પાશુપતસૂત્ર · અધ્યાય 5

અસઙ્ગઃ ॥

યોગી ॥

નિત્યાત્મા ॥

અજઃ ॥

મૈત્રઃ ॥

અભિજાયતે ॥

ઇન્દ્રિયાણામ્ અભિજયાત્ ॥

રુદ્રઃ પ્રોવાચ તાવત્ ॥

શૂન્યાગારગુહાવાસી ॥

દેવનિત્યઃ ॥

જિતેન્દ્રિયઃ ॥

ષણ્માસાન્ નિત્યયુક્તસ્ય ॥

ભૂયિષ્ઠં સંપ્રવર્તતે ॥

ભૈક્ષ્યમ્ ॥

પાત્રાગતમ્ ॥

માંસમ્ અદુષ્યં લવણેન વા ॥

આપો વાપિ યથાકાલમ્ અશ્નીયાદ્ અનુપૂર્વશઃ ॥

ગોધર્મા મૃગધર્મા વા ॥

અદ્ભિર્ એવ શુચિર્ ભવેત્ ॥

સિદ્ધયોગી ન લિપ્યતે કર્મણા પાતકેન વા ॥

ઋચમ્ ઇષ્ટામ્ અધીયીત ગાયત્રીમ્ આત્મયન્ત્રિતઃ ॥

રૌદ્રીં વા બહુરૂપીં વા ॥

અતો યોગ પ્રવર્તતે ॥

ઓંકારમ્ અભિધ્યાયીત ॥

હૃદિ કુર્વીત ધારણામ્ ॥

ઋષિર્ વિપ્રો મહાન્ એષઃ ॥

વાગ્વિશુદ્ધઃ ॥

મહેશ્વરઃ ॥

શ્મશાનવાસી ॥

ધર્માત્મા ॥

યથાલબ્ધોપજીવકઃ ॥

લભતે રુદ્રસાયુજ્યમ્ ॥

સદા રુદ્રમ્ અનુસ્મરેત્ ॥

છિત્ત્વા દોષાણાં હેતુજાલસ્ય મૂલમ્ ॥

બુદ્ધ્યા ॥

સંચિત્તમ્ ॥

સ્થાપયિત્વા ચ રુદ્રે ॥

એકઃ ક્ષેમી સન્ વીતશોકઃ ॥

અપ્રમાદી ગચ્છેદ્ દુઃખાનામ્ અન્તમ્ ઈશપ્રસાદાત્ ॥

અત્રેદં બ્રહ્મ જપેત્ ॥

ઈશાનઃ સર્વવિદ્યાનામ્ ॥

ઈશ્વરઃ સર્વભૂતાનામ્ ॥

બ્રહ્મણો ઽધિપતિર્ બ્રહ્મા ॥

શિવો મે અસ્તુ ॥

સદા ॥

શિવઃ ॥