સવિષ્કમ્ભિસમન્તકમ્ ।
એતે સ્વનાથમુકુટા વર્નાદ્યૈસ્તત્સમાઃ પુનઃ

ભુજૈઃ પ્રહરણૈશ્ચાપિ સ્વસ્વાધિપતિભિઃ સમાઃ ।
મૈત્રેયઃ કેવલં સવ્યે નાગપુષ્પં બિભર્તિ ચ

સંશોધ્યાયતનાન્યેતે દિવ્યનેત્રાદિદાયકાઃ ।
સત્ત્વાનાં પુનરાગત્ય નિષીદન્ત્યાસનેષુ વૈ

યમાન્તકૃન્મન્ત્રભવં કૃષ્ણરક્તસિતાનનમ્ ।
યમાન્તકં સૃજેન્મન્ત્રી સુલિઙ્ગગહનાકુલમ્

દણ્ડં ચક્રં તથા વજ્રં સવ્યહસ્તેષુ ધારયન્ ।
હૃદ્દેશે તર્જનીપાશં ઘણ્ટા પરશું ચ વામતઃ

વિઘ્નાન્ સન્ત્રાસયન્ ઘોરાન્ ઇન્દ્રાદીન્ સગણાનપિ ।
પદ્મસૂર્યં સમાક્રમ્ય પૂર્વસ્યાં દિશિ તિષ્ઠતિ

પ્રજ્ઞાન્તકૃન્મન્ત્રભવં રત્નસમ્ભવમૌલિકમ્ ।
અપરાજિતં સૃજેન્મન્ત્રી શ્વેતાભમહિભૂષણમ્

સિતકૃષ્ણરક્તવદનં બૃહત્કુક્ષિં ત્રિલોચનમ્ ।
દંષ્ટ્રાકરાલવિકટં સ્ફુલિઙ્ગગહનાકુલમ્

વજ્રં દણ્ડં તથા ખડ્ગં સવ્યહસ્તેષુ ધારયન્ ।
હૃદ્દેશે તર્જનીપાશં ઘણ્ટાં પરશું ચ વામતઃ

વિઘ્નાન્ સન્ત્રાસયન્ ઘોરાન્ પ્રત્યાલીઢપદેન તુ ।
પદ્મસૂર્યં સમાક્રમ્ય યામ્યાં દિશિ સ તિષ્ઠતિઓ