પાણિનીયશિક્ષા · અધ્યાય p7

ઉદાત્તમાખ્યાતિ વૃષોઽઙ્ગુળીનાં પ્રદેશિનીમૂલનિવિષ્ટમૂર્ધા ।
ઉપાન્તમધ્યે સ્વરિતં ધ્રુતં ચ કનિષ્ઠકાયામુદાત્તમેવ

ઉદાત્તં પ્રદેશિનીં વિદ્યાત્પ્રચયં મધ્યતોઙ્ગુલિમ્ ।
નિહતં તુ કનિષ્ઠિક્યાં સ્વરિતોપકનિષ્ઠિકામ્

અન્તોદાત્તમાદ્યુદાત્તમુદાત્તમનુદાત્તં નીચસ્વરિતમ્ ।
મધ્યોદાત્તં સ્વરિતં દ્વ્યુદાત્તં ત્ર્યુદાત્તમિતિ નવપદશય્યા

અગ્નિઃ સોમઃ પ્ર વો વીર્યં હવિષાં સ્વર્બૃહસ્પતિરિન્દ્રાબૃહસ્પતી
અગ્નિરિત્યન્તોદાત્તં સોમ ઇત્યાદયુદાત્તમ્ ।
પ્રેત્યુદાત્તં વ ઇત્યનુદાત્તં વીર્યં નીચસ્વરિતમ્

હવિષાં મધ્યોદાત્તં સ્વરિતિ સ્વરિતમ્ ।
બૃહસ્પતિરિતિ દ્વ્યુદાત્તમિન્દ્રાબૃહસ્પતી ઇતિ ત્ર્યુદાત્તમ્

અનુદાત્તો હૃદિ જ્ઞેયો મૂર્ધ્ન્યુદાત્ત ઉદાહૃતઃ ।
સ્વરિતઃ કર્ણમૂલીયઃ સર્વાસ્યે પ્રચયઃ સ્મૃતઃ