પિણ્ડીક્રમ · શ્લોક 124-144

સવ્યયોર્વજ્રચક્રે તુ વામયોઃ રત્નખડ્ગકૌ । પિક્_
પૂર્વવદ્ રાગિણઃ શોધ્ય પૃષ્ઠતો ઽબ્જે નિષીદતી

અમોઘવજ્રિણં મન્ત્રી પ્રજ્ઞાધૃગ્-મન્ત્રનિર્મિતમ્ ।
હરિતાભં સૃજેન્નાથં જટામુકુટમણ્ડિતમ્

હરિતકૃષ્ણસિતાસ્યં ચ ષડ્ભુજં રશ્મિભાસુરમ્ ।
ખડ્ગં ચ વિશ્વવજ્રં ચ ચક્રં સવ્યેષુ ભાવયેત્

ઘણ્ટામપસવ્યહસ્તેષુ હરિતપદ્મં મણિં તથા ।
અભૂતવચસઃ સત્ત્વાન્ વિશોધ્ય પુનરાગતઃ

ઉત્તરસ્યાં દિશિ તથા વિશ્વવજ્રે નિષીદતિ ।
દ્વેષો મોહસ્તથા રાગશ્ચિન્તામણિઃ સમયસ્તથા

કુલા હ્યેતે તુ વૈ પઞ્ચ કામમોક્ષપ્રસાધકાઃ ।
મન્ત્રાન્મોહરતેર્જાતાં સૃજેદ્ દેવીં તુ લોચનામ્

શ્વેતાં શાન્તરસોપેતાં મૂર્ધ્નિ વૈરોચનાઙ્કિતામ્ ।
સિતરક્તકૃષ્ણવદનાં ષડ્ભુજાં તુ વિભાવયેત્

સવ્યે ચક્રં વ વજ્રં ચ તથૈવ સિતમુત્પલમ્ ।
વામે ઘણ્ટાં તથા રત્નં ખડ્ગં ચાપિ વિભાવયેત્

હૃદયાત્ તુ વિનિર્ગત્ય વ્યવલોક્ય દિશો દશ ।
ગ્રહવ્યાધ્યાતુરે લોકે શાન્તિં કૃત્વા મહાકૃપા

આગત્ય ચક્રમધ્યે તુ પૂર્વકોણે નિષીદતિ ।
મન્ત્રાદ્ દ્વેષરતેર્જાતા સૃજેદ્ દેવીં તુ મામકીમ્ ।
નીલોત્પલદલશ્યામાં ચારુવક્ત્રાં મનોરમામ્ । પિક્_
કૃષ્ણરક્તસિતાસ્યાં ચ અક્ષોભ્યકૃતશેખરામ્

સવ્યેષુ વજ્રં ચક્રં ચ નીલરક્તોત્પલં તથા ।
ઘણ્ટાં રત્નં ચ ખડ્ગં ચ વાહસ્તેષુ ધારયેત્

મહાવિઘ્નભયાર્તાનાં રક્ષાં કૃત્વા મહાકૃપા ।
નિષ્ક્રમ્ય પુનરાગત્ય નૈરૃત્યાં સા નિષીદતિ

મન્ત્રાદ્ રાગરતેર્જાતા સૃજેત્ પાણ્ડરવાસિનીમ્ ।
રક્તકૃસ્ણસિતાસ્યાં વૈ પદ્મરાગમણિપ્રભામ્

સામિતાભજટાજૂટાં ષડ્ભુજાં તુ વિભાવયેત્ ।
ગૃહીત્વોલ્પલનાલં તુ વામેન સહ ઘણ્ટયા

ઉત્પલં હૃત્પ્રદેશસ્થં રક્ત સવ્યેન બોધયેત્ ।
વજ્રં ચક્રં ચ સવ્યાભ્યાં મણિં ખડ્ગં ચ વામતઃ

ધારયન્તી વિનિર્ગત્ય શાન્તિં કૃત્વા મહાતુરે ।
આગત્ય પદ્મમધ્યે વૈ વાયુકોણે નિષીદતિ

મન્ત્રાદ્ વજ્રરતેર્જાતાં સૃજેત્ તારાં મનોરમામ્ ।
હરિતકૃષ્ણસિતાસ્યાં ચ દૂર્વાપત્રસમપ્રભામ્

અમોઘેન કૃતોસ્ણીષાં ષડ્ભુજાં તુ વિભાવયેત્ ।
વિશ્વવજ્રં ચ ચક્રં ચ સવ્યતો ઽસિતમુત્પલમ્

વામેષુ વિન્યસેદ્ ઘણ્ટાં રત્નં ખડ્ગં તથા વ્રતી ।
સર્વસત્ત્વાન્ વશીકૃત્ય વિશ્વવજ્રાસના પુનઃ

નિર્ગતાસૌ સમાગમ્ય શિવસ્થાને નિષીદતિ ।
દ્વિતીયે તુ પુટે યોગી રૂપવજ્રાદિકં સૃજેત્