પાશુપતસૂત્ર · અધ્યાય 4

ગૂઢવિદ્યા તપ આનન્ત્યાય પ્રકાશતે ॥

ગૂઢવ્રતઃ ॥

ગૂઢપવિત્રવાણિઃ ॥

સર્વાણિ દ્વારાણિ પિધાય ॥

બુદ્ધ્યા ॥

ઉન્મતવદ્ એકો વિચરેત લોકે ॥

કૃતાન્નમ્ ઉત્સૃષ્ટમ્ ઉપાદદીત ॥

ઉન્મત્તો મૂઢ ઇત્ય્ એવં મન્યન્તે ઇતરે જનાઃ ॥

અસન્માનો હિ યન્ત્રાણાં સર્વેષામ્ ઉત્તમઃ સ્મૃતઃ ॥

ઇન્દ્રો વા અગ્રે અસુરેષુ પાશુપતમ્ અચરત્ ॥

સ તેષામ્ ઇષ્ટાપૂર્તમ્ આદત્ત ॥

માયયા સુકૃતયા સમવિન્દત ॥

નિન્દા હ્ય્ એષાનિન્દા તસ્માત્ ॥

નિન્દ્યમાનશ્ ચરેત્ ॥

અનિન્દિતકર્મા ॥

સર્વવિશિષ્ટો ઽયં પન્થાઃ ॥

સત્પથઃ ॥

કુપથાસ્ ત્વ્ અન્યે ॥

અનેન વિધિના રુદ્રસમીપં ગત્વા ॥

ન કશ્ચિદ્ બ્રાહ્મણઃ પુનર્ આવર્તતે ॥

અત્રેદં બ્રહ્મ જપેત્ ॥

તત્પુરુષાય વિદ્મહે ॥

મહાદેવાય ધીમહિ ॥

તન્ નો રુદ્રઃ પ્રચોદયાત્ ॥