પરાત્રિંશિકા (ટીકા સહિત) · શ્લોક 25 -20

એનાં સંવિદમ્ આલમ્બ્ય યત્ સ્યાત્ તત્ પૃચ્છ્યતાં સ્વવિત્ ।
નૈતાવતૈવ તુલિતં માર્ગાંશસ્ તુ પ્રદર્શિતઃ ॥

ઇયતીતિ વ્યવચ્છિન્દ્યાદ્ ભૈરવીં સંવિદં હિ કઃ ।
એતાવાઞ્ છક્તિપાતો ઽયમ્ અસ્માસુ પ્રવિજૃમ્ભિતઃ ॥

યેનાધિકારિતૈર્ એતદ્ અસ્માભિઃ પ્રકટીકૃતમ્ ।
અસ્માકમ્ અન્યમાત્ઃણામ્ અદ્ય કાલાન્તરે ઽપિ વા ॥

ભવત્ય્ અભૂત્વા ભવિતા તર્કઃ સૂક્ષ્મતમો ઽપ્ય્ અતઃ ।
યઃ સર્વયોગાવયવપ્રકાશેષુ ગભસ્તિમાન્ ॥

શ્રીપૂર્વશાસ્ત્રે નિર્ણીતો યેન મુક્તશ્ ચ મોચકઃ ।
એતત્ તુ સર્વથા ગ્રાહ્યં વિમૃશ્યં ચ પરેપ્સુભિઃ ॥

ક્ષણં મર્ત્યત્વસુલભાં હિત્વાસૂયાં વિચક્ષણૈઃ ।
આલોચનક્ષણાદ્ ઊર્ધ્વં યદ્ ભવેદ્ આત્મનિ સ્થિતિઃ ।
ચિદર્કાભ્રલવાસ્ તેન સંશામ્યન્તે સ્વતો રસાત્ ॥

ચતુર્દશયુતં ભદ્રે તિથીશાન્તસમન્વિતમ્ ॥

તૃતીયમ્ બ્રહ્મ સુશ્રોણિ હૃદયમ્ ભૈરવાત્મનઃ
એતન્ નાયોગિનીજાતો નારુદ્રો લભતે સ્ફુટમ્ ॥

હૃદયં દેવદેવસ્ય સદ્યો યોગવિમોક્ષદમ્
અસ્યોચ્ચારે કૃતે સમ્યઙ્ મન્ત્રમુદ્રાગણો મહાન્ ॥

સદ્યસ્ તન્મુખતામ્ એતિ સ્વદેહાવેશલક્ષણમ્
મુહૂર્તં સ્મરતે યસ્ તુ ચુમ્બકેનાભિમુદ્રિતઃ ॥

સ બધ્નાતિ તદા દેહં મન્ત્રમુદ્રાગણં નરઃ
અતીતાનાગતાનર્થાન્ પૃષ્ટો ઽસૌ કથયત્ય્ અપિ ॥

પ્રહરાદ્ યદ્ અભિપ્રેતં દેવતારૂપમ્ ઉચ્ચરન્
સક્ષાત્ પશ્યત્ય્ અસંદિગ્ધમ્ આકૃષ્ટં રુદ્રશક્તિભિઃ ॥

પ્રહરદ્વયમાત્રેણ વ્યોમસ્થો જાયતે સ્મરન્
ત્રયેણ માતરઃ સર્વા યોગેશ્વર્યો મહાબલાઃ ॥

વીરા વીરેશ્વરાઃ સિદ્ધા બલવાઞ્ છાકિનીગણઃ
આગત્ય સમયં દત્ત્વા ભૈરવેણ પ્રચોદિતાઃ ॥

યચ્છન્તિ પરમાં સિદ્ધિં ફલં યદ્ વા સમીહિતમ્
અનેન સિદ્ધાઃ સેત્સ્યન્તિ સાધયન્તિ ચ મન્ત્રિણઃ ॥

યત્ કિંચિદ્ ભૈરવે તન્ત્રે સર્વમ્ અસ્માત્ પ્રસિદ્ધ્યતિ

અદૃષ્ટમણ્દલો ઽપ્ય્ એવં યઃ કશ્ચિદ્ વેત્તિ તત્ત્વતઃ
સ સિદ્ધિભાગ્ ભવેન્ નિત્યં સ યોગી સ ચ દીક્ષિતઃ ॥

અનેન જ્ઞાતમાત્રેણ જ્ઞાયતે સર્વશક્તિભિઃ

શાકિનીકુલસામાન્યો ભવેદ્ યોગં વિનાપિ હિ ॥

અવિધિજ્ઞો વિધાનજ્ઞો જાયતે યજનં પ્રતિ ॥